نظرة الناس ليك ما ليها علاقة بيك! ليها علاقة بيهم هم .. بالمكان الإتربو فيه .. بتربيتهم .. بمستوى ثقافتهم .. بمفهومهم عن الصح والغلط .. بمدى حبهم لنفسهم .. بمدى سخطهم على العالم .. بنواقصهم .. بدوافعهم .. بسقف طموحاتهم ان وجد .. بمخاوفهم .. بتجاربهم .. بجرأتهم .. كل واحد شايفك بعينه .. بعينه بس! هل من المنطقي إنك ترضي الناس دي كلها ؟! عشان ترضي كل الناس ح تتحول لزول "معتوه" و "منافق" و "بلا هوية" .. إنسان بالمعنى الحرفي "تعيس". تعمل شنو؟ م تعمل حاجة .. م تأذي بني آدم .. خليك في حالك وكون "إنت".. الشبهك يقرب .. والمختلف تجمعك بيهو الإنسانية والبيهينك ويقلل منك لازم تبقى متأكد إنو "غير سوي" وعندو مشاكل تتجاوز شخصك بكتير..فإتجاهلو✔️. وقيم نفسك صاح..🖤!