کانون هیئات مذهبی نور"بخش بلده نور "

#مثنوی_تبری
#وارِش

#نَزِن وارِش مه اِقبالِّ او بَیته
#تِه تیم تیم مِه گلی سر ره لو بَیته

#نِرو وَسّه مه تیمجار ره بَوِردی
#عاروس و عاروسِ بار ره بَوِردی

#نزِن وارش تینارمه نَویندی
#مادِرمه ی بِهارمه نَویندی

#می سِفره سَرِ هفت سینّه کورِسّی
#بِبای خالی خِرجینّه کورِسّی

#مه ماره مِکنِاره ره جِرد بدائی
#داهون بَیتی مه یار ره قِرد بِدائی

#نَویندی آقا دار ره او بَوِرده
#مَله ی کدخدا ره خو بَوِرده

#قِرار بی یِه سالِ نوره بَوینِم
#ونوشه ی گِلِ رو ره بَوینِم

#بَعو اِسّا کریم تی دَمّه بَیره
#شِه چَمِ جا بی یِه تی چَمّه بَیره

#نزن وارش ایرونه حال خِرابه
#وِنه زخم دِوا نا ته شِلابه

✍#هادی _اکبری_وسطی کلایی🗓98/1/6

🆔@baladeh_e_noor
┈••✾•🌿🌺🌿•✾••┈

🍃🌸🍃
#مثنوی_تبری

الهـــی! تش بَئیـــــره تِه بِتِیمّه
چِتی خِرنی هَمِش مـــالِ یَتِیمّه

چِدوندی چی بهشته چی جهنّم
تِه نا هــولِ دونِه دارنی نا گَنّم

نِزولِ جا شِه کَشّه مَشت هاکردی
یَتیمِ مـالّه شِسّـه دَشت هاکردی

خِسنی خـــِرسِ واری تا نماشون
چچیِ پِشتی سـَر بَهیتی، سامون

شِه دوش و بالّه اصلاً کار بزویی
ته، اصلاً اَتّا ســر، تیمجار بزویی

نَکِنّی کار اِسا چه خوانی بَهــره؟
نَکِردِ بینجِ وِسـّه گیـرنی دَهـرِه

ته سفـــره سرِ غـازِ گوشت دیاره
شِه وشنایی جه، همسایه ویشاره

دوازّه ماهِ سـال، تِه چِش خمـارِه
اِتــی دَیِّـن، مگـه اِنسـونِ کـارِه

نا هـولِ بــِزکِلــه دارْنــی نا بِــزّه
تِه دَسْ بافورا تِریاک جــِزّه جــِزّه

شِه رَنگا رورِه هـارِش تیلــّه مونّی
ته، هَیکِل نَـرّه غـولِ فیلّــه مونّی

بـرار! وسّـه، شِـه خـدّه آینه هارِش
دَوِس تا که بَــووشــِه تِه دِتا چِش

یَتیــمِ مالّــه بـونـه که بَخـــِردِن؟
شِه پیش نـانـی ونِه آخــر بَمـردِن

اَرِه حـرف حساب، تِسّـــه گِــرونه
یَقــوبی بی خِــدی دارنـه سـِرونه

✍ رزیتا یعقوبی
🍃🌸🍃
👇👇👇
@baladeh_e_noor