ЯПОНИЯДАГИ ҚУРИЛИШЛАРНИНГ БОБОСИ! Ассалому алайкум, самимий ўқирманлар. Бугун сизларга Япония ҳақида ажойиб ҳикоя айтиб бераман. Ҳалиги сичқонларнинг тўйи ҳақидагиси бору)) Хуллас, сиз расмда кўриб турган турган жой "МОРИ БУИЛДИНГ" деган компания қурган бино. Энг тепасида эса ана шу бинонинг эмблемаси "М"! Олдиндан айтиб қўяй, "Биздаги фалон буилдингни копияси экан-ку. Компания номларидан тортиб, эмблемасигача бир хил экан. Фалончи Фустончиев Японияда ўқиб келган. Демак, 100 да 100 ўғирлаган экан" деган питнали изоҳлар бўлмасин)) Ғоялар, ғоялардан туғилади! Бу "МОРИ БУИЛДИНГ" деган компания Япониядаги энг баланд биноларни қурган ва қуриб келаябди. Компанияга 1959 йилда Таикичиро Мори деган тоғам асос солганлар. Мори тоғам олдин пайнетчи бўлиб, ёки иши юришмай шартта қурилиш ишларини бошлаб юбормаган. Университетда профессор бўлган. Ана шундай профессор одам "МОРИ БУИЛДИНГ" компаниясига асос солган. Бу компания нафақат Япониядаги осмонўпар биноларни балки, Хитой ва Индонезиядаги биноларни ҳам қурган. Таикичиро Мори 1992 - йилда дунёнинг энг бой одами ҳам бўлган! Бу "Мори буилдинг"ни яхши жиҳатлари ҳақида айтиб берсам, компания томонидан қурилган бинолар сифатлилиги ва зилзилабардошлиги билан ҳам ажралиб туради. 2011 йилги катта баллик зилзилада ҳам қурган бинолари қилт этмаган. Ҳаттоки, Сузуки она сервантга тахлаб қўйган мадонна чойнак-пиёлалари ҳам йиқилмаган экан) Яна бир муҳим томони, бу компания квадрати "Қирқ юз-и эллик миллиондан" деб, биздагиларга ўхшаб, фақат бойларни ўйлаб бизнес қилишмайди. Бойлар билан бир қаторда камбағалларга ҳам анча-бунча енгилликлар қилишган экан. Жуда кўп хайрия ишларида ҳам қатнашишган экан. Илоҳим, бизда ҳам шундай бойлар кўпайсин. Шундай бой компаниялар кўпайсин. Сифатга ҳам, адолатга ҳам, қонунга ҳам, виждонга ҳам амал қиладиган бойларимиз мўл-кўл бўлсин! Биздаги маймунбизнес бўлиб кетган уйларни сифатига ишонмайман деганлар 👍 ни босинг! Ўлай агар, абсалутна, ишонмайман деганлар 🔥ни босинг. Мавзуни моҳиятини тушунмаган кўмир қалблар эса, ўзингизни босинг) Баҳодир ИСКАНДАРОВ!