بابلڪنار زیبا

میا که بِچاءِ بیز زَندِه بِر مِه کِندِه
وارِش بونِه خِدّ ِدشت وکوه بِنِه کِندِه
تاجان دَکِفِه هِمندو سبزِه و کوه رِه
شِوِستِه صحرا و ویشه خِنه کِندِه

✍ #کرامت_شیرپور
   📸 #حمیدرضا_حامی

#درونکلا_شرقی

➖➖➖
💢 کانال رسمی بابلکنار زیبا
💯 @BabolKenareZiba

#شعر_محلی

دِماوندِ کوه ءِ سَر،  وَرف دَرِه  مَشتِ
اِفتاب تِغ بَزو ،اودِنِه ، مازِرونِ  دَشتِ
ماههِ پِشتی روشِن کِندِه هِمِندو گَرَشتّ ِ
وِنِه دِل، پِرِ تَشو ،وِنِه سر، پِرِ وَرف
قشنگ، هار شینی، تِجا زَندِه حرف
اِشِنی  وِرِه ،بیص دا و ، باوِقارِه
وِه همون ،نِمادِ  اَمِه، ایل و ، تِبارِ ه
دَریایی از تَش ، شِه سر  دارنِه   او
دِشمِنّ ِ نَکوشتِه وِنِه چِش نَشو نِه خو
پِه نِه  ،ایران و   مازِرونّ،  روزا  شو
وِنِه ،سَر فِرازی،  هَستِه  ،اَمِه  آرِزو

✍ #کرامت_شیرپور
‌‌‌‌‌‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

سِوادکوه تِه دَشت وروهار بِلارِه
تِه جا جای سبزِه زارِ بِلارِه

تِه کَهو آسِمون ماهء بِلاره
تِه نِماسَرِ بِچا وائه بِلارِه

دار داری بَینه اَمِه جِوانون
بوردِنِه سوی تِهرون وسِمنون

چه ساکِت هَستِنه اَمه گت گتون؟
نَوینّه اِمارِه خِرابه کوه ء میون؟

اگه گپ بَزِنیم بومبی بَد نوم
اگه هِچّی نَویم هَستِمی مغموم

سِوادکوه تِه زارو بِلائه بِلاره
تِه سرسَبزی میونِ هَرچه وِشناء بِلارِه

✍ #کرامت_شیرپور

➖➖➖
💢 کانال رسمی بابلکنار زیبا
💯 @BabolKenareZiba

جانِ خِدا سَفِرّه هاکِن آسون
مِه دِل راه دَکِته بورِم خِراسون

به حقّ ِ شاه رِضا نورِه خِراسون
مَریضونِ ، تَنِ درد ، بَوِه درمون

دَرِمبهِ حَرِمِه کوتِر بَهووِم
اگر قابِل بوّئم نوکِر بَهو وِم

اِمامِ رَئوفا جانِ تِه جِواد
مِه دِلِ آرزو نَشو ءِ بَر باد

✍ #کرامت_شیرپور

➖➖➖
💢 کانال رسمی بابلکنار زیبا
💯 @BabolKenareZiba

قَدیمِ کَتی خِنِه چَندِه خوار بیه
اِسبه گِل رَجه ءِ دَرو دیوار بیه
گَتّر وَچه جانِ ماره سفره یار بیه
دَس مَرِه ءِ سِره وروهار بیه
لَمپا تاقچه ءِ سَر سِوار بیه
سو بَهیبو آبروءِ پیئر ومار بیه
اَتّا دوآج سَر کَشِ ۶ تا خواخِر بِرار بیه
کِلِسی ءِ بالِش چنده با وقار بیه
پَنجه کَشِ نونِ جانِِ مار خَلِه خوار بیه
تَشی سِمبار گَنّاءِ یادِگار بیه
گت باءِ یادِگار سِرپیشِ کَلوداربیه
خَنده خِشالی پیئر ماره کار بیه
سِرپیش پِرِه کِرک و طلا بیه
طویله بوم مَشتِ چیندِکا بیه
آمِه شوم مرغِنه و رِغون پِلا بیه
پَرچیم ولوش دَرو دیوار بیه
مِرسی گودوش کاتی ءِ یار بیه
خالِکِ کِشت وِنه تَن دار بیه
گَتِ بِندوش دونهِ اِنبار بیه
بومِ کَندِل اِنبارِه خوار وبار بیه
بِرار پِشتِ شِه جانِ بِرار بیه
دِتِر ماره صاحب اختیار بیه
نِنا بِواءِ دوشِ یار بیه
بِنِسی ءِ خالِک چنده خوار بیه
مِرسی سِمباره چایی باربیه
خِدایی عَجِب خوارِه روز گار بیه

✍ #کرامت_شیرپور

➖➖➖
💢 کانال رسمی بابلکنار زیبا
💯 @BabolKenareZiba