بابلڪنار زیبا

مِه دل خوانِه بَووشِم خِشک هایتِه چو
تَش هاکِنی مِه رِ شِه کِلِهء لو
تِه وِسّه بَسوزِم اَنگِشت بَووشِم
تِه تاریک خِنِه رِ هاکِنِم سو

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

پَئیز

پَئیزِه ، بَرگریزونه ، آ مَشتی
جِنگِلِ حال نامیزونه ، آ مَشتی

تِسکای سوزِ گِلام رِ تِه هارِش
وِنِه لوچِه آویزونه ، آ مَشتی

اَمسالِ سوز و سِرما موندگاره
وِ "لینگ نَشِسّه مهمونه" ، آ مَشتی

مِه دل دردِه ، مِه دل دردِه ، مِه دل درد
مِه دل خونه ، مِه دل خونه ، آ مَشتی

مِه دل سوزِنِه اِفرا دارِ وِسّه
وِنهِ گیسِه پریشونهِ ، آ مَشتی

چِلچِلا بوردِه ، بِلبِل پَر بَزوئِه
اِسا کِلاج آوازخونِه ، آ مَشتی

جِنگِل بوی وَنوشِه رِ نِدارنِه
اینتا دردِ بی درمونِه ، آ مَشتی

جِنگِل گیسِه رِ هرکی زَنده تَش
آدِم نیِه ، که شیطونِه ، آ مَشتی

احسان پَئیزِه ، شِه حِواس رِ جَم دار
بِهار بعد از زِمِسّونه ، آ مَشتی

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

مازِرونِ هِوا اَی دَم هاکِردِه
گندِمِ غوشِه سَر رِ خَم هاکِردِه
چند تا شاب بَموندِسّه تا تابِسّون
بِهار شِه کوچِ بار رِ جَم هاکِردِه

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

هیمِه کِمبِه کِلِه رِ گرم هاکِنِم
چو هایتِه دَسّ و لینگ رِ نَرم هاکِنِم
پِلا بَپِجِم و چایی دَم هادِم
شِه رِ تا دَرِمبِه سرگرم هاکِنِم

✍🏻 #نعمت_الله_احسانی
‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

بِهارِ رو بِموئِه تِه بِموئی
وَنوشِهء بو بِموئِه تِه بِموئی
بِلبِل خونِش سَرهایتِه اَی دِوارِه
اِفتابِ سو بِموئِه تِه بِموئی

 ✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

سَری دارِمبِه هرگز درد نَکِندِه
دلی دارِمبِه هرگز سَرد نَکِندِه
دیم دارِمبِه با کَشیده وونِه سِرخ
مِه آبرو رِ خَریندِه زَرد نَکِندِه

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

#مازرون

مِن شِه مازِرونِ اوی بِلارِه
وِنِه وَنوشِهء بوی بِلارِه
دِریو و دشت و جِنگِل و روخِنِه
وِنِه دِماوندِ کوی بِلارِه
اِفرای گیسِه رِ وا کِندِه شونِه
اِفرای گیسِهء توی بِلارِه
وِنِه دشتِ کنارِ طارِمِ بو
سوزِه گندِمجار و جوی بِلارِه
چاشتِ گِدِرِ خِنِکِ وای دور
بِهار  نِفارسَرِ خوی بِلارِه
مَنگو نِماشتِه سر کِندِه وَنگِ وا
وِنِه شیر و ماسّ و دوی بِلارِه
وِرزای چِمِر و مَنگوی نالِش
گالِشِ هَی هَی و هوی بِلارِه
کاسِب بِهار وونِه لینگ رِ مالِندِه
وِنِه گِرواز و بَلوی بِلارِه
فِنِرِ سوی جِه وِه کِندِه شوپِه
شوپِهء فِنِرِ سوی بِلارِه
ما تی تی رِ هارِش چندِه قِشَنگه
وِنِه ما دَکِتِه شوی بِلارِه
مازِرون مِه جانِ قِشَنگِ یاره
آ وِنِه چِش و اَبروی بِلارِه
احسان قافیه کم بِمو توم هاکِن
من شِه جانِ مازرونِ بِلارِه

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

مِن شِه قِشَنگِ پَییزِ بِلارِه
چَندِه بَهِیّه تمیزِ بِلارِه
هِزار تا رنگ و نقش و لایه دارنِه
مِه وِسّه هَسّه عزیزِ بِلارِه

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

پَئیزِه ، بَرگریزونه ، آ مَشتی
جِنگِلِ حال نامیزونه ، آ مَشتی
تِسکای سوزِ گِلام رِ تِه هارِش
وِنِه لوچِه آویزونه ، آ مَشتی
اَمسالِ سوز و سِرما موندگاره
وِ "لینگ نَشِسّه مهمونه" ، آ مَشتی
مِه دل دردِه ، مِه دل دردِه ، مِه دل درد
مِه دل خونه ، مِه دل خونه ، آ مَشتی
مِه دل سوزِنِه اِفرا دارِ وِسّه
وِنهِ گیسِه پریشونهِ ، آ مَشتی
چِلچِلا بوردِه ، بِلبِل پَر بَزوئِه
اِسا کِلاج آوازخونِه ، آ مَشتی
جِنگِل بوی وَنوشِه رِ نِدارنِه
اینتا دردِ بی درمونِه ، آ مَشتی
جِنگِل گیسِه رِ هرکی زَنده تَش
آدِم نیِه ، که شیطونِه ، آ مَشتی
احسان پَئیزِه ، شِه حِواس رِ جَم دار
بِهار بعد از زِمِسّونه ، آ مَشتی

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba