بابلڪنار زیبا

مَله ره تِهرونی دیگه سَر هایته

یاکَریم  بِموئا کِلاج پَرهایته

طِلا دیگه صِواحی وَنگ نَزِنده

تاظُهر بَخِته کِرج کِرکه وَر هایته

بِزا گِسوِن دیگه زَنگِله نارنه

مَنگو بیستا هَسّا تَل تَله نارنه

دیگه هِچکی قَدیمّه یاد نیّارنه

گو اِمو نال دیم ره یاد نیّارنه

هَرکی شِسِّه فارسی کَپِّل کِنده

وَچه ره تا نِماشون وِل کِنده

شِره آ دِبَندی ره فیر دِنه

کُتا شِلوار پوشِنا قیر دِنه

جِوون اِنه تیرونی فیس کِنده

کِل اوسّی پوشِنه تَن ریس کِنده

گِرده مَحَلّی تِهرونی بَینه

گوم بَکِرده شه جِوونی بَینه

✍ #حسن_رجبی

➖➖➖
💢 کانال رسمی بابلکنار زیبا
💯 @BabolKenareZiba

نارِنجِ اِسبِه تِتی رِه  تِوِسِّه دَس بَن بَهیرِم
وَنوشِه رِه نَخ دَکِشِم  تِسِّه گَلی بَن بَهیرِم
بِچا بِچارِه چادِری  رَخت بَهیرم  تِه سَر بِلِم
هَلی دارِه  مَشتِه تِتی رِه تِسِّه پیرهَن بَهیرِم

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

مِه دَمزَنون سوادکوهِه لو هَسِّه
چایی مِه جــانِ یِــلاقِ او هَسِّه
مِنا دِلبر دِتایی بــال بِه گِــردِن
اِشِش بِنِه میهائِه سَرکو هَسِّــه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

بَمِـرده روز همــه مه یـار وونًــه
بَخِــتِمــه هــمه ویــشـار وونِّــه
دَهی روز قَدره مِره نَدونِست نه
اِســا دایــه یِ بِــه زِ مــار وونِّــه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

مه مار دَره  مِه حال ناخِش نَوونه
غِرصه مه وَر نِنه یَک پِش نَوونه
اَگِر دِنیایِ طِلا  مِه سَر  هایره
مه جانه مارِه اَتّا خِش نَوونه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

قَدیمِ مله چَندِه خار بیِّه
گِلی خنه سِرپیش نفار بیِّه
کاگِل و سنگ ِ چین دیوار بیِّه
خِراخِشی دله کِنار بیِّه

✍ #حسن_رجبی

➖➖➖
💢 کانال رسمی بابلکنار زیبا
💯 @BabolKenareZiba

مِن اون کـوتِــرتِهِ سوزِ اوجامه
بهــار مَسّ آ پَئیز بی ونگا وامه
گِدر که سَر وونه سوزِ زِمسّون 
مِقــوم یارمه، بِهــــارِ چِلچِلامه

✍️ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

ته کَهلو داره خِرمِندی ره نَدی
کِنِس وَلیک هَلی تِتی ره نَدی
ته چِدوندی گالِش چَپّونه زار ره
ته مالداره کِل تَشِه دی ره نَدی

✍️ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

تَش کَر خِنِه تَن شِرون سیو کِتری دیزِندون
چاج سَرِه جِزریک راغون تَل چایی زیکه خون
گِرماسی و کِرکِه رون لور آروشه کِلوا نون
کِنِس وَلیک تَمشتون اورشم و گِلگاب زبون
خَنده خِشالی اَرمون گَت با گنائه قروون

✍ #حسن_رجبی

➖➖➖
💢 کانال رسمی بابلکنار زیبا
💯 @BabolKenareZiba

همه دونِّه عاشِقِ دل کَهوئِه
همه دونِّه عاشق بی خِتِ خوئه
اِماجِه عاشِقی سوزِه گِلامِه
پَئیز زَردِه اوجا بِهار فِرامِه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

همه دونِّه عاشِقِ دل کَهوئِه
همه دونِّه عاشق بی خِتِ خوئه
اِماجِه عاشِقی سوزِه گِلامِه
پَئیز زَردِه اوجا بِهار فِرامِه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

تِوِسّه بَهیمه بینجِ کِلیمه
ته دور گِردِسّمِا ته وَر لِه شیمه
پَهیزه ماه که خَرمِن شیِّه حاصِل
مِره تَش بَزویی بَیمه ته هیمه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

‍ #شعر_محلی

وطن خوامبه ته چشه سو بووشم
ته نخته چشه سه خو بووشم
توسه بیارم خنده خشحالی
ته دشمنه وسه عدو بووشم

وطن خوامبه که تره شاد بوینم
ته ملک و ملا ره آباد بوینم
توسه بیارم صد دله ارمون
تره کوتر واری آزاد بوینم

وطن خوامبه ته روره سوز بوینم
ته درازه شوره ای روز بوینم
ته تک خنده خشحالی دارمه ارمون
تره خوامبه همش پیروز بوینم

وطن خوامبه ته دشته سرهامجم
ته پهلی دووشم ته ور هامجم
تره دارم نوی پاماله دشمن
خدا نکرد این در اون در هامجم

✍ #حسن_رجبی

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌
➖➖➖
💢 کانال رسمی بابلکنار زیبا
💯 @BabolKenareZiba

تاریکه خنه ئه لمپا بمرده
ببا بمرده آ ننا بمرده
چتی مه دور و ور خالی بهییه
مه بیستا برمه ی صدا بمرده

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

تِه سَر مِکنا دَوِس دِل وَرفِ مَشنا
تِه چِش چِش اَتّا دِنیا حَرفِ مَشنا
سَرِه می حِنایی دیم چینِ چارِه
تِه دَووشی پَئیزِه ما بِهارِه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

مه مار دَره  مِه حال ناخِش نَوونه
غِرصه مه وَر نِنه یَک پِش نَوونه
اَگِر دِنیایِ طِلا  مِه سَر  هایره
مه جانه مارِه اَتّا خِش نَوونه


✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

قَدیمِ مَلِه چَندِه خار بیِّه
گِلی خِنِه سِرپیش نِفار بیِّه
کاگِل و سَنگِ چین دیوار بیِّه
خِراخِشی دِلِه کِنار بیِّه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

مه دِل یِلاقِ نونِ وِسِّه تَنگِه
تِلِم سَرِ راغونِ وِسِّه تَنگِه
تِلاره سَر بورِم اَنبِس دو بَیرِم
صَرایِ دم زَنونِ وِسّه تَنگه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba

دَستی کِه بالا بوردِه
تا عَرشِ اَعلا بوردِه
دَستی کِه خِر هِدائِه
قولا قِفِل هِدائه

وِه دَستِه مولا بیِّه
علی وَلی الله بیِّه

فَلِک رِه هارِسیِّه
مَن کُنتِ مولا بیِّه

✍ #حسن_رجبی
📸 #نرگس_شیرگاهی

💚عید غدیر شماره مِوارک💚


➖➖➖
💢 کانال رسمی بابلکنار زیبا
💯 @BabolKenareZiba

مِه دَمزَنون سوادکوهِه لو هَسِّه
چایی مِه جانِ یِلاقِ او هَسِّه
مِنا دِلبر دِتایی بال بِه گِردِن
اِشِش بِنِه میهائِه سَرکو هَسِّه

✍ #حسن_رجبی
📸 #نرگس_شیرگاهی

➖➖➖
💢 کانال رسمی بابلکنار زیبا
💯 @BabolKenareZiba