مَله ره تِهرونی دیگه سَر هایته
یاکَریم بِموئا کِلاج پَرهایته
طِلا دیگه صِواحی وَنگ نَزِنده
تاظُهر بَخِته کِرج کِرکه وَر هایته
بِزا گِسوِن دیگه زَنگِله نارنه
مَنگو بیستا هَسّا تَل تَله نارنه
دیگه هِچکی قَدیمّه یاد نیّارنه
گو اِمو نال دیم ره یاد نیّارنه
هَرکی شِسِّه فارسی کَپِّل کِنده
وَچه ره تا نِماشون وِل کِنده
شِره آ دِبَندی ره فیر دِنه
کُتا شِلوار پوشِنا قیر دِنه
جِوون اِنه تیرونی فیس کِنده
کِل اوسّی پوشِنه تَن ریس کِنده
گِرده مَحَلّی تِهرونی بَینه
گوم بَکِرده شه جِوونی بَینه
✍ #حسن_رجبی➖➖➖💢 کانال رسمی بابلکنار زیبا
💯 @BabolKenareZiba