صـواحی گسفن همرا شـونه ، چپون
گـد گـده کـــوره بــالا شــونه ، چپون
هـــوا ســـرده بچـــاهی تـن هـداهه
دپیته شال و کـــلا شـــونه ، چپون
دیــاره اسبـه سارخ دسه چــــو تـن
دوسی نــون و پــلا شـــونه ، چپون
چمــر بیته ، ملـــه ، چپـــــونه ونگـه
ای دیمـه کـوه و صحرا شونه، چپون
وره ره نـــاز دنـــه شه کشه دارنــه
قـــدم رج زنـده هاها شـونه ، چپون
نمـــاز خـــونه وه اون راسی تیناری
قبله ور ، دس به دعا شــونه ، چپون
خسه بیه ، تـو بیته ، تـن نخـــــاره
لب لبی دسه چــو جا شـونه ، چپون
للـه زنده چپـــــــون اشدونده ویشه
گلـی مس و نفس جا شـــونه ، چپون
نماشــونه ،، بمـــو چپـــــون دیــاره
خسه بیه ، ای فـــردا شــونه ، چپون
دس و لینگه یــــواش ای کشنه دس
درازه روزه وه را شــــــــونه ، چپــون
همش تن خسوهه چش مسه خـوهه
صواحـی ونگه طـلا شــــــونه ، چپون
طاهـری شعــر بساز ، چپونــه درده
بدونن دیمه صحــرا شــونه ، چپون
✍ #میرحمزه_طاهری➖➖➖💢 کانال رسمی بابلکنار زیبا
💯 @BabolKenareZiba