بابلڪنار زیبا

#مازرون

مِن شِه مازِرونِ اوی بِلارِه
وِنِه وَنوشِهء بوی بِلارِه
دِریو و دشت و جِنگِل و روخِنِه
وِنِه دِماوندِ کوی بِلارِه
اِفرای گیسِه رِ وا کِندِه شونِه
اِفرای گیسِهء توی بِلارِه
وِنِه دشتِ کنارِ طارِمِ بو
سوزِه گندِمجار و جوی بِلارِه
چاشتِ گِدِرِ خِنِکِ وای دور
بِهار  نِفارسَرِ خوی بِلارِه
مَنگو نِماشتِه سر کِندِه وَنگِ وا
وِنِه شیر و ماسّ و دوی بِلارِه
وِرزای چِمِر و مَنگوی نالِش
گالِشِ هَی هَی و هوی بِلارِه
کاسِب بِهار وونِه لینگ رِ مالِندِه
وِنِه گِرواز و بَلوی بِلارِه
فِنِرِ سوی جِه وِه کِندِه شوپِه
شوپِهء فِنِرِ سوی بِلارِه
ما تی تی رِ هارِش چندِه قِشَنگه
وِنِه ما دَکِتِه شوی بِلارِه
مازِرون مِه جانِ قِشَنگِ یاره
آ وِنِه چِش و اَبروی بِلارِه
احسان قافیه کم بِمو توم هاکِن
من شِه جانِ مازرونِ بِلارِه

✍ #نعمت_الله_احسانی

➖➖➖
💢 کانال رسمی بابلکنار زیبا
💯 @BabolKenareZiba

🎞 مازرون
شعر و اجرای زیبای جناب #حسین_کاظمی_محمودآباد

تا توندنی وره پخش هاکنین تا همه بدونن #مازرون اتا نوم هسه و هیچ شهری با هم خصومتی ندارنه

💯 @BabolKenareZiba

شعر زیبای #مازرون سروده ی خانم #خدیجه_آخوندی، شاعره توانمند اهل بندپی:

مازِرون لاله زاره وِنه ویشه
مِه جان هسّه ، مِه خاک هسّه ، مِه ریشه
شِما هر جا دَرِنّی خِش دِواشین
مِن خوامّه مازرون دَوِّم هَمیشه
***
هوای ِ تیمِ جار هَکِرده مِه دل
تیساپه چَک ، فِرار هَکِرده مه دل
بورده دشتِ میون لَمپاسو پِشتی
بهارِ شو نِفار هَکِرده مِه دل
***
تِه خنده مِه دِله جا رَد نَوونه
آدم که خاره اصلاٌ بد نَوونِه
دلی که اتّا راه رِه بَیته بورده
دیگه بیراهه رِه بَلِد نوونه
***
تِه بوردی سرگذشته دار زَمّه
غم آ غِرصه رِه دل اِنبار زمّه
نَشوآ ،رحم هَکِن مه دل نِخواره
نَوینّی من چه جوری زار زمّه؟

#خدیجه_آخوندی

💯 کانال رسمے بابلڪنار
🆔 @BabolKenareZiba

🎼 آهنگ زیبای #مازرون_بِلاره
🎤 خواننده: آقای #محمد_جان_قلی_زاده
خواننده خطه #بابلکنار ، اهل روستای #گونه_کلا
🌹تقدیم به شما خوبان

با ما همراه باشید:👇
@BabolKenareZiba