تيليفونك اللي مهتم بيه، وجسمك اللي بتسعى لإنقاص وزنه، وسريرك المترتب اللي بترتاح عليه آخر كل يوم بعد إرهاق، دولابك وملبسك ومأكلك ومشربك، شعرك وعطرك وكريماتك وحزامك وحذائك، كل ده ممكن تسيبه فوق على وش الأرض وتُدفن في باطنها في يوم وليلة، هتسيب الحاجات اللي كنت مخلص عليها جهدك ووقتك وتعبك وشغلك طول اليوم عشان تجيبها، جسمك هيتاكل وعضمك هينخر؛ وروحك هي اللي هتبقى منتظرة في البرزخ وقت الحساب منعمة أو مُهانة! هل بتهتم بيها؟ غذائها مختلف: ذكر وصلاة وقرآن وتزكية وحسن خلق وحسن توكل على الله! مش بقولك اهمل اللي فوق، بس بقولك خد بالك من اللي هيبقالك. - محمد عبد التواب.