تون خدا بیتی بِخوَن، چوی بایهقوش قوقو نکه
ای خیالت بیل بِمینِم، تُرِّ پام جارو نکه
اَخِنکه لیژ و بِنارِم بِرّیه، آزِم بِرّی
ئهر پَرِ مالِت پنام بِی، ویرِم ئهر آسو نکه
رازَلِم آشاریا بین، زورِ چوچِزکی وِتا
کُشت و برّ بیمه، تونی چوی لیوه لام ای چو نکه
مَلهَمی بِن ئهر تِلیشِ زَمِ شونِم چوی پیا
گیونِ ای یَک هَنجیام ای دواره گِمکهکو نکه
تَرمی بار و تَقِلا کَ، لَشِ زَمدارِم بِکیش
گوشتِ گیونِم وَ خوراکِ گرگِ هُردهرو نکه
هفتسینِ دفترم، بازارِ عیده مَشکِنی
سازِت ئهر شِعرم بِژَن، یا ویرِ عیدِ نو نکه
ئهژ کِلیکِم یِه اَنه عشقَ مَواری ئهر زمین
جَم بِکه خَرمُنِ فکرم، فکرِ خاکهرّو نکه
لابِرّون گیسِت نکه، خرمنِ عمرِم نَشیون
زندگی خواو و خیاله، اَخَه وِیم و رّو نکه
فالِ حافظ وِت گِ دواره یوسفت مای ای دُما
تَوَکلکَ گوشَلِت هوکاره چِلسُرو نکه
ئهژ «
کرم» راس و دُرو رِشیایه چوی وَلگِ چُرو
اِیربِچِن، گیرِت نِمای، دِیباوه گَن و خو نکه
#کرم_دوستی#شعر_لکی@asredelfan