منو_تو (فاصله)
مه ویئرِ زمسون تو تاوِ آگر
مه ریچرمی گلوله تو سِرَهپر
زمی تا آسمو فرخِ منو تو
تو قئوه نووِ ار باو مه کراس شر
تو چوی دت پاتشاهی مه دلهشر
تو شیرِ ویشه عشقی مه زلهزر
تونی میوه گُل ار توک مِه پژلمیا
تو سروِ برزِ چوکیا مه یلهمر
مه وی نوم آوم و تو دارِ آسو
مه خارِ قئ گلم تو نار خوش بو
مه ویشه حوشکم و تو باخِ پر خیر
تو لوئت چوی اناره مه دَمم چو
مه تاریکی نُزیلم ،تو هویره تاو
مه سی چوی پشت خزو تو چوی ویرهتاو
مه کوینه دارُ تو خونچه وهاری
مگر دوسی منو تو وی جوره ماو؟؟
#واحد_یاری@asrdelfan