لو محصلكش إنبهار بقالك فترة، خليني أبهرك.. في جزيرة بورنيو، في نوع من نباتات الجرة والي واضح في الصورة إسمه Nepenthes hemsleyana، و ده نوع من النباتات المفترسة الي بتتغذى على الحشرات عن طريق إنها تجذبها برائحة النكتار أو السائل المسكر في اعماق جرتها الي قدامك، و أول ما الحشرة تسقط في السائل مش بتقدر تخرج تاني و النبتة بتهضمها. كل ده عادي، الي مش عادي بقي إننا لاحظنا خفافيش Hardwicke's woolly والي هي صغيرة في الحجم نسبيا و بتتعرض دايما للتنمر من الأنواع الأكبر و بتطرد من الأعشاش علشان ضعيفة. لاحظنا إنها بتستخدم النبتة كسكن آمن خالي من المفترسين و الطفيليات، و الخفافيش بتنام في النبتة طول النهار وتسيبها علشان تصطاد طول الليل و بالمقابل الخفافيش بتمنحها الفضلات الي بدورها تعتبر غذاء للنبات غني بالنيتروجين. لكن إزاي الخفافيش بتعرف أن النبتة دي سكن مناسب ؟.. إلي إكتشفناه إن النوع ده من النبات قادر على إخراج ترددات صوتية مطابقة لترددات الأماكن الآمنة الي مألوفة للخفافيش، و الخفافيش بدورها بتتعرف على التردد و بتفهم إن النبتة مكان آمن للسكن. لغاية دلوقتي إحنا مش قادرين نفسر قدرة الخفافيش على معرفة التردد ده و إزاي هي إتعلمته، و في نظرية حاليا بتقول إن أمهات الخفافيش بتعلم أطفالها الترددات دي علشان تتعلم تحمي نفسها. العلاقات المعقدة الي منها العلاقة الي قدامك و الي النظام الطبيعي كله قايم عليها يظهرلك بوضوح إن في نظام دقيق ولا مكان للصدفة، نظام متقولش أمامه غير سبحان الله.