قناة قصائد والحان منبريه

الناشر الحاج فلاح حسن:
#الناشر_الحاج_فلاح_حسن_الليله_الرابعه


محرم

( وصية ام البنين )

عباس ذمـه برگـبـتك .. ويـاي زينـب ربـتك
سهرت ليالي برباك .. بالطف اخيتك بحماك

…………………………

ياگـمر ليلي وسلـوتي ما مثلي مثلك جـابت
يالشايل اسمي وهيبتي بزودك ييمه انصانت
يايمـه ساعـة فرگـتك بهضم ومصيبه حانت
رايح يمن بـربـاي الك زينـب شريچـه چـانت

لمك چنت نعم الولد .. ادريك ماترجع بعد
بطاري الوفه دوم الگاك .. بالطف اخيتك بحماك

…………………………



برباك چـانت بـت علي تشاركني وتباريلك
اني ارضعـك يالگـمـر وبصوتـهـا تـنـاغـيلك
عله متونـها چـانت گـبل عباس هي تشيلك
حد ماصرت هيبه وكفو وبحيلها انشد حيلك

وهسه اجه دور الوفه .. هواي عله زينب خايفه
لتقصر وياها هناك .. بالطف اخيتك بحماك

…………………………



عله اخـتك يـيمه خايفه من كربله وغربتها
عباس اشوفن چن گمت بين الخيم حيرتها
عالگـاع تنـظـرهم جـثـث ومذبحين اخوتها
بين الزلم تركض شفت محترگه چي خيمتها

طولك عليه من اصفنت .. بعيوني كل هذا شفت
وسابح اشوفك بدماك .. بالطف اخيتك بحماك

…………………………


لزينب واخو زينب ردت طولك تكسره فدو
بس طيحـتك يـم النـهـر كـسرت ظهر للخوه
من اتطيح اخيك ينهدم حيله الچنتله التچوه
وتصيح زينـب يالگـمر. عـمري بعــد مايسـوه

ظهر الحسين من انكسر .. طولي طلع يم النهر
ميته عسن خويه وياك .. بالطف اخيتك بحماك

…………………………


وحسين بعدك مابقه ساعه وخلص كل عمره
يايمه چن شفت الشمر من طاح صاعد صدره
ايطبره شفت اعله الوجه وبسيفه يگطع نحره
والخيل من عگب الذبح بحافرها تسحگ ظهره

صدره بحوافرها انطحن .. ويم الخيم دم وصلن
ويم النهر دم هم جاك .. بالطف اخيتك بحماك

…………………………


تعنت زلم عگب الذبح صوب المخيم بالنار
الجيش كله عله الحرم بالخيل يايمه اندار
ومابـين نيـران وزلـم فكــر العـقيله محتار
بالهيمه فـرت خايفه نسوان واطفال ازغار

ومابين نيران وعدو .. زينب تحشم يا اخو
تنخه السبط لو تنخاك .. بالطف اخيتك بحماك

الشاعر عقيل الحسناوي..


#الناشر_الحاج_فلاح_حسن



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

✋السلام على من خفي قبرها

https://t.me/+9QOvTMysKgE1OWM6