🎵🎼گُلوَنی💥Laki🎶🎶

بنام خدا

مئ‌مان

ائ زمانل دویر
پئ‌آئ بعده قِرئ دویری ائ قوملئ چئ تا سران بئ ارِن؛
بعده چن روژ گ ائ رئ بی
رَسیُ مال یکئ اژ قومل..
شروعان کرده هاوال‌پِرسی و گپ گور..
مئ‌مان ائ مال سائ‌مال معن
یه روژ
دو روژ
یه هفته
یه مانگ
روژلَ مَگُذریا ولی مئ‌مان نمَچیاارّیا..
سائ‌مال دی شکت بوی ائ دس مئ‌مان
وهَ گپ دائ‌نانا دیار بی گِ هرسه ن تنگ بیهَ
یه روژ ژن سائ‌مال تصمیم گرتئ وه گرد متلکئ و مئ‌مان بِفَمِنئ گِ شکت بیهَ..
ژن وختئ مَگست وارِّک و کِلَشئ‌رله بکئَ لانه‌وا، وت:
کش کش کش کش پوپهَ رشهَ
مئ‌مان یه شو دو شو خُوَشهَ

پئ‌آ مئ‌مان شنفئ و فَمی منظور ژن سائ‌مال چئـَ
و تصمیم گرتئ جواوا دِیتئ؛
وتئـَ ژنه بیلا مه بام کمکت کم مِرِله بکیمئ لانه
پئ‌آ وت:
کش کش کش کش پوپه لاره
مئ‌مان هار ائ‌ره تا ائ وهاره

😂🤣
#پاچا_لکی

🌨 ☃ فعال ترین کانال لکی💥
🎼 #گلونی_Laki 🎶
@Alshtariii

به نام خدا

دروزنل

پئ‌آ هوفَلئ ارا رفیقَئ تعریف مکردئ مُوت: باوم مال فره کلنئ دئ‌رئ ایی سر اُ أ سر دیار نیه هانه کلنه گه باوم شُوَکی اسب ائ نام تویله مَرّمِنئ ،شو مرّسئ ُا سر تویله!!
رفیقعئ وت یه هویچ نیه ایمه تیره درئ‌ژئ دئ‌ریمِن اخنکه دُرّه وختئ فره مووارئ باوم اُورله اَ بئ‌نه مِیتو لا.!
پئ‌آ اولینه وت کره درو نع ، هانه تیره جا ار کوَ ماوتئ‌آ اصلا؟؟
رفیقَئ وت: ائ نام تویله باوت! !!
گرّئ هویچکام هویچان نُوت هم پئ‌آ اولئنه وت: ایمه چانچه مسی دیریمن اخنکه کلنه وختئ مِسگره مائ چَن نفریه مَچنئ نام تا سفئ‌دا کنئ و اخنکه ائ یک دویرن دنگ پوکله یکیژ نمشنوئن.!!
رفیقعئ وت برا ایمه چن روژ پئ‌ش چیمنر کُوئ چیمن نیشتیمنئ سائ‌رّ دارئ وختئ خاس سعرمان کِرد دیمان دارئ نیه خارچئ‌که. هانه بیه چن مال ائ سائ‌ر خارچه نیشتویمن و همیژ جا بی..!
پئ‌آ اولئنه وت کره درو نع هانه خارچئ مه ائ نام چع دُرِس کِین بعرین؟
رفیقعئ وت : ائ نام چانچه باوت!!!

#پاچا_لکی

🌨 ☃ فعال ترین کانال لکی💥
🎼 #گلونی_Laki 🎶
@Alshtariii

به نام خدا

گرگ‌مرائ

شوونئ بی رعن کلنئ داشتئ گه تنیایی موُردنه لارّ و هر گوچانئ ارا وره‌لاونی و جنگ داشتئ
یه روژ دم‌نیمرو گه هوره برئ‌ژان بی، برّئ گرگ هلامات رعنان برد
شوون هرچه تقلا مکردئ نووا گرگل بگرئ فایده(فائ‌ده) نیاشتئ چوین گرگله فره بین..
گرگل وِشکانویانئ رعن و مئ‌آن أ جیا شل‌کُته مکرد بز أ جیا
شوون کردئَ هاوار دائ و هناهنا
آئ گرگ...آئ گرگ...آی گرگ دنیال هوواردم...آئ کمک...
علئ مرائ هر اول دنگ شوون شنفتئ و هره گرئ وژ رسانئ دیتئ گرگل ائ أ لائ‌ره هانئ نام رعنه و دئ‌رن دنیال شل‌کُته مکن،وگرد وژ وت: مه هو نمتونم نووا ائ کل گرگه بگرم هر بیلا نِیلم ایوا دنیاله بکشن و حرامان کَن بیلا مه حلالانا کم!!!
علیمرائ تُرّ فکر وژ گرتئ و چخو تئ‌ژئ داشتئ آوردئ‌ر نام خدا آوردئ و بنیا نیائ سر مئ و بز و کاور و ور‌ن و تویشک کل بریتئ‌آ.
مردمیژ رَسینو وره ارا کمک
شوون بئ‌چاره گه دیتئ علیمرائ ائ گُرگله فئ‌شتره مکشئ و ائ سَر وژیژ چوی، وت: "آی مَردم گرگل وئ‌ل کن گرگ‌مرائ بِگرن'!!!!

#پاچا_لکی

🌨 ☃ فعال ترین کانال لکی💥
🎼 #گلونی_Laki 🎶
@Alshtariii

به نام خدا

#پاچا_لکی

تو اصلا ارا گوشلت درئ‌ژه؟!

شئ‌رئ (شیر🦁) ائ نام جنگلئ بی ، خان و رئیس أ جنگله بیه
زور ار أ بسه‌زوونله مُوتئ.
خرگوشئ بی هروخت أ ور دس شئ‌را ردَ مُویا شئ‌ره مُوت : ارا گوشلت درئ‌ژه و مَتوپانئ!
شئ‌ر کل روژئ ائ کاره مکردئ و خرگوش تفرچاره‌بیَ مَتوپانئ و درئ‌ژی گوش خرگوش، آلوزه بیتئ. چم‌روی ار کَسیژ نمکردئ.!
یه روژ گرگئ گه دوس شئ‌ره بی،وتئ‌أ شئ‌ره : ائ قسه تونه دی کُئ‌نئَ دی دیاره آلوزئَ کُل مردم فَمینه چی تِر بکه بهانه
شئ‌ر وت : وعلی راسه مِین ؛ بین صُ چه مکم..
بیو صُ خرگوش گه داشت گَزره مَهواردئ دیتئ شئ‌ر و گرگ نووا گِرت.. حیوانل جنگلیژ سئرانه مَکِرد شئ‌ر وتئ‌أ خرگوش: برا نازّارم چوینه؟؟ خرگوش وت گجرتم
شئ‌ر وت ایسه گه گجرین بچو ائ ائ رووه ماهی ارا مه بار.
خرگوشیژ گه کتک نهوواردوی خوشال خوشالئ چئ ماهی آوِردئ
شئ‌ر وت: خو ایسه ائ ماهیه نئ‌رئ‌که یا مائ‌که ؟؟؟؟؟
خرگوش وت: ما .
شئ‌ر وت مه ماهی نئ‌رمئ مَگِست!!! و بنیا نیائ هم خرگوش بتوپنئ...خرگوش وت: ماهی نئ‌رمیژ آوردئَ ؛ و دس بردئ ائ پشتئ ماهی نئ‌رئ آوردئ ‌دائَ شئ‌ر !!!
شئ‌ر گه کش مات بوی و دی هویچ آلوزه ارا کتک دائن خرگوش نیاشتئ ؛ أ مِعرّا سِئرئ اژ گرگ کردئ و وتئ‌أ خرگوش : تو اصلا ارا گوشلت درئ‌ژِن؟!؟! و تا مَتُونِستئ دائ‌ر خرگوش بئ‌چاره..!!

🌨 ☃ فعال ترین کانال لکی💥
🎼 #گلونی_Laki 🎶
@Alshtariii

پاچا لکی دت وارون
راوی: #عبدالعلی_میرزانیا
#دت_وارون
#پاچا_لکی #دکلمه_لکی


⚘ 🦋 به کانال #گلونی_laki بپیوندید.
@Alshtariii 🦋 ⚘