🎵🎼گُلوَنی💥Laki🎶🎶

به نام خدا

گرگ‌مرائ

شوونئ بی رعن کلنئ داشتئ گه تنیایی موُردنه لارّ و هر گوچانئ ارا وره‌لاونی و جنگ داشتئ
یه روژ دم‌نیمرو گه هوره برئ‌ژان بی، برّئ گرگ هلامات رعنان برد
شوون هرچه تقلا مکردئ نووا گرگل بگرئ فایده(فائ‌ده) نیاشتئ چوین گرگله فره بین..
گرگل وِشکانویانئ رعن و مئ‌آن أ جیا شل‌کُته مکرد بز أ جیا
شوون کردئَ هاوار دائ و هناهنا
آئ گرگ...آئ گرگ...آی گرگ دنیال هوواردم...آئ کمک...
علئ مرائ هر اول دنگ شوون شنفتئ و هره گرئ وژ رسانئ دیتئ گرگل ائ أ لائ‌ره هانئ نام رعنه و دئ‌رن دنیال شل‌کُته مکن،وگرد وژ وت: مه هو نمتونم نووا ائ کل گرگه بگرم هر بیلا نِیلم ایوا دنیاله بکشن و حرامان کَن بیلا مه حلالانا کم!!!
علیمرائ تُرّ فکر وژ گرتئ و چخو تئ‌ژئ داشتئ آوردئ‌ر نام خدا آوردئ و بنیا نیائ سر مئ و بز و کاور و ور‌ن و تویشک کل بریتئ‌آ.
مردمیژ رَسینو وره ارا کمک
شوون بئ‌چاره گه دیتئ علیمرائ ائ گُرگله فئ‌شتره مکشئ و ائ سَر وژیژ چوی، وت: "آی مَردم گرگل وئ‌ل کن گرگ‌مرائ بِگرن'!!!!

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥

#متل_شب

به نام خدا

کِرِّم!


یه روژ یه پیائ أ کویا مَگیردیا هرهانه گه گشتلیه مکردئ دیتئ ژرژئ ار سر خا تَپیه ؛
سیفائ کردئ... وه‌گرد وژ وت: یعنئ مه چنه ژرژمئ اژن نمائ؟؟ یعنئ ائ ژرژه متونئ ائ خالع جیک ده مه نمَتونم؟؟
سع چئ ژرژه پِرّ دائ و وژ تَپی‌َر سر خالع...
بیه یاواره ائ مالا کتنئ مِنی پیا
ائ مردمان پِرسی وتان چیه‌سر ائ کُویه چنَر کوئ دیان یه کاپیایه ار سر کَمر برزئ نیشتیه؛
وتان فلانی دی تعریکه هیزگر بچیمنرا مال
کاپیا وت : کِرِّمْ !!!
وتان : یه لیوه بینه ؟؟
پیا وت: کِرِّم وخدا نورنُ نووآ !!
دیان پیا شیت بیه چن بارنیه هووار..
پیا گه فکره مکردئ مَتونئ جور ژرژ بال بِگِرئ چئُ لیو کَمِره گِنج کِردیا وت پِرّرّرّرّرّرّرّر...!
ولئ چوین آیمئ بی نه ژرژئ کَتِرا شِلپ بِرد و مرد !!!

‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‎‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‎‌‌‌‌‌‌‎‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‍‌‌‌‎‌‌‌‌‌‌‌‌‌‌‌‌‌‌‌‌‌‌‎‌‌‎‌‌‍‌‍‌‌‌‌‌‌‌‌‌‌‌‌‌‌‌‌‌‌🎼 🍁 #گلونی_Laki 🍁🎶

🟠 @Alshtariii  🔥
#متل_شب