انه اليتيم العايش بغربه انه البدونك منشلع گلبه كل جمعه أنطرك ماترد صعبه ياحبيبي .. يابو صالح. ** عشت عمري بجروح ولوعت غيابك وأناطر جمعه جمعه النفحت أترابك اخذ عمري بحنانك واندل ابوابك بنيران أنتضارك تچوي بگلبي نارك متعوب وأريدك أرجعلي بخضارك دورني فدوه ضيعت دربي أنه البعيد وانت البگربي حاجبني عنك والسبب ذنبي ياحبيبي ... يابو صالح ** بشبابي وبين الشيب بطرف عيني طارييك يمرني وگلبي ياذيني وينك يا حبيبي ويمته تلفيني گلي بيش أحلفك مد الإدي چفك يا واهس حياتي مشيني عله وصفك هل من سبيل وأندل مچانك من الدنيه خذني فدوه لحضانك خليني خادم واخدم أعوانك ياحبيبي ... يابو صالح ** أبن فاگد أبو هذه الوصف حالي يتيمك انه غيرك بل عمر مالي دمعتي ملولحه وتحچيلك أقوالي يل مالكهه روحي ساعدني عله نوحي نشغه بگلبي سكنت فزن كل جروحي يابلسم الگلبي كبر جرحه هاي امنياتي چفك يمسحه يرجع خضاره اليابس ويصحه ياحبيبي ... يابو صالح ** أنتضارك خله گلبي ينعصر حيله أرحمني وتعال وفگني من ويله أنه دخيلك لون يومي چهب ليله يا مهجت وصالي ارحم فدوه حالي حققلي امنياتي ترجعلي يغالي شوگ اليحبك عابر حدوده فاضحته عينه من السهر سوده فيض البواچي هنانه مريوده ياحبيبي .. يابو صالح ** يبو صالح شبابي فدوه لجدامك أخذني الغربتك كون احمل الامك وأتشرف أخدمك طيلت أيامك بعيوني وندبتك يمي شويه رتك غريبك انه مولاي ما طيقن فركتك طال الچفا يامهدي بعيوني أفگدني فدوه ويْه اليفگدوني من يخطف اسمك ينخطف لوني ياحبيبي .. يابو صالح ** أنْه الشائق هذاك الملگه چا يمته أنه الرايد نضرتك والتعب شفته انه بس بغيابك تحچي سالفته . هم تسمع ندائي تعجيل بدعائي بس لحضه أشوفك قد طال العنائي . تدري انتظارك ماخذ بروحي يا ماي عيني ومنبع جروحي للمهدي أكولن يانفس روحي ياحبيبي ... يابوصالح. ..................... اللهم عجل لوليك الفرج.. سيف وسام رسمي..