بسم الله الرحمن الرحيم
(إِنَّمَا يَخْشَى اللَّهَ مِنْ عِبَادِهِ الْعُلَمَاءُ)
على اعناد النواصب واليكرهونك
اسد تبقى اسد والكل يخدمونك.
البابا وكل ملوك الدنيا تتعناك
ما محتاجهم همه اليگصدونك
دوّخت الملوك بحكمتك مولاي
ما گدروا يبومحمد يفهمونك
وگولن كلمة للگالوا متت مولاي
اليوم بشوفتك گامو يحسدونك
ماتو من سكوتك والهدوء البيك
سهام وتجرح عيون اليشتمونك
چي يدرون گلبك يتسع للناس
حليم وماتجاوبهم يعرفونك
اكبر من حچيهم گلبك المالوم
تعذرهم اكيد ومايعذرونك
ما مهتم اكيد الخالق معلّيك
لذلك عجزو الشمتو ينزلونك
ياهيبة مُحَمَّد ياحبيب الله
اهل البيت بفعالك يشكرونك
زهدك والتواضع جدك الكرار
وبهيبة مقامك طه يلگونك
#ياسيد_علي گدامك احنه نموت
ما يحله
#العراق الغالي من دونك
خادمك مولاي سيد زيد الفحام