مسلم المطيري:
ياعلي بياحيل؟ شيّعتها بليل
فاطمه الزهراء. والدموع تسيل
ياعلي الكرار بيدك غسّلتها
فاطمه بياحيل نسأل من شلتها؟
بآخر الليل بدموعك شيّعتها
شصار بيك وللگبر من نزلتها
تدفن وتنحب والگلب يلهب
خِلّك اتغيّب. والدموع تسيل
بيدك تهيل التراب اعله الزچيه
هم چنت حاسبها ياحامي الحميه؟
بهيده لا تلچم ظلعها بهالمسيه
شافت أنواع المصايب والاذيه
ودّع البضغه. واللحد وسعه
وشعل الشمعه. والدموع تسيل
ياعلي أشبع بواچي يم گبرها
انت بس انت الذي تعرف قدرها
ياعلي بوجودك الظالم عصرها
عالوجه يابالحسن خصمك سطرها
فاطمه يمك. وعتده خصمك
صابر بحلمك. والدموع تسيل
انت والحسنين يم گبر الشهيده
الدنيه ليل وزينب ابدارك وحيده
فزّت من النوم ترجف يالصميده
لزينب ارجع ياعلي وعطفك تريده
تجري دمع العين. وين ابويه وين
تسأل بكل حين. والدموع تسيل
يعينك الله ياعلي بهاي الرزيه
الدنيه ضاگت بيك من بعد الزچيه
تجلي عنك چانت الهم والاذيه
بعد ألمن تشكي ياحامي الحميه
راحت احلامك. زادت آلامك
فجعوا ايتامك. والدموع تسيل
خادم الزهراء عليها السلام
سيد زيد الفحام
ام زهراء:
Layla Zgheib:
السلام عليكم ورحمة الله وبركاته
نضع بين ايديكم
مجموعة القصائد المنبرية والالحان لخدمة خدمة المنبر الحسيني .
اليكم مجموعتنا عبارة عن
👇👇👇#مجموعة_قصائد_منبريةhttps://telegram.me/joinchat/BnKZ3D7f0FOCZ9atjlNIBw#هنا_نرفع_القصيدة_باصوات_الرواديدhttps://telegram.me/joinchat/BnKZ3EDmhrwoeBT9kLSvSQ#قناة_تعنى_بالقصائد_الولائيةhttps://telegram.me/joinchat/BnKZ3D8Cfzskz4PmaOQpqg
