يـالگصاد الهادي بزيارة
على الگبة سلم والمنارة
بالنيابة بالنيابة
اليگصد نقلده الزيارة كون ما ينسانه
ادعي يم باب الحوائج مشهده وبرهانه
يالتزور ادعي بحنين ودمعتك ولهانه
اذكر الحاضر بروحه وما نشوفه ويانه
اذكر الحجة بالعبارة
على الگبة سلم والمناره
بالنيابة بالنيابة
گله يامولاي نضره لشيعتك يالهادي
بداعة حسين وجراحه لحاجتي ومرادي
خل عينك على العراق ودعوتك لبلادي
يا أسد سامره حزنه هالبلد مو عادي
ارض المعالي والحضارة
على الگبة سلم والمنارة
بالنيابة بالنيابة
الزم الشباج وابجي بدمعة كسرة خاطر
بالدماء اعليك امشي الجرت يوم العاشر
عدنه يومية شهيد انشيعة والدم فاير
حنتة مولاي دمة وبشبابة مسافر
عينك اعله اقلوب الحيارة
على الگبة سلم والمنارة
بالنيابة بالنيابة
حاضره انفاس المغيب وامنيتنة نشوفه
يمتى يمولاي يمتى نلثم احنه اجفوفه
وننتقع من ماي جودة ونروه من معروفه
تأمن بجيته النوراس وبالحنين اتطوفه
بشاطية وتلوح لخضارة
على الگبة سلم والمنارة
بالنيابة بالنيابة
يالرحت سامره امشي وادخل لسردابها
نوح ياحامي الشريعة من تقبل اعتابها
الفاتحه لعلوية نرجس اقره وبجي ابابها
اعليج يامولاتـي گلها بفاطمة وامصابها
للغايب وطلعت سمارة
على الگبة سلم والمنارة
بالنيابة بالنيابة
بالدموع اتوضه وانحب سلم لتوديعه
بالحرم صلي الزيارة وجدد لهم بيعه
ان شاء الله العودة علينه والنداء انطيعه
وبالنيابه عن اخوتي وعن جميع الشيعه
شيل ايدك وادعي بجهارة
على الگبة سلم والمنارة
بالنيابة بالنيابة
على الگبة والمنارة رتل الحب اية
واعگد بسامره بيرغ للحوائج راية
للامام المهدي واسي بالعزاء اقراية
عظم الله اجرك حبيبي والجروح اهوايه
يالحزنك لثارك شرارة
على الگبة سلم والمنارة
بالنيابة بالنيابة
#زين العابدين الشمري
https://t.me/joinchat/UShxzSh6DyF31x9W