🔘 قـناة عــبق الانـــتظار 313🔘

⬛️◾️▪️⚫️﷽⚫️▪️◾️⬛️

•● *للإمام الكاظم عليه السلام* ●•
.
☜الطور ؛ جميع أطوار (وزن التجليبة) مثل المربوعة و الفزاعية و النزلة و تقرأ بألحان مختلفة (رجالية و نسائية) .
.
▼△▼△▼△▼△▼△▼△▼


على الكاظم يون المهدي بدموعه
و إجه البغداد يشعل كتره اشموعه



ينادي جيت يا جدي على گبرك
و أناشد ليش ما يوفي إلك دهرك
عجب اسنين متحمل شنو صبرك
و إلى هاليوم ايصيبك ألف لوعه



يراهب آل هاشم سمِمُوا چبدك
غريب و بالسجن ياهو الحضر عندك
متت بين النواصب يا وسف وحدك
و أظن الزهره و المعصومه مفجوعه



ضريحك فاح ، منه ريحة الجنه
أحضنه و ألثمه ، ما ينشبع منه
ينوح و يروي للشيعه اششفت محنه
بقت وناته ، للزوار مسموعه


من اتراب الگبر ، اشعر طلع دمك
دمه اجروح القيود الواصله اللحمك
تحالف دهرك اويه الطاغيه ابظلمك
شياطين الخليقه اعليك مجموعه



نعيتك و اسمعت ونت علي حيدر
إجاك و دمعته تجري نهر كوثر
غريب ابني ينادي و الحزن يكبر
حياطين السجن عالموسى موجوعه
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
.
https://t.me/joinchat/AAAAAEBdA5QB66XoEPSKxQ

•● *(قصيدة: يمسلم گوم)* ●•

الطور ؛ *(يزينب وين سويتي عزه حسين)* و يقرأ بألحان مختلفة.
▼△▼△▼△▼△▼△▼△▼.

*(يمسلم گوم وحده ظل الاحسين)*


عقب غدر الكـفر مــا عنده امعين

عــلي الأكــبر تطــبر راســـه نصين

تخضب جاسـم ابدم جرح الأوتين

و أبــوفـــاضل وگـــع ابـلايه چفين

قضوا اصحابه و عالغبره مطاعين

و لا ظل واحد ينصره امن السبعين

قـــعد عــدهم ، يــودعهم بالأونــين

بچى عالصبحته الضحوا لهل الدين

يشـــمتون العــده عالدمـــعة العين

تـــعال الكربــله و أفــني المـلاعين

بأرض غربه و نجيب المرتضى امنين

يحـــوطونه الزلم و احنه نفر وين

تـــراهم عالـــذبح احسيـــن ناوين

و أنه بـس أنظر و أصفج بالايدين

مـــنو يحــمي الأرامـل و النساوين


.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*

#انشروا_وشاركونا_في_الثواب

ملأ علي الواسطي

⬛️◾️▪️⚫️﷽⚫️▪️◾️⬛️

•● *(نواعي: استكثروا اعليك المناير)* ●•

▼△▼△▼△▼△▼△▼△▼
كأني بحوار بين الإمام الصادق عليه السلام و مولانا الإمام المنتظر عجل الله فرجه

الطور:(يمه ، قد عمر الورد)

يبـني * يالمـــهدي تعال و شوف قبري
يبـني * هدموا مرقدي و چــنك متدري
يبـني * چم لوعه احبستها بين صدري
يبـني * ليك أشكي همومي و ضيق أمري


شاهد * ساووا بالأرض گبتي و مزاري
شاهد * منــــعوا زايـري يگــعد جواري
شاهد * و الشيعه ابعــدوها من دياري
شاهد * و اشعــل ابفــــؤادك نار ، ثاري

◆◇◆◈◆◇◆

يا جدي قبرك من أنظره
مهدوم بس ايفوح عطره
أشتمه و ابــــدلالي حسره

أگعد على قبــــــرك يجدي
و أبچي و أون اعليك وحدي
و امصيـــبتك متهون عندي

انت اللي غذيت المنابر
ابعلـــــمك و ابنور زاهر
استكثروا اعليك المناير

رادوا يطمـــسون الفضائل
بس مگدروا ذوله الأراذل
تبقى سبب كــــل المناهل

تدري اعله قبرك آنه ونيت
اشگد بِچيت و ليك حنيت
و أظهر إلك يا ما تمنيت

راح أظهر و أرفع همومك
و أنشر على العالم علومك
و أمحي من الدنيا خصومك

أحلف و حق اتراب رجلك
أبني ضريح و قبه لجلك
و أظهر مقامك عل يجهلك
.
.
.
===========
📝 #الشاعرة_الملاية_زينب_المؤيد
.

⬛️◾️▪️⚫️﷽⚫️▪️◾️⬛️

•● *(قصيدة: نعزي الكاظم)* ●•

☜ الطور ؛ *(يزينب وين سويتي عزه حسين)* و يقرأ بألحان مختلفة.
▼△▼△▼△▼△▼△▼△▼.

نعــــزي الكاظم ابدمعه جريه



على المسموم إمام الجعفريه

لبسنه الأسود و جينه العزيه

نواسي المصطفى و بنته الزچيه

يحق له لو يون حامي الحميه

تنـــــوح و تنتحب كل البريه

قضى الصادق فخر هالرافضيه

رحل يا وسفه سور الهاشميه

عرش الله انصدع الهل رزيه

أويـــلي اشفـعل سهــم المنيه

أخذ منه عمر شمس المضيه

بچى الكاظم على عظم البليه

يصيح و صوته واصل للثريه

يـــودع والـــده ابهاي المسيه

يغــسله بالــدمع ويـــلي عليه

يشَيع عالرمش نعش الشـفيه

يدفنه بالقـلب مــو بالــوطيه
.
.
.
===========
📝 #الشاعرة_الملاية_زينب_المؤيد
ملأ علي الواسطي.

⬛️◾️▪️⚫️﷽⚫️▪️◾️⬛️
.
#السيدة_زينب عليها السلام

•● *(سنه و نص)* ●•
.
☜الطور ; جديد ، حزين و يقرأ بألحان و مقامات مختلفة .
.
▼△▼△▼△▼△▼△▼△▼
.

سنه و نص ★ مر على فقدك يغالي
سنه و نص ★ بيتك المعمور خالي

ما نسيتك ، صورتك بين العيون
من عقب فرقانه تجمعنه المنون
خويه يحسين★خويه يحسين

◆◇◆◈◆◇◆

آنه زينب ★ جيتك أنحب
من بعد عمري الي عشته بالهموم
خويه يحسين ★ زيد الاونين
جيتَكُ و قلبي و متوني بس دموم
.
سنه و نص ★ ظلت اتصب كل جروحي
سنه و نص ★ ما وقف دمعي و نوحي

من كثر مبچي انجرح هدب الجفون
من عقب فرقانه تجمعنه المنون
خويه يحسين★خويه يحسين

◆◇◆◈◆◇◆

إقره دمعي ★ يروي وضعي
ظهري محني صار مثل أم الحسن
عيني حمره ★ تدري سطره
ورمت خدي و فؤادك انطحن
.
سنه و نص ★ صابره و همي أكِتمه
سنه و نص ★ بس مصابك آنه أعظمه

و الأخت اتموت بعدك يالحنون
من عقب فرقانه تجمعنه المنون
خويه يحسين★خويه يحسين

◆◇◆◈◆◇◆

اعله بختك ★ اعذر إختك
ما قدرت أحمي رقيه امن الضرُب
لا تعاتب ★ الله كاتب
هالقدر و ادفنها بيدي بالترُب
.
سنه و نص ★ ورده ذبلت بالسبايه
سنه و نص ★ و الكفن صار العبايه

حتى لو أبعدنه هالدهر الخئون
من عقب فرقانه تجمعنه المنون
خويه يحسين★خويه يحسين

◆◇◆◈◆◇◆

بإحتضاري ★ تدوي ناري
و احتضارك أذكره بين السيوف
شفت الاخيول ★ صارت اتجول
عالجروحك و الأعادي بالألوف
.
سنه و نص ★ كربلا ابعيني أشوفه
سنه و نص ★ روحي اترابك تطوفه

و الهجر و الموت أبداً ما يهون
من عقب فرقانه تجمعنه المنون
خويه يحسين★خويه يحسين

◆◇◆◈◆◇◆

راسي ما راح ★ فوق الارماح
جسمي ما وذروه وقطعوا خنصره
شيعوني ★ و ادفنوني
ما بقيت ابلا دفن فوق الثره

سنه و نص ★ من بعد قتلك ، وفاتي
سنه و نص ★ و انتهت عقبك حياتي

روحي شافت روحك و صرت ابسكون
من عقب فرقانه تجمعنه المنون
خويه يحسين★خويه يحسين
.
.
.
===========
📝 #الشاعرة_الملاية_زينب_المؤيد
📚 #ديوان_خزائن_الرثاء
*((شرعاً لا أجيز حذف الإسم))*
.
تمت بحمد الله تعالى
*ونسألكم الدعاء لتعجيل الظهور*
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين
☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon
.
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
.
#محرم
#تطبير
.
•●•● *انواسي بالدم فاطمه* ●•●•
.
.
☜ الطور ؛ شور ، سريع ( خدام كلنا الفاطمه )
.
.
▼△▼△▼△▼△▼△▼△▼
.
.
تطبیر ، تطبیر ، نصبغ کفنه بالدمه
تطبیر ، تطبیر ، و انواسي بالدم فاطمه
.
.
◆◇◆◈◆◇◆
.
نطبر و خلي اليعادينه يشوف
بالدمه صرنه نحني للجفوف
نطبر ولا ما نهاب إمن الحتوف
حتى لو جتنا النواصب باﻷلوف
.
هالدم هالدم ، يلعن القوم الظالمه
تطبیر ، تطبیر ، وانواسي بالدم فاطمه
.
◆◇◆◈◆◇◆
.
بالدمه عزينه بت خير الورى
عالمصاب المثله أبداً ما جرى
جنها من وقفت ولدها تنظره
شافت الرقبه یویلي امطبره
.
لحسين لحسين ، أكسر راسي وألطمه
تطبیر ، تطبیر ، و انواسي بالدم فاطمه
،
◆◇◆◈◆◇◆
.
آ يولي البضعه ضجت بالعويل
حضرت الكربله لن دمها يسيل
من حوافر هالعده تمشي وتميل
انه خايف هم بعد رضتها خيل
.
هالخيل ، هالخيل ، تسحق منو واتهشمه
تطبیر ، تطبیر ، و انواسي بالدم فاطمه
،
◆◇◆◈◆◇◆
.
بالدمع و الدم نوقع للوفه
هذا طبع الشيعه والكل تعرفه
نطبر الهامات ونرضي المصطفى
عقب أبو السجاد عالدنيا العفى
.
كل عام ، كل عام ، نجزع و نحي ماتمه
تطبیر ، تطبیر ، و انواسي بالدم فاطمه
.
.
.
===========
📝 #الشاعرة_الملاية_زينب_المؤيد ( الكويت )
*((شرعاً لا أجيز حذف الإسم*
*وأحرّم طبع أشعاري في الكتب أو الملزمات (كور).))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور


.