الخادم...رياض عباس الشغانبي

شور حماسية للامام العباس ع 1446



ياعباس يادخيل عيونك
هاي الكوم فنهم يلاكونك


بركان وصاال يشوفونه... تحركهم نضرات عيونه
يرعب عباس ايعرفونه. يلهب نيران وغضب
طب للجيش او وشر سيفه .....بل روس ايحد بيه بكيفه
شردو منه وصاحو خيفه......والطف هل يوم اضطرب


طبهم شجاع..._ عم الضياع..._ماتلكه كاع_ ضاع المفر
يحجي الحسام_بيد الامام _ويح اللئام _حان القدر
كلش سعيد _حرب يريد _قائد عنيد _ماينكسر
كسر الالوف _فارس شغوف _طوفآ يطوف_بجفوفه كر


ياستار عباس الطب لو علي
ياستار الغيره التغلي غلي
ياستار شنهي الصار بكربله
ياستار مثل الزود الاولي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مايهتم بل كثره وطرهم. يجوي بنضراته ويسطرهم
انه العباس ايحذرهم___ ويله العال بسيدي
رناهم رن بصيحاته.....وحسين يشاهد صولاته
حي الله الما زلت ذاته__يااا حامل كل غيريتي


يكوه الغيور...كلف الشعور...موت ويدور...خالسها صح
سيد المنون...حي الحنون...يل ماتخون...بلخوه قح
كله العجيد....اخذ التريد....موتك بعيد...كون انه حي
هاي الالوف...راحت تشوف...من عندي خوف...غيضآطفح


لجل حسين ساكاهم مثل الغنم
لجل حسين من يحجي يكولوله تم
لجل حسين مايبخل ينطي النفس
لجل حسين غرك كاع الحومه دم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سوه الماصاير بفعاله....ذب الخيل اعله الخياله
ركعو كلهم تحت انعاله ___يتبختر طب عل زلم
كالوله ادخيلك يل كافل... بس هدنه ونحلف منقاتل
جن سجيل اعليهم نازل __من حيدر ماخذ عزم



فارس ثكيل....ويله اليعيل...صاحو دخيل...منه العده
عل حومه حام....شد اللجمام.... فارس همام...بيهم حده
طالبها ماي.....ماينسه هاي.....كلهم وراي ضامي السبط
بل حومه كر.....طك وسطر...ماخذ نهر....يم سيده


طب للماي الحط اكوامه اوصل
طب للماي بس ياستار اشحصل
طب للماي كوه اعله اخشوم الزلم
طب للماي طشرهم فوكاه وصل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طب للماي ودك الثايه...عزرائيل وشايل رايه
فنه اليحجي بوجهه حجايه__ مايسلم كلمن نطق
ضامي ومايقبل يتروه.... هذا الموقف لجل الخوه
جن الماي ايگله وتگوه...سبحانه المثلك خلق

وصل الفرات....ساگي الضمات....وبسيفه مات كلمن رفض
رفض المعين...لجل الحسين...نذر السنين...وبلا غرض
تارسله جود....بطل الصمود....وفه الوعود لمن وعد
انطه الجفوف....برض الطفوف...غدر الحتوف عدهم مرض


غدر الگوم لو ما غدرو ماوكع
غدر الگوم بيه كلب حسين انفجع
غدر الگوم بده الماي وجربته
غدر الگوم يشهدله اشكد ماجزع
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لخادم اهل البيت ع

رياض عباس الشغانبي

لاتوصيني اعله جرحي _شور
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


منحسد عايش حياتي ومامتت
__غايب وممنوع
شمعه بدروب الضلام اتفرهدت
___روحي دوم اتلوع
انه محبوبي صبح راسه بطشت
___والجسم مسلوب
المنتضر والمنتضر اشفي الجرح
البيه شمل موجوع

لاتوصيني اعله جرحي_ انه جرحي بگلبي حافر
لسه اموتن ميت موته_ لو شفت ركض الحوافر
اسمع العجل يمهدي _ وانه بيه الحزن يدي
انه ميت حزن لاكن_ من حركتي اعليه اكابر


اه...بيه جومت اه ....عل سبط ويلاه
موقف المذبوح ......گلبي ماينساه
روح جرحه صاب الروح....من كفاه مذبوح
ضل ثلث ايام.....محد الشالاه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حزني لو يعقوب شافه ايقدسه
___بل حزن متعوب
من كثر صفاكتي ايدي امفركسه
___كلبي صار يذوب
لسه عطاب الخيام اتنفسه
___ماخفه الدخان
مرسى صارت روحي والبيها رسه
___كل جرح مكتوب


انه روحي اتكول صحرى __حتما الطبلها يتعب
ولسه بيه اسمعها تركض ___من اجوهم عمتي زينب
وانه بيه صياح طفله__ طفله مذهوله ويتيمه
تنضر لجثت ابوها__ا بيها سوه الخيل ملعب

نااار جني اشوف النار _ بل خيام ازغار
والعليل ايصيح _جونه هل كفار
وين هسه نشرد وين _من بعد الحسين
عمتي هيج اتصيح _والگلب محتار

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كل محرم عمتي زينب تنسبي
____ياهضيمه اشلون
اتناشد انجوم السمه اتكلها انطفي
___بينه من يمشون
توكع ويصبح سهل بيها الحبي
___لو مثلها جبال
هضمه تعثر بل درب لبوت علي
___بيها ويشمتون


ها يمهدي اسمعها ثارك___وانه هم منتضر ثاري
ابد مو سهله عليه___ كل سنه ايهجمون داري
كل سنه ايكتلون جدي__كل سنه ايسلبون ضعنه
البيه هم محد يعرفه ___بس العليه دمعه جاري


حيل وين الاكي الحيل....همي ضلمت ليل
والصبر خلصان.......والجروح اتعيل
ضيم بيه مثل الغيم....كلبي بيه ايهيم
بلا مطر عطشان.....عطش اعضم جيل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


بل مجالس اسمع المقتل وحن
__ونعصر ونهار
قصه اهلي ابكربله اتقرح الجفن
___شي عجيب الصار
ماسلم حتى الطفل هم ينطعن
___لاتضل كبار
بيها اطهر جسم ضل بلا دفن
___بل تراب الحار


يمته من يمر محرم _ماا اشوف السبي وضيمه
واخذ الباگوه اميه _خنصر وقرط اليتيمه
يمته ماشوفن شمرهم _ بل مكان المو مكانه
يمته ماشوفنه بيده _لازم الشيبه الكريمه


اريد مايطول الوعيد _والامر مو بعيد
بيدي ذو الفقار __للملاحم يعيد
سكون ماكو عندي سكون_اله ثاري يكون
والضلم مايكون __بيدي بذن المجيد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي

جديد شور 1446



اه يحسين... ياضوه عيوني


احلفك لاتخليني تكبر وحشتي اعليه
يااخر ضوه بعيني فدوه تعطل شويه
بس انته التواسيني وبعدك هذا ياذيني
الليل اليجي ابدونك مايرحمله علويه


ياااخر ضوه اعله الكاع ....لاترحل ابساع ابساع
احنه ابيهمه كلها اسباع_بيها اتخوف الضلمه

يااخر ضوه بهل عين...اسمع رجوتي يحسين
زينب انه اكلك وين __لاتتركني للهضمه

ماكو اخوتي _ياوحشي _ياهضمتي
لحضه انتضر_بعدك جمر _ياهيبتي
ماضل علم _حيلي انهدم_ _ياحيرتي

الليل بعدك غربه ونته التعرف الغربه
والحرمه صعبه اتضل وحدها ابين هل غربه
والصعبه ماشوفك بعد يل فركتك صعبه

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اذا ماشفتك ابعيني ماشوف الشمس باجر
خليني اشم صدرك قبل لا يسحكه الحافر
اوكف خل اشم عطرك وامانه لخاطري بنحرك
وداعك مو سهل يحسين وداعك يكسر لخاطر


وين تروح ونته الروح....تنتضرك هناك اجروح
من هسه النضر مشبوح....بيه اختنكت العبره

اخر نفس منك بان.....بيه امجلب الغرگان
بعدك تشمت العدوان....يابوو عمامت الخضره

انته الصبر -ونته العمر-ونته الخدر
كلشي انطوى- ومابي ضوه -نور البدر
اخر نفس -بيك التمس -لاتندثر

خلي انضر بوجهك قبل لا يختلف وجهك
مايبقه شي لمن تضل تحت الشمر وحدك
خليني اضمن محبسك لاينسلب منك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من اتطيح كلشي ايطيح حته النخوه والغيره
وتفزع ناس بس موناس ناس اتدور اشهيره
عدهم بس فرد غايه نروح وياهم سبايه
والحرمه اليجتفوها يصعب شوفها اتديره


من تفتر علينه الناس.....تكبرعازه العباس
ونته اعله الرمح بس راس _ياهو ايسدها عازتنه

نسمع صوت طاح ومات _ويحركونها الخيمات
هناا ماتبقه علويات __يامكبرها حيرتنه

مايبق حل -,كلشي ارتحل -من ترتحل
بس الشمر -يشمت يمر-ويكلي حل
وسفه وقهر -طشه الدهر -هذا الشمل

من يرجع الميمون يكتل كل امل بيه
من يصهل اسمع جن يكلي صرتي مسبيه
ابهل لحضه احس حتى الهوى ايمر شامت عليه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خل اشكيلك من تروح ما اشكي لبشر بعدك
أكل لكلبي هاي الناس كلها اتدور تذلك
محد يفهم شأحجي غيرك يااابن گلبي
واذا خلك رحل احذر تحجي حتى وي ضلك


سامح گلبي من ينوح _باجر للشماته يروح
الله يساعد المجروح _من ايفارك اعزازه

بيه همومي راح اتدوم _حد مايزهك البلعوم
من هسه نسيت النوم_ماضن باجر اعتازه

طول الدهر -يبقه السهر -يبقه الحزن
ماضن غمض-يشبع مرض -هذا الجفن
امشي بدرب -ممشاه حرب-وعليك احن

لو درت وجهك ياضوانه الضلمه تغزينه
وباجر شجاوبهن رقيه اعليك وسكينه
خويه الليفكد اخو مثلك الله اليعينه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي

نزال

شور جديد 1446



حسينآ واحسينا

صعب رسمك يلحسين ..اذا بي ردت ابدي
بكد جروح جسمك ...كون ارواح عندي
ماتكفي فرد رووح... وشوفن جرحك بروح
صعب كلش يمولاي... اموت برسمي ودي

تسعميت جرح... طعن سيف ورمح
اموتن بل رسم ...اذا بيدي يصح
اموت من اوصفك ...يسودن موقفك
طريح عله الترب....أبو الوجه السمح

يمن كل جرح مايشبه جروحك
غميجه جروحك ومعتله روحك
ترف واهس مسوي عد الاسهام
لذللك كل سهم حالف يلوحك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ارسمه شلون جسمك....وحط اثنعش ضربه
وحزك راسك والمك....غريبه الگلب يرضه
صبر يرادلي هواي.....ونه زغير اعله صبرك
ارسمنك بلاا راس.......وراك هناكه ركضه

اريد اصورك.....وخافن اوجعك
يجي منين الصبر...اذا حز منحرك
يأترف ماخلق.....يئآيه من العلق
يبس نته الذي....يرسمك يذبحك


يجن عقلي الخيال الواقع اصعب
اذا فوكاك اشوف الخيل تركب
يجسمك بل حوافر صار طشار
صعب يلم بعد بين الرمل طب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يل مطشر عله الكاع.....ابورقه اشلون اجمعك
يسيل من الحصيره ......اشكثر مطحون لحمك
قميصك وين انه الگاه...ييوسف ونته ميت
ارسمك زحمه عريان.....يل مسلب قميصك


ولشباه الزلم....خذو حته الهدم
استحيت اتخيلك ....امسلب يل شهم
بلا خنصر جنت.....هوايه اتعذبت
يل مبجي الصخر....ابتصويرك حرت


شصورك والصور سيف اعله نحرك
ضميري شلون يقبل بل يضرك
الشعر من يرسم جروحك يأذيك
لانه بطيحت الكافل يذكرك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اريد اكتب قصيده.....ورسمك بيها مصحف
وصور اجروحك اياات....جهلهن عالم الطف
وخلي اعليهن اغلاف وغطيهن يغالي
اذا ماارسم اجروح.....وحقك هيجي انصف

اصورك بس شمس.....لمس ماتنلمس
ولا ارسمك ورد.....تدور عل نفس
وحط يمك علم.....وطفيها الخيم
وزينب بل رسم.....فلا تقبل حبس

اصورك مصحف وزينب ترتله
وكيد المنجرح ماتلجمه اخته
وريد ارسم نهر بجفوف عباس
نهر يعتذر لو يمك رسمته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لخادم اهل البيت ع

رياض عباس الشغانبي

نزال في حق مسلم أبن عقيل ع


الكوفه بل حيطان لاذت ناسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سرفن الذرعان مسلم من حجه الكون ارتعد
غيم اعله الكوفه زوده ومطر صيته وما رجد
فرت الفرسان منه و ماترس عينه العدد
بيهم اللاذ بعبايه وبيهم اللاذ ابوتد

السيفه رنه اتصير لو طخ راسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛،؛؛؛؛؛؛؛؛؛؛؛؛،؛؛؛؛؛؛؛؛؛؛؛؛؛؛؛؛؛؛؛؛؛؛؛،؛؛؛؛؛؛؛

دخنت بيه الحميه ونكث جفيته ونزل
شيخ من ذوله الثكال وزوده من ذاك الفحل
ردم بمتونه ايردمهم دمهم لراسه وصل
الكوفه بجفوفه استكانه وخاطها بحاله زعل

جن فريسه والنزل فراسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خله ملج الموت بيده الصابه جن صابه المرض
انتشر طاعون وعددهم من نزل كله انقرض
الحرب مرجوحه بيمينه وجيشهم جن خض خض
اليشرد ايرد جفنه بيده وهذا قانون انفرض

الشردت ابرجلينه راح وداسها
وصيته كبل اجفوفه مسلم جاسها
؛؛؛؛؛؛؛؛؛،؛،؛،،،،،؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛

كال حكم إعدام بيهم قاضي محكمه السبط
قرر التنفيذ فورا حكمه ماضن ينغلط
واحد اعله ثاني حطهم جثث سفطهم سفط
خرس الفرسان كلها لسانهم ضل ينربط

لسان ماكو ورعب صاب احساسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كالو العباس هذا وعوزه بس ريشه وعلم
بين مسلم وابو فاضل جيشهم عاش الوهم
من سمع هذا الكلام افتخر مسلم وبتسم
وكال لا صبرا قليلا بل طف اتشوفون الم

كلهم الطف حايره بعباسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حير عيون الثكيله التربي وتراقب اله
طوعه شافت زود مسلم بل صفات المذهله
يله حي الله النشامه تكله يابو المرجله
وكلها حي الله اليمامه الماتهزج معضله

حشمته وراح ضك انفاسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شخص وصط جيوش لاكن بي حميه حيدره
جيمه جيمه ايدوس بيهم سطراهم بل سره
قبل لاينذبح ماخذ ثاره منهم قسوره
سوك ساك الجيش كله كبال نار الاخره

وما خلص صيته ويضل خلاسها
وصيته كبل اجفوفه مسلم جاسها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي

https://t.center/Alhssa

خيرت الله رجالا صمدو
واقفآ عباس في ضهر الحسين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حاربو الموت ولا شخصآ هوى
اقحمت نيرانهم في نينوى
في كفوفآ عاشقات للوغى

اضرمو النار على جيشآ متين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حاربو الفرسان حتى انكسرو
حربهم حرب اناسآ عارضو
عانقو فيها المنايه عانقو

لم يكونو مثل مكتوفي اليدين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

واجهو سبعين الفآ وحدهم
ساكنآ حرا ابيآ قلبهم
قاسيآ ذا ذو ثبات ضربهم

حاوطو سبعينهم في جانبين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فيهم الحر الابي الاكرمي
علويآ احمديآ هاشمي
انهم يأتون سيلا لاطمي

فيهم المخلوق من ذاك اللوجين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دافعو عن دينهم في ضلمت
واجهو في الخير شر امت
وقفو لل لله خير وقفت

ليس فيهم من غوى طرفت عين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رفضو الشرك وآتو واجب
كانو للطغيان سيفا ضارب
اسقط الكفين فيهم غاضب

وبدى يستطعم في اللوعتين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شرفآ فيه نفوسآ قطعت
في دوالي العار لا ماخدعت
حرمتآ في كل شيئآ فديت
ودليلا في رماح منضرين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نورهم في الكون جزمآ يندثر
ذكرهم في كل يوم يستمر
عاشق الموت ترى من يحتضر

عشقو الموت وعاشو قبلتين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي

نزال شور للامام العباس ع



ياعباس _ياعباس


صرصر جف الكفل _ياساتر من نزل
_لو هبت عاتيه_ولا خيال اليضل
يقلع بيهم قلع _فارس ماينجرع
_وصلت للهاويه_وماتاركها البطل

صرصر بيها _وغار عليها _وما يطيها_الملحمه
عصفت جفه_وصارت خسفه_وباست حرفه_ الملحمه
عشكت سيفه_وحبت حيف _وكلها بكيفه_الملحمه


دارت وحارت صارت _موت والكل ريش طارت
عصف جفه وفات بيها _وطير عقول الزلم
ضلمه كلها وموت عارم_ صفنه ونسل بيها صارم
ماندلت حته اديهاا _ وعاشت الواقع حلم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شردو طول وعرض_ ردوو صلوو فرض
ماتنشاف السمه _ولاتنشاف الارض
حاكم هاذ الزمن _بذن الله المؤتمن
وارث حامي الحمه_جااا ياهو اليعترض


صارت كونه_ونار عيونه _اتجوي اضنونه _الماقبل
طب حاكمها_ويبس دممها _ايموت بسمها_الماقبل
هذا اليسوه_الكد النخوه _ويقبل كوه_الماقبل


فرت الجيمان منه_وجاها يرعد برق جنه
جنه لاح السمه بسيفه _وزلزل اعروش الارض
حاكم اعله الغاضريه _وروسهم صارتله ديه
ناوي يأخذ منها حيفه _الناس صارت تنقرض
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هب زوده اعله النهر_والعاقل ماعبر
كض مايه وماشرب_خلاه ميت قهر
عاش بصدمه ورجف_وحتر حد مانشف
حس بموته القرب_ضل مصدوم النهر


هب ابزوده _وزود ازنوده_وشيم عوده_المنتضر
شايل مايه _وشايل رايه _انطاه احجايه _المنتضر
تكوه يكله _وبيدك تحله _ومايك خله_المنتضر



كوون اعله النهر يرعد_ زلمه جان المنه يشرد
شال ماي النهر بيده_وسحك جرفه وماشرب
ترس جربه وراح عنه_النهر نفسه اختنك جنه
الجربه جانت هيه قيده _ وبمتاها الماي طب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جاب الماي ورجع_خل يدري الماسمع
شيخ من أهل الوفه_موش من أهل الطمع
يازلمه يحاربه _شيخ وكض شاربه
بجفوفه العاصفه _ ومنها الموت انفزع


ملك الغابه _وشد عصابه _وشل اعصابه _الكال اسد
يأخذ روحه _الجفه تلوحه _ويسمع نوحه _الكال اسد
ينهد حيله _ويسود ليله _ويسحك ذيله _الكال اسد



مايرد هذا الغضنفر _موت وعله الجيش يفتر
كلها تصفن لمن يزئر _ خورساها بصيحته
ياعقاب الله المنزل _ طغت كوم وراح تنذل
والحرايب كلها تختل _ مثل حيدر شمرته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم أهل البيت ع

رياض عباس الشغانبي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رئيسيه للامام العباس ع


يارمح الشوم يل شايل راس العباس
لو تحجي اشلون شتوصف هذا الاحساس

شايل صفحه من التنزيل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زينب انه الجنت اميره يارمح بله ارد اسئلك
هل راس هذا التحمله شنهي اليخلي يميلك
لو جنت تكدر تجاوب شنهي التكوله من اكلك
جنت انته بله التحمله لو هوه جان اليحملك


شايلك راس لو شايل هذا القرآن
تهتز وتميل جن جسمك فزز بركان

بيه اتأمل ذاك الحيل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛;؛؛؛؛؛؛؛؛؛؛

مو وجه عادي اعله سنك وجه الكمر هذه هوه
هذا الضوه الحته موته ماكتل بيه الاخوه
شمعت احسين بضلامه وكاشف كرب وجه كوه
هذا الثكيل بوجوده الماتمر من يمه نخوه


يارمح الشوم منه احذر هذا الوفاي
أول انسان من يعطش ينذل الماي

ينذل كلمن بيه ايعيل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ليش انه اشوفك تلوه وتميل دوم بعثرتي
تمنيت تحجي وتكلي هم بعده حارس مشيتي
يفزع اكيد من اطيحن وتخجله كلش نضرتي
مو هذا جان اليغير ومن امشي يمسح خطوتي


يمكن يجويك من أعثر وهوايه يغير
هذا التعبير لو عندك اكثر تعبير

لو تحجي شعندك تعليل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انته القريب اعله راسه وتعرف اكيد اليحسه
ودريبه يسمع نخوتي ويفزعلي كل لحضه هسه
من ينضر احنه انسبينه والضعن محد يحرسه
جني بي ينزل يحاوول لأكن ولا يلكه جسمه


لمن يختاض شتحس بي لمن يختاض
بل راس اركاض تسمع جن بل راس اركاض

هذا الواقع مو تمثيل
ونضرلك كل ساعه تميل
يارمح الشوم __يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شايل سمه الله اعله راسك يارمح مو شغله سهله
محضوض لو حضك اغبر هذا السؤال اشيحله
محضوض شايل فخرنه وحامل اسم اعله مله
وشلون كون الله كله اتشيل الاسنه شيحمله


جنت المحضوض لو ماجنت انته المحضوض
تحمل هل راس لو ترفض جان المفرووض

يتمنه يسمعك كل جيل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛:؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عايش كفيلي اعله راسك ميت وروحك حياها
وأكبر دليل اليتيمه من تطيح توكع وراها
يارمح مو صعبه هايه اعله الكفل بت ام ابوها
بس صعبه تشرح شعورك يمه ولسن خورساها


مييت يحييك تستغرب وتضل مصدوم
عايش عباس ولكايل ميت موهوم


عايش ويكول ،التهليل
ونضرلك كل ساعه تميل
يارمح الشوم -يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لو تحجي ماضن توصفه معذور من تبقه ساكت
اغرب احساس ابحياتك بل كمر من تبقه نابت
كلش بسيط انته لاكن فوكك بدر تلكه ثابت
يارمح ضل بسكوتك من هل الامر ريتي شابت


لو تحجي اتصير متحير ماتلكه جواب
بل سكته اتلوذ من تسئل عنه الاحباب

لمن تحجي اتشوف الويل
ونضرلك كل ساعه تميل
يارمح الشوم _يارمح الشوم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لخادم أهل البيت ع

رياض عباس الشغانبي

شور للخدام جديد م1446



نفتخر لو كالو مجانين_ ماعدنه غير الله والحسين
فقره ونخدمه بدمعت العين _ هاي اغنه حته من الملاايين

بل دنيا كلشي ايضيع ويروح _اله البقه اعله حسين مجروح
مو سر عشگنه انريده مفضوح_بس هل عشك زكه المحبين


واليسوه دگ اعله الصدر مانعوفه لحضه
گوه عله نياط الگلب هل حب يفرضه
اسمه سهل بس بي صور وحروفه ومضه


يا كل الالوان _ولحان_ وشكال الورد
ومحلي الاوطان_ انسان_ لا ماينوجد
ياواهس الروح_ مجروح _ويداوي الجرح
ولغير لحسين هل عين. ماتبجي لعبد
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

والگال المن هل بجي اشلون_جا. ربك المن خالق اعيون
خالقها بس تبجي اعله الحسين _والگلب هوه لبي يشوفون

هل بشر يستاهل يهل ناس _ نلطم عليه ونطبر الراس
مضلوم عطشان انذبح ليش _وبخيلهم فوكاه يدوسون


تحت الحوافر ياخلك طايح حبيبي
موحكي الطم عل وجه وعلن نحيبي
يكرهني الله لو كلت يانفسي طيبي


مو حكي لو نوح _مجروح_ماطاب الجرح
معشوكي مذبوح _مسفوح_مطعون برمح
مسحوك _مسلوب _محروك_كلبه اعله الخيم
بحوافر الخيل _طك حيل _ ياوجه الصبح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هاي الحيات تريد توضيح _لازمها قدوه وخوش تلميح
الماعنده قدوه ايعيش محتار _مثل البصحرى تشتته الريح

الله خلقنه حته نرجاه_وحسين النه قبله سواه
المايندل الله ايزور الحسين _ هاي الزياره للله تسبيح


هذا الدرب هوه الفقط عله الخدامه
هوه العشك الحلوه بي حته الملامه
ويوصلك لرب العله رب الكرامه


ميعوفه مولاه _حاشاه_الكاصد گبته
يرجع إلى الله_خلاه_ينقذ قصته
والمارضه عليه _ناسيه_ربه ومانجح
خل يحلم يصير _تقصير_يخسر جنته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نفتخر من نصير خدام __نتسمه وي حسين الاكرام
بل جنه بل موكب نحس هيج _اشلون مانخدم هل يمام

وحنه اليضيع انبشره بل نار _الماحب علي وعترته الاطهار
هوه اليشم ريحتهم ايموت__بس ذكره راح تحرسه الايام


العاش گلبه وماخدم مايسوه اگلبه
والمات خادم ياخلك ترهمله گبه
مابي خيانه ولا قهر يامحله حبه


سابيها الارواح _ترتاح _كل الخدمته
للجنه يرحون _يدرون _ناس الحبته
والحاقد ايموت _مفتوت_ يخسر بل حشر
ونگله بلريش _ وتعيش _دوم زيارته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بل اربعين انگصده زوار _والمامشاله يبقه محتار
وحشه وسواد المامشه ايشوف _ والامل عنده يدخل انذار

والمشه بدرب الجنه يرتاح _ينفض همومه ويلبس اوشاح
اوشاحه رايه وحجه مبرور __جن حجه وي النبي المختار



هاي الزياره الجنها حج بيت الله وحسن
بيها الحراير من اجن بل هيمه يمشن
ياريت العيون لحزن زينبنه يعمن


من نتعب انزيد _ونعيد_هاي زيارته
امشن يرجلين _لحسين_واسن خيته
ومشرعه الابواب _الاحباب_يعني تفضلو
حته الزغيرون ممنون گال بخدمته
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي
م1446

رئيسيه للامام العباس ع


علمطهم لو صعد_ يطخ راسه بل سمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خل نسولف عن بطلنه ونبدي بيه من الزغر
نكول بسم الله مصحف هذا بيه شاره وقدر
الله ايساعد قلمنه اليحجي عنه وينكسر
وناخذه ندخله اعله زينب حته يكدر يستمر


العقل وي القلم _هسه دخلو ملحمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

الجبير من الطفوله بأسمه تاريخ نكتب
الگمطته ام البنين وكطع كماطه ونشب
جانت تلاعبه الحره ولو كفيلي تگله هب
جان يضحك من تحشمه ويستحي من العتب


نشمي جان من الزغر_ والعقيله اتحشمه
هذا عباس البطل_ وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وبصباه وي الحسين ابعمره مارجع طلب
گبله ما يخطيله خطوه ولا اكل گبله وشرب
من يشوفه لوحده واكف گلبه هل ساعه اضطرب
لنه يعرف قدر اخيه ويعرف الموقف قرب


مايفارگ هل وجه _لو تقوم القائمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حيدر يقبل جفوفه ابكثره والمدمع يهل
ايگله ياعباس ذني باجر يشيلن حمل
ذني بيهن تحمي زينب ذني بيهن تنكفل
ومن يطيحن يا عزيزي حسين ضامي ينكتل


بيهن اتشيل اللوى _وبيهن اتحل عارمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ومن اجه الوعد الحقيقي الينعرف بيه الصدك
وزينب تريد الكفيل اليحترك گبل الحرك
الها دك صدره الشجاع وهوه مو ياهو اليدك
وهيه كلتله ادري بيك التسبگ بوكت السبگ

كلها اجيت اعله الوعد_كالت ونعم الحمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

موقفه بكربله اتخلد من حصل وكت العطش
هدل الجربه اعله متنه وللحرب غبشه غبش
ولمن صاحوله ال اميه عوف الحسين ارتعش
وفار بركان الحميه براسه والموت انتعش


الموت يعشك يمنته_بيها يمكن راسمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مايهم لمن يقاتل مثل حيدر مايهم
من يشد اعليها توكع تحت رجليه الزلم
طلك الدنيا وشراها الخوه والنخوه بعزم
مو شخص عادي وطبيعي الترضه عنه اهل العلم


التربه بجف علي __ورضت عنه فاطمه
هذا عباس البطل _وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كطع اجفوفه الكفلها وشوفه طفاه بسهم
هذا قربان لاخيته وماشعر لحضه بندم
هذا يل تسمع بطلنه الحجيه مايطلع وهم
علم بيده وعلم هوه ومن ضهر حيد وعلم


علم شايل رايته __ومايهم نزف الدمه
هذا عباس البطل وبن حماي الحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي
م 1446

نزال


اجو من عنده طلبو ثار صفين
الماشفو بعدهم زود الحسين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

منتحرين اميه بهاي فعلتهم
من حسين طلبو ثار قادتهم
ضنهم علي راح وهاي دفعتهم

وهم شافو علي من صال مرتين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شافوه هم علي وكلوبها ترادت
ندمها الرجال الشافها تمادت
الجيمه اليجيها بسيفه ماعادت
ثالث

وچومها اچوم ابسيفه المطاعين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ياستار من طبهم علي الثاني
ازلام انشاط لاكن ضلت اتعاني
اجيت انه يكلهم ياهو ناداني

اجيت ايكلهم وبجفوفي اجه البين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ذل فقار بيدي وبالي بي حيدر
اخلي الكاع بيكم بل عكس تفتر
ياهوه الخوش زلمه ويوصل الخدر

ماطول انه عايش ماتصل عين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اذا هم بيها تشرد جيمه جيمه ايطر
يغيم غيره وحده وفوكهم يمطر
مو جفه الشجاع النضره بي تسطر

اذا يخزرها تنسه الجابها منيين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جيوش هواي بس عجزو يحيطونه
يجول يصول بيهم مايكدرونه
هذا المايرد لو صارت الكونه

يذل فرسانها بنص المياديين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وصل للنهر كوه عليهم وثنه
گلهم زود ابوي اليوم اعيدنه
صاحوو عل مخيم عافه وتعنه


اذا يشرب درو يفنيهم الحين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عطشان وتفطر جبده بس ماهم
صاحب شاره يطرد بيهم امحزم
يطشرها الرجال أشما ترد تلتم


وصارو بيده هم مثل المساجين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع


رياض عباس الشغانبي
م. 1446

نزال للامام العباس ع
جديد



مو ياهو جان وشدها خل تدري الناس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هل رايه شاره تريد واحد كدها
مو ياهوه الجان ويجي ويعكدها
كون البيها يغير مايفكدها
وستوعب العباس لمن شدها


من شدها بل طف راح طك راس براس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اسمع شسوه الكمر من شد رايه
رايت حرايب مو مسامح هايه
من صار ضعن حسين كله ضمايه
راح لاخيه برايته ودك ثايه


ارخصني كله ليوم اضيك الانفاس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طب للحرب صوب النهر يتراعد
زلزال هذا الثبت مايتواجد
النكرت علي خلاها بي تتشاهد
عمي الشرد خيعونه لمن شاهد

طاحت زلازل منه بس عدها حساس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من يفر بيده الرايه يكتل عشره
حمره اوجوه الكوم صارت حمره
عباس بل عباس حالف قدره
عباس ملك الموت ياهوه يگدره


حي الله كله حسين يابو النوماس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

من كله حي الله الحسين وتكوه
شوف الگمر من سمع هاي شسوه
سواهم اچوام وصعدهم گوه
وحيه الحسين وگله روحك تسوه


ماطول رايه بجفي لا ماتنجاس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طرهم مثل طر الغنم للشاطي
وصاح الگرب جا مايعرف عنادي
انه ابن حيدر ويله ويله البادي
وخلاها تركض فارره بكل وادي

طب خواه للماي السبع ماطخ راس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شال العذب خاوه ورفض مايشرب
والماي فز من ذبه خايف يغضب
نزل الجربه ومنه حيل اتقرب
والماي وحده من الرعب بيها انصب


حته النهر من عنده خايف ينجاس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وفه الكفيل ورجع هم يتحده
طاحن جفوفه ومايه لا ماهده
والرايه ماطاحت بعدهي بزنده
والجربه من صابوها هوه تبده


من طاح گبل الرايه هم ضل خلاس
كض رايته بجفه وعكدها العباس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لخادم اهل البيت ع

رياض عباس الشغانبي
م_1446

الحجت مهمومه لاتعتب عليها
المدينه شبيها بعدك وبقه بيها
يواهس كل مسيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اريد احجيلك وفدوه استمعلي ولا تزعل يغالي
الحجت مهمومه كلش ونته تدري يحالك هوه حالي
اهل ماعندي غيرك انتم اهلي ينوماسي ودلالي
يبو الاكبر تكلي ابدارج ابقي شضل وانته داري


عليله ادري وسفركم بي مخاطر
لجنه اشوالي من كسر الخواطر

انه اشوالي المنيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أضل شعندي بويه ونته رايح ملاذي وبيتي انته
اشعجب تقبلها تسكن بي نوايح كلب نته السكنته
الابو من يروح راح يلحكه صايح اذا خلاها بنته
اخذني وياك ياحلو الملامح يل حنين بعشرته


عليله وعشرتك نستني علتي
مرض ثاني بعد وجهك عزلتي

مرض ثاني ورزيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

انه أدري اعليه خايف ياحياتي السفر موت العليله
ولاكن موتي وياك امنياتي الوحيده تضل ذليله
غراضي شلي بيهن بس عباتي العباه هيه الوسيله
احلفك يابو عبدالله بغلاتي ونه اعرف مو قليله


وحقك مااعطلكم ثواني
اصبرو بس اكومن من مجاني

احلفك بل زجيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

المدينه شبيها لو كوطر ضعنكم فقط تبقه المساكن
وعليها ايغيم ويمطر ذكركم صوركم والاماكن
اذا واحه ومكان اخضر بعدكم تتحول مدافن
الدار المنها شلتو وطر وسنكم يويله البيها ساكن


الدار الفاركت سكنه ورقيه
لطم ساكنها يسمع كل مسيه

اذا هاي الاذيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اذا لا سامح الله وعني سرتو الوداع هنانه يصعب
جذر شابك جذر بيه نعكتو وبيكم كلبي جلب
ابأملكم عشت شجره ولو رحلتو تطيح اغصاني وتعب
مريضه وصاحيه اصبح لو قبلتوو يبويه وياكم اركب


هلي خذوني اصف حتلو مريضه
سجاجيد الصلاه وكت الفريضه


انه هنانه اشأليه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اذا من دوني تتيسر رحلتك اضل ادعيلك اني
يبويه بعيد عن كلشي اسئلك سؤال وحيراني
ترد لو باجر تطول رحلتك سكوتك عذباني
افوض امري للباري وعتبتك بعد صارت مكاني


اذا مامنها روحه وياكم اسئل
اشوكت يرجع ضعنكم رايحه اذبل

عتبتك موت اليه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد لاتنسه بس هاي الوصيه اذا طول سفركم
علي وجاسم توديهم اليه يطمنوني بوضعكم
واريد جماغك الاخضر هديه أشمن بي عطركم
ووصيك اعله عمتي الهاشميه شمس هاي بضعنكم


ورضيعك فدوه اروح انه لضحكته
الشمس لتخلها توصل يم ركبته


بتراجيها لرقيه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يبويه اسمحلي اروح لعمي اودعه گمر هاي العشيره
ابونه الثاني هذا وكافل اخته وبو الغيره الجبيره
اقبل اجفوفه كلهن وبجبهته الوجوده تكول ديره
وكله يشربك ماي بجربته عطش وكت الضهيره


اوصي لغالي صرت انه اعله غالي
وانه الغير الدمع محد بقالي

وبقت دارك خليه
يبويه انغر عليه
المدينه شبيها بعدك وبقه بيها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لخادم اهل البيت ع

رياض عباس الشغانبي

م_1446

حشمت يخوتي شمعة العايله
الليله يمنه الشمر يفتر وحرمله
~~~~~~~~~~~~~~~~~~

زينب وليل اهدعش جلجل عليها
حيره عاشت الله بس اليدري بيها
راحو اخوتها وبقت تفرك بديها
والصبح راح الشمر يحدي بسبيها


اتكلهم ابهل الوكت ماكو المدللله
الليله يمنه الشمر يفتر وحرمله
~~~~~~~~~~~~~~~~~~

حشمت ياخوتي وحدي وي اليتامه
والعليل امكيد وتنزف اجدامه
ذوله وادم مايعرفون الكرامه
سهله عدهم ينسبي ضعن الامامه


سهله من تنسبي عدهم البسمله
الليله يمنه الشمر يفتر وحرمله
~~~~~~~~~~~~~~~~~~

الليله ماكو اتدللي وماكو يحره
الليله لا خيمه التلم كعدونه بره
الليله ياهي التحجي تلكه بخدها سطره
بلايه كافل ليله لأكن ليله مره

تكول وين الكفل وينه راعي الهله
الليله يمنه الشمر يفتر وحرمله
~~~~~~~~~~~~~~~~~~

ياكفيلي ياكمر ذيج الليالي
بدون وجهك محد ايحن اعله حالي
اتكله بعدك نارهم حركت اذيالي
كوم ياراعي الوفه ورجع دلالي


حشميتك تجي خيتك امبهذله
الليله يمنه الشمر يفتر وحرمله
~~~~~~~~~~~~~~~~~

النوب دارت شوفها لواحد توذر
وصدره بل خيل نسحك لما تكسر
حاجته وتدري بحجيها اتألمه اكثر
تكله ضربوها اليتيمه يابو الاكبر


خد رقيه انسطر وسكنه بس ذاهله
الليله يمنه الشمر يفتر وحرمله

~~~~~~~~~~~~~~~~~

حايره هاي الاميره ابغربه صارت
كتلوو اخوتها وعليها الگوم دارت
هوايه نسوان ويتامه ابسدها لاذت
اشلون تحميهم ابنص اوحوش جارت


كلتلهن لحد تبجي بل قافله
الليله يمنه الشمر يفتر وحرمله
~~~~~~~~~~~~~~~~~

الصبح من يطلع يصبح كلبي بل هم
والصباح الخير ماتت ماكو بس دم
باجر ارجاس ال اميه اعليه تلتم
ونتو عل غبره جثث وبلايه مأتم


ياصباح اهدعش ابجيتك لا هله
الليله يمنه الشمر يفتر وحرمله
~~~~~~~~~~~~~~~~~

لخادم اهل البيت ع
رياض عباس الشغانبي

م 1446

كالو شووم لاكن مو صدك هاي
طير البوم بس بل طف بجه هواي
اليعرف قدر الحسين
جبير اتشاهده العين
الشوم البديهم كطعو الماي
~~~~~~~~~~~~~~~~~

اليعرف امامه اليوم فاز بآخره وجنه
كل الخير جان البوم بجه لمولاه وتعنه
وذكر صاراله كل خادم يصل هل حزن يتمنه
مو شوم البجه اعله حسين شوم السلبو سكنه


ضمير البشر ميت ذالك اليوم
وبجه الطير العلي كالو طبع شوم

اليبجي اعله الميامين
جبير اتشاهده العين
الشوم البديهم كطعو الماي
~~~~~~~~~~~~~~~~~~

مصيبه اليوم من الطير يبجي وناس ماترحم
موقف ال اميه الصار وي آل النبي امسمم
الحديد اللان عد داوود اترف منهم وارحم
كل هذا علمود الجااه فرطو همه بطهر دم


البوم بلا ضغينه وهمه كفار
من شاف الحصل ليهسه محتار

اليرفض هل فعل زين
جبير اتشاهده العين
الشوم البديهم كطعو الماي
~~~~~~~~~~~~~~~~~~

فعلهم فعل يخزي العين اميه الحقد ماليهم
ابن بنت الرسول اشلون بل طف ماعز اعليهم
ذبحوله شكثر شبان يعتز الورد بيهم
صم صاروو بكم من صار عل جنه يناديهم


اتركو افكاركم داخلها شيطان
يخاطبهم رسول وبيده قرآن

اشلون القبل بل شين
جبير اتشاهده العين
الشوم البديهم كطعو الماي
~~~~~~~~~~~~~~~~~~

لو ون الصخر والطير فعل لا مو سهل صاير
الارض شهدت ضلم والكون لو موثاره ماداير
نبي ويوكف غريب ابكاع بيها اللافهم حاير
هناك انسحكت النعمه وداس اعليها جم حافر

من تنداس نعمت الله تنشال
الرحمه) العقل ماجان تمثال

والماينطلب دين
جبير اتشاهده العين
الشوم البديهم كطعو الماي
~~~~~~~~~~~~~~~~~~

اليطلب دنيا راح يضيع يم الباري ماينجح
ذابح سيد الجنه وفوك جروحه يتمرجح
شمرهم بشر بس يسواه هوه وعيلته الينبح
كاعد فوك صدر النور وسفه الطين يتوكح


شمرهم طين بس مانعرف منين
مو طاهر اليذبح نحر الحسين



جرح مو مال تهوين
جبير اتشاهده العين
الشوم البديهم كطعو الماي
~~~~~~~~~~~~~~~~~~

طبيعي العين تبجيله الغريب الفلشو صدره
لامانتهم الشيطان هيه ارواحهم قذره
ليهمهم رسول الله وعدهم حقد عل عتره
همج لو ادم ايشاهد فعلهم منهم اتبره


غريب اشلون قبلو هل شي يصير
اذا جانو بشر نحتاج تفسير


بشر مابيهم ايلين
جبير اتشاهده العين
الشوم البديهم كطعو الماي

~~~~~~~~~~~~~~~~~

كالو عدنه وياه ثار بغضآ بل قتل مرحب
زين اشذنب طفل حسين رضيع وبل مهد يلعب
عطشان وطلبله الماي طفل خلو عذب يشرب
حضر حرمله اسهامه وسكاه بسهم ماجذب


گلبه اشلون ماحن لحضه من شاف
بل نبله الرضيع امجتف اجتاف

ذنب حرمله لهل حين
جبير اتشاهده العين
الشوم البديهم كطعو الماي
~~~~~~~~~~~~~~~~~

مصيبه اقترفو بحقه ماصارت ولادارت
جسم حسين عل غبره ذبيح وخيلهم غارت
راحو رعبو النسوان والرضع المانامت
يزيد وشلته القذره جهنم بيهم احتارت


حطب للنار صارو تخجل النار
لو لمست جسمهم ممتلي اقذار


البوم كبالهم وين
جبير اتشاهده العين
~~~~~~~~~~~~~~~~~


لخادم اهل البيت ع

رياض عباس الشغانبي

جديد م 1446
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

عن أبي الحسن الرضا (عليه السّلام) قال: إنّ هذه البومة كانت على عهد جدّي رسول اللّه (صلّى اللّه عليه و اله) تأوي المنازل و القصور و الدور، و كانت إذا أكل الناس الطعام تطير فتقع أمامهم فيرمى إليها بالطعام و تسقى ثمّ ترجع إلى مكانها. و لمّا قتل الحسين (عليه السّلام) خرجت من العمران إلى الخراب و الجبال و البراري و قالت: بئس الأمّة أنتم قتلتم ابن نبيّكم و لا آمنكم على نفسي‏ .

و عنه (عليه السّلام): إنّ البومة لتصوم النهار، فإذا أفطرت حزنت على الحسين (عليه السّلام) حتّى تصبح‏ .

الكتاب أو المصدر : رياض الابرار
الجزء والصفحة : ج‏1، ص266-268.

يامحرم كل سنه اتعيد الجروح
يامحرم ماتجينه بلايه نووح
يمته يطلعلك صبح
الجرح مايشفه بجرح
يامحرم _يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يامحرم يمته تخلص هل مصايب
ويمته نشهد صبح خلص عمره غايب
يمته يضهر صاحب الثار ويطالب
كلها منتضره الامر هاي المواكب


الشيعه تصىرخ يالثارات الحسين
الشيعه تصىرخ النه عجل يامعين

يمته منشوف الرمح
الجرح مايشفه بجرح

يامحرم _يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كل سنه تهل يامحرم مو مسالم
كل سنه لجيت الحزن شايل معالم
بيك نشهد خبر يصدم عل هواشم
ومن يهل هلالك اتهل الجرايم


بيك محنه ماجرت طول الدهور
بيك محنه تسوه دك اعله الصدور

ماخلص بيك الذبح
الجرح مايشفه بجرح

يامحرم _يامحرم

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اتعود جايب غربه مابيها اليساعد
بيك تدمي كلوبنه هاي المشاهد
البيك ينذبحون مو وادم مساجد
وبيك نشهد شرذمه ولا بيها عابد


والنشوفه انجوم يطمسها الضلام
والنشوفه ينذبح خير الانام


رينه شهرك مايصح
الجرح مايشفه بجرح

يامحرم_يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نعتب المن ونته ما تسمع حجينه
ونسئلك عل شال ضعنه من المدينه
ليش بل موت انتهت هاي الضعينه
هذا حزنك حيل ابد ماخله بينه


نعتب المن. ونته ماتسمع عتاب
نعتب المن نحجي وتجهله الجواب

وياك لتضن ننصلح
الجرح مايشفه بجرح

يامحرم _يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اهلالك ابيض والسواد البيك حاله
واليعرس بيك شفناه حنه ماله
وجاسم ابزفته محد هوساله
لان جانت للحرب زفت جماله


والمصيبه اتحنه من دمه الملاك
والمصيبه. تضحك لهذا وهذاك


يمته تخلص ياجمح
الجرح مايشفه بجرح

يا محرم_يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اشتحس لمن يرتفع بيك العويل
وكلي ماتستحي من حامي الدخيل
مايهزك بجي زينب عل كفيل
وعلي الاكبر شاب ماصحله أي مثيل


گمر هاشم بس تهل يفكد جفوف
گمر هاشم ينذبح برض الطفوف


وينه أبو الوجه السمح
الجرح مايشفه بجرح


يامحرم_يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ضلم بيك الورده لا ماتستراح
ودمه عبد الله الطفل بل نبله ساح
شهر ابدا ماسكت بيك الصياااح
لان تشهد سبي الحي اعله الفلاح


وبو الاكبر هوه أخر هل شموع
وبو الاكبر خيل تسحكله الضلوع


وتنسبي الماتنلمح
الجرح مايشفه بجرح

يامحرم _يامحرم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لخادم اهل البيت ع

رياض عباس الشغانبي

م 1446

اصعب مواقف كربله _الميمون من رد وحده
من الخيمه ردت اطلع لجن _هل درب صار شبعده
أخر شعاع حسين جان ابالي
ضلمه اصبحت من المهر رد خالي
؛؛؛؛؛؛؛؛؛؛!؛؛؛؛؛؛!!؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

زينب وسولف موقف اخر ضي فكدنه
وكت العصر قبل الشمس غابت شمسنه
ودعنه الحسين ورحل بس مااا ايسنه
منا لمن جانه المهر يصهل ذعرنه


موقف صعب كلش اذا_ودع الوالي اعياله
واليرد دمه اعله المهر_ من طاح محد شاله

وحسين جان لزينب أخر والي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جنهم قبل نار الخيم حركونه بل هم
من شفنه عل ميمون دمه وشنهي من دم
دم فزع حماي لخواته ومانه مهتم
لو طاح عل كاع ابعجل منه. اتهدم


الكاع خجلت يابشر _من طاح دامي عليها
شنهي لضماير لو صخر _ هم حنت النه شبيها


وحسين كلهم خلو بس عيالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ساعتها طحت اعله المهر طيحت الميته
اليوصلها بس دم من اخوها اشتحجي اخيته
حاجيت ميمون الولي عنه ونشدته
بعده بركبته حسين لو حزو ركبته


هذا السؤال من الصعب _ينسئل بس بغايه
لو راسه صار اعله الرمح _هسه احنه يعني سبايه


يامهر كتله شلون طاح الغالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جاوبني جنه بصيحته يعني الضليمه
وحسيته كلش محترك شايف جريمه
يصهل اوجهه اعله السمه جن يشكي ضيمه
ويقنت هسه من الحرك ماتبقه خيمه


والاقسه من نار الكلب_نار الخيم من تلهب
وطفال راحت تنجوي _ونسوان راحت تتعب


وانه العقيله الشمر يتراولي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ضلمه أصبحت حل الذعر بين الحراير
والكوم اجتنه وخيلهم سحكت مناير
كل الاناشدهم جثث وبلا مناحر
أخر غيور المرض هد حيله ويكابر


والطحن كلش مهجتي _زين العباد اشسوه
عل سيف طالع يستند_والمرض خلاه يهوه



ارجع كلتله وربك اوله بحالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حاطوو خيمنه ورعبو اطفال الهواشم
كلهم حقد صلفين مابيهم مسالم
وليه وصحت عباس ياسبع الملاحم
صاحوو ابوجهي كافي اخيج ماهو سالم


وانه ادري مكتول ولجن _الشده لهل الشده
ولو جان عايش ماصحت _كبل الصياح الهده


امنيتي جانت يرجعلنه اخيالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


حركوهن اوصط الفلااا ركضن الخدر
شافن رعب ماينوصف من جاهن الشر
وضيمي انه كلش مو سهل كلبي اتفطر
ماضلي حيل عله الركض ياربي كمت اتعثر


محتاره مابين الغدوو _عل غبره كلهم موته
ومحتاره مابين المشن _ورواحهن مفتوته


صعبه الشماته تشوف دمعي ايلالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لمونه بحبال السبي وشتمو محمد
وساگونه بسياط الهضم ماهم الجد
ومرونه عمدآ عل اهل والباري يشهد
شمات رادووني انكسر بس زينب اعند


وانه الاحاول ما اون _ونكسر لو ضربوني
عباس وحسين أعتقد _عل رمح ويشوفوني


ايهموني اخوتي وماتهمني احوالي
ضلمه اصبحت من المهر رد خالي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خادم اهل البيت ع
رياض عباس الشغانبي

/جديد م 1446