قناة الشاعرة العلويه ام وليد الموسوي

🎇جبنالكم اليوم قناة اكثر من رووووعه
انتي مله تعالي وياي لهذه القناة ولاتحتارين ...

قناة متكونه من محاظرات مبسطه وسهله للمتلقي،
وكذلك هذه المحاظرة متكونه من كوريز ونعي حزين جدا،
وأيضا متكونه من قصائد روووعه وموزونه.
بعد ما راح تحتارين كل اللي تردينه
🌺العلوية أم نور الميسانية🌺

اشتركوا بالقناة فضلا وليس امرا
انصحكم تشتركون بهذه القناة الروعه

https://t.center/Aleulawiuhamnuwr

📜قصيدة للإمام الحسين "عليه السلام
🎵على لحن قصيدة " شال الراية "للرادود حسين والي اللامي
🖋️لخادمة أهل البيت العلوية ام وليد الموسوي


"احچاية  احچاية  احچاية لحسين ننطي احچاية"

لحسين منطين اوعود نمشي اعله نهجه ودربه
والزل طريقه مطرود ميشووف رحمة ربه
أبدون المجالس يا ناس چن عايشين بغربة
نحسبله كون الف حساب الماي من انشربه

"عطشان مات المذبوح محروم شربة مايه"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
دنيانا رحلة وهيهات تخلص بدون احسيني
غربة ومصايبها أهواي بس هو الينجيني
مولاي أريده امشي أوياه مثل اعمى وايدليني
اعبر صراط الحق بيه يبرالي  ويماشيني

"بالشده حاضر تلگاه  الشخصك تعنه  عناية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
بالشدة ننخه المظلوم نلتجأ لي من نتعب
همنه صعب احنه هواي  وأعلي سهل مايصعب
ابن الزچية ومعروف  بالحاجة هوه مجرب.
والعرف قدره ومعناه بيده يصعده المركب

"يفوز وختم چفه حسين نال الشرف والغاية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
نستشعر الحب وياك. بيه المشاعر  تكبر
يسجد شكر للمعبود كلمن صعد عالمنبر
تم اختياره أمن حسين اي وحگ كطع المنحر
يوم القيامة يحضرون فاطم وابنها المحشر

"همه السند للخدام  يوم الحشر تچاية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
بمالات اهلنه نحاچيك حبك اجه عالفطرة
يابو علي وجه الخير منك نريد النظرة
للعدل انتَ وللمات بالگبر تمشي تحضره
خسران كلمن عاداك مينول صك الزهرة

"مضمون عدها وموثوق وهناك بيضه الراية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
كل خدمه مو لجل حسين ما تنقبل مرفوضة
لا مانسينه الي صار وعظامك المرضوضه
لو نزلت ادموعي العين اقسم قسم محظوظة
تندحر وادنگ الراس خل ناسك المبغوضه

"بأسمك طريق الأنوار قرآن انت و آية"
احچاية  احچاية  احچاية لحسين ننطي احچاية"
ــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

عمل الانسان …

في كل لحظه يستطيع الانسان ان يعمل الخير قربه لله … هل سألت نفسك ما الذي يمنعك من عمله الان وذلك بسبب غفلتك عن هذه اللحظه او بسبب عمل محرم قد سلب التوفيق منك  ….

وكذلك في كل لحظه يستطيع الانسان ان يعصي الله  ولكن رحمة الله هي التي جعلت النفس الامارة في سبات عميق لهذا اياكم و الخروج من رحمه الله ….

*📜قصيدة للسيدة الزهراء "عليها السلام"لسان حال السيدة زينب "عليها السلام"*

*🖋️طور  قصيدة الحاج  ملا جليل الكربلائي*
* *"لوون  يوصل بدية رحت للغاضرية"*


اليـوم امي الزچـية  على أفراش المنية


عسه  يومچ علي لا گرب . لاحـان
إسهام  بنص دليلي اليوم . لا حان
الكسر ضلعچ ابد لا رحم .لا حان
"طبگ روحين بالــحايط سويه"
ـــــــــــــــــ😭ــــــــــــــــــــ
اسگـطت  بالـباب وعيـوني .. تـراها
صـاحـــت ياعــلي  امـــــي .. تـراها
العدوو اعله الزاچيه بيده.. تراها
"سطرها وعينـها  شبحت عليه"
  ـــــــــــــــــ😭ــــــــــــــــــــ
بشبـحت عينـها عالـروح .. مـــرهم
لا تـرحين انــه بليـــــاچ .. مـــر هم
انتـي  الوالـدة للجـرح .. مـرهـم
"اذا تـرحيـــن يـمة شلــون بيـــــــه"
ـــــــــــــــــ😭ــــــــــــــــــــ
ابحلم نعشچ جفـــه عني .. وراحل
صـحت بصوت يايمــة..ورا حـــيل
عصرتج والضلع ماكو. ورا حـــل
"اضـن ترحيـن يحـبيبة أمــن اديــــه"
ـــــــــــــــــ😭ــــــــــــــــــــ
اليالي اويه الحنينة گضن.. وچفان
تجري ادموم يمه اعيون..وچفان
جابوو لم حسن تابوت..وچفان
"وحشه البيت يمه بهل المسية"
ـــــــــــــــــ😭ــــــــــــــــــــ
شــلــج بــالــگبر يــمـه...وترابه
للــجــيــه تـصـد عـيني...وترابه
ترى گلبي الهظم لاحه...وترا بيه
"لچمة امن الوداع اتضل عليه"
ـــــــــــــــــ😭ــــــــــــــــــــ
✍️تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.center/Alalwya

📜قصيدة وزن الفائزي للإمام الحسن العسكري "عليه السلام"

شايل الليلة العسكري  والچبد ممرود
لاحت علامات الحزن من طب للحود
══━━━━✥◈✥━━━━══
لا حـت علامات الحزن والبيت خـالي
هاليوم ننصب فاتحة  والصوت عالي
يسـمـع المهـدي وينتحب فـاگد الوالي
مسموم شالو للگــبر والراح ميعود
══━━━━✥◈✥━━━━══
مسموم صارت فاجعة والحجة محزون
اوداع الاخـير يـوادعـه  ويـن اليــعـزون
بسامـرة كلـهم شيعته خلــهم يحضرون
ايشيعون نعشه العسكري هاليوم مفگود
══━━━━✥◈✥━━━━══
مشيعين نعشه بالحزن  سمته العـدوان
سامـرة وحشة ومظلـمة  مفــگود الاذان
مثـل الحسين بكـربله  ذبحـوة عطشان
بكـل بيت ماتم للعزة  هالـيوم مــوجود
══━━━━✥◈✥━━━━══
بكل بيت ماتم للحسن سم العدوو ضاگ
ودع احبابه وغمضت  عينه للفراگ
يشتاگ الك يالمنتظر كل لحظه يشتاگ
اجرك عظيم  اعله الجره صحنه يموعود
══━━━━✥◈✥━━━━══
اجرك.عظيم أعله الجره والدمع من دم
مجلسنا منصوب ونون للمات باللسم
نـاره تضـل بكلـــوبنه ونـار المـــخيم
ونار الچفوف العلنهر ضلت والزنود
══━━━━✥◈✥━━━━══
لـزنود ضلت ياوسف والضلع مكسور
اويه الهادي وين الي، بچه كل دمعة مذخور
ما ننسه يوم العسكري وما ننسه عاشور
باب الفرج من ننتخي كل باب. مسدود
══━━━━✥◈✥━━━━══
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.center/Alalwya

فزاعية لمولانا الحسن العسكري علية السلام

هاليوم  نلطم  والعزة
للعسكري  مسوينة

هـذا عـــزانـة للابـــد
ممرود ياحيف الچبد
راحو يحفرون اللـحد
والمـهدي الله يعيــنة

والمهدي يهمل دمعتة
نصبت مـاتـم شيـعتــة
يشـبه حسين وذبحـتة
مـن كســرو  ضلعــينة

عطشان مكسور الضلع
للعسكـري نـهـل الدمـع
صوب المقابر مـن طلع
نعـشه الــولي  مشيعينة

مـرفوع نعشــه بالحــزن
نحـضر مـراسيـم الـدفـن
خلـونـة لمصـابـــة  نـوون
مسمـوم غمــضت عيــــنة

مسمـوم  يــابــحر العـلـــم
گلب ابـو صالـــح منـــهدم
لـلـحسن  شـدنــة اللــــطم
ومـــصـابـه مــا  نـاسينــــة 

مـا ننسـة چـــبدة مگـطعة
كـل چـف مـوالي يرفــــعة
مــــجلسنة حــــيدر وقــعة
مـختــــوم مـــــن چفــــينة 

تمت بقلم خادنة اهل البيت عليهم
السلام ام وليــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.center/Alalwya

قصيدة لمولاتنا الزهراء "عليها السلام"

اليوم ام الحسن عالرووس شيلوها
رايـــات الحــزن للــزهرة رفـــعوها
══━━━━✥◈✥━━━━══
رفـعوه النــعش يــا شيـعة هالــيلة
مــو عالراس نـص أگلــــوبنه نشيلــه
چفـنها علـــي والمـــــدمع يسيلـــــة
ومـلاك السمــا اويـــاه يشيــعوهـا
══━━━━✥◈✥━━━━══
امــلاك السمـــة تنــعه المصــيبتها
بيـــن البـــاب والـحـــايط منيـــــتها
زينب حــايرة وتســـيل دمعتــــــــها
تبچي للجنـين ضلــــوعه كسروها
══━━━━✥◈✥━━━━══
تبچي اعله الزچية وسمعت السطرة
هنيـاله الحـــضر تشييـعها الـــــزهرة
لـو ننــدل گـــبرها نـــزوره لـــو مــرة
هـاا يم گـبر مخــفي اليـــوم ندبـــوها
══━━━━✥◈✥━━━━══
هـاا يم گــبر مخـــفي اغيابج هـوايـه
نـريد اليــــوم يــمــه نرفـــــع الراايـــة
ونشـيل النـــــعش ونـــروح مـشايــــة
وحبــــابچ الصــرخة حـــيل علـــــوها
══━━━━✥◈✥━━━━══
صـرخات ودمـــع ننــــعاچ يـــــوميـــة
زينـب صــــاحت امـــي مـــالها جيـــة
تضـل طـــوول العــمر رگبـــتها محنية
شحــال بكــربلـه كــــلهــم يخـــــــلوها
══━━━━✥◈✥━━━━══
شحــال بكـربلة تسـمعيــن ونــــاتــــــه
حسـين يطيـــح ويـــحرگون خـــيماتـه
گـلبـچ يالعـــقيـلة هـــواية لچـــماتــــه
ضعـون ام الخـدر للشـــام يحـــــدوها
══━━━━✥◈✥━━━━══
تمت بقلم. خادمة اهل البيت عليهم السلام
ام وليـــ✍ـد الموسوي لا اجيز حذف الاسم الفاتحة إلى روح والدي ووالدتي

https://t.center/Alalwya

نعي، للامام الحسن العسكري عليه السلام

حسافـه العسكري نـايـم  بالگبور
مسمــوم چبـده ومــات مغـــدور
مـا خلــص، بعـده شهـــر عاشـور
------------------------------------
مـاخـــلص  ومصيبه جـديــــــده
اليــوم ابـو صالــح صفــگ بيـده
نهــمل دمعــنه ويـــاه نــزيـــــده
------------------------------------
نهــمل  دمـعنـه النـعش شالــووه
خلـو يـودعــه وليــــــده خلـــوه
كلهــم تــــره اهــل البيت عافـوه
------------------------------------
المسمـــوم والـــداسنه الخيــول
هـاليـوم.ننـــعـه الـحسن ونـگـول
فـراگك عــليـنه سيدي يـطــوول
------------------------------------
مــولاي لجلك تجـــري العــيون 
مـرفـوع نـــعشـك فـوگ المــتون
يحـضر الحــجة اويه اليـــعزون
------------------------------------
يحـضر عـزانه الحـجـة هـالـيوم
عـلـوو الـونـة عـلى  المســـموم
مهـدوم گـلبـه المهدي مهـــدوم
------------------------------------
عــلى والـــــده يبــچي القــائــم
اليوم العـــزة  عنـد ال هـــاشــم
خلـصوو قــــتل اهـــل العـــمايم
------------------------------------
تمت بقلم خادمة اهل البيت عليهم السلام  ام وليــ✍ـد  الموسوي لا اجيز حذف الاسم الفاتحه الى روح والدي ووالدتي

https://t.center/Alalwya

نعي ملاقاة السيدة زينب عليها السلام مع اخيها محمد. ابن الحنفية

اگـعد. نسولـف  يا ولينــــه
ونشكـــيلك الصايــر علينه
حسين بحصــــيرة لافينه

عبـاس طفـه السهم عيـنه
چا شنهـي جيـتي  للمدينه
اتذكرنه الايام وبچيــــنة

يـــاضـعن المــــن راد گلــــي
خالــي  النزل ما همه اهلــي
عگـب اخوتي بالعمر شلـــــي

عگب اخوتي هالدنيا ضلــمة
كل غالي وسفة الگبر ضـمه
طش، الضعن منهو اليلـــمه

خليـــني اسولف  يامــــحمد
لايگ عليـــه ثـــــوب الاسود
محد. تلگه الضــــعن من رد

محد. هله گال الخــواتـــــه
كلهــن تره ضــــاعن بناتـــه
طبت السوگ اويه الشـماته

محروگ گلبي امن الدواوين
گلي هله بزينب يالحسيـــن
هيهات شوفــــتهم الطيبين

حسبالي اجي وعباس، موجود
وحسين اخيـــي، البيـته يعــود
نامــــوو فــــرد نومـه بللحــود

•••••••••••••••••
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

قصيدة شدة للرجوع إلى الديار

محد  تلگه ضعونها وصلت للديار
المن يزينب جاية  مامنهـم اخبــار 
━─━────༺༻────━─━
المن يزينب جايــة  تهمل دمعتچ
اثار طبع السلسله  باقــي برگبتچ
ويه الحنان بكربله  فلـت عشرتچ
ماكو هله ودار الولي، غاطيها الغبار
━─━────༺༻────━─━
ماكو هله من الحملوو. والونه بهــداي
وين التعازي ام الخدر  والتبچي وياي
ردت  توون لديارهم صاحت يولـــياي
ضلوو ضحايه بالشمس والگلب محتار
━─━────༺༻────━─━
كلها ضحايــــة امذبحه الله يعيــــنچ
للدار جيـتي الوحدچ. مـاهـو احسينــچ
صوب الشريعه للكفل  مشبوحه عينچ
نام بسوافــي المكبرة. لا يمـــنه ليسار
━─━────༺༻────━─━
ناموو فرد نومة. سووه ابحــر الظهاري
عافوو اختهم بالفـله  طرت صحــاري
مابين چفه اومنحره عالغبره. عـــــاري
منين ابدي ومنين انتهي يازينب الصار
━─━────༺༻────━─━
منين ابدي، ياروحي الحچي لم المصيبة
لرض، المدينة من اجت زينب غريبة
والمات ميفيدة االبچي، لا ما يجيبـــه
هاليـوم ننصب ماتمج يابنت الاحـرار
━─━────༺༻────━─━
هاليوم ننصب ماتمج للــــدار اجيــتي
والبيت فارغ من هلچ گولي شلگيـتي
بسـم ام حسن هــاذا العزه مــن سجليـــتي
يحضرنه باچر بالحشر جدچ المــختار

━─━────༺༻────━─━
تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

https://t.center/Alalwya

*شدة وزن الفائزي  للرجوع الى الديار*


رديت لديــــار الاهـل  هـاي.المسية
لا مــاتـرد. گـعداتنه  الچانت سويــة
⊱━━━━⊰✾⊱━━━━⊰
بيت النودهـــم ياخلــگ مسدود بابـه
يـا دار الحسين  انذبح  ضل عالتـرابه
جيت اشتكيلچ عالجره  وضيم الخرابه
يــم بابهم هلت التــرب   بثنين اديـــة
⊱━━━━⊰✾⊱━━━━⊰
يم بابهم هلت الترب  واصرخ يمذبوح
خالي نزلهم من شفت چن طلعت الروح 
انذبحوو اخوتي بكربله  وهواي الجروح
تهــدم.الحــيل انزولهــــم  ضلت خلـية
⊱━━━━⊰✾⊱━━━━⊰
تهـدم. الحيـــل نزولهم  ياذيـچ الايــام
يا ضيعت اولادي سوه  ياحرگ الخيام
من كربله راس، الولي، يماشيني للشام
هاليـــوم رديـت بهظم يهـــــل الحمية
⊱━━━━⊰✾⊱━━━━⊰
لضـعون ردت بالــــحزن ويهل دمعها
بالبـاب ضلت تنتـحب محـــد. سمعها
ام البنيــن وفاطـــمة  محني،  ضلعها
وتگــلي، شوو ويـه الضعن ماكو رقيه
⊱━━━━⊰✾⊱━━━━⊰
تصيـح العليلة وتنتحب ويهــل جفنها
تسال على حال الابو  وكثّرت ونـــها
امصايب ابد ماتنحچي عمتـــچ  لفنها
بس، العليل امـن الزلم محد اليــــة
⊱━━━━⊰✾⊱━━━━⊰
بس، العليل من الزلم  غارگ بهـــمة
حيلچ گضه من البـچي، كافي يعـمة
سجلينه كلنه بدفترج  قبلي الخدمة
تحضرنه يوم الموزمه وكت المنيـــة
⊱━━━━⊰✾⊱━━━━⊰
تمت بقلم خادمة اهل البيت عليهم السلام  ام وليـــ✍ـد. الموسوي لا اجيز حذف الاسم  الفاتحه الى روح والدي ووالدتي

https://t.center/Alalwya

حال الامام السجاد عبعد دفن والده الحسين ع ﷽
ــــــــ
كون وي العـــــــزيز تودع الروح
ولاتبقى بحزن والونه والـنــوح
ـ،،،،،،،،،،،،،،،،،،،،،
يريت وياه يغمض جفن عيـــــنك
بساعة دفنته   تدفـن  سنيــــنك
شيسكته بعد يجـــــــهر ونيــــنك
تگضي سنين عمرك تنزف اجروح
.....

شيسوي بحـــياته اليدفن حسين
ابوي بروحــــــــته  طفالي العين
وبوسط الگلب خلــــف نياشــين
ياعطره الــبقه بكتاري  يفـــــوح
،،،،،،،،،،،،،،،،،
ماالومـه اليـــــموت ويه الغوالي
شسوي بالعمر والضــــــيم حالي
عگب حسين توحشــــني الليالي
ماضنيت يهدم  حيلي و   يروح

متفارگ خيالي صـــــورة الحيد
من شفته اموذر مادلي الايـــــد
يابس گلبه مـــــــــني اميه يريد
دمه تارس التربان مســــــــفوح

راسه اعله الرمح يشــبه القـران
يرتل بالـكهف وي وكـــــت الاذان
على طول الدرب يحمي النسوان
وين تروح  اطفاله بقى  يلوح
.............................
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

حديث استشهاد الامام زين العابدين عليه السلام
....................
بسم الله الرحمن الرحيم
اللهم صل على محمد وال محمد
صلى الله عليك يارسول الله
صلى الله عليك ياحبيب الله
صلى الله عليك ياابا عبد الله،،، يارحمة الله الواسعه وياباب نجاة الامه،،،،ماخاب والله من تمسك بكم وامن من لجأ اليكم،،، فياليتنا كنا معكم فنفوز والله فوزأ عظيما على الغريب،،،،
فوالهفاه للسجاد مُضنىَ
برته سمومه بري القداح

تذكره السموم لظى سموم
يكابدها ابوه لدى الكفاح

فيسلو ســـــمه بلظى ابيه
وماذكر السموم بمستراح

ويذكر اذ تـــــجرعه سموم
اباه.حين اُثخــــن بالجراح

الى ان سمه استوفى قواه
فاطفا منه مصبــاح الفلاح

قضى السجاد مظلموما بسمٍ
فما طيب الكرى لي من مباح
ايامحبات الزهراء عليها السلام يقال انه لما هلك عبد الملك لعنة الله عليه جلس ابنه الوليد على سرير الخلافه فجعل يحتال في قتل امامنا زين العابدين ع حتى بعث سمأ قاتلا الى والي المدينه وامره ان يسقي الامام زين العابدين ع ذلك السم ويقتله بالسم سرأ،، ففعل الوالي فلما سقى امامنا بالسم مرض مرضا شديدا يغشى عليه ساعة بعد ساعه حتى.ليلة وفاته غشي عليه ثلاث مرات فلما افاق من غيشته تلا هذه الايه ((الحمد لله الذي صدقنا وعده واورثنا الارض نتبوأ من الجنه حيث نشاء فنعم اجر العاملين)) ثم دعا ولده الباقر ع واوصى اليه بالامامه وقال له اذا مت فلايلي غسلي غيرك وفاضت روحه الطاهره
رحم الله من نادت واماماه واسيداه
الابوذيه
علي حايز مراجلها،،،،،،،، وسمها
علامه الغصص يجرعها،،،، وسمها
گضه والجامعه بجيده ،،،، وسمها
وسمه بالچبد ناره سريه
.....................
لسان حال الامام الباقر ع
گضيت عمرك بويه بالنوح
ودمعك يكت من دمه مسفوح
............................

✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*ابوذيه مع نعي للامام السجاد ع*
ـــــــــــــــــــــــــــــــــ
سهم فگد الابو لوعني ونبات
بنص حشاي نام وحيل ونبـــــــات
زرعت الحزن وي الصبر ونبــــــــات
هموم واه
حد. يوم المنيـــــــه
ـــــــــــــــــــــــــــــــ
اليوم المنيه الگلب مصيوب
من اهلي ما يوصلني مكتوب
وحدي مريض بوكت الغروب
ـــــــــــــــــــــــــــــــ
وكت الغروب انتظر خطار
من المشو مامنهم اخبار
مسموم الجبد ضليت بالدار
ــــــــــــــــــــــــــــــ
بالدار وحشه وجبدي مسموم
يگلبي حملت المرض وهموم
يلفوني اهلي گلت يا يــــــوم
ــــــــــــــــــــــــــــــــ
هاليوم اريدنهم يجوني
عدواني يهلي سمموني
جبدي نگطع ونخطف لوني
ــــــــــــــــــــــــــــــــ
مگطوع مني وجاني الموت
مريض واهل الدمع بسكوت
وين الاهل حضرولي تابوت
ــــــــــــــــــــــــــــــــ
يالوعت الوجعان لوعـــــــه
دم للاهل هلن دموعه
ردت الذي كسرو ضلوعه
ــــــــــــــــــــــــــــــــــ
ردت الذي منذبح عطشان
يجيب ليه سدر واجفان
ويشيل النعش ويروح دفان
ــــــــــــــــــــــــــــــــ
ايس يگلبي مايجوني
ويشلون الجنازه يغسلوني
حان الاجل غمضن عيوني
ـــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*مربعه للامام السجاد ع لسان حال السيده زينب*
ـــــــــــــــــــــــــــــــــ
صدگ شال العليل وداره ظلمــــــه
زينب من گبرها الدمع يهمــــــه
ـــــــــــــــــــــــــــــــ
دمعي ما نشف من شالو ضعونه
عليك الروح ياالسجاد محزونــــه
بيادين وشرع جبدك يسمونـــــــه
الف لعنه عليه شلون سمــــــــه
ـــــــــــــــــــــــــــــــــــــ
سم ابن النبي والنذل ما هابــــــه
نيران الگلب ماطفت لهابـــــه
تدري بعمتك نامت بالترابــــــــه
وبيوم المنيه من صحت عمـــــــه
ـــــــــــــــــــــــــــــــــ
وبيوم المنيه من صحت زينــــب
يازين العباد وگلبي تصـــــوب
وحق حسين من شيبه الذي تخضب
متني والضلوع صوابك يلجمــــــــه
ــــــــــــــــــــــــــــــــ
متني والضلوع عليك محنيـــــه
الف وسفه الزمان الهيج تاليـــــه
يبو الباقر عليك الروح مگضيـــــه
يريد تراب گبرك عمتك تشمـــــه
ـــــــــــــــــــــــــــــــــــ
بعيده دروبنه وحال الأجل وكتـــــه
جن اليوم شيعوني وانه الميتـــــه
روحي معذبه ياريتني شفتـــــه
ونصب فاتحه والعين خل تعمـــــه
ــــــــــــــــــــــــــــــــــ
ونصب فاتحه والعين همـــــاله
عمت عيني يعمه النعش من شاله
نشيان الدهر هاذا الدهر، حالــــــه
كل زين وبطل باللحوده يضمه
ــــــــــــــــــــــــــــــــــــــــــ
كل صاحب مروه للگبر شيعوه
من حاضر الدفنه وسف من دفنوه
جبدك يسمونه وگلبك يمردوه
يضل طول العمر ماينسه همــــه
ــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*قصيدة ثگيله للامام السجاد ع*
ـــــــــــــــــــــــــــــــــ
ااه يلعليل وقصته ضاگ المرض واللوعـــــــــات
دروب اليسر والجامعه يحدون بيــــــه الشمات
اهله الترب غاطيهــــم
يبجي ويوون عليهـــــــم
يحدون بيه الشمات
ــــــــــــــــــــــــــــــــــــــ
فگــــد الاهل يحني الظهر شفت الابو ودمومـــــــه
احزان خلصت العمر بوجهك بقت مرسومـــــــه
بالشام ويه ام الخدر عمتك بقت مهظومه
للاجل ما ناسيهم
يبجي يوون عليهم
يحدون بيه الشمات
ـــــــــــــــــــــــــــــــــــــــــ
حد المنيه وما هجع حال الهظايم حالـــــــه
شحال المشه براس الابو ويحدي الضعن جتاله
تاليها بسموم العدو متگطعات اوصالــــــه
عدوانه يماشيهم
يبجي ويوون عليهم
يحدون بيه الشمات
ـــــــــــــــــــــــــــــــــــــــــــــــــ
عدوانه رافگ والمرض ضلت تهل عيونـــــــه
عينه تصد الكربله جثت الابو مرهونه
محتار ويه العايله ورقيه الزغيرونه
شسوه زمانك بيهم
يبجي ويوون عليهم
يحدون بيه الشمات
ـــــــــــــــــــــــــــــــــــــــــ
شسوه زمانك سيدي قصته عظيمه وصعبه
هدمت حيله ام الخدر مجلس يزيد اطبــــــه
وراس الحسين ع رمح مابين ناس الغربه
حجي العدو ماذيهم
يبجي يوون عليهم
يحدون بيه الشمات
ــــــــــــــــــــــــــــــــــــــــ
ماذيه وتتفرج وسف ابن الزجيه الزهره
تگطعت وسفه جبدته مابين ناس الكفره
راده الابو يحضر اله نايم بقه اعله الغبره
جفان الترب ذاريهم
يبجي يوون عليهم
يحدون بيه الشمات
ـــــــــــــــــــــــــــــــــــ
اجفان منهو الجاب الك يالعابد نهل دموع
اكتب يمولاي بحزن كل حرف تعلگلي شموع
منكر يجيني للگبر صوته مخيف ومسموع
بالخدمه اناديهم
يبجي يوون عليهم
يحدون بيه الشمات
ــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*قصيدة ثگيلــــه للامام السجاد ع*
ـــــــــــــــــــــــــــــــــــــــــ

شيعــــــــوني،،، وعيني شبحت عالاهـــــــل
شيعــــــــوني،،،هاي ساعات الأجــــــــل
والدهر مني خذاهـــــــم،،، مااجو اهلي شجاهــــــــم
شيعـــــــوني شيعـــــــــوني
ـــــــــــــــــــــــــــــــــــــــ
شيعــــــــوني وشابحه عيوني عليهم
انظر ادروب الاهل گمت ارتجيهم

وهمه اليهيلونه اترابي بديهم
هاي المشيعين ماكو احبابي بيهم
ااه يگلبي المانساهم،،،مااجو اهلي شجـــــــاهم
شيعــــــوني شيعــــــــوني
ــــــــــــــــــــــــــــــــــــــــــ
ماانساهم وبذكرهم كل مسيــــــه
ليش وكت الموت ماحضرو اليــــــه
جبدي مسموم وتراودني المنيــــــه
نامو بتربان طف الغاضريــــــه
والعتب مارجعاهم،،،، مااجو اهلي شجاهــــــم
شيعــــــوني شيعــــــــوني
ـــــــــــــــــــــــــــــــــــــــ
والعتب شيفيد بيهم مـــن اعاتب
صحت وين النامو بطي الترايب
مادرو بيه شفت هول المصايب
عمتي زينب ماتت بين الاجانب
ااه يموت انه برجاهم ،،،،ماجو اهلي شجاهـــــــم
شيعـــــوني شيعــــــوني
ـــــــــــــــــــــــــــــــــــ
ااه يمــــوت الخذت روحي وخلصتنـــــي
سمعت عمتي بالخرابه تصيح متني
تالي عدواني بحقدهم سممتني
للگبر احبابي ماجت شيعتني
صواب جبدي صوباهم،،، مااجو اهلي شجاهم
شيعوني شيعوني
ـــــــــــــــــــــــــــــــــــــــ
صواب جبدي والنعش منهو اليشيلـــــه
حسين ردته يحضر يجفن عليلـــــــه
تراب لحدي ريت يابويه تهيلـــــــه
مابقت بس دمعة عيوني وسيلــــــه
يادمع لا تجري ماهم،،، مااجو اهلي شجاهم
شيعوني شيعوني
ــــــــــــــــــــــــــــــــــــــ
ماهم وايس يگلبي من الجفـــــــوني
ردت للقبله يجون يقبلوني
جنت اضن منهم يجون يغسلوني
وباللحد احباب گلبي، يوسدوني
يادهرنه الضيعاهم،،، مااجو اهلي شجاهم
شيعوني شيعوني
ـــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*قصيده شده وزن الفائزي للامام السجاد ع*
ـــــــــــــــــــــــــــــــــــــــــــ
منهو اليشيل جنازتـــــــه المسمومه جبـــــده
يالباقر احضر للابو وسده بلــــــــــــحده
ـــــــــــــــــــــــــــــــــــــ
وســـــد ابوك وبالگبر خليله بيبــــــــان
گله عليل ومنمرد جبده يدفـــــــان
بهداي خلي نمــــــدده نسبل الذرعان
من ال بيت المصطفى المرتضى جـــــــــــده
ـــــــــــــــــــــــــــــــــــ
من ال بيت المصطفى تعرف نسبهــــــــم
عدوانهم ماكو رحم باين حقدهــــــــم
ياخذ اجر من النبي كلمن لعنهــــــــم
هايه عقيدتنه ونضد كلمن يضــــــده
ـــــــــــــــــــــــــــــــــــــــ
هايه عقيدتنه الك صحنه ونخينـــــــه
لرض البقيع ونعتني ونمـــــد ادينــــــــه
شفتو عليل بجامعـــــه ومگيدنه
مجروح من يوم الاهل جرحه شيشـــــــــده
ــــــــــــــــــــــــــــــــــــــ
مجروح وافاه الاجل. منهو الحضرله
يجيبون كافور وجفن ماهمه اهله
بحزان ننصب ماتمه كلنه ونگله
تمنينه كلنه نطوفهه گبور المبعده
ــــــــــــــــــــــــــــــــــــــــــــــــ
تمنينه ننصب فاتحه يم گبره اليوم
ونشيل رايات الحزن نصرخ يمسموم
ياخبر سمك سيدي ع الشيعه ميشوم
خالي مجانه اعله الاهل گلي شيسده.
ــــــــــــــــــــــــــــــــــــ
شيسدها وحشه خلتك ياسيد الكون
تبجي عليك ارض وسمه يبن اليفرضون
شما اكتب الكم سادتي ابقى انه ممنون
تحضروني ساعات الاجل
لو حان وعده
ـــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*لطميه مع نعي وهوسه للامامم السجاد ع نهاية مجلس*
ـــــــــــــــــــــــــــــــــــــ
ابو الباقر يوون مايدري ابو اليمـــــــه
مگطوع الجبـــــد والسم سره بدمـــــــــه
اثار الجامعــــه وارم بقه جسمــــــه
*فزاعيـــــــــه*
ــــــــــــــــــــــــــــــــــــــــــــــ
زينـــــــب بالعزه صاحت يملفاها
شدن لطمت السجاد ويــــــــاها
ـــــــــــــــــــــــــــــــــــــــــــ
شدن لطمتــــــه المسموم عدلنـــه
باجر بالشدد كلجن تنــــــــدبنه
عله ابوالباقر تنوح وما بطل ونـــــــــــه
((ونعازي المحد عازاهـــــا))
ـــــــــــــــــــــــــــــــــــــــــــــــــــ
نعازيها ونهل دموع سجابـــــــه
زين العابدين ويكتل مصابــــــــه
سمــــاه اللعين وناره لهابـــــــــــــه
((ما خلصت من ضيم عــــــــداها))
ـــــــــــــــــــــــــــــــــــــــــــ
ماخلصت الساجد سممو جبـــــــــــده
يشيال النعش صحنه النعش رده
ويانه ام الخدر تحضرنه بالشــــــــده
((تنطينه مراد وننخاها))
ـــــــــــــــــــــــــــــــــــــ
تنطي لو نخينه وصوتنه سمعــــــــه
نحلفج بالعليل ونهمل الدمعـــــــه
بحق جنازته الضل محد يشيعـــــــــه
((وبحسين الراح وما جاها))
ـــــــــــــــــــــــــــــــــــــــــ
بحسين وعلي السجاد مندوبه
جثته ع رمل ضلت ومگلوبه
نسمع صوت اجه الزينب المهيويه
(( كلمن ندبت ما تنساها))
ــــــــــــــــــــــــــــــــــــــــ
نندبج بالعقيله ونجري دمع العين
الكلمن يندبج والگبره تحضرين
بكل مجلس عزه منصوب الج تدرين
((والهاذا اليوم ذخرناها))
ــــــــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya

*قصيده للامام السجاد ع على طور تعبانات*
ــــــــــــــــــــــــــــــــــــــــــ
يالسجاد صحنه مسموم الجبد
دروبه بعاد منو يوسده باللحد
يالعابد يالعابد
ــــــــــــــــــــــــــــــــــ
دروبه بعاد يريد اليدفنـــــه
وين حسين يحضر يجفنــــــه
ضل وحيد يجهر الونــــه
ريت وياه حفرو لحدنــــــه
خل اليوم نبجي ننصب ماتمه
يالمظلوم صيحي جبده مسممه
يالعابد يالعابد
ـــــــــــــــــــــــــــــــــــ
يالمسموم ننصب مجالس
ابن حسين ويانه جالس
مجانين شبهونه عابس
اليوم حداد كلها المدارس
اليوم حداد للعلم والموعظه
صار سنين بالمرض حيله گضه
يالعابد يالعابد
ــــــــــــــــــــــــــــــــــــــ
صار سنين شاف النوايب
ماكو احباب لبن الاطايب
تغسله اليوم توسده الترايب
ضل مسموم والله عجايب
نبجي عليه بدموع الهامـــــــله
بالسموم نعادت هناه كربله
يالعابد يالعابد
ـــــــــــــــــــــــــــــــــــــــــ
بالدموع واسينيه ابنـــــه
ضل الحيد يجهر الونــــــه
نعازيه ونعلن حزنـــــه
يوقع هناه يسلجنه كلنه
خل ننخاه دعوة منه وتساله
نبجي نگول بجاه ابن عقد الوله
يالعابد يالعابد
ـــــــــــــــــــــــــــــــــــــــ
نبجي نگول يازين العباد
للبقيع ودروب البعاد
وبعباس عمك الوراد
عدنه امراض تنطينه المراد
تسجله هناك كل عملنه ينقبل
يقر العين هاذا ابن خير العمل
يالعابد يالعابد
ــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي
https://t.center/Alalwya