“Hududgaztaʼminot” AJ hamda Texnika universiteti oʻrtasida “dual taʼlim” shaklidagi oʻquv shartnomasi imzolandi Joriy yildan boshlab “Hududgaztaʼminot” AJ muhandis-texnik xodimlari tomonidan I.A.Karimov nomidagi Toshkent davlat texnika universitetining “Neft-gaz sanoati mashina jihozlari va quvur transport tizimlari” kafedrasi talabalari uchun “dual taʼlim” shaklida amaliy bilimlarni berish yoʻlga qoʻyildi. Bunday taʼlim shaklida talabalar nazariy bilimlarini ishlab chiqarish jarayonlarida amaliyotda qoʻllash, talabalik davridanoq gaz taʼminoti tizimi boʻyicha tajriba orttirish, shuningdek, oliy taʼlim muassasasini tamomlab sohada mustaqil mutaxassis sifatida faoliyatini boshlash uchun zamin yaratadi. Qolaversa, ilmiy va innovatsion faoliyat bilan shugʻullanib kelayotgan iqtidorli talabalarni qoʻllab-quvvatlash, ularning ilmiy ishlanmalarini moliyalashtirish, pirovard natijada ilm-fan, taʼlimni ishlab chiqarish jarayonlari bilan hamohang olib borish imkonini beradi. Maʼlumot oʻrnida, 2023-2024-yillari Toshkent davlat texnika universitetining jami 76 nafar bitiruvchi talabalari Jamiyatning “HGT Training center” oʻquv markazida tor doiradagi “mahalla gazchisi” kasbiga qayta tayyorlanib, yosh mutaxassislar yashash joylari boʻyicha ish bilan taʼminlandi. Batafsil: https://hududgaz.uz/ads?id=12959 💬Facebook | 👉Telegram |▶️ YouTube | 📷Instagram | 🌐 hududgaz.uz