یوونس رەزایی

‍ ***
‍ میراتێک لە جیهان

بەشی من،
لە جامی داهاتووی جیهان دا
تەنیاییەکانی ئاسیا
.
من کەرتێک دەبم لە قاڕەی ژان
و
نزاکانی بوودایەکی شاد.
.
بە دیار تۆپی ئاڵۆزی خەمەکانمەوە
پێدەکەنم
بە ون بوونی چارەنووسێک
بەدەم باوە
بە رۆژهەڵاتی زەردی دونیاوە
.
کەرتی من،
لە داهاتووی جیهانیی جامێک
خەمۆکییەکانی ئەورووپا؛
پاش تەواو بوونی
هەموو یەکشەممۆکانی مێژوو
لەگەڵ پەری دەریایی
ئەویندرای یەک،
من شازادەی گومڕا دەبم
رادەمێنم لە ژنێک؛ دەبێتە هەڵم
و
بیر لە باران دەکەمەوە
لە بەستێنێکی بریندار
.
میراتی من،
لە جیهانی جامێکی؛ وێنەی نەبووبێ
ئاڵۆزییەکانی قاڕەییەکی دژوازە
وەک ئامریکا
.
باکوورم، بەختەوەریی چینێکە
چینە دەکەن، لە جوانییەکان
باشوورم، رۆژە رەشی کۆترێکە
بە کاتی مەترسی.
سەرم ئەوینە
و
هەنگاوم
گیرۆدەی سەخڵەتی رێگایەک
هەر مار بێ
.
دەستکەوتم لە جامی نوێدا
با قاڕەیەکی تەنیا بێ
چوار دەورم هەزار ئەفسانە دەوری دابێ
یارییەکانم
هەموو لەگەڵ داهاتووی خۆم
لەسەر شینایی دەریا بێ
.
بەشێکم دەنێ لە خۆتان
ئەی باڵەکانی هەڵفڕین!
درەنگ کەوتووە
هێلانەم
لە باڵندە.

‍ #زمانی_کوردی
#شعر_ضدجنگ
#شعر_مدرن
#پل_سلان
#پاز
#بودلر
#شعر_جهان
#شێعری_نوێ
#کرماشان
#سنه
#مهاباد
#ئیلام
#کوردستان
#شێعری_کوردی
#یوونس_ڕەزایی
#لەیلا_ساڵحی
#قوباد_جەلیزادە
#سەلاح_پایانیانی
#رێبوار_سیوەلی
#رەهبەر_مەحموودزادە
#رزگار_مەلا_مەحموودی
#مەسعوود_یارە
#فواد_یارە
#شێرکۆ_بێکەس
#شعر_آوانگارد
#ترجمە_شعر
#وەرگێڕانی_کوردی


@younesrazaie

‍ ‍ عیمارەتەکانی مانگەشەو
.
.
.
گەر مێژووی خۆت بنووسییەوە
دەخوێنمەوە
هەزار رووداوی باراناوی
لە کاتت

ساڵێک کە لەدایک بووی مانگ گیرا
بە خوێنی خەفەتێکی تۆ
لەگەڵ بەرخەکان هەموو بەهارت پێوا
دواتر پاییز
بوویە کیژێک هێشووی بزەت خەڵات کردم
بوویە
دەستەخوشکی دارە مێوێک
لەحەدە حەدی دڵنیایی باڵندەدا
پێگەیو

ساڵێک کە کتێبی ئاورت خوێندەوە
کلوو کلوو ببوویە بیرەوەری زستانێکی ناوادە.

بووکە بەفرینەیەکت کردە دیاری
بۆ ئێوارەی کۆڵانێکی چۆڵ.
شەوانیش
خەونت بە عیمارەتی سەهۆڵەوە دەدیت
کە خاتوو خودایەک رووناکی کردبوو

ساڵێک بوویە کیژی سەنگەرێکی کاڵ
سەربازەکانت نووسییەوە لە زام دا
چەکەکانت تۆمار کرد بە خاپووری
لە خۆرنشینی فەرماندەیەک دا شینگێڕیت بۆ شکست نووسی و
رووت کردە بیناکانی مانگەشەو
کە شەداری وشە بوون.

ساڵێک ئیتر تۆ خاتوو خودام بووی
کتێبی پیرۆزت بۆ نووسیم لە خاک

نووسرا:
بەناوی خودا کە دەهەندە دلۆڤانە
ئەو زەمینە میراتی ژنێکی لاوە
کە دەمارەکانی پڕ بوون لە دار
منداڵدانی پڕ بوو لە شاخ
چاوی پڕ لە رێگایەک
کە کۆتاییەکەی باران بوو.

نووسرا:
ئەی ئەوانەی ئیمانتان هێنا بە رەوەز
مەگەر نازانن تا مانگ
چەند لوورەی ماوە؟

ئەی نەتزانیوە دەبێ سبەینێ
لە چوار ڕێیانی هەموو شارەکان
رووناکایی ببەشنەوە

نووسرا:
"هاوارە لە کەمفرۆشان"
میلۆدییەکانی ئەستێرە
بە قورسایی خوێن دابەشن!

بەستەکانی چۆم
بە کێشانەی مەزرا تینووەکان.

تاڵێک تیشکتان ون نابێ
لە گێژەنی گومڕاکان دا
و
پیتێک بارانیش
ئەو دەمەی وشکەساڵ ماڵەوماڵ دەکا.

ساڵێک تۆ خاتووخودام بووی
ئایەتەکانی بەیانانم لەبەرکرد
و
روون دادەگەڕا زمانم

دەمنووسی:
هەر کەس لە شەوی رێگا بێتەدەر
تا عیمارەتەکان دەبمە گۆرانی بە لێوییەوە

دەمنووسی:
من میراتگری ژنێکم
فێری کردووم
چۆن باران دابەش کەم
چۆنیش لەتەنیایی کۆڵانەکان دا
ببمە بووکە بەفرینەیەکی ئەبەدی.

من لە مێژە ئیمانم بە دار هێناوە
بڕوام هێناوە بەو سروودانەی
ناوی ژنیان تێدا دووپات دەبێتەوە.

لەسەر دیوارەکانی شاری
ئەو رستانە دەنووسم
ناوی ئینسانیان تێدا تۆمارە
دوور لە هەرچی خەمۆکی خەزەڵوەر

گەر مێژووی خۆت بنووسیەوە
ناوی منیش لە پەراوێزی بەیانییەکتدا
تۆمار کە
با ببمە بەشێک لە دیرۆکی جوانی
و
تەنیایی.
.
.
#لەیلا_ساڵحی
#مەستوورە_کوردستانی
@younesrazaie

‍ بارانێک لەسەر ئەلف و بێی ئاور
.
.
.
گڕێک بەربۆتە دەماری ئەو چیایە
کە داڵدەی کاتەکانم بوو
بە کاتی رەز
.
نە ویرەی با دەروەستی دێ
نە نمە نمەی بارانێک
کە خەمۆک داباریوەتە سەر رەوەز
.
هەر دارێکم مەشغەڵێکە لە تەنیایی
هەر دوندێک دەراوێک بۆ بڵێسەی تازە
.
من دەمێکە
دۆزەخ بە لەشم دەپێوم
ئەی گەزارەی هەزارەی نوێ
نە سووتان مێژووی سەوزم کاڵ دەکاتەوە
نە ئەو باڵانەی هەموو ئەلف و بێی گڕن
.
دارێکم دابگیرسێ بەیانی
کیژۆڵەیەک لە بەر دەمی دەبێتە نمە نمەی بارانە
و
سروودی خۆی دەڵێتەوە
لە هەزار و یەک هەوردا
کە گشت هەناویان تەنیوە
.
لێرە؛ کچ دەچێتە سەر ئاکاری رووبار
بە گەرووی دۆزەخ دا
چۆڕە چۆڕ
بسکی خۆی
کە دەریایەکی بێ کەوشەن
.
داوێنێ شاخێک گەر بگەشێتەوە نیوەڕۆ
کوڕێک لە بنارەوە دەبێتە کانی
دەستی بە گەرما دەنوێنێ
و
دوو لەت دەبێ رستەی دۆزەخ
.
دەستێکی سارد واتای ئاور دەسڕێتەوە
.
لێرە؛ کوڕ بە دابی باران
هەر پەرەدەستێنێ دەنگی
لە دەرفەتی ناسکی سووتان دا
.
دەنگی باران
وێنەی هەڵفڕینی ئاور دەشواتەوە
.
ئەو زاگرۆسەی جەستەمە
جارێکی دیش
بەهار دەژی
بە چاوی ئەو کیژانەوە
کە خوازەی سەوزاییەکانن
رۆژێکی دی
لە هەر زامێکی لەشی دا دارێک هەڵدەچێ
لە گوێن منارەی باڵای
کوڕێک
بانگی نیشتمانی دابێ
.
سوێند بە سوتمانی ئەو نیشتمانەی قەقنەسە
دیسان سەرهەڵدەدەینەوە
وێڕای بەڕوەکان
کە مێژووی ئاسک و پڵینگیش دەزانن
و
دیرۆکی نەزۆکی گڕیش
.
بە لەشی دەردەداری زاگرۆس سوێند بێ
هەزار و یەک راوێژی مەشغەڵ لاڵ دەبن
ئەو دەمەی زمانی باران
لە دەستەکانی ئێمەدا
سروودی نەتەوەیی چیا بێ.
.
.
#یوونس_رەزایی
#لەیلا_ساڵحی
#زاگرۆس
#مەریوان

@younesrazie

‍ بجریوێنە گورگی ئازیز
لەسەر نۆتی ئەو ڕووبارە
دەماری من پڕ لە شەوە... پڕ نا لە خوێن
بلوورێنە کاتژمێر 8ی بەیانی
لەسەر فڕێکانسی دوێنێ
سەرقاڵم ئێستا بە مردن
.
بە بێ‌هەواڵ باخ دەوەرێ لە پەنجەم‌دا
کلوو کلوو
هاوین لە ڕێگاکانم‌دا
شاخیش لە با نا... لە دەرتانی هیچی‌دا
.
بلوورێنە بە کاتی سەمفۆنی پێنجەم
کە چوارساڵەییمی ون کرد
بە ڕاوێژی خۆرنشینێک
لە سیمای چرکەکانم‌دا...
سەرقاڵم دوێنێ بە بەفر
بە دەماری هەموو هەڤاڵەکانم‌دا
هەواڵەکانم‌دا
وە شێعرێکیش
کە نە نۆت و نە پێنجەمین سەمفۆنییە
بەر لە ئاوابوونی تابووت
کە گۆڕی من
.
باڵندەیەک... بە جریوەتانەوە زیندوو
لەسەر شەپۆلی کورتی ڕەدیفەکانی بێ‌سەروا
لەسەر تەمەنی پیری تۆ دەریا...
.
.
.
بەشێک لە شێعری "سەمفۆنی پێنجەمی باران" لە کتێبی سەمفۆنی پێنجەمی باران

#لەیلا_ساڵحی
#زمانی_کوردی
#شعر_ضدجنگ
#شعر_مدرن
#شعر
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد
#دیونوسوس
#نیچە
#تراژدی
@younesrazaie

‍ بەدیار نیشتمانێکەوە شەکەتی ئەفسانە
.
.
.
وێڕای بەڕوو لە ژێر ژان دا
پاش ئەوەی تاریکیم پێوا
روو لە نیشتمانی برینی رابردووم
دەڕوێمەوە
.
من شاخم لە هەناودا تۆمارە
ئەگینا لە گەرمەسێری غەریبی دا
چۆن دارستانانە دەبوو
ئەو لەشەی من
.
رووبارم لە چاودا ونە
بۆیە وێڕای ئاور ژیام و بەهاریش
هاوکاتی زام و بارانیش
بۆیە گەمی خۆم سەوڵ دا
لە بیابان دا
تا رۆژێک دەریا بچێژم
ماسی خۆم خواستوەتەوە
لە تینوێتی تاراوگە
.
لەگەڵ زامی خۆم دەپەیڤم
کات: ئەوەندەی چەقۆیەک دڕندەیی خۆی بدوێ
شوێن: ئەو جێیەی لەسەر لەشی من
هاوار بەش دەکرێ
.
تۆوی هەموو گیایەکانم
وەشاندووەتە بیرەوەری
بەیانی دەبمە لاو لاوە
لە مێژووی وێرانیی خۆم دەئاڵێم
.
نیوەڕۆ دەبمە شۆڕەبی
شێتییەکانم دەدەمە دەست
بای نیشتمان
.
ئێواران گوڵەبەڕۆژەم
تا دەرفەتێک بۆ خۆر مابێ
تاریک نابم
.
هەمیشەی شەویش
دار بەڕوویەک لە گیرفانەکانم دا
دەگێڕم
چیا نەبێ
تاقەتی تاریکی ئەستەمترە لە زام
.
ئێوارە دادێم هەموو رۆژ
بەدیار ئەو نیشتمانەوە
کە شەکەتی ئەفسانەیە
بوولێڵ دەبم لە سەردەمی تابووتەکان دا
کە رووناکیم دەدۆزن
.
من باخم لە هەناودا حەشاردا
تا وەرزەکان بپارێزم
لە سەردەمی رووتبوونەوەی داری جیهان
لە چاوی ژن
لە ناوی پیاو
لە هەناوی منداڵانیش
.
وەرزەکان ببیننەوە لە ون بوونم دا
رووبارەکان بدۆزنەوە
کاتێک چاوم تۆمار دەکەن
لە برینی کچەکانی رۆژهەڵاتی ناوینی شێعر
.
باران بە راوێژی من وەرگێڕن
با هەموو شارەکان دیسان
ببنەوە سەرەتایەک بۆ چراکانی دەریا
کە رێگای تینووی سبەینێن
.
.
.
"لە بیابانەکانی عێڕاق داربەڕوویەک دۆزرایەوە، کاتێک عەرزەکە دەدەنەوە، دەبینن منداڵێکی ئەنفالکراو بەڕوویەک لە گیرفانی دا بووە و دوای ئەو هەموو ساڵە، تازە روواوە،... هەواڵی هەوڵدەرییەکان"
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#شعر
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد
#دیونوسوس
#نیچە
#تراژدی
@younesrazaie

#سپای_کۆتر
شێعر: #لەیلا_ساڵحی
ئاهەنگساز: #مەسعوود_یارە
دەنگ: #ژیار_قوڕەیشی
#ساڕێژ_ئەحمەدزادە
دابەشکردنی دەنگ: #شاباز_شاهینپوور


«سپای کۆتر»




کوڕ:

تۆ کچی کام کانیاوی؟لێرە کام ئاسۆت دەوێ؟
بۆ بەرەو ئەو دەشتە بووی تۆ؟کام گوڵت بۆ خۆت دەوێ؟

کچ:

من پەری شاری شکۆفەم دەبمە باغ بۆ نیشتمان
دەستەکانم دەبنەوە هێلانە بۆ باڵندەکان

کوڕ:

دەبمە هاوڕێت ئەی پەری، من بانگ دەکەم سێرووی بەهار
چۆلەکەو چێرگ و کەوێکی وا ،دەنووک رەنگی هەنار

کچ:
ئەی کوڕی شاخ، ئەو دڵەی من بۆ تەوار هێلانەیە
چاوەکانم بۆ هەموو باڵندەکان گوێسوانەیە

کوڕ:

دەبمە هاوڕێت تۆ ببە پێشەنگی نوێی باڵندەکان
با سپای کۆتر وەڕێ خەین تاکوو ئاشتی بۆ جیهان..


@anjomanvazhevaketab

‍ ‍ ‍ پۆرتره‌یه‌کی بارانه‌، له‌ به‌ر په‌نجه‌ره‌ی تینوێتی
.
.
.
من ده‌ریای تۆم ... قاقڕ مه‌به‌
له‌ تاوانی با ده‌بوورم
که ‌به‌ کۆڵانت دا داوێنی روونه‌
له‌ مه‌ترسی تاریکانیش
که‌ سه‌ره‌تای دڵه‌کوته‌ی رۆژیان‌په‌ره‌ستێکی مه‌سته‌
.
ببووره‌ تۆش له‌ مه‌ترسی چاوه‌کانم
که‌ گوڵدانی کاته‌کانته‌
وه‌ راببوره‌ به‌ ده‌ڤه‌ری خه‌مم دا
که‌ پێده‌شتێک بۆ خه‌ڵفه‌کانی زه‌مانته...‌
.
کاتی تۆ ده‌رفه‌تی زاممه‌ ...
من شنه‌ی خوێنت ده‌بیستم له‌ کازیوه‌
شوێنی تۆ به‌ختی نیگامه‌ ....
من راده‌خرێ رووباره‌کانم به‌ سستی

ورده‌ ورده‌ خۆره‌تاوم له‌ سنووره‌کان هه‌ڵوه‌دا
به‌ره‌ به‌ره‌ مانگ به‌ به‌رۆکی ره‌شاییمه‌وه‌...ئه‌ویندار
.
من سه‌ر به‌ کام سنوور خوێنم بخۆمه‌وه‌
له‌و مانگه‌ پیرۆزه‌ دا...که‌ سه‌وزه‌
به‌ سه‌ر لقی کام دڵنیاییه‌وه‌ سه‌نگه‌رم
له‌و شاخه‌ پیره‌دا که‌ واتاکانی هه‌ر به‌رزه‌
.

راپرسی ده‌که‌م له‌ ئێوه‌ باڵنده‌کانی وڵاتم
سندووقه‌کانم پڕ بکه‌ن له‌ ده‌نگی زوڵاڵی کۆتر
له‌ ره‌نگی روونی به‌یانی
من سه‌رده‌مێکه‌ بێ سنووره‌ وڵاتم
.
راتان چییه‌ نه‌یارانم؟
ئێوه‌ش دارێک بن له‌ په‌نجه‌کانی دایکم‌دا
که‌ رووبارێکی به‌خشه‌نده‌ن‌.
.
تۆش ئه‌وینی نامۆی به‌ر په‌نجه‌ره‌کانم
له‌ من بڕوانه‌ تاریکان
که‌ سه‌ره‌تایه‌ بۆ ژانم
.
مێرانه‌ بیرم لای هه‌موو چرکه‌کانی رۆچنه‌یه‌که‌
که‌ دره‌نگه‌ بۆ دیوارم
وه‌ له‌مپه‌ره‌ بۆ ده‌رفه‌ته‌کانی ژوانم
.
له‌ ده‌لاقه‌ی باشووره‌وه‌ ...
سیله‌چاوێک داگیرسێنه‌ به‌ رووی کاته‌کانی من دا
.
حاکمێکی رۆژهه‌ڵاتی
رۆژئاوای تاڵی پۆشیوه‌ و
له‌ ئاوابوونی دووری چاوه‌کانته‌وه‌
تا باکووری ئوقیانووسێک له‌ به‌ژنت دا... که‌ سنووره‌کانی کاڵه‌
لێوا و لێوی دڵه‌کوته‌
پڕاو پڕی مه‌ترسی ئه‌و ئه‌وینه‌یه
باڵنده‌کانی به‌رده‌نگی ئه‌و شێعره‌ی من ... ده‌یخوێننه‌وه‌
.
ئه‌ی ده‌ریای خۆم ... تا دێیه‌وه‌ به‌ر په‌نجه‌ره‌
له‌نگه‌ر ده‌گرم
له‌ که‌ناری هه‌رچی وڵاتی نامۆیە
پاپۆڕم ئاڵایه‌کی له‌ سه‌ره‌
بێ ناونیشان.
.
.
.
شێعرێک لە کتێبی " نەشتەر بە رەنگێکی دیکەی ترەوە"

#لەیلا_ساڵحی
#یوونس_رەزایی
#ئاڵا_رەزایی
#پێشەوا_رەزایی

‍ من چرایەک قەرزدارم بە پەنجەرەت
.
.
.
شەو بە هەزار واتا
هەر دەگەڕێتەوە سەر نەشتەر
چۆن چم لەوە داوە
پیاوێک چەقۆکەی لە بسکی ژنێک دا
ون کردووە!
چۆن پشت لە نەشتەرێک دەکەم
وردە وردە چرۆ دەکا!
.
من لە ئاپۆرەی بێدەنگی دا
دەنگێکم
خوێنم داوەتە دەست شەقام
لە ئاژاوەی تەنیایی دا
رێدەپێوم
پلاکاردێک بە دەستەوە
پڕ بێ لە دروشمی دەریا
.
ئەی ماسییەکانی نێو چاوی کچێک چۆن لە بیرکەم؟
سەد رووباریان دەزانی
یەک لە یەک روونتر!

شەپۆلەکانی بزەیەک چۆن لەنگەری کەشتییەکان نەشێوێنێ
لێرە هەموو شت بە لێوێکی کراوە بەندە
بە شوورەیەکیش تینووی خاپوور بوون
.
لێرە شەو هەزار و یەک پەنجەرەی پاک کردەوە
لە دەفتەرەکانی منداڵان
پۆرترەی خۆی بە یەک راوێژ دەڵێتەوە
کە لێڵە
من فانووسێک قەرزدارم بە کۆڵان
چرایەک بە ئێستای پەنجەرەکان
دڵۆپێک خوێنیش بە رووبار
.
کیژێک دەخوازم لە دارستان و
بەهاری دەبم
کچێکم دەوێ لە شاخ و
سەنگەریم
کەنیشکێک لە شاری تاریکیی و
دەبمە بڵێسەی
لە نیگای دا لە پێنووسەکەم دەگەڕێم
.
لانیکەم رستەیەک دەنووسم روون بێ
بۆ وێنە دەنووسم ترێ
مەبەستیشم هەموو ئەو فانووسانەیە
لە دەماری کچان دا دادەگیرسێن
.
دەڵێم باران
برووسکەش لە ناخی دا شاراوە
ئەوەش هەنگاوێک لە بەهاردا بەلەزتر
.
لانی کەم شەو دەڕووشێنم
ئەگەر هەزار گورگیش خۆیان حەشاردابێ
لە بسکی کات دا
.
من ژنێک هەڵدەگرم و
کۆڵان بە کۆڵان دەگەڕێم
لە لاپەڕەیەکی ون بووی شار
تەنانەت فانووسەکان بانگ دەکەم
وەڕەز لە شەو بووە دەستم.
.
.
.
#لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد
#دیونوسوس
#نیچە
#تراژدی
#کۆبانی
#سەری_کانی
#بیلا_چاو
@younesrazaie

#دووباغی_ئاوەڵدووانە

شێعر: #لەیلا_ساڵحی

ئاهەنگساز: #مەسعوود_یارە
دەنگ: #ساڕێژ_ئەحمەدزادە ، #ئەهوورا_سەعیدی
دابەشکردنی موزیک: #شەهباز_شاهینپوور
کەمانچە : #هێممەت_شاهینپور
تۆمبەک: #هاوڕێ_شاهینپوور
تار: #مۆحسێن_کڕامەت


تۆ سێوێک من سێوێک
بارانێک سێو دەڕژێنین

تۆ باغێک من باغێک
بەھارێک دەنەخشێنین

تۆ خۆری من ھەورم
ئاسمانێک دەخولقێنین

تۆ کانی من کۆسار
نیشتمانێک پێک دێنین

@anjomanvazhevaketab

‍ رێگام هەموو پێواوە بە دارەکانەوە
.
.
.
چما دەترسن لە حیلەی زامم؟
من هەر بەقەت تەنیاییەکانی نیشتمان
بریندارم
هێڵی سووری ئێوە با هەر بۆخۆتان بێ
هێڵی سووری من خوێنمە.
.
چما بەسەر جەستەم دا هەنگاو دەبژێرن
جەستەی من هەرێمێکە لە چاوەڕوانی
هەم بۆ کیژێک
کە رۆژێک دەبوو بمگاتێ
بە ئایەتەکانی چاوێکی دڕدۆنگ
هەم بۆ وڵاتێک بەستێنی ژانە.
.
هێڵی سەوزی رۆژگار دەمباتە سەر رێیەک
هەموو کچانی دڕدۆنگن
لە سیمای پیرۆزی شەوێک
کە رووشاوە
رێیەکی دیکەشم دەخاتە زمانەوە
درێژە
بارتەقای بەستێنێک کە پاڵی وە وڵاتمەوە داوە
و
کەشتییەکان لەسەر لیمەکانی هێڵکاری دەکا
بە ئاڵای سپی کاتەوە
.
چما ئێوە
کاتژمێرێکتان بەسەر تەنافەکانی سێدارەوە نەدیت؟
وا بەردەوامن لە زەمانی برینداری من!
رستەیەکیشتان زیاد کرد لە تاریکیی سبەینێ
کە نایەتە سەر زمانم.
.
سەردەمێک ماسی دەهاتە زمانمەوە
هێندی هەموو ئایەتەکانی سووڕەتی یوونس
نەهەنگم کردە تاراوگە
تا بگەمە کەنارێک دلۆڤانتر بێ لە ون بوون
.
زەمانێک بە دابی عیسا
سواری داری سڵۆکی خۆم بووم
روو لە بەرزایی هەرچی شمشێرە
بە عەشیرەی کینەوە
بەڵکوو سەوز ببمەوە، لەسەر لێوەکان
شین ببمەوە، لە پاڵ دارە مێوەکان
.
سەرەتێک
ئەو هەموو بڵێسەیەتان بیستبوو
کە من بە نێوی دا لۆتکەکانم
سەوڵ دان
رەنگە ئەو بەری لاپەڕەیەکی فێنک بدۆزمەوە تا جوانیی
.
جارێکیش بیرم لە مژینی مەمکی پەیکەرەیەک کردەوە
لە دەراوی رۆژئاوایەکی رووت
کە ئازادی بوو
دەمکوت تەنانەت خەونێکم هەیە!
.
چما دەترسن
لە خرمەی سمی
سوپایەکی لە تێکشکان خەلسیبێ؟
من لەو بەری ئەسپەکانەوە
کە تەقڵەکوت خوێنم دەپێون
دەحیلێنم
بە گوێتان دا
بۆ سواری دارەکانی خۆتان نابنەوە؟
تا من خۆم لە خوێنی رێگادا ون دەکەم
بەشکوو بگەنەوە بەهار
بۆ لە درەنگانی ئێستا ناترسن؟
.
.
#لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد
#دیونوسوس
#نیچە
#تراژدی
#کۆبانی
#سەری_کانی
#بیلا_چاو
@younesrazaie

‍ ئاگادارییەکی خێرا
.
.
.
لە ھەینی دا
پرسەنامەیەک وێڕای بانگ
بەھەموو شەقامەکان دا
کە مردوون
.
بە ھەموو رێگاکان دا
کە سەردەمێک
کچی رووباری پێدا رابردوون
.
بەو بۆنەوە ئاگادار بن لە تەنیاییتان
کە ساردە
وێڕای بەفر کلووەکانی ببیننەوە
بە لەشتان دا
دلۆڤانتر
.
بەو بۆنەوە
پیاوانی دوور لە بزەی ژنێک
کە دەریا؛ وێنەیەکی رابردووی بوو
.
بزانن پاییز بە تاڵان دەبا
ماندوویەتی سپوورێکی
لەگەڵ خۆر لە ئاسۆی شەقام
تەنیاتر بوو
.
لەھەینی دا تەعتیل بووە
رۆژژمێری ئێوارەی کرێکارێک کە
وانەی برسێتی چۆلەکەکانی لەبەر بوو
ئێوەش فاتیحاتان دەخوێند
لەسەر تەرمی سبەینێتان
.
بەو بۆنەوە لە رێکەوتی ئێستادا
کە ھاوکاتە لەگەڵ چەقۆ
ھاو سەردەمی رووت بوونەوەیە لە ئاور
کچێک دەدوێنم بە زمانێکی وا
بێدەنگی کۆڵانەکان نەڕژابێتە رستەکانییەوە
.
کچێک کە دەستی بەرز کردەوە
بەرەو تەنیایی رێیەک
کە تا چاو ھەتەر دەکا قاڵاوە
و
پاشنیوەڕۆیەکی نەزۆک
.
کوتی:
مردووە
لەو دیوارە را دەزانم
-کاتی تەم و مژ-
.
چەپڵە لێدەن بۆ سپوورێک
ترستانی لە شەقام دەسڕێوە
و
دەستەکانی بەیانیی شار بوون
ئێوەش بێدەنگییەکانی کات!
.
پەنجەرەکانتان بە رووی سبەینێ دا
قورمیش کەن
.
ناوی دەرسی نوێتان ئەو نووسراوە بێ
کرێکارێک رۆژانی خۆی تێدا
بە زەربێکی سوور نووسیبوو
.
لە ھەینی تێپەڕیوە ئەو شێعرە
.
پیاسە دەکا بەسەر وێرانەی بێدەنگ دا
وێڕای لاپەڕەکانی رۆژژمێری پیاوێکی ماندوو
.
ھاوکات لەگەڵ چاوەکانی کچێکیش کە ئاژاوە دەگێڕێ
.
بەو بۆنەوە ئاگادار بن
شەقام ئاوسی رووداوە.
.
.
.
#لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد
#دیونوسوس
#نیچە
#تراژدی
#کۆبانی
#سەری_کانی
#بیلا_چاو
@younesrazaie

شێعری ژنانی جیهان
❇️ وەرگێڕ : #لەیلا_ساڵحی
✅ نرخ : 195.000 تمەن

@mokryanbook


📍#بوکان، خ انقلاب، پاساژ دادخواە

☎️  09141845818 - 044-46244458

❇️# ارسال سفارشات بە تمام نقاط کشور  ❇️

کانال تلگرام 👇👇👇👇
                       @MokryanBook

#اینستاگرام 👇👇👇👇
           https://instagram.com/mokryanbook
#کتابسرای #موکریان بوکان‌‌

‍ ‍ ئادرەسی ئاڵۆزی ناوێک کە منم
.
.
.
من بۆ وشەیەک دامابووم
تۆ بێ.
بەیانی بوو
یەستا لە مندا نەدرەوشابۆوە
دەنگت.
بۆنیشت
کە ساوایی خەڵفێکی تورتە
نەیتەنیبۆوە زمانم.
.
تەنیا لە ناوت کە دژوارە
ون دەبووم
لە ناونیشانت
کە ئاڵۆزیی غەریبی گرتبوو
دەگەڕام
.
دەبوو بڵێم:
کچێکم مەبەستە لە ون بوون
هەموو شەوێک
لە کەلی زامی من خۆیا دەبێ
هەموو رۆژێک، ساماڵ دەبووم
لەهەڕەتی شەستەبارانی گوللەدا
.
دەستی ئەگەر
لە پرسیارەکانتان دا شین دەبێ
تا ئەو جێیەی
کە من تەنیایی خۆمم لە بیرە
دەریا بنووسن بە کەویرەوە.
کەسێکی ناسیاو کە لە پەڕیوەیی دا
دەپشکوێ لە ئامێزت دا.
.
دەستی ئەگەر
سەرتان سوڕ بمێنێ لە تەنیاییش
دەڵێم:
گەمیتان دیوە ئێواران
روو لە بەستێنی پیاوێکی چاوەڕوان
لەوە زیاتر بە کام زمان دەستێک دەبێ بدوێنم
کە دوورە
.
ناونیشانی روونی ژنێکی لێڵ
لە کۆڵان چۆن بدۆزمەوە
کە خۆم تاریکیم شان بە شان دەڕوا؟
.
لە دار بپرسم!
زمانی سەوزە،
بەڵام لە خەزەڵوەردا جێماوە.
لە ئاو بپرسم!
چاوی تەڕی رووداوە
بەڵام مەجالێکی لیخن ئێستایەتی.
ئەگەر رووش بکەمە کەسێک
تاپۆی فانووس بێ
بە زمانێکی کووژاوە دەڵێ:
کۆڵانێک لەو بەری خوێنەوەیە
ژن
شەقامێک لەو لای بەفرانبارەوە
لە کلووەکانی قژی دەڕوانێ
.
ئەگەر لە بیر چووبێتەوە ناوی
کە درەنگانی برینمە
بۆ وشەیەک دادەمێنم
بە دیار ئەو هەمووە پیتەوە
.
ژ-سەرەتای ژێتارێکە دەشنێتەوە
ن-ئاماژەی ناوێک پەڕەوازی جوانیی
ژنێک، لەو بەری بەیانییەوە
بە ئاوێنەم دەدوێنێ
وشەیەکت ون کردووە
بە ئێس ئۆ ئێس بۆت دەنێرم
.
سڵاو، ناونیشانی تەنیا!
بنووسە نیشتمان
و
سەرخەوێک بشکێنە درەنگە!
ئەوەندەی
ئاوێنەکان بزانن
رووت رووت بۆتەوە خۆرەتاو.
.
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie

‍ ‍ دۆنادۆنی سبەینێیەکی نەبەدی
.
.
.
نەدەبوو ئەو گشتە هەورە
قاچاغ لەبەر هەر دەرگایەک،
چەمەرای بارانێک بن لە چاوم!
.
هەر کەس لە رێگای خۆیەوە
دەگاتە بەشێک لە ساماڵ
نەدەبوو بەشێک لە نیشتمانی باڵندە
ون کەم!
.
هەزار سنووری قاچاغم لەبەرە
هەزار وانەی نەکوتراوی
بارانیش.
تەنانەت رێگایەکم بە شاخەکانەوە،
پڕ لە هەنگاوی رەزبەر
و
کتێبی پیرۆزی شەکەتیی.
.
دەبوو هەر ئەسپێک حیلەی داگیرسا
چەپکێک لە یاڵی ئاور بم،
بە تەنیشت کارەساتەوە!
رکێف لە بڵێسە بکوتم
تا ئەوبەری چیا
.
ئەسپێکی رەسەن لە رووبار
تا ئەوپەڕی دەریا
رەوەیەک مەشغەڵ بە رێگاکانەوە
و
سمکۆڵان
.
سەدان ئێوارەم بزر کردووە
لە دوای رووناکی حیلەیەکی نەبەدی
تا ناخی تاریکی بەرد چووم
تا ئاستی دژواری نەشتەر
.
من لە کالانی شەو دەبوو بێمەدەر
مەگەر بڕاوی بانگی سبەینێی کانی
روون نییە؟
.
دەبێ لە ئێستاوە زمانم بسووتێ
لە هەرچی رنووی بوومەلێڵ
دەبێ بدوێم بە راوێژی دارێک
بێ بەری بێ لە با
بێ خۆفیش لەو وەرزانەی
نەزۆکی باڵن
.
لە ئاپۆرەی جریوەکانی سبەینێ دا
ون دەبم.
ئاخۆ منیش مەلێک نیم
دندووک لە خوێنی خۆم دەسووم
بە چڵتەوە نیشتمان؟
.
دەیان هەنگاو
تا بارانی بەیانیی بووم.
سنووری تاریکیم بەزاند
ئەو هەلەی گورگێک لە سەر پاشوو
مەشقی رێگاکانی خوێندەوە
.
خۆم لەقەرەی مانگێکی ئاوس
بە کات دا.
تا بانگی سبەینێی هەتاو
مۆمێک دەبم
لە پەنا نیشانەی پرسیاری رێگان!
.
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie

‍ کاتژمێر ژن و چەند چرکە لە خاک
"بۆ ژنێک بە تەرەغەوە ئامانجی مانگ بوو"
.
.
.
دوو گیان بوو ژنێک بە رووبار
چاوی بەخشی بە کوێستان
و
بوو بە دەریا
.
هەزار دوورگەش لە داوێنی
بە قەڵەم مووی بزەی خۆرێک
لەنگەرگای ئاسمان و کۆتر.
کەشتی لە دوای کەشتی
هەتا رستەی خاکەلێوەی بەستێن
شەپۆل لە بیر دەبەنەوە
.
دووگیان بوو ژنێک بە ئاور
دەستی پێشکەشی چیا کرد
بوو بە نەورۆز
سەد مەشغەڵیش بە نیگایەوە
دوور لە زستان کەوتنەوە
بوونە رەگاژۆی ئەستێرە
و
چوونەوە سەر رەچەڵەکی رەسەنی بەیان
.
ژنێک جوغڕافیا گوڵدۆزی دەکا
لە پەراوێزی داوێنی
رچەیەک لەسەر لەشی خۆی دەنەخشێنێ
بۆ گەیشتن بە دژواریی
بۆ تێپەڕین لە تەنیایی
.
نەخشی سادەی ماسی و نەهەنگ
بە رەنگەکانی دەماری من دەبەخشێ
نەخشەی کاتێکی بریندار
لە بیابانی تەنیاییم دا دەکێشێتەوە
بە زمان
تابڵۆیەک دەچنێ لە من و خاک
هەر تاڵێکی چرکەیەکی شیرین دەبێ
تا دەچۆڕێمە سەر زەوی.
.
پاڵی بە لووتکەوە داوە مێوینەیی
کاتژمێرەکانی لەسەر کاتی خاک میزان کردووە
سەری سەعات باخ
زەنگ لێدەدەن
و
دەشت دەپشکوێ
.
چارەگێک بۆ چۆم
تینوێتی کۆچ دەکا
ئەو ساتەی لە بەهار
هەر چەند چرکەیەک تێپەڕیوە
.
کات بارانە، بە راوێژی نیگای کچێک
ئیتر کانی سەنگەری ئەو نابێ
هەتا شەقام پڕ بێ لە چرای سەوزی باخ
ئیدی خەفەت دەفتەری ئەو ناژی
تا لەسەر لاپەڕەکانی کات
خۆی بنووسێتەوە بە پیتی رەوەز
.
شەوێک مانگ لە گیانی ژن دا کورک بوو
تاریک بوو هەرچی تەنیایە
بوولێڵ بوون تەواوی دەمارەکانی کۆڵان
لانی کەم هەنگاوێک رووناک دەڕۆی
ئاسۆ بە ژانی خاکەوە
پڕ بوو لە سوور
پڕ بوو لە کچێک مانگی زانیبوو
لەدوای وانە تەماوییەکان
.
دووگیان بوو شەقامی سەرەکی زمانم
بە باران
.
لە پاڵ ژنێکەوە، گڕ گڕ دەدوێم
پەنجەرە دەکەمەوە بە رووی کۆتر دا
مانگ لە شووشەکان دا بۆتە رووبار و
من دەبێ مەلە بکەم بە روونی سبەینێدا
کە خاکێکی درەنگە.
.
.
.
‍ ‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie

‍ تەریبی باران و نیشتمان
.
.
.
وشەیەکت گیر نەکەوت رێگای من بێ
خۆت ببە رێ!
بزەت دەمگەیەنێتە دەستپێکی باران
دوای بارانیش بێجگە لە بەهار
چاوەڕوانیی پیر دەبێ
.
رستەیەکت نەدۆزیەوە
ببێتە نیشتمانی خەفەتم
خۆت سەردەمێک
چڵ بە چڵی تەنیاییمت سڕیەوە
لە دەفتەرەکان
.
من چڵێک بە دوا کاتی ئێوارەتەوە بووم
دوای تۆش تاریک دادەگیرسا
مانگێک لە خەفەتی مندا
.
شان بە شانی یەک وەرزەکانمان تێپەڕ کرد
هەر وەرزە و دێڕێک لە جیهان
.
بەهار
دەستت نەبوو مەگەر؟
هاوین
دەوامەی نیگایەک
لە ئاوێنەدا بە جێت هێشت
زستانیش
دەرفەتێک بۆ سەربەخۆیی بزەت بوو
.
بە رێبەندانی خەمت سوێند دەخۆم
ئەسپی سپیت دەنووسییەوە
وێڕای کلووە بەفرەکان
ئاڵای زەردت دەکێشاوە
لەگەڵ جووڵەی کورتی هەور
.
رێبەندانی کام خەمت بم
تا شێعرم بی
لەگوێن ئەو هەرێمەی کە کێشی زمانمە
وەک ئەو شاخەی سەردەمێکە نیشتمانمە
بەشێوەی کاتیی شۆڕەبی
بووبێتە تەلی گیتارێک بسکی
.
پایز پایز، خەریکی چی؟
شەقامەکانم خەزڵوەری یادت بوو
دیوارەکانم پڕ لە بیرەوەری سبەینێی خۆتن
دەوامەی نیشتمانم بە.
.
.
.

تابڵۆی سەر شێعرەکە بەرهەمی هونەرمەندی گەورەی کورد "دکتۆر رێبوار سەعید"ە.

‍ ‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد

@younesrazaie

‍ ‍ ‍ سەفەرێکی خۆڕایی بە خوێنی مندا
.
.
.
ئەو گشتە کیژە بە دەم باوە موسافیر
دەگەنە وێستگەیەک
دوا لەنگەری پاساری
ئەو هەمووە کۆترە لە جەنگەی تۆڕدا
تەقڵە لێدەدەن لەسەر تەشقی کارەسات!
.
ئەو گشتە کیژە هیجرەت دەکەنە خوێنمەوە
ساڵی هەزار و خەمۆکی
بەدیار شەقامەوە کە لەرز و تای هەیە تا شەو
مانگی بەفرانباری پەپوولە
لە کۆڵانێک کە زمانی بن بەستە
حەفتەیەک بەر دەسپێکی ئاور
.
وێستگەی خوێنتان دیوە لەوبەری سبەینێ؟
سەرەتا هەڵفڕین بوون رێ
لەگەڵ رێگا بوو تەنیایی
هەڵفڕینی تەنیایی بوو ژن
تا وێستگەی هەزار تەنیایی
مەبەستی هەزار و یەک کۆڵان
.
خۆ بدەنە سەر خەونی چیا
ناونیشانی خەونی خۆتان بنووسنەوە
رەمزی سبەینێتان لە قاودەن
خۆڕایییە ئەو سەفەرە
تەنیا باڵێک و بیرەوەری برینی دەوێ
هەر پێناسەی خۆرێک و رێبەندانێک بەسە بۆ دواڕۆژ
.
هیجرەت بکەن تا ژنەکانی سەر شەقام
کۆچ بکەن هەتا کیژۆڵەکانی خەون
.
سەرەتا ئەو بوو کە ژنە
سەرەتا ژن بوو کە شاخە
سەرەتا شاخ بوو
کە پاڵ بە پاڵی کۆڵانەوە راکشاوە
و
لە ئایەتی نیشتمابیی چۆم راماوە
.
لە پاسی تاریک دابەزن
هەزار شەیتانی خۆڕایی
بە ئایەتی بسکی کچێک ناگۆڕمەوە
لە سەفەری تەم و مژدا
ون دەبن هەنگاوەکانتان
.
سەرم سوڕماوە لە جوانیی چیا و
لەرەی ژنێک بە یاڵەوە
سەرم سوڕما سەفەرێک
بە ناونیشانی خۆمەوە
ئێوەش ناونیشانی خۆتان بدەنە سەرسوڕمانی شاخ
ئێوەش جوانیی قاب کەن بە ئێستاتانەوە
.
ئەو گشتە ئاوێنە روونە بەس نییە؟
هەتا لە جوانیی بڕوانن؟
.
گەر حاشا لە سیمام دەکەن
دە ئاوێنەیەک وەک من بێننە دی.
.
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie

‍ تا گورگ هەتەر دەکا هەر تەم و مژ
"بۆ کۆڵبەرێکی ون"
.
.
.
یا تا خەوێک دەستم بگرە "یووکی ئۆنا"*
با تێکەڵی رێبەندان بم
یا وێڕای من بحیلێنە لەو بەفرەدا
با رنووەکان
وێران بن بەسەر من و تاریکیی کات دا
.
تەنیا ئەو شەو، یووکی ئۆنا!
پیلوەکانم بەرە بەرە دەبنە سەهۆڵ
دەستێک بە چاوم دابێنە!
رێ
تا بەفر هەتەر دەکا، هەر تاریکە.
.
نیشتمانێک بە کۆڵەوە و
خەمێک لە نەخشەی جوغڕافیا دا
هیچ وڵاتێک وەخۆی ناکا
.
سبەینێی خۆم بەشانەوە
داهاتووی ژنێکێش لە چاوەڕوانی دا
بۆتە گوڵدانی خەمۆکیی
.
کلوو کلوو دڵەڕاوکە
من کۆڵبەری هەموو سنوورەکان دەبم
هەتا کاتێکی نەبەدی
دڵۆپ دڵۆپ دڵەکوتە
بارم خەونی کچێکە
پەلکەی تەنیایی
.
شەکەتیی؛ بۆ دوای سنوور رادەگرم
مردن؛ بۆ پاش گەیشتنەوە.
چاوەڕێمن دیوارە شەدارەکانی بەیانیی ماڵێ
بەئاگان زامە نەنوستووەکانی کۆڵان
لەسەر هەست راکشاوە
بووکە شووشەی کچێک
کە سبەینێی قوتابخانەی سڕیوەتەوە
لە دەفتەرەکەی دا
شەوێکی بەفری لە سەر دیواری ماڵێ کێشاوەتەوە
بە رەژی
بێ مانگ
بێ رێ
بێ تەنانەت رێبواریش
.
سبەینێی بووکە شووشە چاوەڕوانەکانم
لە کۆڵ ناوە
دەمێکە
وەک ئەسپێک کە گەرمی غاربێ
وردە وردە خەریکە ببمە هەڵمێک
بە پاڵ چیاوە
بەفر؛ کلوو کلوو دەڕژێتە ئاوری گیانمەوە
.
من کۆڵبەری تەنیاییەکانی ئاواییم
دەنگی کام سەگ ئاشقترە دەناسمەوە
.
لوورەی کام گورگ لە مانگ ترسابێ
چەپۆکانی کام رنوو
لە قەد پاڵ دابڕابێ
.
هەموو شتێک
بێجگە لە رێ
هەموو جێیەک
جگە لە رچەی بەیانی
.
یووکی ئۆنا*!
لێم دەرکەوە
لە شێوەی بووکە شووشە دا خۆ بنوێنە
یاریی بە تەنیاییم بکە
.
من ئیتر ئەسپێکی ماندووم
دوایین حیلەم لەو سنوورەی پێشوو ون کرد
رێ دەرناکەم
تا چاوەڕوانی ژنێک بە دیار شەوەوە
.
رێ دەرناکەم
تا ناو خەونی کچێک
کە بەفری لەسەر دیوارەکان کێشاوە
شەوی لەسەر دیوارەکان کێشاوە
خەوی لەسەر دیوارەکان کێشاوە
.
لە شێوەی مانگێک دەرکەوە یووکی ئۆنا
لانی کەم رووناکم کەوە
زۆر تاریکم بەو سەخڵەتە
لە شێوەی خۆر خۆ بنوێنە ئەگینا
زۆر سەخڵەتم بەو تاریکەسەلاتەدا
.
جوغڕافیایەک بە کۆڵەوە
بەرەو کام لا دەبمەوە شارۆمەندی بەیانی؟
.
دەترسم شار بە شار هەر لێڵی بپێوم
بەرەو کام رێ دەگەمەوە یەکەمین کۆڵانی سبەی؟
نەکا لەو شەودا ون بمرم!
.
.
.
.
*یووکی ئۆنا: لە ئەفسانە ژاپۆنییەکان دا کەسایەتییەکی ناسراوە. بە ژنی بەفرین ناسراوە. لە بەفر و بۆران دا خۆ بە رێبواران دەنوێنێ و کارێک دەکا خەو بیانباتەوە و رەق هەڵێن و ببنە دەستەچیلەی مەرگ. یوکی لە شێوەی ژنێکی شەنگ و لەباردا خۆ بە رێبواران دەنوێنێ.
.
.
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie

‍ وانەیەک بۆ رێنووسی سبەینێی چاوێک
.
.
.
من بە رێنووسی خۆم دەنووسم
باڵندە
ئاسمان
باڵ
بەڵام، هەڵەیەک روو دەدا لە کات دا!
.
رکەیەک؛ پڕ هەڵفڕین بە دیواری شەقامەوە.
.
من بە رێزمانی خۆم دەبێژم:
پاش سەنگەرەکانی سبەینێ؛
مەودایەکە بۆ پشوودانی پاسای...
پێش سنوورەکانی شار؛
بەشێک لە شاخ بەرە بەرە
دەنگدانەوەی ژنانی چاوەڕاونە!
.
بەڵام، هەڵەیەک روو دەدا لە شوێن!
.
شار دوور دەکەوێتەوە لە رێگا
دەنگێکی لێڵ دەبیسترێ
لە نازانمی مەودایەک.
.
چ بکەم لەو هەموو رێنووسەی کە من نین؟
لەو هەموو رێزمانەی لە سبەینێ دەترازێن!
.
بە زمانێکی تازەتر دەنووسم ناوت
مەبەستیشم چیایە.
بە رێزمانێکی نوێتر وەرە رستەیەکمەوە
کورتترین پیتی دەریایە.
.
.
‍ #لەیلا_ساڵحی
#زمانی_کوردی
#شعر_ضدجنگ
#شعر_مدرن
#پل_سلان
#شعر_جهان
#وەرگێڕان
#شعر_مدرن
#دکتۆر_رێبوار_سەعید
#رەفیق_سابر
#یوونس_رەزایی
#سەلاح_پایانیانی
#رەهبەر_مەحموودزادە
#رێبوار_سیوەیلی
#قوباد_جەلیزادە
#سەیوان_سەعیدیان
#زمانی_کوردی
#شێوەکاری
#کانسێپچواڵ_ئاڕت
#کوبیسم
#شێعری_شێت
#شێعری_ئاوانگارد



@younesrazaie