𝘀𝗻𝗸

نلتقي إلى حين إشعار اخر

ديَما خلِيك تتعامل بِ أصلك معَ قلِيل الأصل ، دار الغلط معَاك ، دير الصَح معاه ، دار يلي مَيصلحش معَاك ، خَليك أحسن منه ودير يلي يَصلح ، فِالأخِير ماكِش خاسر شِي وكُله حتلقاه قِدامك .

مِيزة النية لما تكون " صادِقة " ربي حِيكشفلك كُل شِي قدامك ، وكُل شِي فِي الخفاء يوصلك ، خلِيك ديما نظِيف وأنتَ كاسِب نفسِك علىٰ أقِل تقدير .

مُشكلة إنك تبداء ضامن وجودي وانتَ غارق فِي الغلط مِن ساسك لِراسك ، وتحَساب الفُرص حتقعُدلك ديما ، متحسابِش إن فِيوم مِن الإيام حَنديرلك سِبرايز يسَربز حياتك ، أني بروحي حنتفاجئ مِنه .

معَش تعطِي لِحد مكانة كبيرة عِندك وهوا شخصِياً ميبيهاش ، النَاس عادةً هُما يلي بيقررو بأفعالهم يكُونو شِني بالنسبالك ، ومهمَا حاولت معَ تقصِيرهم وإهمالهم ، حَتلقى نفِسك بتقلِق وحَتمِل مِن الوضع فِالأخير ، وتحطُهم فِي المكانة يَلي أفعالهم قررتها ، فُوتك مِن الكلام الحلو ، الأفعال مراية يَلي فِ القلب

اني مَديرلك زِي الفُرصة المُتاحة بزيادة لِدرجة تخليك تضمُن وجُودي ديمَا بِس لو لحظة حَسيت إنك متستاهلش الفُرص هادم ، بتشُوف مني إنسحاب بيفاجئني قِبل ميفاجئك ، وحَيخليك تحِس إن كُل يلي كان كِدب .

النجاح الحقيقِي فِي الحياة هادي " الجنة "
يقول الله سُبحانه وتعالىٰ : ﴿فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ﴾ .
الفِشل الحقيقِي فِي الحياة هادي " النار "
يقول الله سُبحانه وتعالىٰ : ﴿إِنَّ الخاسِرينَ الَّذينَ خَسِروا أَنفُسَهُم وَأَهليهِم يَومَ القِيامَةِ أَلا إِنَّ الظّالِمينَ في عَذابٍ مُقيمٍ﴾ " صدق الله العظيم" ، مفِيش أعظم مِن النجاح هدا ، بَاش أنتَ تكسب النجاح هدا لِزمك تتعب عِليه فِي دنيتك ، قعمزو بِينكم وبين نفسكم حتى لِمدة عشرة دقايق ، وفكِر فيها كيف حتكون أخرتك لُو أستمريت مغطس فِي المعاصي ؟ أني إنسان زيني زي أي حد يغلط ومفِيش حد فينا معصوم علىٰ الغلط ، ولاكن نصيحة مِني أتعب ومتخليش شُعور النجاح يفوتك !

أمشو علىٰ مقولة " لو تغِيب الشمِس تعوضها القِمر " الدراما الزايدة أن حياتك بتوقف علىٰ حد فوتها .

فِي مُوقف بيصِيرلك بِالغَلط
بيوريلِك كُل شيٰ صَح .

متحاولِش تبداء رَاجِل بِالسِيف
قَدر الله ومَا شاء فعِل .

لمَا تكون علاقِتك بالشخص إنتهت مِش لازم إنك أطلع عليه كلام مينفعش ؟
مِش لازم إنك أضر الشخص هدا حتى لو هوا ضرك ، مِشلازم تشوه سُمعته الشخص هدا بين الناس وكُل تقعميزة تجبد إسمه ومتخلي متقول عليه ، شخص معش تتواصل معاه زي قبل مِش لازم تجي وتتكلم وتقول تغير ولا شاف روحه ؟ كُلواحد فينا عنده إلتزامات وكُلواحد يجري علىٰ حياته ، مِش ضروري يكون فِلان مش كويس ؟ مرات أنت لمش كويس عادي جداً ، اي علاقة إتم مشلازم تتحول لعداوة ، صحاب ممشوش نظامهم مع بعض مش لازم تخشو فِي مشاكل وصراعات مليهاش نهاية ؟ أكتفي بِي خيرك وشِرك وهوا كذالك وتم النقاش .

فِي ناس متجيش إنك تلقح عليهم ؟
فِي ناس مهما كانو توا بعاد عليك أو صارو مشاكل بينكم هادم فِي يوم مِن الأيام كليت وشربت وعشتو مواقف مع بعض ، فِي أمور متمشيش مع كُل الناس وفِي ردات فعل تجِي عند أشخاص ولازم إنك توقف ومديرهاش ، فِي أشخاص الحصيلة عشرتنا بيهم كافِية أن لو مانفعناهمش عِيب هلبا أن نضروهم أو نقللو مِن قيمتهم ومِن قدرهم بالعِكس حنقعدو ديما نذكروهم بالخِير علىٰ كُل شي كويس كان فِي يوم بينا .

مِش حتعرف قِيمة نفسَك الأ لمَا تلقىٰ نفسَك خَاش فِي دوامة لِيها بداية وليسَ لِيها نهاية بِسبب أشخَاص مصَاحبتهم الإبتسامه وأنتَ فِي دوامتِك لِهدرزنا عليها يَا بتفِيق لِنفسك ولا حَيتّم فِيك الشُوط .

مَيغركُمش كَفرنا الخارِجي وشِن شفتو مِن عيوب فِيه ، ومَتحكموش بِساعه غضب علينا ، رُغم التلوث و البيئة لِي حاولت تأثِر فينا لاكِن الحمدلله النية قاعدة أحلىٰ و أنظف .

لازم تعرفو أن مفيش حد خير منحد ؟
وقت أديرلي الحاجة لمتنفعش وتلقىٰ مني حاجة متنفعش هدا إسمه إعتدال ؟
وقت أديرلي حاجة لمتنفعش وتلقى ٰ مني حاجة كويسة هدا إسمه إحسان ، فِكنا من الدرامة يلي مليهاش لِزمة بالله عليك حياة بسيطة ومِش محتاجة لهِداكا التفكير .

أحسن إنتقام فِي الدنيا هو الإنسحاب ، معَ أي حد مكَانش يِستحق الحُب ، أو مكَانش يستحق الثقة ، باعِد وأحرمه مِن الضحكة يلي كَانت معاك ، ومِن الكِتف يلي كان مِستند عليه وقت لِكان محتاجه. ، خلِيله الذكِريات والمُواقف وهُما كَفيلات أن توريله قِيمتك حتى لُو مجاش يعترفلك بالِشي هدا بينه وبين نفسه حَيكون عارف أن خُسرك .

مفِيش حد دأر معَانا البَاهِية الأ ودرِنا ضُعفها ، فَيوم لِنطلع معَاك أخِي مَرة تأكد إنك طَالع معاي عِشرين مرة .