ياخي والله غالبني أعبر كيف ولا أكتب شنو ذاتو ولا أصيغ الكلام كيف 💔 ويا ريت لو الناس بتشوف إحساس القلب عشان يكفينا عن الكلام 💔💔💔
صحبي إمام مسجد في خشم القربة .. جمبو مدرسة نازحين .. قال لي في أخوان إتنين طوالي بجو بصلو معانا وهم نازحين .. فجاة أختفو .. لاقيت أمهم سألتها الأولاد ليه ما بقو ما بجو الصلاة ؟
قال لي قالت لي والله يا الشيخ بقو ما قادرين يقومو من الجوع وعيانين شديييد 💔
البت القدامكم دي ما بتقدر تمشي علي رجولها محروقة بنار .. فعشان تقوم تمشي لأي حاجة عايزاها وإنتو فاهمني بتمشي برجول الدرج الشايفنها قدامكم دي مع إنها قصيرة ومتعبة شدييد وما عندها حق التكالة عشان تقوم للصلاة وتتحرك بيها 💔
الأطفال الفي المدرسة دي قريب ال٦٠٠ طفل إستحالة تجي المدرسة ما يكونو فيهم ٣٠ ديل عيانين بسبب عدم الأكل 💔
عاين والله مرات بقعدو اليوم كلو علي صحن بتاع عصيدة بكفي ٥ أطفال بوزعوه علي ٢٠ طفل لقمة لقمة حاجة تخليك تشرب موية 💔
أمهاتنا الكبار العندهم أمراض مزمنة وأدوية مستمرة زي السكري والضغط والقلب دي بقت رفاهيات بعيدة .. والبتجي من الله بسبب الضغط ولا السكري ولا مرض القلب ولا الجلطة كلها نعمة تريح الزول دنيا متعبة ومرض متواصل 💔
لو تتذكروا كان جمعنا لنفس المدرسة دي ٥ مليار ودويناها ليهم أدوية ومواد تموينية وأكل وبفضل الله غطت حوجة كبيرة وأنقذت أرواح ناس من الموت منهم أطفال وامهاتنا كبار بتوفير العلاج والادوية الحمد لله .."
والله يا جماعة البنات أبسط حاجة هم محتاجين ليها ما متوفرة ( وإنتو عارفين قصدي شنو )
فالله المستعان غايتو .."
بإذن الله حنخصص ليهم صدقة الجمعة عشان نجمع ليهم ٥ مليار بإذن الله نوزعها علي العلاج المهم والمنقذ للحياة والإحتياجات والأكل للأطفال الصغار ديل .."
عشرة الف منك ممكن تشوفها بسيطة وممكن تنقذ بيها أم كبيرة عندها جلطة ولا مرض قلب بتوفير العلاج من الموت .."
أها عايزين منكم حاجتين : لو معاك مية جنيه وبتقدر تتبرع بيها إتبرع وما تطلع من البوست بدون ما تشارك البوست ودا أبسط شي وأجرو زي التبرع وواحد .."
أرح الف الفين تلاتة البتقدر عليه : 2136925 منظمة ظلال الرحمة بنك الخرطوم
القصة دي ما من فلم .. ولا وحي الخيال .. لا والله زول عايش معانا الأن والدم بجري في عروقو .."
يا جماعة والله سودانا دا فيهو رجااال ... فيهو رجاال والله نحسب أجرهم علي الله بسس ولا زول بقدر يوفيهم حقهم .."
كدي اتخيل معاي كمية الضغوطات الفي القصة دي .."
عسكري في الجيش قاااعد في ثغر وقد يفقد روحو بطلقة بمسيرة بمصيبة في أي لحظة .. دا ما العجيب والله ... وحوريك العجيب وين "
أتواصل معاي واحد من الاخوان وقال لي ياخي عندنا أسرة كانت محاصرة في مناطق الدعامة في امدرمان شهور طويلة وما قادرين يطلعو .." والأسرة فيها ٤ بنات ..وأمهم .. وطلعو عطبرة وما لاقين سكن .."
قلت ليه أبوهم متوفي ولا شنو ؟
قال لي لا .. أبوهم مرابط في الجيش وعسكري إمكن دخلو الشهري ١٠٠ الف ما بفوتها .."
أداني تلفونو وقال لي يا فلان إذا ربنا وصلك بالسلامة عطبرة التلفون دا بيعو وأديهو لبناتي مصاريف .."
قال لي عاينت في التلفون بجيب ليه ٣٠ الف جنيه 💔💔💔💔
قال لي قلت ليه .. لكن يا عمنا التلفون دا ما بجيب سعر مصاريف وكداا .."
قال ليه أنا كنت بتكلم مع أم بناتي وكلمتها تعمل بالمبلغ شنو .."
قال لي ألحيت عليه .. عليك الله يا عمنا قلت ليها تعمل بيه شنو ؟ قال لي يا حذيفة أنا شفت ناس بموتو قدامي في الإشتباكات .. وفقدت أصحاب في المعارك وفقدت ودفع وغيرو .. دموعي ما نزلو إلا نادراً .. بس كلمة الزول دا سمعتها كداا .. دموعي ساالن وما قدرت أتحكم فيهم .."
قال لي قلت لزوجتي أشتري بي حق التلفون شوالات واعملي راكوبة للبنات وأشتري ليك مشمعة ينومن فيه لو فضلو قروش يجيبن مشمع 💔💔💔💔
يا جماعة والله أنا بسمع في كلام الزول دا وأنا ماشي الدوام الصباح وكنت زهجان وقرفان حتى وأنا بعييد .. يا جماعة ورب الكعبة لمن لقيت عيونو اتملو دموع وبقيت اقول نحن ما بنحمد الله والله .. نحن ما بنحمد الله .."
العسكري دا عندو بنات .. ما أولاد .. و والله كونو يكون عندك بنات بس وما معاهم ولد دا شي يخليك تفكر الف مرا قبل تموت .. وتقول مصير البنات ؟ ومصاريفهم وأخليهم لمنو ؟ وإمكن أسي جيعانات وما لاقيت أكل متخيل إنت ؟!
بإمكانو يجدع السلاح ويمشي يشتغل أي شغل يعيش بناتو .. لكن هو شايف دا واجبو .. ومقدمو نفسو وبناتو وأسرتو في سبيل الوطن والبلد .."
وأديكم سر والله نحن ربنا بنصرنا بأمثال الراجل دا .. وربنا برحمنا بأمثال الراجل دا .. وبعد ربنا لو لا صدق الرجال ديل ما معروف كان يكون الحاصل شنو الأن .."
والليلة والله لو بس أطفالك جيعانين .. ما تقدر تنوم .. فكيف بيك إنت محارب .. وممكن تموت وبناتك ما معاهم ولا جنيه وكانو شهور في مناطق دعامة ... وعايش علي اعصابك وأكلو شنو ولا الحاصل عليهم شنو ما تعرفو .."
متخييييل ؟!
المهم .. البقدر أقدمو أنا لعمنا دا حاجة واحدة .. أنا أستأذنتو حنزل تفاصيل القصة ما عشانك يا عمنا عشان أخواتي البنيات ديل والله .. وعشان ربنا يقدرني وأجمع ليهم إن شاء الله ٥ مليار أشتري ليهم إن شاء الله ركشة في عطبرة أو أمن ليهم سكن ومعيشة كريمة ودا أقل شي بقدر أقدمو .."
وشوف .. كونو ربنا يجيب عمنا دا للزول البعرفو أنا دا دي ما صدفة وكونو ربنا يوفقني وأكتب البوست دا ويصل عندك وتقراه وتحس بالألم الفي قلبك الأن دي ما صدفة .. فعايز منك حاجة واحدة بس التبرع البتقدر عليه أتبرع بيه للبنيات ديل وما تطلع من غير ما تشارك البوست دا في صفحتك .."
الحمد لله إمكن ما عندنا حالة الشير وصل فيها ٤ الف مشاركة إلا تمت في يوم 💛
أرح للتبرع بنك الخرطوم بنكك بأسم منظمة ظلال الرحمة الخيرية برقم : 2136925
"مرور بعض الأموات غير الخاصِّين في ذهنك أثناء الدعاء لم يكن صدفة، بل هو التوفيق من الله لهم إزاء خبيئة أو عمل صالح، فأيقظ فيك ذكرهم عند مواطن الإجابة، وألهج لهم لسانك."
- اللهم سخّر لنا من يذكُرنا ووالدينا بطِيب الدعوات في الدنيا والآخرة.
بلقي لينا أخر ٤٠٠ الف ونقفل مبلغ النازحين ٥ مليار بفضل الله 💛
عارف عايزين منك شنو ؟ ٥٠٠ جنيه بس .." أي ٥٠٠ جنيه بسسس أفتح تطبيقك وما عايزين اكتر منها 💛 وطلعها وجواك نية بتقول يا رب .. دي البقدر أدفعها ودي البقدر أقيف بيها مع أخواني ..وخلي نيتك صاادقة ومخلصة 💛
والله تشوف فتوحات في حياتك وخير بال٥٠٠ الإنت شايفها بسيطة دي .." وأتذكر إنو ال٥٠٠ دي فيها كنوز من الحسنات والمنافع .." تطفي غضب الرب .. تزيد الحسنات .. ترفع البلاء .. تشفيك من المرض .. تريح النفس .. تنجي من عذاب القبر .. وخير أنيس للمسلم في قبره الصدقة .. وإغاثة ملهوف وربنا بفرج بيها كربة من كربك يوم القيامة .. وأجر إدخال سرور علي مسلم واطفالو .. وكمية بتاعت حاجات المجال ما بتسع لذكرها 💛
أي والله بس بال ٥٠٠ جنيه دي 💛 ويا سلام لو كانت الف .. أو الفين او البتقدر عليه.."
أرح عايزين لبعدين نقول تمت بفضل الله 💛 2136925 منظمة ظلال الرحمة بنك الخرطوم بنكك
عايز ربنا يعينك على دنياك؟ عِين الناس على دنياهم. عايز ربنا يعينك يوم القيامة؟ عِين الناس هنا في الدنيا. فالنبي ﷺ قال: "مَن نَفَّسَ عن مُؤْمِنٍ كُرْبَةً مِن كُرَبِ الدُّنْيَا، نَفَّسَ اللَّهُ عنْه كُرْبَةً مِن كُرَبِ يَومِ القِيَامَةِ، وَمَن يَسَّرَ علَى مُعْسِرٍ، يَسَّرَ اللَّهُ عليه في الدُّنْيَا وَالآخِرَةِ، وَمَن سَتَرَ مُسْلِمًا، سَتَرَهُ اللَّهُ في الدُّنْيَا وَالآخِرَةِ، وَاللَّهُ في عَوْنِ العَبْدِ ما كانَ العَبْدُ في عَوْنِ أَخِيهِ".. ربنا يعينك ويفتح عليك.
إحدى النساء تقول: لقد أسميت كل غرفة في منزلي بإسم فالصالون للتكبير،، و غرفة النوم للتهليل،، و المطبخ للإستغفار،، و هكذا جميع غرف المنزل . فكلما دخلت غرفة لتنظيفها إستغليت الوقت حسب مسماها،، فعند ترتيبي للصالون مثلا أشغل لساني بالتكبير حتى الإنتهاء من تنظيفه،، و عند تنظيفي للمطبخ أنشغل بالإستغفار،، و هكذا حتى أنتهي من عملي فبذلك استفدت من عدة نواحي،، نظفت و قلبي إطمئن و لساني يلهج بالذكر و البركة تعم أرجاء منزلي..
الإنسان ضاقت به الدنيا رغم اتساعها، والعزاء الوحيد لقلبه أنها فانية، ونعوذ بالله أن نشقى هنا وهناك .. نسأل الله من فضله أن نكون ممن يُساقون إلى الجنة زمرًا
والله للنساء تأثيرٌ عجيبٌ على أعتى الرجال، وما تفعله البنات من تغييرٍ في طبائع الرجال أمرٌ لا يُصدّق.
صاحبي لم تكن اللغة العربية ذات أهمية عنده، وحاولت مرارًا أن يُشاركني بعض جلساتي فيها فكان يأبى = فتقدّم منذ أيام -والله أيام لا تتجاوز اليد الواحدة- لخطبة فتاةٍ مُحبّة للأدب والشِّعر العربي.
واليوم سمعته يُدِندن من بعيد:
بعضُ العيونِ كحدِّ النصلِ تقتُلنا أينَّ المفرُّ؟ وهذا الحُسنُ سجَّانُ.
