🌴تجمّع الزهراء ع العاشورائي🌴

هوسات للسيد حسن نصر الله


يايسد حسن يالامك الزهره
تضل البنان باسمك دوم منتصره
ضحيتو البلدكم منكسر ضهره
مثل حسين ضحه بزينب الحره

نصروها عمامه جدكم




الك هوسات تحله وكون مجلس بي
ملايه ونعاوي وكن نطلم بيه
مثل شخصك يسيد حكنه نبجي عليه

يغدروها زلام زينه




لمثل شخصك حسافه يموت يالوجهك يشع بنور
بجنات الخلد نلكاك بس ضهر اهلك صبح مكسور
بني اميه يفجرونك ذول. اهل الضلم والجور


بالجنه انتم يبن ساده


تمت بعون الله
الشاعره ام حوراء الاسدي

قصيدة لأستشهاد السيد حسن نصرالله قدسه الله سره الشريف

{ شلون تموت }

شلون تموت يمخوف اليعيلون
صار سنين مــن ثوبك يرجفون

•───✧◐◐✧───•

شلون تروح واحنه نفكر بعيد
صولاتك ترد ياشهم صنديد
مثل صولات جدك بيهم تعيد
{ الموت لجالك / ماردناه }

•───✧◐◐✧───•

ماردناك تمشي نريدك سنين
ياهيبة الشيعه وناصر الدين
تمنيناك تاخذ ثار الحسين
{ من يظهر باچر / مولانه }

•───✧◐◐✧───•

خبر موتك فجعنه وهز الأكوان
الشيعه مكدره والكون حزنان
وحزب الله يون عليك حيران
{ المات اعله الحق / يردونه }

•───✧◐◐✧───•

حكهم لو بچو لجلك يقائدهم
سنين وياك عاشو وانت سيدهم
صنعت ارجال نشميه ونعم منهم
{  مانوم ليله / اعله العيله }

•───✧◐◐✧───•

مايرضون عالعيله ينامون
ثارك تاخذه ازلام اليثورون
والعدوان ردهم يخافون
{ الثار مربع / يردونه }

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

بِسْمِ اللَّـهِ الرحمن الرَّحِيمِ
﴿فَلْيُقَاتِلْ فِي سَبِيلِ اللَّهِ الَّذِينَ يَشْرُونَ الْحَيَاةَ الدُّنْيَا بِالْآخِرَةِ  وَمَن يُقَاتِلْ فِي سَبِيلِ اللَّهِ فَيُقْتَلْ أَوْ يَغْلِبْ فَسَوْفَ نُؤْتِيهِ أَجْرًا عَظِيمًا﴾
صدق الله العلي العظيم

سماحة السيد، سيد المقاومة، العبد الصالح، انتقل إلى جوار ربه ورضوانه شهيدًا عظيمًا قائدًا بطلًا مقدامًا شجاعًا حكيمًا مستبصرًا مؤمنًا، ملتحقًا بقافلة شهداء كربلاء النورانية الخالدة في المسيرة الإلهية الإيمانية على خطى الأنبياء والأئمة الشهداء.
لقد التحق سماحة السيد حسن نصرالله الأمين العام لحزب الله برفاقه الشهداء العظام الخالدين الذين قاد مسيرتهم نحوًا من ثلاثين عامًا، قادهم فيها من نصر إلى نصر مستخلفًا سيد شهداء المقاومة الإسلامية عام 1992 حتى تحرير لبنان 2000 وإلى النصر الإلهي المؤزر 2006 وسائر معارك الشرف والفداء، وصولًا إلى معركة الإسناد والبطولة دعمًا لفلسطين وغزة والشعب الفلسطيني المظلوم.

إنّنا نعزي صاحب العصر والزمان (عج) وولي أمر المسلمين الإمام السيد علي الخامنئي دام ظله والمراجع العظام والمجاهدين والمؤمنين وأمة المقاومة وشعبنا اللبناني الصابر والمجاهد والأمة الإسلامية جمعاء وكافة الأحرار والمستضعفين في العالم، وعائلته الشريفة الصابرة، ونبارك لسماحة الأمين العام لحزب الله السيد حسن نصرالله رضوان الله عليه نيله أرفع الأوسمة الإلهية، وسام الإمام الحسين عليه السلام، محقّقًا أغلى أمانيه وأسمى مراتب الإيمان والعقيدة الخالصة، شهيدًا على طريق القدس وفلسطين، ونعزي ونبارك برفاقه الشهداء الذين التحقوا بموكبه الطاهر والمقدس إثر الغارة الصهيونية الغادرة على الضاحية الجنوبية.

إنّ قيادة حزب الله تعاهد الشهيد الأسمى والأقدس والأغلى في مسيرتنا المليئة بالتضحيات والشهداء أن تواصل جهادها في مواجهة العدو وإسنادًا لغزة وفلسطين ودفاعًا عن لبنان وشعبه الصامد والشريف.

وإلى المجاهدين الشرفاء وأبطال المقاومة الإسلامية المظفرين والمنصورين وأنتم أمانة السيد الشهيد المفدى، وأنتم إخوانه الذين كنتم درعه الحصينة ودرة تاج البطولة والفداء، إنّ قائدنا سماحة السيد ما زال بيننا بفكره وروحه وخطه ونهجه المقدس، وأنتم على عهد الوفاء والالتزام بالمقاومة والتضحية حتى الانتصار.

السبت 28-9-2024
24 ربيع الأول  1446 هـ

ملا مقتدى

عجـل يأبوصالح الك تبجــي الجـوارح
مصيبه جر مصيبه القهر يبدي بملامح

ملامح فرگه بيه ....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻
ترى الفرگه حرام تطول وانا ذنوبي سبب فرگاك
الا من ملگـه يـ الغايـب ودورك وين حتـى الگـاك
تعب گلبي وانه  حاير ابچي العمتك ابچي وياك
يصاحب روحي حاچيني انا المُتعب  انا الينخـاك

عـذبنـي حيـل اليــل .... وبيـن غيابـك حيـل
دنيه وحوافر ليش .... خايـف تدوسـك خيل

خايف انـا عالـروح ....  تـطلـع غفــل وتــروح
وماكو دوه المولاي ....  هل دنيه كلها جـروح

الصفار يمر ورگتي العمر ذوب شمعتي
لوان راضـي عليـه تمرني وي دفنتــي

گرب وكت المنيه .... ودورك كل عزيه
       يابــو صالح .....  يابــو صالح
༺༺༻༻ ** ༺༺༻༻
گضه عمري وتعرف الموت ما ينطي البشر فرصه
واذا ما صـارت بدنـياي بخدمتك مـا تصح حصـه
يكون بگبري اشوفك جاي وشـرح حالتـي بغصـه 
وسولفلك على المذبوح وتلجـــم گلبــــك القصـه

غارت وهو مطروح .... وراكت فوگ الجـروح
هنانه الغصه مولاي ....  يحس ما جان مذبوح

ردتـك تضـهـر ويـاي .... ونـاخـذ لصحـن مـاي
نسگي حسين عطشان ...  الضل بحسرة فـياي

يسر حيـرني امـره غيابك سوه جمـره
بگلب كلمن يريدك العشگ لدمعه جره 

بطـه غيابك عليه ....  ودورك كل عزيه
يأبــو صالح  .... يأبــو صالح
༺༺༻༻ ** ༺༺༻༻
وشل صبري وتعب جفي وانه متاني اشوفك جاي
الا ممكن تمرني بطيـف وكولـن كافـي هـذا هـواي
انا العاصـي وانا الندمـان وانا الفاگـد بدونـك رأي
رسائل شوگي بيـه تعيـش اطلعهـا وتعيـش ويـاي

عايـش علـى متاناك .... امنيتـي امـوت ويـاك
شيسوه العمر مـولاي.... لو مـا گضيتـه حــذاك

كـل عـمـري ادور بيـك ... وابقـى بـأمـل الگيــك
لـو امـوتـن انـا ويــاك .... لـو امـوتـن انـا عليـك

اضل انطر اشوفك ازيـد ومـا اعوفـك
وتضل عينك عليه تمد رحمة جفوفك 

حلم نوگف سـويه .....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻ 
كل ليـله الـتمر صــفـنات تــغير بلـــ سـهر لــوني
بيـد الـريـح ادز مـرسال هذا الحــــال وشـلـوني
عايـش بـأسـمك وطـاريـك مجـنونك يســموني
شـلي بعيـشه مـو ويــاك المـن بـاقيـه عـــيوني

سـوالف جروح وشوگ ... تـعبتني يلـ معشـوگ
مـرلي نفــس مـــولاي ... حته الــهوه مخنوگ

يغفـه الـوجع بلـ عين ... واذكـر مصاب حسين
خيـمه وعطش والنار  ... كــافـل بــلا چــفـين

عجال رايد يغايب قبل نوم الترايـب
انا معود مجاس وبواچي ع الغرايب

تــأذي المــغربيه  ....  ودورك كل عزيه
      يأبــو صالح .....  يأبــو صالح
༺༺༻༻ **
عطـر هدمـك متئ يمرني ييوسـف طالـت الغيبــه
احاول بلكي اصير انسان وتـودني ذنوبـي لخيبــه
ذانبت هواي وخدمتي شوي اخافن سببـت شيبـه
وانه الضايـع ضيـاع الحـب يعيش العاشگ مصيبه

كـلمـا يمرني غـروب... ابجي بجي المنهـوب
والدمعه الها حساس... تـاخـذني لـ محبـوب

يالمهدي ساكن ويـن... وشعاش بسواد العين
قصة سبـي وحـبـال... لـو عاشـرك وحسـيـن 

الفرج رايد يمهـدي... محرم توه يبـدي
وفواتحنه بدونـك... بجرح ثاني تعدي

اندبك بصفه نيه،،، ودورك كل عزيه 
يأبـــو صالح..... يأبــــو صالح 
༺༺༻༻**

      اسم القصيده.. عترافات
           (عبد ال محمد)
      منتظر خالد المنصوري

گصو اعروگي ومشو گالو يموت
مادروا عالصعبه اكيف بيها افوت
اردان اسرفن من اطبن چني حوت
دوم اخليهم وراي وما الوت

ما الوت واعجن بفارغ اناء
كلشي اشمره اخلاف ضهري ابلا عناء
الكِبَر والغيره وبعد حته الرياء
انه عبدالله اليحب الله ابصفاء

يكول اذا الله يحبك فابتلاء
راح يختبرك  الهك باصدقاء
بيهم ايبيعك رخيص ابلا شراء
وبيهم الحنيه عنده وهم نقاء

اي والله 😔//ام حسين العسكري ناصريه

قصيدة ثكيله للسيده فاطمة الزهراء عليها السلام

المستهل👇🏻👇🏻👇🏻

وره الباب اركضت استر بديه
عصرني ابلارحم ابن  الدعيه
كسر ضلعي وصحت اه
جنينــي سـگـط ويــلاه
وره الباب اركضت استر بديه


•───✧◐🕊🌻🕊◐✧───•

دفعت الباب كتله ابتعد عني
كسر ضلعي وعلى عيني سطرني
خلف الباب محسن راح مني
سمع صوتي اون اوما رحمني

شب نيرانه بالباب
وحركت حتى الثياب
دفعني وظل يسب يابويه بيه
وره الباب اركضت استر بديه

•───✧◐🕊🌻🕊◐✧───•

صحت فضه تعالي اتلاحكيني
انكسر ضلعي وكع مني جنيني
مااحس واجت سطره اعله عيني
زحف عالكاع كمت ازحف بديني

اديه احتركن ابنار
من عملت الكفار
وجو نارهم هاي المسيه
وره الباب اركضت استر بديه

•───✧◐🕊🌻🕊◐✧───•

بحرك الباب كثرت نايباتي
وصلت نارهم بويه بعباتي
يظيم اعداي واصل حدلهاتي
تنزف ماهدت كل جراحاتي

شيضمد هالجروح
دمعي يظل مسفوح
تظل للدوم دمعاتي جريه
وره الباب اركضت استر بديه

•───✧◐🕊🌻🕊◐✧───•

عصرني بلارحم عصره وره الباب
لذت بالباب استر ماكو احجاب
من اجذوع بابي وصدري انصاب
بالبسمار خزّن صدري وانعاب

ينزف ضلعي لليوم
ومحسن راح مظلوم
عدوان بحقد هجمو عليه
وره الباب اركضت استر بديه


•───✧◐🕊🌻🕊◐✧───•

دمع العين مايبطل مسيله
شفت محسن وكع محد يشيله
وعلي بحبل الوصيه انهدم حيله
رفعت ايدي لربي اشتكيله

عالصار وجرالي
اون الضيم حالي
صحت يابويه ضربوها الزجيه
وره الباب اركضت استر بديه

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
اهدي ثواب القصيده الى مولاتي فضه خادمة الزهراء عليها

عني رحتي وانتي بعمر الورد

محمد النوري

القصيدة
أمير المؤمنين علي بن ابي طالب وفقد السيدة فاطمة الزهراء عليهما السلام



عني رحتي     وانتي بعمر الورد
عني رحتي.   وشبقى عندي بعد
اه يازهراء      اه يازهراء

ياحبيب المايرد صوته لحبيبه
شلون من يشتاكله منهو يجيبه
علي حن لفاطمه واشتد نحيبه
منه راحت زهرته باعظم مصيبه

من تركتيه. بيته خالي من الضوى
من تركتيه. ضل سقيم بلا دوى
اه يازهراء    اه يازهراء
*--------------*----------------*--------------*
حلت الفركه وصفت داره خليه
بعد فركه المصطفى تروح الزجيه
فاركاها ومشت مهظومه برزيه
مابقاله بس حزن حد المنيه

فاركاهم.  وهمه جانو سلوته
فاركاهم.   وهوه زادت بلوته
اه يازهراء.  اه يازهراء
*---------------*-------------*--------------*
يعاين لبيته صفه من الزهره خالي
يشوف اولاده ويهل دمعه يلالي
الحسن وحسين يمه بدمع هالي
وزينب تنادي بعد امي شبقالي

يهدم الحيل    دمع ولدج فاطمه
يهدم الحيل.   بجى املاك السمه
اه يازهراء.     اه يازهراء
*--------------*--------------*----------------*

يامصيبة حيدر بهاي الرزيه
فاطمه الزهراء تاخذها المنيه
الوديعه تروح من عنده ضحيه
يعاين بعينه وتقيد بالوصيه

بيها صابوه   بالغدر أهل الردى
بيها صابوه   الحقد منهم بدى
اه يازهراء    اه يازهراء
*--------------*-------------*--------------*
بيده يدفن زهرته والدمع همال
تندفن كل ذكرياته وكل الامال
انهدم حيله الشجاع الشال الاهوال
من دفنها روحه حيف اعله الترب مال

حيله هدموه   يوم صابو فاطمه
حيله هدموه   من نزف منها الدما
اه يازهراء.      اه يازهراء
*---------------*--------------*----------------*

محمد دعبل النوري

21 ربيع الأول 1446هـ
2024-09-24 م

حكها المدامع تجري من دم

محمد النوري

نعي  استشهاد الزهراء عليها السلام


حكها المدامع تجري من دم
على الغالين لمن يكبر الهم
ماتت وبيها الألم ملتم
من الباب جرح الضلع مالوم

مالوم الضلع من دفعة الباب
والدفعوه يسموهم الاصحاب
ماطاب جرح الزهره ماطاب
هجمو عليها وخانو الكوم

بعد النبي اصحابه ارتدو
ولبيته ركضوله وتعدو
جم مره اجو بالنار هدو
وكفو اباب النبي المظلوم

وصى النبي باهل القرابه
واكد على الزهره بغيابه
ماقصرو هجمو اصحابه
كشفو الدار بحقد مضموم

كشفو الدار ومارعوها
وصابو الزهره وروعوها
انكلبو عليها بعد ابوها
على دارها غربان وتحوم


محمد دعبل النوري

الخميس
23 ربيع الأول 1446
                                    26-09-2024

لطميه للزهراء.  عليها السلام
وزن. الوسيله المثلث

😭😭😭

ليش خافيته الضلع امي عليه
مستعده للوداع وللمنيه

حيرتني شلون حيره
عمره ما اعرف مصيره
لو بجيت اگبالها تلزم اديه

😭😭😭

لو بجيت اگبالها يثگل حزنها

امي تالي الليل يمي يزيد ونها

والضلوع اليوجعنها يالمنها

والليالي السود مني فرهدنها

ابجي وتگلي تعالي
حالها يشبه الحالي

خايفه من الدهر تالي يخون بيه

*ام مهــ✍ــدي المياحي*

😭😭😭

حيل  متغيره  امي  من   الاحزان

ماعرف شنهو وجعها وگلبي حيران

اولو سالت شبيج يمه  الدمع غدران

انه وامي  تعذبينه والدهر خان

امي اتضمني بحضنها
ضلوعها خاف الجمنها

اخاف من تنام تاخذها المنيه

*ام محـ✍ـمد الساري*

😭😭😭

ويلي من شدة المها تدير بالعين

نوب تنظر ليه نوب الحسن وحسين

شنهوا گولي اليوجعج يمه شتهيسين

عمري كله افديه الج يم گلب الحنين

ليه ديريه الالم
ادري ضلعج منهشم

شلون لو ودعتج بهاي المسيه

*ام منـ✍ــذر الحجار*

😭😭😭

مگطع اوتاد الگلب وتجر بالونين

منكسر منها الضلع  ام السلاطين

حيل مابيها بعد وينك يبو حسين

نكسر ضلع الزچيه وسگط الجنين

من جمر ينزل دمعها
بالحقد صابوا ضلعها

عينها شبحت لعد حامي الحميه

*بنت العباس ع ام منتـ✍ـظر الجابري*

😭😭😭

من تون يمي ابهده واتجر بالانفاس

والله مهضومه وحزينه امعصبه الرأس

هجمو أصحاب السقيفه وبيتج انداس

كسّروا اضلوعج ييمه گوم الارجاس

الليل كله ماتنام
گوه  تحجيه الكلام

اتوصي بحسين واديها بين ادي

*ام ستــ✍ـــار الكعبي*

😭😭😭

امي خافيته الضلع تجهر الونه

تون وتنوح بدمع ام المحنه

والعصرها ابباب مايربح عسنه

ليش اذاها النذل والهم كتلنه

نابت البسمار بيها
والالم زايد عليها

ابد ماترجع بعد امي شفيه

*أم صـ✍️ــادق المنصوري*

😭😭😭


*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*

✍️✍️✍️✍️✍️

#قصيده الي مولاتي الزهراء عليه السلام


صاحت یفضه بساع لحگی علیه
ظلعی انكسر کسرین وابنی رمیه
──────⊱◈◈◈⊰─────
گومی يفضه بساع شیلی الزغیرون
طفلي وگع للگاع  جدام  العیون
ماکمل ست شهور اگبالی مطعون
وانه اوگعت للگاع دموعي جریه
──────⊱◈◈◈⊰─────
بضلعي نبت بسمار فضه ادركيني
سنديني مابيه وشيلي جنيني
بجفه النذل طگني واطفالي عيني
من لذت خلف الباب عصروا عليه
──────⊱◈◈◈⊰─────
مني جنینی طاح ابعتبت الباب
ذوله الاجوا چانو للمصطفي اصحاب
طلعو حقدهم حيف وصارت احزاب
ما رحموا بحالي  و أنه  الزجيه
──────⊱◈◈◈⊰─────
لو اجه الحسن وحسين لاتخبريهم
غطني بفراشي وهوني عليهم
مااگدر  أتحمل  واسمع بجيهم
خليني أون  للموت ونه خفيه
──────⊱◈◈◈⊰─────
محنيه  ماتگدر واخفت  وجعها
ظمت ورمها العين ويهمل دمعها
ظلت  تون  بسكوت نار. بظلعها
فضه تون وتصيح رحتي من اديه
──────⊱◈◈◈⊰─────

تــمت بعــون اللــہ

✍ #عـلویه_ام_فاضل
✍️ #ام محمد التميميه

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبرے الـذمـه الیـحـذف الاسـم الشـاعرات❌❌

قصيده لفقد الشباب

الگلب لصوركم ايحن بالعذاب
نمتو بتراب المگابر ياشباب

رحلة الموت الخذتكم للگبور
شجرة الشبان يبست من جذور
سمعو  هاي الروح لصوركم تفور

يجرح بكلبي جمر فكد المصاب

رحتو عنه لا سلام ولا وداع
الدمع يحباب ماشالته گاع
بالوكت چاليش ميظل الشجاع

من وكت ياخذهم بسرعه التراب

وين ذيج اللمه وسوالف امس
غبتو عنه وبعد  ماتطلع شمس
الدنيه چن ابلا طعم بيها نحس

نسولف اوياكم ولا نسمع جواب

يابخت هالبيت من غرب ضواك
الروح تلهت بالدمع ظلت وراك
هالكلب لحظه يغالي مانساك

گمت اجر ونات بالروح وعتاب

اه ياكاع النجف شرد ارتجي
خذتي الشبان حلوين الحجي
كلبي منج ماحوه  بس البجي

من هجرهم حتى منه الراس شاب

ياجرح مطبوع ظل ابگصتي
الدمع خله يسولف قصتي
انفجع كلبي وجبيره امصيبتي

الدوه من ايغيب ياجرح اللي طاب


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده جنوبيه بهوسات لفاطمة الزهراء عليه السلام

وي امي الزجيه اليوم دفنوني
بفراگ الحنينه يعمن اعيوني

من نعش الزجيه انشال عن بيتي
حسيت الهوه مايدخل الريتي
شالت للكبر ياوسفه عافيتي

((طلعت هالروح بممشاها!))

خذت روحي الحنينه اليوم وياها
هاي  الوالده  الما ننسه ارباها
وسفه الموت من عيني خذاها

((مضيعيها  ياجلمة يمه))

اظلن عايشه بالدنيه چا المن
وحزان ومصايب عندي يلتمن
تجيني اسهام باجر مايرحمن

((ردتج يايمه اتعينيني))

تعنيني اريد بحزني  وبهمي
مابطل  نحيبي اعليج ياامي
كلبي يالزجيه معذب ومدمي

((مالوم وتجويني احزاني))

زغيره والحزن يكبرني بهوايه
وياروح اللي تحمل فركتج هايه
يمه انتي لكليبي زاده ومايه

((ضليت اخلافج مفجوعه))

تدرين الكلب بالفركة يتعلعل
وعودي بروحتج يتكسر ويذبل
هذا اول جرح چتف الصبر هدل

((وشلون احمل جرح التالي))

ياجرح الاحمله وياهو اشدنه
ضلعح يم حسن خله الف ونه
مرد لهموم بگليبي يمردنه

((وتعذب كل يوم بضيمي))


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم

قصيده تنقري بعدة الحان
عن لسان حال زينب ع تنعى امها الزهراء عليه السلام

وينج..... يا امي الحنينه وياج احجي.
ريتج.. تشوفي العين بالهجران تبجي
كونج هسه تلفين
تشوفي دمعة العين
وينج..... وينج

وصل حزني لحد اعظامي يمه
وماشوفن  نهاري ودنيه ظلمه
فكدج بالكلب يايمه هظمه
خدي بالجفوف اعليج الطمه

رحتي وانه احيرن لنهايه
متي وانه هسه  باالبدايه
ريتج يم لحسين
تشوفي دمعة العين
وينج... وينج

شكثر احتاج يمه المس جفوفج
ماكدر انه  لحظه اعوفج
عجب ترحين عني وماشوفج
عنه اليوم غابت كل طيوفج

وين الطول ذاك وين ملگاج
احن الشوفتج ومسامري وياج
امي ام كلب الحنين
تشوفي الدمعة بالعين
وينج  وينج


يروحي اللي اشد انفاسي بيها
داري امغمضة من جنت  اجيها
الرحمة تفيض من جفوف اديها
روحي تسلطن العاصف عليها

رحتي بساع يمه مو وكت موت
ما اكدر اظل وانتي بلا صوت
يسار التفت ويمين
تشوفي دمعة العين
وينج وينج


اخذتي وياج روحي وذكرياتي
بعدج ماشفت راحه بحياتي
اردد يمه ردي بكل صلاتي
اظل انعاج يمه لحد مماتي

رمش العين انتي لبيها اشوفن
عجب ترضين  الشخصج اعوفن
بحالي يمه تدرين
تشوفي دمعة العين
وينج وينج


الچفن هامل دمع يجريلج امطار
وعزمي بروحتج يالغالية انهار
ما احمل مصاب الجره والصار
ونتي بالكلب يايمه تذكار

حسيت بعجز ياوسفه هسه
من نورج تغيب عني شمسه
هاي الفركه لاوين
تشوفي دمعة العين
وينج... وينج


تمت بعون الله تعالى*
✍🏻الشاعره مريم العبوديه اسبرة الاحزان💔
نسالكم الدعاء بتعجيل الفرج لصاحب العصر ولزمان ع
غير مبري الذمه من يحذف الاسم