إنت يا الحُبك حياتنا.. كيف بدون حبك نكون.. 🥀 وداعاً يا صاحب الزاد والشجون.. و الزورق .. زورق من الألحان.. مكتوبة فوق سطحه قصة حياة انسان أملاكه بالعالم ريشة وضمير وكمان🥀 مافي شي زرع عشم وأمنيات زي أغاني ود الأمين ..🥀💙 بجيك صدى بصوت عااالي ببداية أغنية يقول " سوف ياتي "بعدها يسرح بيك في رحلة موسيقية وكلمات تشويقاً بمحطة الأمل: "سوف يأتي باسم الثغر يلوح بالأماني..طيء عينيه بريقُُ، وغموض ، ومعاني " ما يأتي كدة وبس، كمان "يحمل الروح إليّا، يزرع العطفَ نديا .. يسكب الآهات همْساً في ثنايا أُذُنيا وبها أحيا وأنسى ما ضناني💙 لما تقنع خلاااص وتقول تفتح تتعلم من الأيام يغنى ليك "بكرة الريد بدون مواعيدك يزورك يا حياة عمري وتقول ياريتني لو حبيت زمان من بدري" 🥀💙 أغاني ود الأمين أكتر أغاني خلتنا نطمع في غزل العيون ونشتهي! كدي تخيلي يتقال ليكِ " عيوناتك ترع لولي وبحار ياقوت مناحات ريد حزاينية بغازل فيها مأساتي .."💙 ولا " حروف إسمك وَكِت اشتاق وأرحل ليك وأسرح في عسل عينيك بِتحضنّي ... قبل ألمس حرير إيديك 🥀 وفي زورق الألحان لما يبدأ "أجمل عيون عندك يا أجمل الحلوين" ( عيون حبيبي ديَار .. ساحاتها حِنّية رسالة من الروح انشودة صوفيّة حكاية للأطفال أو رقصة زنجية .. )❤️ - وفي طائر الأحلام لما قال : "يا عيونا كالغناء العذب في دفء العشية .. يا عيوناً مثل صبح العيد في الدار الحفية "💙 (يا عيونا كالينابيع شرودا وابتساما .. نبعت في حقل ايامي ربيعا وسلاما )❤️ "ولما لقيت عيونك ديل بديت اعشق عيون الدار" (بحب يا صباح العيد ❤️) نتمنى يغمرنا بهمس الشوق أكتر ونقدر نقول : "جراح الماضي بيك نامت و غابت كل رعشة خوف "🥀 كمان .. بالنسبة لي بشوف الإلفة والمحبة كلها إختصرها ود الامين في وحياة ابتسامتك، بعدما شَهّد الأيام والليل والنحيب إنه قلبه عاشق ودربه خالي من حبيب، تغني : (لكن يا حبيبي.. من يوم ماشُفتك قلبي للدنيا إبتسم أشرقت دنياااي .. فارق دربي هم في إنتظارك ياحبيبي .. رايح أرعاك بي حناني ألقى فى قربك سعادتي وأنسى تعذيبي وهواني ..💙) ياااخ لما يقول في نهايتها : (يا حبيبي عِشت لي وعشت ليك.. هاك عهدي يا حبيبي هات إيديك..💙 ) عاااالم عالم بعيد صوته نكهة تانية خالص كمان😭 حقيقة حقيقة هو زاتو البيفتح قلوبنا ديار محبة ديار حياة..❤️ وااخيراً .. عشمنا يجينا الخبر شايلو النسيم .. ويقول لينا ها قد أتى و سوف يأتي ..🥀 و حينما يبدو حبيبي.. حبيبي.. فوق أُفقِ القلب يحبو حوله هالات نور بيها الأضواء تخبو و أغاريد الأماني في حنايايا تشبُ مثل سريان الحقيقة في مشاعرنا العميقة..❤️ مثل حلم الدهر يأتيك سريعاً في دقيقة ..❤️ في كل الأحوال ما لي غير أقول " إنما قلبي عنيد لا يبالي ينظم الحب أغاني..لا لا تسلني طيٌ عينيه بريق وغموض ومعاني " 💙 الرحمة والمغفرة للباشكاتب الموسيقار محمد الامين #شال_النوار #هند_أزهري