🔮🍃🔮🍃🔮 🍃🔮🍃🔮 🔮🍃🔮 🍃🔮 🔮 216 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🔮🍃 بيوم جديد.، و ببيت سليمان. فهد كان يودع بـ اهله، لان بيسافر وكان مستعد لدخول الدوره جمال ربت على كتفه؛ الله يوفقك و انا اخوك كلها سهالات. فهد اخذ نفس؛ اميين بس انتم ادعو لي و لا تنسون تزوروني. سليمان؛ يحسب نفسه بيروح للسجن والله الكتاب واضح من عنوانه. فهد؛ بس يعني اقول كذا. قرب وودع مريم اللي تبكي؛ خلاص يمه والله لاهون ترا. عبدالله تكلم؛ اقول فهيد ترا قلبت الصاله مطار ترا بتروح وترجع. فهد التفت له؛ انت وش عليك اودع اهلي. الجده لولوه؛ اترك عبدالله عنك، الله يوفقك وترجع لنا متخرج. فهد؛ اميين ي رب. قرب من وجن وضمها همس بـ اذنها؛ تكفين قولي لها فهد دخل العسكريه عشانك. وجن ابتسمت؛ تبشر ان شاء الله. فهد اخذ اغراضه وطلع لـ نايف اللي ينتظره، نايف لف عليه معصب؛ لو جلست داخل افضل. فهد ركب بعدها نزل؛ صح بودع يمه الجوهره وعازم. نايف غمض عيونه بعصبيه؛ ي ربي صبرك. فهد دخل للبيت ودع عازم اللي باقي ما طلع و امه الجوهره، بعدها رجع ركض لـ نايف ركب وقفل الباب؛ يله توكلنا على الله. نايف لف له؛ والله واضح ما تفلح فيها هناك اعرفك ما بتتحمل. فهد وهو يتفلسف؛ على فكره، لو اللي يحبك يحب هذه الشغله عليك بتنفذها بكل سهوله وراحبة صدر. نايف ناظره شوي؛ ي زينك لو تسكت. فهد؛ دقيقه لحظه والله قلت كلام بنقالي، اعذرني متوتر من دخول الدوره. نايف؛ الله يوفقك بس. فهد ناظره بطرف عين بعدها لف للشباك يناظر. . . العصر. عازم كان بالبيت و ينتظر بـ نايف، اريج جات عندهم لان دقت عليها و اصرت انها تجي، كانو مجتمعين بالصاله، الجوهره سكوت نوره طول الاسبوع ما كان عاجبها؛ نوره اليوم انتي بتردين لهم، اتمنى ما تتسرعين. نوره ابتسمت لها؛ لا ي يمه لا تشيلين هم. جمانه؛ نوره تكفين قولي لنا اذا موافقه او لا. اريج ناظرتها؛ والله سكوتك ابد مو عاجبني ما ادري اذا انتي فكرتي زين او لا.! نوره؛ لا تخافين فكرت زين و ادري انا وش بقول. كادي؛ شوفي والله انا احس خايفه من ردك كيف الولد المسكين. نوره؛ اذا مو قد الحمل ليش يجي.! الجوهره؛ نوره انا اعرفك زين، بس اول مرره احس اني ما اعرفك. على جية عازم؛ نوره الولد بالمجلس. قامت نوره وسحبت شيلتها ومشت معه، عازم كان يحاول يهدي نفسه لان حركات نوره توتره اكثر. دخل عازم للمجلس عند نايف نوره وقفت عند الباب؛ سلام عليكم. نايف ابتسم؛ هلا والله وعليكم السلام. نوره؛ عساك بخير. نايف استغرب؛ بخير نحمده، انتي عطيني علومك. نوره ابتسمت وفهمته؛ علومي بخير ي نايف كان تعرفها.، نايف ناظر عازم وابتسم؛ اجل ما نطول عليك ي اخت عازم، نوره ردت؛ لا تطول ي ليتها تكون خفيفه ترا التكلف مو زين. نايف؛ دام هذا طلبك، اعتبريه صار. نوره؛ اجل، ما اطول عليك سلام. نايف؛ مع السلامه. عازم لف عليه وهو مبتسم؛ اظن عرفت الجواب نايف ابتسم؛ الحمدلله، عرفته. عازم؛ وعرفت شرطها.!! نايف هز راسه؛ اي تبي زواج عائلي مع ان خاطري اسوي لها زواج لاصار و لا استوى، بس دام طلبت تبشر من عيوني. عازم؛ الله يوفقكم.، نايف قام؛ اجل انا استأذن بروح اخبر الاهل هناك. عازم ابتسم له؛ روح فرحهم. نايف طلع من عندهم بعجله و اتجه للبيت يخبرهم، دخل عازم للبيت ما شاف نوره معهم ابتسم ومشى لهم؛ وينها.!؟ اريج؛ طلعت لغرفتها، علمنا وش صار.!؟ عازم جلس؛ والله ي يمه ما توقعت نوره تستحي لدرجه انها مو قادره تقول موافقه. كادي؛ علمنا وش صار.!؟ عازم اعتدل زين بجلسته وعلمهم باللي صار بينهم. كوثر ناظرتهم؛ احلى ي نوره والله ي فيها عناد بس ما توقعت تستحي. اريج انبسطت؛ مو مهم المهم انها وافقت واخيرا بشوفها عروسه. جمانه؛ والله مو مصدقه، بس ليش تبي زواجها عائلي. عازم؛ عاد طلبها، دام وافقت نايف بينقذ شروطها. الجوهره؛ الحمدلله راحت للي يستاهلها. عازم تكلم لامه؛ يمه مو خاطرك تدورين لي اللي تستاهلني. كادي لفت بصدمه؛ تتكلم جد.! عازم؛ ليش وش ناقصني صح اني شايب بس م عليك ملامحي تغفر لي بس اللي ما قدرت اخبيه الشيب. 🔮📚 @storykaligi 🔮📚🖋 🍃🔮 🔮🍃🔮 🍃🔮🍃🔮 🔮🍃🔮🍃🔮