🌾🍃🌾🍃🌾 🍃🌾🍃🌾 🌾🍃🌾 🍃🌾 🌾 181 .. 📚 😍 📃 📖 روايـــــــــــــة ✍🏼 {  بالهون يا جده على نايف .. تراه وقع بحب نوره } 📖🖌 @storykaligi 🌾🍃 بالمستشفى.، سليمان واقف مع الدكتور بعد ما كشف على حالتها؛ البنت تعرضت لنوبة ربو حاده و الاكسجين ضعف عندها، سليمان؛ طيب دكتور البنت كيف صارت.!؟ الدكتور؛ الحين عطينها اكسجين عشان الربو، هي بخير ما فيها شي بس خالة الاغماء بسبب الربو.، سليمان؛ طيب دكتور نقدر ناخذها من هنا. الدكتور؛ اي تقدر، بس كل ست ساعات ترجع تاخذ اكسجين.، الحين بنعطيها جرعه اكبر من الاكسجين امكن تحتاج ساعه او ساعتين، و اعطيتها مهدئ لان البنت رافضه تاخذ الأكسجين. سليمان قام؛ شكرا دكتور.، الدكتور؛ واجبنا.، طلع سليمان من عند الدكتور صادف نايف اللي واقف و ينتظره؛ وش قال ي يبه.، سليمان بضيق؛ الربو اتعبها، دق على عازم شوف وينه اخته تعبانه حييل، نايف سكت وطلع جواله وهو يحاول يتصل بـ عازم لعل انه يرد.، داخل بالغرفه، مريم واقفه عند راسها و تمسح على راسها وتقرا من الايات اللي حافظتها، جمانه كانت ترسل لـ عازم وهي خايفه و متوتره لان خافت يكون عازم صاير به شي وكانت تتجاهل رسايل اريج اللي تسال عن نوره اللي ما ترد على جوالها، مريم لفت لـ جمانه؛ اسمعي اتصلي على خواتك، طمنيهم وطمني امك.، جمانه تكلمت؛ ارسلت لـ كادي، و طمنتهم. مريم؛ اخوك ما رد. جمانه هزت راسها؛ لا ي خوفي صاير به شي. مريم؛ لا ان شاء الله ما صاير به شي. . • الساعه 3:00 الفجر.، فز من نومه مفجوع، وجهه معرق من الكابوس اللي تحلم فيه، دارت انظاره على المكان المظلم، فتح عيونه زين ناظر بالساعه كانت 3 فز من مكانه كيف نام هذه النوم الطويله، طلعت من المطبخ من حست انه قام؛ عازم قمت.!؟ عازم ناظرها بعصبيه؛ الساعه كم.!؟ و ليش ما قومتيني، انا وش قلت لك. هبه بخوف من صراخه؛ كنت نايم و ما حبيت ازعجك.! عازم وهو يدور بـ جواله؛ جوالي وين.!؟ هبه رفعت كتوفها؛ مدري، عازم وهو يرمي بالمخدات ويصرخ؛ الجوال و ينه.!؟ هبه بخوف؛ قلت لك مدري ما شفته معك... عازم كان يرمي بالاغراض ويدور بجواله عارف نوره اكيد بتكون متصله فيه خصوصا مشى بدون يكلمها، سحب مفتاح سيارته، هبه تقدمت؛ وين بتروح.!؟ دفشها بخفيف من طريقه مشى بعصبيه؛ ابعدي جعل الموت ياخذك.، طلع من الشقه وهو متجاهلها نزل وهو يناظر تذكر ان سيارته متعطله و بالعماره، كان يناظر بالشارع مو عارف وين يروح جواله ما يدري وين رجع للشقه و هو يصرخ؛ هبه ي هبه.، طلعت من الغرفه على صراخ عازم؛ نعم. عازم؛ جوالك وين.!؟ هبه ركضت بدون تتكلم رجعت وجوالها معها؛ تفضل.! بس ما قلت لي وش تبي فيه. عازم طنشها و على طول كتب رقم خويه سعود و اتصل فيه، جاه الرد؛ الو.، عازم؛ الو سعود انا عازم اسمع تعال لي عند عمارتنا القديمه. سعود فز من مكانه؛ عازم وينك.!؟ من اليوم نتصل فيك ما ترد.، عازم تكلم بعجله؛ سعود انت تعال عند بيتنا القديم بسرعه.، سعود قام؛ ابشر الحين بجي لك.، اريج لفت لـ سعود؛ هذا عازم.، سعود ترك جواله ولبس ثوبه؛ اي بروح له، اريج تكلمت بسرعه؛ بتصل بـ نوره اقول لها ان عازم رد علينا، سعود سحب جواله وطلع بسرعه من البيت متجه لـ عازم اللي ينتظره عند عمارتهم القديمه.. . عازم واقف عند الباب و ينتظر بـ سعود، كان يناظر ساعته و هو يهز بـ رجله من الخوف وهو يتجاهل الضيقه اللي سيطرت على مشاعره، و الخوف اللي يحسه ما يدري وش سببه، كان يحاول يتذكر وين اخر مرره ترك جواله و كيف نام هذه النومه الطويله بدون يحس على نفسه اخذ نفس وهو يفرك بجبهته، وقف سعود بسيارته نزل وسلم عليه؛ ي ولد وينك.!؟ الكل يسال عنك و يدور عليك.، عازم بعجله؛ امش بسرعه للعماره وصلني هناك. سعود ركب سيارته؛ خير عازم فيك شي.!؟ بعدين وش جايبك هنا!؟ عازم تكلم؛ سعود الله يخليك بعدين اقولك الحين وصلني للعماره.، سعود حرك بسرعه؛ طيب انت الحين ليش كذا وجهك مصفوق عازم صاير معك شي..! عازم لف له؛ مدري وش صاير معي، احس بضيقه تخنقني و بتقتلني، تحلمت بـ كابوس يروع. سعود؛ تعوذ من ابليس وهذه كوابيس من الشيطان، ترا اختك نوره تسال عنك.، سعود تكلم؛ تكفى سعود اسكت والله شايل هم لا يصير فيها شي، عارفها جوالي مدري وينه ضايع اكيد بتدق علي.، سعود؛ والله الكل يسال عنك.، عازم سند نفسه؛ مدري ي سعود وش صاير معي نمت من قبل الظهر، كيف نمت نومه طويله،، 🌾📚 @storykaligi 🌾📚🖋 🍃🌾 🌾🍃🌾 🍃🌾🍃🌾 🌾🍃🌾🍃🌾