🐚🍃🐚🍃🐚 🍃🐚🍃🐚 🐚🍃🐚 🍃🐚 🐚 166 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🐚🍃 برا السيارات كانت مستعده للمشي، دخل عازم ينادي خواته عشان يطلعون، تكلمت نوره؛ عازم انت بتوصلنا.!؟ الجوهره؛ لا فهد اللي بيوصلنا. كادي و كوثر ناظرو بعض بصدمه، نوره تكلمت؛ وعازم.!؟ الجوهره ناظرت عازم؛ عنده شغله يخلصها و يلحقنا هناك. نوره بحلف؛ والله ما اروح، اذا مو مع عازم ما بروح. جمانه؛ نوره بلا استهبال، الولد برا ينتظر. نوره جلست؛ قلت ما بروح ما بروح. عازم؛ نوره ي عيني روحي و انا بلحقكم. نوره بعناد؛ قلت ماني رايحه.، الجوهره؛ و تنتظر منها تغير كلمتها امش ودني السياره. كادي اخذت ترف من جمانه عشان تعدل نقابها، عازم طلع بـ امه و البنات معه.، نوره جلست بضيق من شافت الزعل باين بوجهه فوق ضيقه على اريج اللي حست فيه و سمعت بكائه من ورا الباب، امه و اصرارها على زواجه من هبه.، " نايف كان معه جده و ابوه و عمامه و بنته وجن لان صار يخاف عليها من اي شي، جمال معه جدته و امه و زوجات عمانه، عمار كان معه عبدالله و ملاك و وجن و فيصل و وعد، فهد كان معه الجوهره و جمانه و التوينز.، الكل تحرك من عند البيت متجه للعماره نايف عرف ان نوره ما طلعت معهم حس انه نسى قلبه بـ فلة عازم." رجع عازم لـ نوره اللي جالسه بالصاله قامت من شافته ضمته؛ لا تزعل و الله كل شي عندي يهون الا زعلك، عازم حاوط بيده عليها؛ و الله ماحد حاس فيني الا انتي، نوره بعدت عنه؛ امي قالت لك تروح تخطبها.!؟ عازم جلس؛ لا قالت روح تزوجها وجيبها للبيت. نوره بصدمه؛ تمزح صح.!؟ عازم بضيق؛ نوره هذا الموضوع ينمزح فيه.!؟ نوره بعصبيه؛ انا امي ما ادري وش فيها على هالبنت يعني لزوم تتزوجها، انا من شفتها ما ارتحت لها.، عازم هز راسه؛ حتى انا ما ارتحت لها، بس امي الله يهداها.، نوره؛ وش السواه الحين،!؟ عازم قام؛ الحين بروح للمحل و افتحه والعصر بروح اتزوجها الله يجعلها للموت بس. نوره قامت ولبست نقابها؛ بجي معك. عازم طلع وبعده نوره اللي ركبت السيارة قفل باب الفله وركب السياره وحرك متجه للمحل.. • بـ سيارة فهد. طبعا كوثر لزمت على كادي تركب خلف فهد بالضبط، الجوهره كانت تسولف عن حياتها قديم و كيف لما كانو ساكنين بالعماره لما كانو جيران، فهد كان يضحك من حكاوي الجوهره، تكلمت جمانه؛ عاد انت الحين رجال و ينشد فيك الظهر ما شاء الله عليك.، فهد بضحكه؛ اوهو رجال و اعجبك بعد.، جمانه؛ والله اذكرك صغيير ي فهد.، فهد بمزح؛ يعني عجوز.! جمانه شهقت بمزح؛ شو عجوز توي بالثلاثينات. فهد بـ ابتسامه؛ لا امزح حشى،. الجوهره؛ م عليك منها تحب المزح. فهد؛ لا عاد ما ابيها تزعل مني. عاد هي زوجة خالي كادي قربت وهمست لـ كوثر؛ ترا طق الميانه بزياده، لو يدري عنها عبدالله يذبحها.، كوثر دفتها بخفيف؛ اسكتي لا يسمعك.، كادي رجعت لوضعها، فهد وقف عند محل عصير؛ يمه وش تبون اجيب لكم..!؟ الجوهره؛ ي ولدي ما نبي شي،. فهد؛ والله لزوم الضيافه.، جمانه؛ قالت امي ما نبي شي انت جيب لنفسك بسرعه عشان نلحقهم.، فهد نزل من السياره وهو يعدل بـ غترته، كادي تكلمت؛ وربي ما خلى عطر ما بخ فيه. جمانه؛ اسكتي وش فيها ريحة العطر و الله عنده ذوق بالعطور. الجوهره؛ اسكتي انتي وهي الولد لا يسمعكم يزعل. كوثر؛ الله بيسمعنا وهو داخل المحل. جمانه بضحكه؛ ما تعرفين امي. كادي؛ يمه بعدين ليش ما قلتي له نبي عصير، انا نفسي بـ عصير. الجوهره؛ و خزياه اطلب الولد. كادي؛ لا بس هو سال كان قلتي جيب اي شي. على جية فهد وهو شايل خمس كاسات عصير، ركب السياره اخذ كاسته و كاسة الجوهره ومدها؛ هذا ي يمه كوكتيل.، مد باقي العصير للبنات؛ ما ادري وش تحبون جبت على ذوقي.، جمانه كانت ترف بـ حضنها؛ بنت خذي العصير. كادي لفت بصدمه، كوثر دقتها؛ سريع.، الجوهره؛ استمدو العصير الولد يده بتنكسر كادي ما تدري من فين تمسكه، لان يد فهد كانت تحت، اخذته من يده بسرعه رغم ان يدها تصادمت مع يده على خفيف، فهد عدل نفسه و حرك السياره سحب جواله اللي يرن و رد على طول من شاف الاسم؛ هلا نايف. نايف؛ وينك انت مو معنا.!؟ فهد؛ وقفت اخذ ماء. نايف؛ بسريع انا موقف على الخط انتظرك. فهد رفع نفسه يناظر قدام؛ اي شفتك.، نايف ناظر بالمرايه الجانبيه؛ اجل خلك معنا و لا تسرع. فهد؛ طيب. قفل جواله ورجعه لـ جيبه، جمانه؛ ماشاء الله عليك، حتى ذوق بالعصير. 🐚📚 @storykaligi 🐚📚🖋 🍃🐚 🐚🍃🐚 🍃🐚🍃🐚 🐚🍃🐚🍃🐚