🌻🍃🌻🍃🌻 🍃🌻🍃🌻 🌻🍃🌻 🍃🌻 🌻 131 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🌻🍃 ببيت سليمان." العصر" الجده لولوه كانت جالسه بالصاله لحالها ومعها وجن الصغيره اللي جالسه بحضنها وتلاعبها، ملاك بهذا الوقت كانت نازله شافتها لحالها مشت لها تكلمت بمحاوله لعلها تحن عليها؛ ليش جالسه لحالك اجلس معك. الجده لولوه ناظرتها بطرف عين؛ متعوده اجلس لحالي. ملاك تكلمت رغم كلامها القاسي؛ طيب محتاجه شي اجيب لك شي. الجده لولوه؛ مو محتاجه احد اذا فارقتنا يصير احسن.. ملاك اخذت نفس، كانت بتمشي وقفها صوت الجده؛ نايف جا البيت..!؟ ملاك؛ اي فوق بغرفته، والباقي برا. الجده لولوه طنشتها وكانت تلاعب بـ وجن، وفجاه بدون قصد انفلتت وجن من حضن الجده وطاحت على السراميك صرخت وجن صرخه هزت اركان المنزل، شهقت الجده بخوف، ملاك بسرعه تقدمت ورفعت وجن اللي تبكي بكاء شديد اللي بعدها فقدت الوعي، نزل نايف من قوة صرختها، من شاف وجن بيد ملاك ومغمي عليها تقدم وسحبها من يدها بخوف وهو يحاول يصحيها؛ وجن بابا وجن، الكل التم بالصاله، فهد من شاف وجن وهي بالحاله اخذ المويه وكان يرشها؛ وجن حبيبي. نايف ضمها بعد مافاقت من الوعي وكانت تبكي بخفيف، تكلم وبصراخ؛ من فين طاحت وش صاير فيها..!؟ ملاك تكلمت بخوف ومنزله راسها؛ طاحت علي بالغلط ما انتبهت لها. نايف صرخ معصب؛ غبيه انتي من طلب منك تاخذينها. عبدالله تقدم لـ ملاك؛ قالت بالغلط كل واحد يغلط. فهد اخذ وجن ودخل فيها للغرفه. ملاك كانت تبكي بخفيف؛ انا اسفه والله ما قصدت انها تنفلت من يدي. نايف كان بيصرخ قاطعه صراخ عبدالله؛ قالت بالغلط ما تفهم انت، ملاك امشي. اخذ ملاك وطلع فيها للغرفه. مريم تكلمت؛ الله يهداك تصرخ على البنت غلطت بدون قصدها. فيصل؛ يمه الصادقه ي نايف حرام البنت انراعات نايف وهو باقي بعصبيته؛ بس هذه بنتي ي يمه لو صاير بها شي. الجد هاشم؛ وانا جدك مرات الخوف الزايد ماله داعي، والبنت اعتذرت على فكره نايف مشى؛ استغفر الله بس. الجده لولوه كانت منصدمه و ما قدرت تنطق بكلمه كانت تناظرهم، فكرت بـ ملاك وكذبتها ليش ما قالت لهم انها طاحت من يدي ليش كذبت و اتهمت نفسها، شافت عبدالله نازل وخلفه ملاك اللي لابسه عبايتها، عبدالله سلم على جدته، ملاك قربت وباست راسها همست باذنها؛ والله خفت يهاوشك وتزعلين، مع السلامه. ملاك طلعت بعد عبدالله اللي كان ينتظرها بالسياره. عبدالله لف لها بعد ما ركبت؛ ليش كذبتي. ملاك بـ استغراب؛ بـ ايش.!؟ عبدالله وهو يشغل بسيارته؛ وجن طاحت من يد الجده ليش كذبتي وقلتي انتي. ملاك ما كانت تبي عبدالله يدري؛ شفت كل شي، والله خفت اخوك يهاوشها وتاخذ بخاطرها. • بالليل"، رجع فهد للبيت اخذ نفس ودخل للبيت، شافهم مجتمعين بالصاله وكأنهم ينتظرونه، علياء من شافته فزت واقفه تكلمت والدمعه بـ عينها؛ لقيت عمار .!؟ فهد تكلم بهدوء وهو يمشي لهم؛ اي الحين هو بالمجلس. عيسى قام؛ بروح له اشوفه. فهد وقفه؛ يبي يجلس لـ حاله. وجن تكلمت؛ طيب هو بخير. فهد ابتسم من شاف الخوف بـ عيونها؛ اي بخير وما عليه بس يقول ما يبي يشوف احد. علياء؛ طيب انا بروح له بتطمن عليه. فهد؛ شوفي حتى انا طلعت من عنده يبي يجلس لحاله. فيصل؛ اكيد الولد ضايق خلاص خلوه بحاله يرتاح احسن له، لا صدق يعصب ويصير به شي. الجد هاشم وقف؛ اجل دام الولد بخير نروح ننام اريح لنا. فهد لف لـ امه؛ وين الجده.! مريم تكلمت؛ بالغرفه داخل و نايف عندها. فواز وقف؛ يله دام الولد بخير بوصل اريام وسهم بيت اخوها. سليمان؛ في امان الله، انتبه وانت تسوق. وجن ضاق خاطرها من اللي صار طلعت لـ غرفتها وقفلت على نفسها تبكي، فهد قام اتجه لـ غرفته، فيصل طلع برا بسرعه من رن جواله برقم من خارج البلاد.، • بـ غرفة مريم. تكلم سليمان وهو ساند نفسه على المخده؛ والله نايف ما ادري وش صاير به، والا عمار ينرفض. مريم جلست وهي تعدل بشعرها اللي تفرده عند سليمان؛ طيب انت اسال نايف عن سبب الرفض. تكلم لها؛ والله ي مريم نايف نزل راسي عند اخوي لما رفض، حاولت افهم منه بس كان يقول ما تصلح له. مريم وهي تحاول تخفف عنه؛ انت م عليك لا تشيل هم، نايف بيفكر زين وبيرجع عن قراره. سليمان؛ نايف ولدي و انا اعرفه، بس الحين ما يهمني الا بنتي، و بتتزوج عمار دامها تبيه والله ما اكسر قلبها عشان نايف اللي ما يفكر الا بعقله. مريم؛ و انت الله يهداك لا تكدر نفسك ريح نفسك لا تتعب علينا. 🌻📚 @storykaligi 🌻📚🖋 🍃🌻 🌻🍃🌻 🍃🌻🍃🌻 🌻🍃🌻🍃🌻