🌷🍃🌷🍃🌷 🍃🌷🍃🌷 🌷🍃🌷 🍃🌷 🌷 116 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🌷🍃 عند الرجال. بعد ما طلعو الرجال من العشاء دخل عازم عند سليمان و الجد؛ جاد الله عليك ي ابو نايف. الجد هاشم؛ بالهناء و العافيه. عازم؛ انت كفيت ووفيت و انا اعتذر بمشي. سليمان؛ افا بتمشي الحين و العشاء باقي ما وصل للحريم. عازم؛ اعذرني والله اختي تعبانه و بروح فيها للمستشفى. الجد هاشم تكلم؛ اقول ما بتمشي و اهلك ما تعشوا اجلس و اشرب قهوتك بعدها الله يسر دربك. عازم جلس مجبور رغم ان تفكيره بنوره اللي تعبانه. ناظر بـ سليمان و ابتسم تمنى يقول له انه عازم بس الظروف ما تساعد. بس وعد نفسه يرجع له بعد يوم و يخبره. تكلم سليمان بعد ما شاف الرجال خلصت عشاها؛ القهوه ي عيال. نايف كان جايب المبخره و يبخر بالضيوف. عبدالله قام قبل فهد؛ اجلس انا بقهوي الضيوف. فهد استغرب؛ والله ما قصرت ريحتني. عبدالله اخذ الدلال من عند جمال وبدا من عند ابوه بعدها عازم و بالغلط و بدون قصد انكبت القهوه على عازم، فز من مكانه قبل تحرقه؛ اخو نوره. عبدالله بتعذر؛ اسف و الله بالغلط ما كان قصدي. سليمان؛ علامك ي عبدالله. عبدالله؛ و الله اسف ما انتبهت بالغلط. نايف ترك المبخره و اخذ المناديل و مدها لـ عازم . عازم كان يمسحها بعدها مشى لدورات المياه لحقه نايف بالمناديل عبدالله كمل يصب للرجال. جمال يتكلم مع عمار؛ اسمع كلم فهد و دخلو العشاء للحريم. عمار؛ تبشر. فيصل رجع من صالة العشاء وجلس قرب ابوه؛ هاه يبه ما قلتي كيفك وش علومك. سليمان؛ انا ما علي بخير انت عملني كيف دراستك هناك. فيصل؛ والله دراستي عال العال. و الحمدلله اموري ميسره. سليمان؛ الحمدلله و الله يوفقك و ترجع و انت رافع شهادتك. فيصل ابتسم؛ ان شاء الله يبه. يله كلها شهرين و ارجع هنا. سليمان؛ عاد ما احد علم امك و اختك. فيصل؛ اذا مشوا المعازيم بروح لهم والله اشتقت لهم. سليمان؛ و الله ان جيتك فرحتنا كلنا. و امك والله انها متلهفه على شوفتك. فيصل ابتسم لابوه، فهد قام مع عمار وطلع من عندهم؛ نعم ي عمار يعني ما تعرف تكلمني و انا جالس. عمار؛ اسمع جمال يقول دخلو البوفيه للحريم. فهد رفع حاجبه؛ ي سلام حتى جمالوه صار يتامر انكسر ظهري و انا ادخلها للرجال هذه صواني ثقيله. عمار؛ م عليك احنا رجال و بنكون قدها. فهد؛ اقول هذه شغله ماتخص الرجال اخاف ينكسر ظهري. عمار غمز له؛ ترا احنا بندخلها داخل غرفة العشاء ما تدري امكن احد يلمحك والا تلمح احد. فهد عجبته الفكره، تكلم عشان مايبين لـ عمار؛ الله يعيننا بس امش ندخلها. عمار ضحك؛ الله يعيننا و الا الفكره عجبتك. فهد؛ استغفر الله اجل تبي الحريم يشيلونها ماهي من عوايدنا. • مريم واقفه قرب باب المطبخ عشان يدخلون العشاء، فهد تكلم قبل يطلع؛ يمه اذا احتجتو شي كلمونا. مريم؛ ان شاء الله بس انت اطلع بسرعه. فهد طلع بسرعه مع عمار اللي كان يفك بتشميرة ثوبه فهد ضربه على ظهره؛ انكسر ظهري ي معفن و انا متاكد ما احد شافني بالغلط. عمار يحك ظهره؛ يعني لازم، ترا البنات محترمات لو وحده طلعت بالغلط كان قلت عنها قليلة ادب. فهد؛ صح بقول قليلة ادب بس امكن تدخل قلبي انت وش عرفك. عمار؛ طيب امش نروح عند الرجال. مريم دخلت عند الحريم وفتحت الباب؛ حياكم تفضلو العشاء وصل. الحريم بدات تقوم و تتجه لـ غرفة العشاء وجن على طول اتجهت عند المغاسل عشان تتاكد اذا هي تمام، اريج كانت تمشي مع كادي و كوثر . تكلمت كادي؛ شوفي حتى عشاهم بوفيه. كوثر تبتسم وهي تناظر بالناس؛ ي غبيه الناس سمعتك. اريج اخذت الصحن؛ كادي ترا مرره ثانيه ما بناخذك اي مكان. كادي وهي تاخذ بالاكل؛ كوثر لا تفشلينا خلك اتكيت مثلي. كوثر كانت ساكته وتاخذ اكلها بهدوء؛ تصدقين انك تفشلين. كادي قربت وهمست؛ اسمعي قولي لـ سعود يصلح بزواجه بوفيه. اريج مشت و تركتهم كادي اخذت اكل ومشت بعد  اريج اللي جلست على الطاوله مع نوير و جمانه. كادي تكلمت؛ طيب و نوره.!؟ جمانه؛ انا كلمت عازم قبل شوي يقول استعجلو عشان نمشي. كادي؛ احسن اجل خل نستعجل لان صدق نوره شفت كيف عيونها تدمع من الحراره. نوير؛ طيب بنات امي عندها اكل. كادي؛ اي شفت ام وجن عطتهم. جمانه؛ اجل اكلو بسرعه عشان نمشي. البنات كان يحاولون قد ما يقدرون يستعجلون بـ اكلهم، وجن اخذت اكل بـ صحن و اتجهت لـ غرفة جدتها دخلت شافت نوره باقي متلحفه و نايمه قربت منها و همست؛ نوره نوره. 🌷📚 @storykaligi 🌷📚🖋 🍃🌷 🌷🍃🌷 🍃🌷🍃🌷 🌷🍃🌷🍃🌷