🌼🍃🌼🍃🌼 🍃🌼🍃🌼 🌼🍃🌼 🍃🌼 🌼 31 .. 📚 😍 📃 📖 روايـــــــــــــة ✍🏼 { بالهون يا جده على نايف .. تراه وقع بحب نوره } 📖🖌 @storykaligi 🌼🍃 ببيت الجد هاشم الكل بالمجلس لولوه من سمعت الخبر طلعت لهم بالمجلس و صوت نايف اللي يدوي بالمجلس الجد كان منزل راسه ويسمع هواشهم نايف بعصبيه؛ انت تستهبل و تعطي الناس كلمه على كيفك جمال؛ انت كان ما تكلمت كان انحل الموضوع وانت تعرف قد ايش هذه العايله خطيره نايف؛ ما يهم الحين بكره تروح لهم وتنهي الموضوع الجده لولوه دخلت وعصبيتها بانت من عقدة حواجبها عبدالله؛ والله انا انسان ما اتراجع عن كلمتي بعدين انت ما شفت كيف اهان جدي هاشم قبالهم وتبيني اسكت ابوي ما علمني كذا والا انت نسيت ابوي يوم كان بيفدي بروحك عشان الجوهره وولدها والا نسيت انا مثل ابوي اللي بشوف مناسب بسويه نايف سكت شوي؛ لا تخلط موضوع بموضوع تفهم هذاك غير وهذا غير فواز؛ نايف الحين انت ليش معصب اتركه بعدين مثل ما قال كيف شفته اهان ابوي نايف؛ عمي بس مو كذا تنحل الجده بحده وبدون تناظر نايف مركزه بنظرها على هاشم؛ عبدالله سوى الشيء الصحيح وانت وش عليك منه نايف؛ بس ي جده وقفته الجده؛ اللي سواه رحم جدك اللي كان بيدخل السجن بسببه الجد هاشم رفع بسرعه هز راسه بمعنى لا تقولين سليمان غمض عيونه بقوه من سمع امه تكلمت بالموضوع نايف بصدمه؛ سجن ايش وش هالكلام عبدالله دق جواله رد بسرعه؛ هلا اخوي تفضل الرئيس؛ عبدالله جاني طلب جنود بالحد بكره لازم تجي عبدالله ناظر نايف؛ طيب ان شاء الله بكره و اكون عندك قفل جواله وناظر ابوه؛ عندي دوام لازم امشي طلع من عندهم نايف؛ جده انطقي قولي الجده لولوه؛ هذا اللي عندي وانت خلك على جنب و الملكه والزواج بيتم تفهم نايف ناظر الجده بعصبيه؛ جده الجده لولوه بنفس النظره؛ تناظرني كذا استحي على دمك نزل نظرك ي ولد نايف غمض عيونه؛ اسف حقك علي الجده لولوه بامر؛ اطلعوا برا واتركونا لحالنا انا وجدك و ابوك وعمامك جمال سحب فهد وطلعوا عمار كان يناظرهم ابد مو فاهم شي لحق جمال وفهد نايف لحقهم وطلع من المجلس. • عازم نوره كانت تبعده عن الشاب وهي تبكي وتترجاه هبه من شافت الهوشه زادت دخلت العماره الشاب دف عازم بقوه على السياره و هرب من عازم صقع براسه انفقش راسه وطلع الدم نوره راحت ومسكته؛ عازم فيك يوه دم مسكت راسه وهي ترجف؛ عازم دم تحس بدوخه تحس بشيء الجوهره والبنات اجتمعو حول عازم والخوف باين عليهم نوره كانت تمسك براسه وتمسح الدم بالطرحه؛ اكيد يعورك عازم كان يتنفس بسرعه؛ الكلب هرب الجوهره؛ الحمدلله والا كان ذبحته عازم وهو يلتقط انفاسه؛ الحيوان هرب والا كان علمته كيف يمد يده على حرمه نوره بغصه؛ اسكت الحمدلله راح عشان ما تقتله وتروح فيها . نوره كانت واقفه عند عازم والممرضه تضمد له الجرح عازم غمض بالم نوره انتبهت له؛ عورتك عازم مسك يدها؛ لا الممرضه خلصت شغلها عازم راح للدكتور نوره كانت معه تكلم الدكتور؛ شوف جرحك بسيط بس احنا بالمستشفى مسوين حمله وصراحه انت متعافي وجسمك سليم حابين نسحب منك كيس دم تتبرع فيه عازم بدون تردد وهو يحب فعل الخير؛ ابشر دكتور بس وين اسحب الدكتور؛ الحين الممرضه تسحب لك نوره؛ طيب دكتور هو ما اكل زين اخاف يدوخ الدكتور؛ عادي ي أختي يجي اكيد بيحس بدوخه بس بنعطيه مغذيه عازم قام بعد ما شاف الممرضه نوره طلعت جوالها وكلمت امها انهم بيتأخرون وبسرعه رجعت لـ عازم • ببيت الجوهره هبه شربت فنجان القهوه وهي منزله راسها ومنحرجه منهم الجوهره تبي تحسسها الوضع عادي؛ اكلي يمه ترا مافيها شيء هبه رفعت راسها وناظرتهم؛ انا اسفه ي خاله خليت ولدك يتدخل بس مثل ما انتي عارفه انا و امي لحالنا وما عندنا احد نسند ظهرنا عليه كادي تكلمت؛ عادي مو احنا جيران لا تخافين نوير بضحكه؛ اعتبرينا خواتك هبه ابتسمت؛ والله ارتحت لكم دخلت اريج البيت وهي تغني؛ دا مش حبيبي دا حدي تاني وقفت من شافتهم جالسين بالصاله وبينهم حريم جدد ابتسمت بتكشير؛ سلام اسفه ما احسب فيه ضيوف كادي؛ تعالي هذه جارتنا الجديده سلمي عليها هبه قامت اريج تقدمت وسلمت عليها؛ اهلين هبه؛ هلا فيك اريج؛ على اذنكم انا بدخل ابدل دخلت اريج غرفة التونز كوثر من سمعتها دخلت حطت جوالها تحت اللحاف ناظرت اريج؛ في شي اسمه دق الباب اريج ناظرتها؛ اقول انطمي انا اختك كوثر؛ مرره ثانيه استاذني اريج؛ على تراااب طلعت لغرفتها هي ونوره . كوثر رجعت تكلم؛ اسفه حبيبي ناصر بس اختي دخلت ناصر ضحك؛ ليش عصبتي عليها كذا كوثر؛ عشان مرره ثانيه تستاذن ناصر؛ ما علينا ايوه وش كنا نقول كوثر ضحكت وبدات تسولف معه اريج بدلت وطلعت لهم من اول ما جلست اخذت غنى بنت نوير و جلستها بحضنها. 🌼📚 @storykaligi 🌼📚🖋 🍃🌼 🌼🍃🌼 🍃🌼🍃🌼 🌼🍃🌼🍃🌼