صانــ؏ البسمــہه

طبطب من غير ما توّعظ
واسمع من غير ما تُحكم
واحتوي من غير ما تسيطر
وارحم من غير ما تشترط
وابعد من غير ما تتخانق
الحياة مش حِمل تُقل.. الحياة محتاجة حنيّة

كيف تسأل إبنك عن الصلاة ..
طريقة السؤال تحدد نوع الإجابة..

يستخدم الآباء أساليب مختلفة للسؤال عن الصلاة ..
أولاً السؤال العنيف : فتقول لابنك، بلهجةٍ غليظةٍ فيها اتهام وهجوم 😠فتقول صليت ؟؟؟ فعندها سيدافع ابنك عن نفسه ولو بالكذب..

ثانياً السؤال المستهزئ 😏فتقول : هل صليت اليوم يا عمي الشيخ ؟؟ أم صليت بالحرم؟؟ هل توضأت أم كالعادة تصلي بدون وضوء ؟؟
هذه الطريقة في السؤال تحمل في طياتها الإستهزاء ..تستفزه وتجعله يخرج عن شعوره ،فسيعتبر أنك لا تحترمه..

الثالث السؤال المستهتر🙄 : فتسأل عن الصلاةِ بطريقةٍ فاترة وعلى فترات متقطعة وقد تسأل عن المذاكرة أكثر من الصلاة،
وهنا سيشعر طفلك أن الصلاة ليست رقم واحد في حياتك وحياته..

الرابع السؤال المتوازن : بحبٍّ ورفقٍ مع الجدية والحزم ..

تقول إحدى الفتيات كان لأبي أسلوبٌ خاص للسؤال عن الصلاة، كانت الصلاة أول شيء يسألني عنه عند عودته من العمل، فيقول: هل صليتِ يا حبيبتي؟؟ صليتِ يا نور عيني؟
إذا قلت لا فيقول بهدوء قومي وصلِّ ..و إذا قلت نعم فإنه يفرح جداً ويعطيني مكافأة.. وتتنوع مكافآت أبي.. بدايةً من حضن جميل وانتهاءً بمبلغ كبير ..وأحياناً كانت نظرات الفرح في عيني أبي تكفيني.. حتى انتظمت في الصلاة..
يقول أحد الآباء عندما أعود من العمل لا أسال أبنائي هل صليتم؟
ولكن أقول من لم يصلّ فليقم إلى الصلاة ..فيبادر أبنائي الصلاة..
إحدى الأمهات دائماً تقول لابنها: النوم بلا كوابيس تحتاج إلى صلاةٍ جميلة قبل النوم .. هذه العبارة أعادتها كثيراً حتى أصبحت قانوناً في حياته..مما جعله يحاسب نفسه قبل النوم على صلاته ..وجعله يحافظ تحديداً على صلاة العشاء ..فاساله هل صلاتك اليوم جميلة وتامة😊👍🏻
هناك أسئلة عميقة تزيد من حب الأبناء للصلاة بدلاً من سؤالهم هل صليت؟ ..تسأل: ماذا قرأت اليوم في صلاة ؟؟
هل دعوت لي اليوم ؟هل دعوت ل بابا ؟هل دعوت لأخيك المريض؟؟

وهناك طريقة مبدعة ..ماذا دعوت في سجودك اليوم ؟
🌹🌹🌹
«رب اجعلني مقيم الصلاة ومن ذريتي ربنا وتقبل دعاء»

📗من كتاب 500 طريقة تجعل أبناءك يحبون الصلاة

‏يمكن تعلم الحكمة بثلاث طرق ..
الأولى بالتفكر وهي الأكثر نُبلا والثانية بالتقليد وهي الأسهل، أما الثالثة بالتجربة وهي الأكثر مرارة ..

كونفوشيوس

- أتعلمين أين الجمال فيكِ؟

= أين؟

- في حيائكِ وأخلاقكِ، في صفاء روحكِ وعزتكِ، في طيبتكِ وتواضعكِ، في علمكِ وعملكِ، في ثوبكِ الفضفاض وسيرتكِ الحسنة.

=وماذا عن شكلي؟

- الشكل من صنع الله ولا دخل لنا به، لكن هذه الأشياء من صنعكِ أنتِ، تدل عليكِ وعلى البيت الذي نشأتِ به، ولا فائدة من جمال الوجة إن كان القلب سيئًا، لا الشكل يبقى ولا الشباب دائم كله زائل لا محالة، ولكن أخلاقكِ ونقائكِ لا يزول مهما مر من أعوام وقست الحياة، يظل جمال القلب فقط"

كان النبي ﷺ:
"طويل الصمت، كثير الذِكر، قليل الضحك، دائم التَبسُّم."
-صلُّوا عليه🤍.

السلام عليك يا صاحبي
أدهم شرقاوي

يا صاحبي..

ليس كل من واساكَ خالياً من الحُزن، لعلَّه عرف معنى أن يحزن المرءُ ولا يجد أحداً يواسيه!

ولا كل من أعطاكَ ثريٌّ، لعلَّه عرفَ جيداً معنى أن يحتاجَ المرءُ ولا يجد!

ولا كُل من ربتَ على كتفكَ ليس له هَمٌّ، لعله أراد أن يدعو بطريقةٍ أخرى، فيقول صامتاً وهو يُطبطبُ عليكَ:

ها أنا أربتُ على أكتاف الناس فاربِتْ على كتفي يا الله!
.
#السلام_عليك_يا_صاحبي

محذوفات مادة الكيمياء
لطلاب الشهادة الثانوية
❶ كل باب الاتزان الكيميائي
❷ كل باب الكيمياء النووية
❸ باب الاحماض و القواعد
ـ التأين الزاتي
ـ تفاعل أيون الاوكسيد مع ثالث اوكسيد الكبريت
❹ باب سرعة و آلية التفاعل
- ثابت معدل التفاعل في قانون معدل التفاعل بدلالة التغير في تركيز مادة متفاعلة او مادة ناتجة
❺ باب الكيمياء العضوية
ـ التسمية العامة للمركبات العضوية
ـ الخواص الفيريائية للمركبات العضوية
ـ تطبيقات واستخدامان المركبات العضوية
ـ الفينول
❹ التحليل الكمي ( المولارية)
ـ التحليل الوزني
ـ عينة الرخام
ـ ضبط الجودة باستخدام المولارية
ـ إيجاد التركيز بدلالة الايون المشترك
ـ المسألة رقم 17 في التمرين العام
أستاذ/رحمه ميرغني ـ كيمياء

صديقي شغال مهندس في شركة كويسة برة السودان ووضعه ممتاز..
في مرة استقبل رسالة من قريبته كتبت فيها..
"إززيك.. فلان ولدي جاييكم هناك.. عليك الله شوف ليهو شغل معاكم"
صديقي بصدر رحب قرأ الرسالة.. ومرت الأيام وجاء "فلان"..
وصديقي استقبله بترحاب ووضّح ليهو كل مداخل ومخارج البلد.. وفرص التوظيف..
بس بعد انتهاء فترة الزيارة.. فلان ما اتوفق ورجع السودان..
صديقي بحكي قال لي: "قريبتي في أول مكالمة لامتني عدييل وقالت لي: كان تعتبره اخوك وتساعده"..
العبارة البسيطة دي كونها تطلع بالشكل ده.. معناها وراها ملامة وعتاب أكبر..
قدر شنو صاحبي ده بقى مُلام في نظر قريبته عشان ما شغّل ليها ولدها..
في بلد لا عنده فيها سلطة ولا منصب..
القصة دي وغيرها قد توضح إننا شعب نيته طيبة وبعشم في بعض خير..
لكن للأسف العشم ده لو ما اتقابل باستجابة فبتظهر مشاعر سيئة..
لوم وعتاب يصل للمقاطعة في بعض العلاقات..
جارك المخاصم اخوهو عشان مرة طلب منه عربيته لمشوار واخوهو اعتذر..
قريبك الزعلان من جاره المسؤول الحكومي عشان ما شغل ليهو بته الاتخرجت من الجامعة بامتياز..
وزميلك المتشاكل مع صاحبه السايق عربية عشان ما ديّنو قروش لما احتاج..
ح تلقى نماذج كتيرة..
ملخصها زول طلب.. وزول اعتذر..
الإعتذار ده عندنا مرفوض..
كيف يعني تعتذر؟.. كيف أطلب منك حاجة وما تعمل لي الحاجة دي..
ما انا عشمت فيك! وانت مفروض تكسر رقبتك وتكون قدر عشمي..
ياخ ما مفروض.. ومن غير تكسر رقبتك زاتو.. عادي نعتذر.. وعادي نتقبل أعذار الناس..

للأسف حجة "العشم".. خلتنا نوجد لنفسنا كامل الحق نعاتب ونلوم على قدر عشمنا..
ونوصمك بكل السوء الفي الدنيا لو أخفقت في مقياس عشمنا ليك..
نحن البنخت الامتحان ونصحح وتبقى غلطان لو ما جبت الدرجة الكاملة..
الحاجة دي بتخلي علاقتنا ببعض مرهقة.. ومبنية على أنك دايماً تجتهد وتعصر على نفسك عشان ما تطلع الزول الكعب وما تشيل وش القباحة..
صحيح انه العتاب ده نابع من محبة وعشم بنية طيبة.. بس مؤذي يا اخوانا..
ما بأذي المتعشم.. بأذي المتعشمين فيهو ده زاتو..
في النهاية.. نحن عندنا قيّم عظيمة شديد..
فيها حب العطاء..
ونظرة الخير تجاه بعض..
خدومين.. وبنعصر على روحنا عشان الناس..
بس لازم ننتبه إنه المغالاة في الحاجة دي أثارها ممكن تنفر من الفعل الطيب ده زاتو..
ما ح أقول ما نعشم ونظن في الناس خير..
بس خلونا نتقبل انه طلبنا قد ما يستجاب..
وزي ما جينا بنية طيبة ومبتسمين.. نرجع بقلوب صافية..
نتقبل أعذار الناس.. ونتقبل إننا ما واحد..
والقدرة زاتها خشم بيوت.. وإذا قدرت الليلة عادي ما بتقدر بكرة..
وفي لحظة الطلب دي ياريت نتذكر إنه "طلب" قد يتوفق الشخص في تلبيته وقد ما يتوفق..

#علي_عباس
أرشيف (2020)

فوق التلاتين :
بعد ما حبيت و صاحبت وكرهت .. بعد ما حزنت بحرقه و ضحكت بهستيريا
بعد ما اتزنقت في الفلوس .. و بعزقتها
بعد ما اتنصفت و اتغريت .. و اتظلمت و لبست فى الحيط

فوق التلاتين :
اكتشفت ان السعاده موجوده في الحاجات العاديه
الابتسامه .. و الهدوء .. النوم بدري .. و نسيم الفجر .. و صوت الراديو .. الخروجات العاديه مع الناس العاديين اللي بحس معاهم بأحاسيس عاديه .. و كلامنا مع بعض بيبقى عادي .. لا متزوق ولا فيه وعود ناريه و تصريحات عنتريه

فوق التلاتين :
مابقتش بنبهر بالناس
انا كمان بطلت احاول اكون سوبر WoW
ارتحت جدا لما اتصالحت مع فكرة اني شخص عادي و زميل عادي .. و صاحب عادي

فوق التلاتين :
في حروب كتير بيني وبين نفسي انتهت لما اتفقت معاها اني مش لازم اكون الاول ولا الاشيك ولا الاهم ولا الاظرف

فوق التلاتين :
اقتنعت ان اكبر نعم ربنا على الانسان انه يعيش حياه عاديه هاديه ومستقره

فوق التلاتين
نظرتى لاي مرض و خطورته بقت قدر الله و ما شاء فعل و اللى عاوزه ربنا حيكون

جمال الحياة بجد ........ في بساطتها ❤️

أنا شخصٌ لايمكنُهُ تذكُرُ لون ملابس الذي كانَ برفقتيِ، ولا نوعُ حقيبته، ماركةُ ساعتهِ، حتىٰ نصفُ حديثهِ أنساهُ تماماً بعد ساعه من اللقاء..

أعاني من "ذاكرةِ الممحاة" تمحو الأشياءَ التي لم تلامس قلبي، فلو كان حديثهُ عن شيءٍ أُحبُهُ لكنتُ أتذكرُ حتىٰ عدد الكلمات...

إنني من الفئة الصعبة، المُصابةِ بـ عدم المبالاةِ لأيِّ شيء لا يُلفتُ القلبَ ...

أحمد خالد توفيق

ها ... هل حصل جربت الخلوة مع الله سبحانه وتعالى برااااك إنت وربنا .."

تصلي ليك ركعتين .. تسجد وتحس بإنك قداام ربنا ... تحس إنك أمام الإله العظيم 💛
مرا تحس بأسمو الغفور الرحيم .. فتسيل دموعك وإنت في سجودك وينشرح صدرك وتحس نفسك إنفصلت عن الدنيا وما فيها .."

وتستحضر معنى إنه شديد العقاب فينقبض قلبك وتغزر دموعك وتكاد العبرة تخنقك وإنت مستحضر عظمتو وذنوبك وتقصيرك و قوتو وجبرتو وعطفه وحنانه ورحمته وعذابه فما يقدر يقلبك غير تارةً ينبسط من عفوه وحنانه وتارةً يتقبض وينكمش من أخذه وعقابه وكلما ضيقت عيونك عشان تنزل الدموع الفيها إتملت دموع تاااني ولا يكاد فمك يستطيع النطق بكلمة من جمال المشهد وأريحيته وقدسيته 💛

وتتذكر إنك حتقيف بين يدي ربنا وقفة حساااب .. إنت وعملك ويخاطبك بتقصيرك وسيئاتك وتستحضر إنك في لحظة ضعف عصيته وأذنبت وهو شايفك وبعاين ليك فتشهق شهقة ربنا عالم بيها إنك طلعت كل عصارة الندم في الخنقة دي
.

.
وترفع راسسك الله أكبر .. وياداب تتذكر إنك لسة في الدنيا وإحساس الراحة العشتو دا كان بمناجاته فقط فكيف بالعيش في جنانه وتحت عرشه وبين يديه .. ناظراً لسبحات وجهه جلا وعلا مخاطباً إيااك يا عبدي عملت فنلت وإني عنك راضٍ 💛

اللهم إياباً إليك .. اللهم إياباً إليك .."

ابكر أخد لقب ابكر تسالي رغم إنو قاعد يبيع حاجات كتيرة في الدرداقة حقتو زي الفول المدمس والنبق والقنقليز والحلويات
رغم الاصناف الكتيرة الكان ببيعها لكنو اشتهر بالتسالي وصار ابكر تسالي
بجي شاقي السوق أول النهار بالدرداقة والجماعة يكوركو ليهو .. عمرو فاق العشرين سنة بشوية لكنو احتفظ بكامل الامية ممزوجة بالبساطة وحبو لشغلو وروح الدعابة والمرح وكانت كلو تصرفاتو بتدل على حلاوة روحو عشان كدة الناس كانو زي المتفقين إنو الزول دا قاعد يبيع ليهم (حلاوة روح) قبل ما يبيع ليهم باقي البضاعة
يوم ابكر تسالي جا خاشي السوق في مواعيدو والدنيا كساد والسوق واقف والكهرباء قاطعة ومعظم التجار قفلو محلاتهم ورجعو البيوت وأنا وعصام الشيخ قاعدين زهجانين .. عصام من ماشاف الدرداقة بدا يشاغل في ابكر وعزل كم كيس تسالي ونبق وناولو ورقة نقدية وابكر فات يفتش فكة عصام ناداهو وناولو ورقتين تانيات وقاليهو خليهن معاك أصلا السوق الليلة معصلج وصحبانك قفلو الدكاكين ومشو
ابكر ابتسم ابتسامة عريضة ورفض يشيل القروش من عصام وقاليهو أنا لسة ماخشيت السوق شفت الرزق لكن والله لو نقصت لي حاجة بجيك وكتر خيرك وبارك الله فيك مابتقصر وخيرك سابق
عصام قاليهو بس أنا شايف معظم الدكاكين قافلات وبعدين انا بتعامل معاك كزميل اشيل منك وتشيل مني
ابكر قاليهو كلامك سمح بس السوق قدامي ما وراي وكان احتجت حاجة وقسما بالله أجيك ما افوتك شبر
.
ابكر بعد مافات وأنا سارح مع الموقف دا عصام دقاني في كتفي وقال لي اسمع دي ياسهل واكتبها بطريقتك
.
أنا زمان خطاط خط رهيب ويوم استاذنا بتاع الجفرافية وكنا في أولى ثانوي شافني بكتب في السبورة وطوالي بعد كم يوم ساقني سلمني للناظر تسليم مفتاح .. قبل ما اندهش من دخولي المكتب المهيب دا لقيت الناظر جاب ورق مقوى ومحضر لي اقلام شيني وطلب مني أكتب ليه
أقبل على النفس واستكمل فضائلها
فانت بالروح لا بالجسم انسان
زال مني الخوف وبديت أكتب والناظر بشارك معاي في ضبط تشكيل الحروف
بعد ما إنتهت الناظر علق اللوحة دي علي الحيطة ورجع عاين ليها بفرح طفولي وكان لافي يدو حول كتفي ودي حركة ما متعود يعملا.. كان بتأمل في خطي باعجاب كبير ويحرك اصابعو في كتفي بحركة طروبة كأنو بوقع في لحن جميل زي لما تسمع اغنية طولت ما سمعتها وتحاول باندماج حالم انك توقع اللحن علي الطربيزة القدامك
.
قال هاك القلم دا أكتب إسمك تحت الخط الجميل دا عشان بعدين لو انا مت انت مشيت حتة تانية الناس تتذكرنا والخط يبقى زمانا بعد كاتبه وكاتب الخط تحت الأرض مدفون
.
بعد ما وقعت اسمي الناظر طلب من الفراشة اتنين شاي لي وليهو وقال لي عازمك شاي وداير اشرح ليك بيت الشعر عشان ما مقرر عليكم .. بدا يشرح لي في بيت الشعر واعربو لي اعراب كامل
.
يد الناظر الطوقني بيها واعجابو بخطي وعزومت الشاي وشرحو المطول لبيت الشعر وتخصيصو للزمن دا كلو عشاني ووصيتو لي إنو اكون مسئول عن اي حاجة اخطها وكل التفاصيل دي حببتني في بيت الشعر واتخلل كياني وامتزج في وجداني وختيتو دستور تحياتي إنو الزول يستكمل فضائل الروح
.
رحلتي التعليمية بعد اليوم داك بقت مركزة على الناحية دي (اقبل على النفس واستكمل فضائلها)
بكلاريوس وماجستير ودكتوراة وكل المراحل خاتي البيت دا قدامي عشان يساعدني على الانجاز
.
اها ياسهل عرفتني قاصد شنو بالكلام الكتير دا
قلت ليهو ابدا
قال لي كل الشهادات الورقية الكسبتها عشان أصل للدرجة الوصل ابكر تسالي .. تعبي دا كلو عشان أصل مرحلة وصل ليها ولد أمي لاقرا لا كتب
مع ذلك ماداير يخون الله
ايوا ماداير يخون الله الرزقو الزمن دا كلو .. أول حاجة ياخد لفتو في السوق وكان ما استرزق وضاقت ليهو حتن يجي يشيل مني وما ظنيتو كان حا يجي يقيف قدامي يقول داير دين .. العينة دي أنا بعرفها كويس ياسهل ماتغالطني
دا اقبل على نفسو واستكمل فضائلها جد جد
_ سهل الطيب 💚💚

بين مقولة محمد شكري :
"على المرء أن يبقى مشغولاً للحد الذي يلهيه عن تعاسته .."
و مقولة غازي القصيبي :
" العمل لا يقتل مهما كان شاقا و لكن الفراغ يقتل أنبل ما في الإنسان.. "

دليل واضح و بيّن على أن الفراغ يجر الإنسان نحو التعاسة و البؤس أغلب الأوقات؛ الحقيقة هي أن الفراغ يضخم غالبية الشعور ، يضخم العاطفة ، يضخم التعب ، يضخم الألم ، و أكاد أثق أن الغارق بإنشغالاته يكون متزنًا بإنفعالاته تجاه الحياة ، لأنه ببساطة لا يملك الوقت لينجرف تجاه شعور أحمق ..
- الفراغ هو العدو الحقيقي للإنسان.

اقض الوقت مع كبار السن، ليس كل شيء موجود على جوجل.❤️

أُمبارح صادفني فيديو أجنبي متداول لأم بستأذن من الراجل الراكب جنبها في الطيارة إذا بيقدر يبدل المقاعد لإنو بتها بتحب تقعد جنب الشباك..

رد ليها الراجل بطريقة لطيفة وأداها درس قيم فقال ليها:

أعتقد دي فكرة لطيفة، بس أنا شايف دي سانحة عشان تخلي بتك تتعلم إنو العالم بمشي بالطريقة دي:

ما أي حاجة بتمناها المرء بيدركها مش أي حاجة بتتمناه بتحقق وهكذا قعد مكانو ورجع يقرأ في كتابو..

لوهلة حتحس إنو كسر بخاطر الطفلة مش فارق معاه يبدل المعقد عشان يسعدها..

بس كمان حاجة مهمة جدًا في تربية الأطفال لازم نوعيهم إنو ما اي حاجة عايزنها بتتحقق..

وأنا شخصياً ما بحب نوعية الأهل الشايفين إنو اي حاجة طلبوها أطفالهم لازم تتحقق..
وكمان بيزعلوا لو ما لبو لأطفالهم الحاجة العايزنها..

ما تخلي الطفل يقوم بشخصية إتكالية ويشوف إنو عندو إستحقاق ما أي حاجة بتتقدم في طبق من دهب..

عشان الأهل قدر لا سمح الله يختفوا وهم معودين اطفالهم على الحركة دي..

بنصادف النوع دا في المواصلات الطفل بتلقاه مركز مع حاجة عند الراكب الجنبو بدون أمو ما تقول ليهو كدا عيب..
وما تخت عيونك في حاجة ما حقتك..

أو لما تمشي ضيف لناس، أو يجوك ناس من أهلك عندهم اطفال بتلقاهم بتدخلوا في تفاصيلك أو بخربو ليك حاجة وأهلهم شايفين كدا عادي بحكم إنو اطفالهم وبالتالي إنت بتسكت وبتمشيها..

ربو عيالكم..
علموهم إنو اي حاجة عندها ضريبة ومقابل، حق الناس ما حقكم..
خلوهم يحترموا المساحات ويحترموا حقوق الغير..
الطفل بقوم بعقل خفيف الحاجة القام بيها بكمل بيها حياتو وهكذا.

#محمد_ورق

‏أعط الرجل وظيفة، سيتم تأسيس أسرة جديدة في المجتمع.
أعط المرأة وظيفة، سيتم تأسيس ماركة جديدة في المول.

أعط الرجل وظيفة سيصرف مال الأمة في الأساسيات (زواج،بيت، أرض، مزرعة، استثمار...).

أعط المرأة وظيفة ستصرف مال الأمة في الكماليات (سيارات فارهة، مكياج، مجوهرات، شنط، عطور).

لذلك فإن إعطاء الوظيفة للرجل نماء للمجتمع، وإعطاءها للمرأة نماء للرأسمالية.

زد على ذلك أنها أخذت وظيفة رجل كان سيتزوج امرأة، فأعطتنا مشكلتين: رجل عاطل وامرأة عانس.

ولو أعطينا الوظيفة للرجل لحللنا المشكلتين، تزوجت العانس واشتغل العاطل، ثم عاد المال إليها مهرا ونفقة.

حلقة الإعلامية آروى خوجلي من بودكاست "شاي لبن" مع مصطفى النعيم أنا بصنفها على إنها تنمية بشرية دسمة لإنها ذكرت مفاهيم كتيرة ومهمة جداً في الحياة وتحديداً عن نظرتنا لنفسنا ونظرتنا للغير..

من العبارات اللفتت إنتباهي لما قالت:
"أكتر حاجة بتهمنا هي ما بتهمنا" قد تبدو عبارة عادية بس لما تركز في محتواها..
حنلاقي معظم وأغلب إختياراتنا عموماً في الحياة إننا بنركز مع تفاصيل ما بتهمنا؛ قد يكونوا أشخاص أماكن، فرص لإننا بنأخد الإمور بعاطفة وللسبب دا بنشكي من الخذلان المتكرر وإنعدام الرغبة والشغف بسبب التجارب الكتيرة لإننا أدينا قيمة لحاجات المفروض ما نعيرها إنتباه من الإساس..

وعقبت برضو وقالت:
كنت بزعل أيام الجامعة لما أشوف السناير بعملوا مقالب في الطلبة الجدد بحكم معرفتهم القليلة بجامعة والبيئة بتاعتها..

نحن دائماً بنحب نعقد على بعض الطريق بحين نحن موجودين في حياة بعض عشان نسهلها على بعض من باب الناس بالناس والكُل برب العالمين..

ما حيكلفني شيء لو وصلت مكان وقدرت أنجح فيهو إني إختصر لزول تاني الطريق، أنا تعبت بس ما ضروري الناس تتعب ذي ما أنا تعبت عشان الناس تصل..

بستغرب من تركيبة البشر البتقنعهم إنو نجاح الغير بخصم منهم بالمقابل حتلاقي سعادة لما تساعد الغير وحتلاقي تسهيلات..

القمة بتسع الجميع واي زول بنجح بطريقتو في الحياة، كل ما دعمت زول والزول التاني دعم غيرو مستوى المنافسة حيكون شريف..

في آخر المطاف قالت عبارة عميقة عن الكراهية..

صعب جدًا إنك تصل لمرحلة تختار تكره إنسان، فدا يعني إنك إخترت تقتل نفسك بطريقة غير مباشرة..

طالما كرهت شخص دا يبقى أديتو إهتمام أكتر وحيبقى شاغل حيز في تفكيرك ودا بحد ذاتو إهتمام..

إظهار المحبة إهتمام وإظهار الكراهية إهتمام..
فعشان تعيش مرتاح لازم تصفي مزاجك وما تكون شايل حاجة على إنسان بادل الببادلك المحبة، وإتجاوز الإنسان الToxic..

في نظري دي مسلمات السلام النفسي في إنك تختار نفسك ونفسيتك ومزاجك وما تكن للغير إلا المحبة وما تشاركهم إلا في الخير..💚.
#محمد_ورق

بين مقولة محمد شكري : "..على المرء أن يبقى مشغولاً للحد الذي يلهيه عن تعاسته .."
ومقولة غازي القصيبي : ".. العمل لا يقتل مهما كان شاقا ولكن الفراغ يقتل أنبل ما في الإنسان.. "

دليل واضح و بيّن على أن الفراغ يجر الإنسان نحو التعاسة والبؤس أغلب الأوقات؛ الحقيقة هي أن الفراغ يضخم غالبية الشعور ، يضخم العاطفة ، يضخم التعب ، يضخم الألم ، وأكاد أثق أن الغارق بانشغالاته يكون متزنًا بانفعالاته تجاه الحياة ، لأنه ببساطة لا يملك الوقت لينجرف تجاه شعور أحمق ..
- الفراغ هو العدو الحقيقي للإنسان