#رانيا-واحمد 4 💞✨ وعدت الايام ومر الوقت كانو بيتكلمو مع بعض بالتلفون بس م كان كافي ورانيا لانو مرت بخزلان قبل كدا بقت م واثقه ف العلاقه حقته مع احمد وبقت تفكر يمكن هو اصلا م بحبني وبيفكر زي باقي الاولاد ف بقت تتصل ليه من فتره ل فتره ومرات من شهر لشهر والغريبه انها مهما غابت منو كانت بتلقاه زي م هو م حصل اتغير معاها ف اسلوب كلامو ولا حصل عاتبه ورجعت تاني مشت ليهم البيت كان ل مناسبه اختو قعدت معاهم فتره بس كانت خجلانه منو لانها عارفه نفسه غلطانه بس كمان لقتو زي م هو 😢💔 م اتغير منها بنفس تعاملو معاها ونفس حبو ليها م اتغير ولا شي م اتغير زعلت من نفسه وحست انها مقصره ف حقو 💔 واتعزرت منو علشان تطمئن قلبه لانها حست بالزنب تجاهو بس الغلط م حست بحبو وفتره هي قاعده كان م بيطلع من البيت نهاي بيفضل معاها ف اي مكان ولو م لقاها ف البيت بيتصل ليها م كان بيفوت اي دقيقه تجمعو بيها او يقعد معاها يسمع صوته 🥺 وعدت الفتره دي كمان ورجعت هي بيتم واتواصلت معاه لفتره تاني انقطعت منو فتره 3/4شهور كانت صعبه عليه الفتره دي كونك تحب حد وتتعلق بيه وهو م يواصلك اله من فتره للتانيه ف دا شي صعب ح تحس نفسك م عندك قيمه ف حياتو او ف حد اهم منك شاغل وقتو بس للاسف الشي دا م صح لانها هي كانت بتحبو بس خايفه تتخزل م قادره تامنو قلبه هي م كان عندها غيرو وغير كدا ف نفس الوقت كانت بتمر بضغوطات ف البيت مع اهله كانت بتعاني شديد واتحملت اكتر من طاقته ومن عمره وعدت الايام وتاني عدت الايام ورجعت ليهم تاني ذياره بس لقتو ماف حست بالدنيا فاضيه من حوليها 😶💔 م عرفت تعمل شنو وتلفونه م كان معاها كان عند اخوها شالوه منها ف مشكله 😢 هي بطبعه بتاعه مشاكل طبعا ولسانه سليط ممكم يكونو بيقطعو فيها وم تسكت 🌚💔 كلمت اختو الكبيره وطبعا ناس بيتون كلهم كانو ف الوقت داك عارفين ب قصتم 😐❤️ اختو قالت ليها انتي عايزه تتكلمي معاه طيب انا ح اوصلك ليه ف اتصلت لواحد صحبو وكلمتو وادتا ليه ف رانيا قالت ليه انتا ليه سافرت وعارفني جيت بيتكم ف قال ليها م كنت عارف والله لو عارف م كنت مشيت وهي زعلانه وقالت ليه بس خلاص اقعد براحتك وانا ح ارجع بكرا من الصباح بيتنا وقفلت فوشو 💔🚶‍♀️ وتاني يوم اختو صحته وهي بتضحك قالت ليها ف شنو قالت ليها الاهبل دا صحا وشايل فرشتو بالمعجون وهو واقف ف الزلط 😹😹😹💔عشان يحصلك حرام عليك 😹 هي من الفرحه قامت سريع استحمت وغيرت وبقت منتظراه اول م طلعت لقتو جاي من الفرحه كانت حتطير 😍❤️❤️❤️ #يتبع......