الشاعرة زينب الفياض

قصيدة للمسير محاورة بين العقيلة زينب (ع) واخيها ابا الفضل العباس (ع)
حين خرجوا من المدينة وذاهبين الى كربلاء في الطريق حين كانوا يتحدثون
ويتذكرون كيف كانو وماذا سيجري
تقرء بطور (مجمر دليلي)
بعنوان (وسفه مانرجع سوه)
تقول مولاتي زينب (ع)


ياخويه يابعد الگلب
كلش حلو وياك الدرب
بس وسفه ما نرجع سوه
والضعن يمشي ويه الغرب
اااااه. خويه خل نرجع سوه
•———•———•———•
اذكر مناغاتك گبل لمن ربيت ابين ادي
من يوم عفتك منذبح خويه الهضم خيم علي
ماردت افارك عشرتك بس عالامر انه شبدي
من البؤاجي يالولي والله انعمه عليك الصبي

ياخويه كون احنه نرد
وما ينگطع منك زند
مانمشي بدروب السبي
وما تحترك بينه العبي
اااااه. خويه خل نرجع سوه
•———•———•———•
رد ابو فاضل (ع)
تعبج يزينب احمله طول العمر ما انحني
بس انتي خويه فركتج صعبة عليَّ يابت علي
ما اريدج تبعدين ابد بس هذا أمر من الولي
باجر اخيامج تحترك بس انتي ياخويه احملي

واركضلج بلايه زنود
وراسي اعله الرماح يجود
افديلج انه بهل روح
ويبقى الجسد مملي جروح
اااااه. خويه خل نرجع سوه
•———•———•———•
رد العقيلة زينب (ع)
باجر تنام اعلى النهر واختك تضل بلا كمر
واعثر بهدمي ياشهم واسحك انه فوك جمر
وعيونك الحلوه يضل بيها السهم عايش عمر
وايامنه الجانن سوه فركتهن احقاد الشمر

تحترك فوكانه الخيم
واركض انه صوب العلم
بس تضل جثه امدده
بضعن الشمس ياهو الحده
اااااه. خويه خل نرجع سوه
•———•———•———•
رد ابو فاضل (ع)
يهدم الحيل موادعج يا خيتي ياهيبة علي
يابعد عيني وشيبتي وكلشي الي يافرحتي
ما اريد يازينب دمع انتي تره كل دنيتي
لمن تعرفيني متت ضهرج ابد لا ينحني
تصعدين فوگ اعلى التل
وعيونج اضل تهمل
واخيج بصدره سهام
واطفاله تبقى ايتام
اااااه. اااه خل نرجع سوه
•———•———•———•
لخادمات العليلة وأبيها
ضُحى سالم و زينب الفياض.

#حصرياً
#ضحى_سالم
#زينب_الفياض
-ديوان المغسل بدم الجراح الجزء الاول
https://t.center/zainab_alfayaad

#حصرياً

#من_ديوان_المغسل_بدم_الجراح_الجزء_الاول

نعي بحراني لسان حال عقيلة بني هاشم السيدة زينب (عليها السلام) حينما رأت هلال محرم تقول:

من عسن لاهل الهلال ولا لفاني
من يوم هليت الفرح ما رافگاني
خافن بهذا الشهر تتذبح اخواني
وامشي غريبة ميسره فوگ المهازيل
•———•———•———•
من يوم هليت الحزن چلچل عليه
خوفي على اخوي يروح من بين اديه
واصبح كفيله ميسرة عد آل اميه
والحرم تبچي وتنتحب والمدمع يسيل
•———•———•———•
أذاني گلبي بيوم هليت
مو فال خير بحزن طبيت
من الزلم ناوي تفرغ البيت
وابقى وحيده ويه النساوين
•———•———•———•
بقيت بحزن والدمع يهلي
يوم الفيت بشر على اهلي
بجيتك يشهر البين شلي
يگضي العمر ويا اهلي ياريت
•———•———•———•
يهلال الحزن من نظرتك هالعين
هلت دمعها وصحت ياخويه يحسين
ومن الدمع ياخوي تتحفر الخدين
يضل يوجعني الزمن من فاركتني
•———•———•———•
لخادمات العليلة وأبيها
ضُحى سالم و زينب الفياض.
#العباس
#حصرياً
#ضحى_سالم
#زينب_الفياض
-ديوان المغسل بدم الجراح الجزء الاول
https://t.center/zainab_alfayaad