یوونس رەزایی

‍ نەناس لە هەرێمی ژنێک دا؛ سەرەڕۆ
.
.
.
لەشەقام چاوت شەتڵی کامە زامم بوو
بيێاتریس!
بوومەتە دەستەچیلەی ژان
دەمهەوێ شانۆی تازەی جیهان بم
من شوێنێکم بۆ تەنیایی
کاتێک بۆ بێدەنگی رێگا
.
رۆڵێکم لە نیگاکانی خۆتدا
پێ ببەخشە
با شەڵاڵی جەماوەری تاریکییت بم
دیالۆگێک دەڵێم لە بێ ئۆقرەی بسکی تۆ
کە بەشێک لە بوولەزەی زەمانە
.
کایە دەکەم لەبەرانبەر ئاوێنەت دا
ئەو دەمەی رووت وەرگێڕاوە
لە ئاژاوەم
شڵەژانی خوێنی دەمارم دەنوێنم
با رەنگ بدەمەوە لە سوورایی دا
ئاوێنەیەک لە خەونەکانی من بگرە
سووراییم دووپات بێتەوە بەڵکوو
بە پێوانەی دەرفەتی سڵۆکی خەنجەر
.
ئاوڕت لە کام خەمم داوەتەوە لە کۆڵان
وا ئاور مەستانە دەژی لە دەمارمدا
بێئاتریس!
ئەو دەمەی شەقامەکانم گەسک دەدا
لە دەستەچیلەی خەزەڵوەر
بۆخۆم بەشێک بووم لە پاییز
.
لێ گەڕێ رۆڵی دیکە بگێڕم
ئەی رووحی بەرزی تەنیاییم!
با ئاپۆرەی دڵنیات بم
لە چاوەڕوانی و
وێرانیش.
.
ساز دەبمەوە لە کاولاشەکانی خۆم دا
چۆمێک دەکەمە جامانە
شاخێک دەبێتە وەکازم
باخ لە سەر سەرم دەڕوێت و
وەک هەرێمێک
سەرلەنوێ لەدایک دەبم
.
باڵماسکەیە کۆتایی رێ
با نەناس بمێنێ بزەم
با نەدیو بێ ئامێزێک بەرووی وەرزم دا
ئەو هەورانەی دەزێنەوە
وێڕای ناوی تۆ بێئاتریس
ناونیشانی سبەینێمن
.
لەشەقام بمخوێنەوە وێڕای خۆت
شانۆنامەی وڵاتێکی بێ سەروشوێن دەبین
ئەوجار
.
کات: نزیک دارێک بەری کۆتر بێ
شوێن: دەمە دەمی تەنیایی
رووناک دەبینەوە بە مەزەندەی دونیا
و
تێی دەچریکێنین لە باڵی مرۆڤ
کاتێک
هەنگاوێکی ماوە بگاتە گەزیزە.
.
.
‍ #زمانی_کوردی
#شعر_ضدجنگ
#شعر_مدرن
#پل_سلان
#پاز
#بودلر
#شعر_جهان
#شێعری_نوێ
#کرماشان
#سنه
#مهاباد
#ئیلام
#کوردستان
#شێعری_کوردی
#یوونس_ڕەزایی
#لەیلا_ساڵحی
#قوباد_جەلیزادە
#سەلاح_پایانیانی
#رێبوار_سیوەلی
#رەهبەر_مەحموودزادە
#رزگار_مەلا_مەحموودی
#مەسعوود_یارە
#فواد_یارە
#شێرکۆ_بێکەس
#سەیوان_سەعیدیان
#رووناک_رەسووڵپوور
#شعر_آوانگارد
#ترجمە_شعر
#وەرگێڕانی_کوردی


@younesrazaie