ماشي بأمان الله واصبحنا واصبح الملك لله ولقيت واحد لابس لبس شياكة وحركات .. وقف أمامي بابتسامة عريضة ، وقال ياخي يامنعاة هات الفين ؟ قلت في نفسي شكله مقلب ، أو الكاميرا الخفية ، أو برنامج رمضاني .. شكلها شبعتك يانصر .. يمكن بعد الألفين هذه يردها لي سبع مائة ألف ، ولا مليون ، ويخرجوا المصورين ، ويخرج الميكرفون من جيبه وماشابه ذلك .. قلت له ع طول .. خرجت له الفين ريال ومكنته وهو أبتسم قائلاً : شكراً ياغالي والله إنك فرجت عليا الله يفرج عليك .. ومشى شوية وطلع فوق سيارة برادو .. وأنا اتلفت يمين شمال .. وينهم .. منتظر حسن الجفري يخرج من الشارع الثاني .. ومنتظر ينزل ويرجعلي المبلغ وسط دعاية .. شغل السيارة ومشى ع طول .. قلت في نفسي شكه عيدور من الشارع الثاني .. تجاوز الفكة سيد الناس واختفى .. واختفت معه أحلامي وطموحاتي إلى الأبد .. #مشمعقول #صباحكم