دموع الولاء في رثاء سيد الشهداء قناة خادمة الموعود الغزي

موشح لاربعينية الامام الحسين ((عليه السلام))


اليوم يازينب الشيعه تلكتج
الكربلاء تريد تمسح دمعتج
▣========▣◈▣========▣
اليوم يازينب الشيعه ويه الضعن
جتي تمشي وتذكر ايام المحن
تواسي الحسين وبناته النسبن
بالدمع والنوح تحيي ذكرتج
▣========▣◈▣========▣
كل كلب شيعي صبح لجلج حزين
كلها تحيي مصيبتج نوح وانين
جت تزور حسين يوم الاربعين
براية العباس همه ورايتج

▣========▣◈▣========▣
برايه العباس جوج اكربله
فاز كلمن تبع هاي القافله
يم ابو السجاد وي العايله
منالسبي اجيتي يزينب ناحله
اگعد وگلي اشصار برحلتج
▣========▣◈▣========▣
مدوهنه نزلت الحره الطاهره
تگله اسولفلك يخويه عالجره
من رحت للشام خويه ميسره
من صدحت بصوت ضنو حيدره
من نشدني وكال جا وين اخوتج

▣========▣◈▣========▣
من نشدني الشامت عليك وحجيت
كل حكومتهم انه بخطبه نهيت
وحمدت رب الجلاله من بديت
ضل يشتم حيدره وستنهضيت
ضل يكلي اليوم حانت ذبحتج

▣========▣◈▣========▣
جاوبيته الملتقى بيوم الوعد
بذله تلقي الموت ويامك عدد
شماجمعت وحضرت جمعك بدد
مايفيدك مال لا ينفع والد
ها يزينب خسرت ايد الاوتج

▣========▣◈▣======

تمت بعون الله تعالى
بقلم ام زين العابدين الغزي

١٩/صفر/١٤٤٤
https://t.center/woundfg

ابوذيه للسيده زينب عند زيارة اربعين الامام الحسين (عليه السلام)
᪥᪥᪥᪥᪣᪥᪥᪥᪥᪣᪥᪥᪥᪥


بعدك ماحلالي العيش ماهان
وفراگك علي ياخوي ماهان
ارد خوله ورقيه وياي ماهان
ومنك اعتذر يبن الزجيه
᪥᪥᪥᪥᪣᪥᪥᪥᪥᪣᪥᪥᪥᪥

على امصابك تون الروح حيلاه
جسم اختك خوه ونهدم حيلاه
كوم بساع عني الحبل حيلاه
اريد اشبك كبر نعشك بديه
᪥᪥᪥᪥᪣᪥᪥᪥᪥᪣᪥᪥᪥᪥

تمت بعون الله تعالى
بقلم ام زين العابدين الغزي

١٢/صفر/١٤٤٤
https://t.center/woundfg

ابو اذيات لمولاتي زينب (عليها السلام )


••─🏴─✧•◐🏴◐•✧─🏴─••

مصابج للنظر زينب____ طفاله
لجلج كل محب صاير __طف اله
على الي ماسلم بلحرب___طفله
تضل للدوم دمعتنه جريه

••─🏴─✧•◐🏴◐•✧─🏴─••

بدواهيه الزمن عيني ___طفاها
ضعني الشام كل ديره____ طفاها
يالتنشد على زينب___طفاها
اخذ خوانها وراحت سبيه

••─🏴─✧•◐🏴◐•✧─🏴─

مشيت وبيه نوگ الشوم _مالان
علي گلب العدو يحسين _مالان
بشهاده رضيت بس بهاي_مالان
اطب ديوان واحبالي باديه



تمت بعون الله
🖊بقلم
ام زين العابدين الغزي ١٨/صفر/١٤٤٤

https://t.center/woundfg

قصيدة بعنوان (نشيد الانتظار)



الك كل جمعه امامي هالنشيد نردده
عجل اللهم وانصر على البيعه نعاهده
☀️☀️☀️☀️☀️☀️☀️☀️☀️☀️
عجل اللهم ندعي وبظهورك يا إمام
انت قائدنه وسندنه نورك يزيل الظلام
ابدين جدك حاربونه يبن سادات الانام
يمته يـبزغ نور فجرك سيدي ونشاهده

☀️☀️☀️☀️☀️☀️☀️☀️☀️☀️
يمته تشرق شمس صبحك سيدي تزيل السحب
عشنه لوعات بغيابك بألمآسي والحرب
انته سيدنه وأملنه ادموعنه لجلك تصب
نبقه ننتظرك يــــغايب حته لو طال المده
☀️☀️☀️☀️☀️☀️☀️☀️☀️☀️
نرجه يالموعود يومك سيدي ولجلك نحن
يابو صالح گوم لينه بالعجل يــــبن الحـسن
عشنه من دونك يتامه مثل طير ابلا وطن
بالحزن يگضي حيـــــاته اليــــــفارك والده

☀️☀️☀️☀️☀️☀️☀️☀️☀️☀️
بالحزن يگضي حياته بالهموم وبالدمع
صرت يوسف وبزمنه حيف بعده مارجع
وننتظر نورك يغايب ياوكت لينه يــــشع
الك جيش محضرينه شوكت تصبح قائده

☀️☀️☀️☀️☀️☀️☀️☀️☀️☀️
شوكت تصبح قائد النه وبيدك اتشيل العلم
اتوضح انوار العقيدةوتمحي جيثوم الوهم
تثبت الدين وأصــوله والمـــــباديء والقيم
ورايـــــــــة الاسلام بيدك والك ثوره خالده

☀️☀️☀️☀️☀️☀️☀️☀️☀️☀️
الك مشبوحه النواظر والجيوش تحضرت
وبنشيدك اه يـــــــمهدي بالــدمع لمن قرت
بكل لغة القت تحية اطفال باسـمك غردت
تندب بحرگه وتنشدك والگــــــــلوب أمرده
☀️☀️☀️☀️☀️☀️☀️☀️☀️☀️


تمت بعون الله تعالى
بقلم ام زين العابدين الغزي


https://t.center/woundfg

قصيده عن فضل زيارة الأربعين ودروس ذكر الحسين عليه السلام



بربعين حسين اجينه انزوره
ومن علامات الهدى المذكوره
🏴🏴🏴🏴
من علامات الهدايه زيارته
جنة المعبود والله حضرته
نزلت املاك السماء وطافته
هيه نور وتقتبس من نوره
🏴🏴🏴🏴
زيارة حسين العقيده والفخر
بكل روايات الائمه تنذكر
الي زار حسين محزوز النحر
باجر بگبره يجيه ويزوره
🏴🏴🏴🏴
فاز كلمن كاصده وليه اعتنه
بنية الاخلاص وينال المنه
عظم اجره بالمكارم والهنه
بيه فاطم تفتخر مسروره
🏴🏴🏴🏴
من تزور حسين وقعله بعهد
ماتخالفها الشريعه وتبتعد
حسين ضحه بكل اخوته ولولد
لجل دين الله وبلد معموره
🏴🏴🏴🏴
حسين ضحه بأهل بيته وخوته
رايه ضد الفسق كانت رايته
يالتريده وصرت انته بخدمته
كون تمشي بنهجه وبدستوره
🏴🏴🏴🏴
من تجي لحسين رافع رايته
خله قدوه ودوم طبق سيرته
لجل دين الله يضحي بمهجته
وعيلته الي مشت ميسوره
🏴🏴🏴🏴

تمت بعون الله بقلم ام زين العابدين الغزي
9/صفر/1444
https://t.center/woundfg

قصيده بعنوان (مرارة الفراق)
᪥᪥᪥᪥᪣᪥᪥᪥᪥᪣᪥᪥᪥᪥



عباس خويه شلونك مشتاكه اشوف اعيونك

مافاركيتك عباس. يامن عمت عين الناس

الي خذوني بدونك. مشتاكه اشوف عيونك
᪥᪥᪥᪥᪣᪥᪥᪥᪥᪣᪥᪥᪥᪥
يامن عمت عين الوكت منك انه حرماني
مافاركيتك فد يوم كبرتك بأحضاني
حن الكلب خويه ليك ياهيبتي وعنواني

كم لليله ضلمه بلياك ماعودتني الفرگاك
ياكمر ضاوي بكونك. مشتاركه اشوف عيونك
᪥᪥᪥᪥᪣᪥᪥᪥᪥᪣᪥᪥᪥᪥
يوم الغبت ضلمه اصبحت يانور اليضويلي
واشتاك الك مثل الهوه وانته الصباح بلليلي
ماصدكت عني غبت ردتك سند يكفيلي

تمنيت حاضر وتشوف. انته الامان من الخوف
ياهيبتي يشوفونك. عباس خويه شلونك
᪥᪥᪥᪥᪣᪥᪥᪥᪥᪣᪥᪥᪥᪥
كل موقف الصار اوياي ياكافلي ذكريتك
تحضر يعباس هناك يم اختك اتمنيتك
كل مايطگ متني السوط ياباالفضل ندبيتك

وينك يكافل ونخاك انه ادري طاحت يمناك
والعطش غير لونك. عباس خويه شلونك
᪥᪥᪥᪥᪣᪥᪥᪥᪥᪣᪥᪥᪥᪥
يبطيحتك طاح الخدر انته العميت عيوني
من بعدك وصاحوا سبي ومجتفه ودوني
لو اشوفك بهذا الوكت ياخويه متعرفوني
من ظيم كلبي والقهر والهظم غير لوني

تدري يبو فاضل هاي. اعظم مصيبه بدنياي

والاصعب بمضمونك. مشتاكه اشوف عيونك
᪥᪥᪥᪥᪣᪥᪥᪥᪥᪣᪥᪥᪥᪥

كل مااحن الملكاك تزيد بدليلي العصره
يكتل يكافل فركاك وليمته اجرع مره
كلبي عجز منه الصبر جم دوب ارجع صبره

لمصيبتك عميه العين عليك انكسر ظهرحسين

يالبلوغه يريدونك. مشتاكه اشوف عيونك
᪥᪥᪥᪥᪣᪥᪥᪥᪥᪣᪥᪥᪥᪥
/صفر/١٤٤٤
تمت بعون الله تعالى
بقلم ام زين العابدين


https://t.center/woundfg

من عكب هظم وسبي عدوانها
رجعت الليلــة تــزور اخوانهــا

رجعت بيا حال من عكب اليسر
ياجرح تشكي وتسولف ياكسر
حال زينب عكب اهلها ما يسر
يعجز شيحجي شيكول ألسانها

غصبا اعليها الضعن للكوفه راح
روس اهلها امعلكَه بروس الرماح
و العدو جابابهم بســب وصيـاح
التفـــــزع الهم نايمه ابتربانهـــا

على كـبر احسيـن ذبـت روحها
بياجرح تبدي وجثيرة اجروحها
بكربــلا تـطـلـع تـمـنـت روحهـــا
شلهــــا بالدنيــــه عكَب وليانها

يم كَبـــر عباس راحت بالعتاب
نادته خلافك دليلي خويه شاب
اتهنه بالنومه خلص درب العذاب
روحتــك محــــد يسد امجانها

تصيح طر كَبرك يخويه وصد ألي
عالهزل ركبوني وانه بت علي
انته يالبيدك جبتني من هلي
لحالي ناحـت كربلا و وديانها

توجهت لكبور هاشــم معوله
ياهلي رد ضعني ياهو استقبله
جيت هاليــوم و جبتها العايله
شلون هاشٕــم تنسبي نسوانها

تعاتب الحرمة اهلها عدها حكَ
جفني طول الدرب صاحت ماطبكَ
احنه اهل البيت صاحت ياخلكَ
احنه خيرة هاشم و عدنانها

للقصر من طبت ابمجلس رجال
حالها يبجي الحجر وشلون حال
راس اخوها شافته ومدمعها سال
شافته و زادت عليها احزانها

من خلص درب السبي الماله مثيل
خيروها اختارت بسرعه الرحيل
صوب كبر حسين وعضيده الكفيل
اتجـــدد بوادي الطفوف اشجانها
========================
حسن بشير السوداني

أجيت بهمي وأحزاني كـــــــــوم أكعد تلكاني
آه يحسين آه يحسين
........................................
وصلت الكربله يحسين متعوبه
من الشام آه الشام وأدروبـــــــه
مسبيه مشيت وجيت مسلوبــــه
بسهام الهجر والشوك مصيوبه
بعيوني الدمع زمزم مثل جسمك ولا يلم
آه يحسين آه يحسين
.........................................
دورتك يخويه وعثرت أجدامــي
أهنا عفتك جسد متوسد وضامـي
أهنا جان الشمر يحسين كدامـــي
يحز بكفاك شفته وغابت أحلامي
عطشان وجرى مايك وما واحد أجه وشالك
آه يحسين آه يحسين
.............................................
ركضت أعله النهر وأعيوني جاريها
صحت عباس زينب عاين شبيهـــــــا
أجت محنيه درب الشــــــــــام ماذيها
الكبر حسين كـــــــــــوم أكعد ودليها
أصيح وما يحاجيني جا يا هــــــو اليدليني
آه يحسين آه يحسين
....................................................
طفه شوفي وأجيتك أعثر وكــــوه
وعلى أجناح الأمل يحسين والخوه
طحت يمك وأحس كلبي نبض توه
كعدت وروحي أكلها هوه مو هوه
شلت أترابك أشتمك بعده ناكـــــــع بدمك
آه يحسين آه يحسين
...............................................
صحت أهنا تعالن سون أقرايـــــه
وكل وحده اعله أبنها تصير نعايه
أنصبن جادر وكتبن علـــى الرايه
ألميت شيخ أحزنوا يهل الولايـــــه
وأجفن كمكم أدلاله مضيف وشيع أهلاله
آه يحسين آه يحسين
..................................................
يالنايم ذبيح وسابـــــــح بدمك
يبن أمي أودعك لو أضل يمك
طالت نومتك ما تكعد أنضمك
هلبت ضل نفس يحسين ونشمك
عليك بداعت الزهرة أكعد وأذكر العشرة
آه يحسين آه يحسين
................................................
خادم خدمة الحسين
الشاعر
محمد الموالي

(اعلان ممول)
1-فيس بوك حقيقي
2-انستا حقيقي
3- تلجرام حقيقي
4- يوتيوب وهمي
5- تيك تك وهمي
@ahmed_alziwar0
07732320742

قصيدة شكر لأمام الحسن المجتبى (عليه السلام )
............. ........ .............

حاجه من الحسن طلبيت ونطاني
مهضومه وكلتله بصايتك اني

••┄┅══✼°••°✼══┅┄

مشكر يالحسن نظريتلي بعينك

مهمومه وندبتك بس كلت وينك

حسيت بوكفتك سيدي ولينك


عطفك يالكريم الفرج راواني
حاجة من الحسن طلبيت ونطاني


خادمة الموعود الغزي

••┄┅══✼°••°✼══┅┄


كصدتك لمضيفك ودخلت يمك

يمن فدوه اروحن سيدي لاسمك

مهظومه ونخيتك بضلع امك

ما قصرت شكرا يعجز الساني

✍🏻نبضي حسين


••┄┅══✼°••°✼══┅┄

كصدتك يم بقيعك الك عنايه

مارديتني و لا خابت ارجايه

نعم الله اكلك سيدي هوايه

جنت تايه لكيتك انت عنواني

✍🏻ام سجاد الشهيد

••┄┅══✼°••°✼══┅┄


كريم البيت اسمك ماترد سايل

بس مديت ايدي والدمع هايل

شلت هموم كلبي والحزن مايل

اتشكر لبو الطيبات من جاني

✍ام اسعد الشمري

••┄┅══✼°••°✼══┅┄

لكريم اهل العبه امدنها ايديه

ينطيني طلبتي ابغير منيه

وامشيه عليه زينب المسبيه

سهل امري وتفرجها احزاني

📚🖌️ام زهراء

❥━──➸➽❥❂❥━──➸➽❥
تسهيل الامر كلمن طلب منّه
ويقضي حاجته يل كله محنه
تطيب العله يمه ويخفي الونه

يرجع مبتشر مايبقه متاني

ام حسين المحمداويه


https://t.center/teafso

قصيدة (( دعوة الملايات الى العوده لطريق فاطمه))((عليها السلام ))




فهميني يملايه شتريدين

لطميات عل تكتك تنشرين ؟؟

بهل عمله العملتيها شتضنين

عليج بهاي تقبل ام الحسين؟؟

استريحي بهون نفسج لا اتعبين

بهالفعله رضاها ما تنولين

الزهره تريد منج من تخدمين

بخلاص وحراره الها تواسين

مستوره بحجابج من تلطمين

صوتج مو لكل احد تسمعين

بهالحاله شعائرنه تشوهين

تزيدين الجروح وما اطيبين

كلب ام الحسن اكثر تلجمين

وين المستحه والعفه جا وين

خادمت الزجيه من تكولين

وياها بعهودج كون توفين

تؤمرين باوامرها وتنصحين

تعظمين الشعائر يوم تقرين

لحسين المجالس مو تشرطين

اجرج يمها والله هناك تلكين

وبدرب الخدامه ما تخسرين

طبقي هالشروط الها تفوزين

بجنان الإله اهناك ترضين



خادمة الموعود الغزي

٧/صفر/١٤٤٦



https://t.center/teafso

ردات نهاية المجلس


لجمتكم جبيره //اليوم ياساده

ثجيله والطلابه//تريد عوانه

مغدور الحسن//هاليوم ياشيعه

منكب ضل عليه //حسين واولاده

نعشك يالكريم //اسهام رامينه

وصعدت غيرته// العباس للهامه

سل سيفه الشجاع //وراد يفنيها


مسدود المضيف //وشال راعيه


خادمة الموعود الغزي

نعي للإمام الحسن المجتبى(( عليه السلام ))


ويلي عله الحسن اه ويلاه
يلوج بسم حسافه وفاضت دماه
لفض جبده بطشت وحسين ضماه
خافن لن تجي زينب وتلكاه
🕳🕳🕳🕳🕳🕳🕳

مسموم ويون بهداي ونه
يخاف عله الفواطم يسمعنه
يلتمن عليه وينشدنه
تريد تروح يالريسان عنه ؟
🕳🕳🕳🕳🕳🕳🕳

تشيل تريد ياخونه وبونه
بعدك يالعزيز يعذبونه
الما رحموك لا ما يرحمونه
من زمان بحربهم حابونه
🕳🕳🕳🕳🕳🕳

يكلهن والحنين يسيل دمعه
كومن للوداع وياي جمعه
اودعجن واريد حسين اودعه
وناعي عالمصاب اليوم ينعه
🕳🕳🕳🕳🕳🕳🕳

اليوم الحسن مضلم مضيفه
منكب صبح مهموم ضيفه
وابو اليمه الدمع صاير حليفه
يجر الاه ويون عله كيفه
🕳🕳🕳🕳🕳🕳🕳

شال حزام ظهره وسند حيله
مهظوم وصبح نار بدليله
على المغدور وناته ثجيله
يتوجه لجده ويشتكيله
🕳🕳🕳🕳🕳🕳🕳🕳


خادمة الموعود الغزي


٦/صفر/١٤٤٦

https://t.center/teafso

قصيدة للامام الحسن المجتبى(( عليه السلام ))


جبير اخوان زينب شايل اليوم
ياركن الصبح بالدين مثلوم
🕳🕳🕳🕳🕳🕳🕳
شايل وال هاشم شدو انكاب
مسموم والثاره يريد طلاب
ياحيف بغدر سموه وما طاب
محد كابله بالسيف ينهاب

مظلوم الحسن ويلاه مظلوم
جبير اخوان زينب شايل اليوم
🕳🕳🕳🕳🕳🕳🕳
شايل يا جبير من ال عدنان
عليه حسين محني وحيل حزنان
وكلب ام الخدر يا ناس وجعان
يهد الحيل مجفاكم يالخوان

مسمم والدليل عليه مالوم
جبير اخوان زينب شايل اليوم
🕳🕳🕳🕳🕳🕳
رايح والمضيف اليوم مسدود
ياراعي الكرم يا صاحب الجود
كلب ام الحزن من راح ممرود
عليه معلكين اعلامنه السود

عليه النوح مثل حسين للدوم
جبير اخوان زينب شايل اليوم
🕳🕳🕳🕳🕳🕳
عليه النوح والجده نعزيه
ندريبه عزيز وغالي عليه
بعده بالطفوله وكام يرثيه
يكول بسم يموت وجان يدريه

يذكر بالروايه وجان معلوم
جبير اخوان زينب شايل اليوم
🕳🕳🕳🕳🕳🕳🕳
جان بفاه حيل يقبله ويشتم
يدنيه عله صدره بلهفته ويضم
لخوه حسين بالمنحر يضل يلثم
بمكان السيف يشتمه ومكان الدم

يكول يموت من الماي محروم
جبير اخوان زينب شايل اليوم
🕳🕳🕳🕳🕳🕳🕳

خادمة الموعود الغزي


٦/صفر/١٤٤٦

https://t.center/teafso

ردات نهاية المجلس لام البنين
((عليها السلام ))



نمدت سفرت ام عباس//والحاجه طلبناها

جليله مجربه ام عباس// والحاجات تكضيها

هاي التكضي الكلفات//بالفزعات معروفه

هاي ام النشامه وزود//منها ومن اهاليها

الج صيت البخت موصوف//بالطف شاعت علومه

حباج الله بكرامه وشان// يم الاربعه عالي

باب الله اوسيله وجاه //يالحره يوصفونج

يا ام الوفه الحاجات// من عندج طلبناها

تعنينه ونريد مراد// من عندج يبدويه

مدرستج وفه واخلاص//فزنه من تبعناها



خادمة الموعود الغزي

https://t.center/teafso

قصيدة لاستشهاد الإمام الحسن المجتبى (عليه السلام )


زينب كل سنه قرايه تسويها
ذكرى مصيبتك يلحسن تحييها
🕳🕳🕳🕳🕳🕳
سبعه من صفر زينب تجر ونه
جا وين السنه المجلس ينصبنه
وهنه بنص خرابه حسين ينعنه
راسه عله الرمح عالي يشوفنه

وامس دفنت رقيه وحيل مابيها
زينب كل سنه قرايه تسويها
🕳🕳🕳🕳🕳🕳🕳🕳
ويلي الشام كتلتها يبو محمد
تشوفه مسلسل السجاد ومكيد
عليها تكبر ابن المملوك وتسيد
مصايبها الجرت بالشام ماتنعد

متكفله بيتامه حسين تدريها
زينب كل سنه قرايه تسويها
🕳🕳🕳🕳🕳🕳🕳🕳
مكعديها بخرابه وهم يطلعوها
بالاسواق والشارع يفروها
يدكون الطبول الها وياذوها
على الوليان والكافل ينشدوها

ويا نار الشماته الحيل تجويها
زينب كل سنه قرايه تسويها
🕳🕳🕳🕳🕳🕳
تجويها وتضل النار لهابه
حسين يذل عزيز ويوجع مصابه
الله يعين كلبه اليفكد احبابه
يضل كلبه بسكم والعين سجابه

وختك يالحنين الحزن غاطيها
زينب كل سنه قرايه تسويها

🕳🕳🕳🕳🕳🕳🕳🕳
الله يعينها وكثرن مصايبها
تعبها السبي يا حيل تعبها
كبل الشيب دب الشام شبيها
عذبها يراس حسين عذبها

معلك بالسنان ويصعب عليها
زينب كل سنه قرايه تسويها
🕳🕳🕳🕳🕳🕳🕳🕳

خادمة الموعود الغزي

٥/صفر/١٤٤٦

https://t.center/teafso

ابواذيات للسيده رقيه(( عليها السلام ))


رقيه تريد ابوها__ وين ابوها
عذبوها الكفر بعده____ وين ابوها
حسره عله الولي ماتت__ ونه بيها

الونه وروحها طلعن سويه
___
كلبي من الونين نكطع __بتلاه
سهران بدمع بالليل ___بتلاه
على الماتت هضم بالشام __بتلاه

اوج بالنار من أذكر رقيه
_
طلب منج رقيه اليوم___ ردنه
ما فاد الطبيب عليج ___ردنه
باسمج رددينه وحيل __ردنه

تشافين العليل اليوم اليه
____

٤/صفر/١٤٤٦
خادمة الموعود الغزي

موشح للامام الحسن ع

اليوم دار الكرم طايح سورها
يالحسن مظلمه وغايب نورها
.....................

بدمعه لمصابك يهنياله الحضه
العين تعمه اعليك يبن المرتضى
الليله اخوك حسين بي ضاك الفضه
بالحزن هل دنيا لعبت دورها
....................

اليوم ابو فاضل جرالك دمعته
والله يدري شلون چانت حيرته
سحب من سيفه شبر من غضبته
وچان هدّم لال اميه قصورها
.......................

يانعش مثلك وبسهام انرمه
بغضاً بحيدر وامك فاطمه
اعليك ناحت سيدي ارض وسمه
الوادم العادتك ضايع شورها
....................

يامؤسس كربله بيوم الصلح
والصلح خله ال اميه تنفضح
هاي وادم بيها ماغزر ملح
طيبتك جازتها ليش بجورها
.....................

صاحب الراي وعظيم المنزله
يا امام حسين ابن عقد الوله
منك تعلمنه نمشي لكربله
من مشيت لكعبة الله تزورها
......................

يا چبير الساده ولهاشم فخر
عالعهد تلگانه كل سبعه بصفر
مأتمك يبقه لظهور المنتظر
الدمعه الك يالحسن من عاشورها

……..

نسألكم الدعاء
حسين صادق العقابي

ردات نهاية مجالس للسيده رقيه ((عليها السلام ))


بحبال اليتيمه اليوم شدوها
<<<<>>>>>>><<<<<<<<>>>>>>
ترفات الجفوف وحيل شدوهن
<<<<<<<>>>>>>>>>>>>>>>>>>
اضمد جف اديها الحبل حزاها
<<<<<<<>>>>>>>>>>>>>>>>>>
شلون الدللوها تنام بترابه
<>>>>>><>><<<<<<>>>>>>>>>
فزت من حلمها تريد واليها
<<<<<<>>>>>>>>>>>>>>>>>>>
صاحت بويه اخذني وياك يابابا
<<<<>>>>>>>>>>>>>>>>>>>
يصدعها الجبال اليوم مبجاها
<<<<<<<<<><<<<<<<<>>>>>
سمعاها العيين وكال سكتوها
<<<<<<>>>>>>>>><<<<<<<<>
جابلها طشت بيه راس واليها
<<<<<<<<<<>>>>>>>><<<<<>
شبكت حيل راسه وشمته بنحره
<<<>>><<>>>>>>>>>>>>>>>>
صاحت منهو مثل بيك يابويه
<<<>>>><<<<<<<<<<>>>>>>
بويه حسين راسك وين جا جسمه
<<>>>>><<<<<<<>>>>><<<<
طفله وضن عمرها واصل تلاثه
<<>>>>>>>><>>>>>>>>>>>
صعبه هالمصيبه شلون تحملها
<<>><<><<>>><<<><<><<>
وفاضت روحها يم راس واليها
<<>>>>><>>><<>><>>>>>>
زغيرونه ومصاب حسين هضماها
<<<<<<<>>>>><<>>>>>>>
فاطم والعقيله اليوم عزوها
<<>>>>>><<<<<<<<><<>>



تمت خادمة الموعود الغزي

https://t.center/teafso