دموع الولاء في رثاء سيد الشهداء قناة خادمة الموعود الغزي

قصيده ((الطيف))
كأني بزينب عليها السلام شاهدت أمها بالرؤيا..

بطيف شفت امي الزجيه
من بعيد أتصد عليه

جن بعيده هوايه
واركضت عنايه

حيل شبكتني وتباوع بيه
بطيف شفت امي الزجيه

🟥🟥🟥🔴🟥🟥🟥

تگلي يمه شدي حيلج عالبلاء
هناك تنتضرج مصايب كربلاء
حسين يبقه عله الوطيه بلعراء

والدمع جرايه
جن بعيده هوايه

بأيدها تخلي ايديه
بطيف شفت امي الزجيه
من بعيد تصد عليه

✍🏻 ام سجاد الشهيد

🟥🟥🟥🔴🟥🟥🟥

كلفتني ارعى ايتام الحسين
لومشيت الشام مجتوفه اليدين
روس اخوتج علرماح معلگين

صيري انتي الرايه
چن بعيده هوايه

سولفت ذيج الرزيه
بطيف شفت امي الزجيه
من بعيد اتصد عليه

✍️☘️ام فراس الساعدي ☘️
🟥🟥🟥🔴🟥🟥🟥
كامت توصيني اشياء وتگول
مایهمچ ظيم ابد بت الاصول
انتي لبوه نسل من فحل الفحول

للشدد وفايه
چن بعيده هوايه

انتي من الله هديه
بطيف شفت امي الزجيه
من بعيد اتصد عليه

✍️☘️ام فراس الساعدي ☘️

🟥🟥🟥🔴🟥🟥🟥
سولفتلي هواي وانطتني البيان
انتي للعيله العقيله والامان
بيج نتفاخر على مر الزمان

للضعن حمايه
چن بعيده هوايه

كل وكت انتي ابيه
بطيف شفت امي الزجيه
من بعيد اتصد عليه

✍️☘️ام فراس الساعدي ☘️

🟥🟥🟥🔴🟥🟥🟥


شدي حيللج يمه يا بزر الدلال
يالكلامج حكمه ويسكت الرجال
ناصره الثوره العظيمه لامحال

والسبي بي غايه
جن بعيده هوايه

بت علي يالهاشميه
بطيف شفت امي الزجيه


خادمة الموعود الغزي


🟥🟥🟥🔴🟥🟥🟥

(كروب خاص بالقرأن كذلك يوجد قناة خاصة بتعليم القرأن الكريم)
https://t.center/ayaaa2585

لما بَلَغ إمامنا الحسين (ع) خبر شهادةِ ابن عمه مسلم، استعبر باكياً، ثم قال:

رَحِمَ اللَّهُ مُسْلِماً فَلَقَدْ صَارَ إِلَى رَوْحِ اللَّهِ وَ رَيْحَانِهِ وَ جَنَّتِهِ وَ رِضْوَانِهِ أَمَا إِنَّهُ قَدْ قَضَى مَا عَلَيْهِ وَ بَقِيَ مَا عَلَيْنَا

ثُمَّ أَنْشَأَ يَقُولُ:

فَإِنْ تَكُنِ الدُّنْيَا تُعَدُّ نَفِيسَةً ** فَإِنَّ ثَوَابَ اللَّهِ أَعْلَى وَ أَنْبَلُ‏
وَ إِنْ تَكُنِ الْأَبْدَانُ لِلْمَوْتِ أُنْشِئَتْ ** فَقَتْلُ امْرِئٍ بِالسَّيْفِ فِي اللَّهِ أَفْضَلُ‏

..

رحمك الله أيها الشهيد القائد، في روح الله ورضوانه، وإنا لله وإنا اليه راجعون

انا لله وانا اليه راجعون
انت المعزا مولاي يا صاحب الزمان
اللهم عجل لوليك الفرج

🔻بيان صادر عن حزب الله:

بِسْمِ اللَّـهِ الرحمن الرَّحِيمِ
﴿فَلْيُقَاتِلْ فِي سَبِيلِ اللَّهِ الَّذِينَ يَشْرُونَ الْحَيَاةَ الدُّنْيَا بِالْآخِرَةِ  وَمَن يُقَاتِلْ فِي سَبِيلِ اللَّهِ فَيُقْتَلْ أَوْ يَغْلِبْ فَسَوْفَ نُؤْتِيهِ أَجْرًا عَظِيمًا﴾
صدق الله العلي العظيم

سماحة السيد، سيد المقاومة، العبد الصالح، انتقل إلى جوار ربه ورضوانه شهيدًا عظيمًا قائدًا بطلًا مقدامًا شجاعًا حكيمًا مستبصرًا مؤمنًا، ملتحقًا بقافلة شهداء كربلاء النورانية الخالدة في المسيرة الإلهية الإيمانية على خطى الأنبياء والأئمة الشهداء.
لقد التحق سماحة السيد حسن نصرالله الأمين العام لحزب الله برفاقه الشهداء العظام الخالدين الذين قاد مسيرتهم نحوًا من ثلاثين عامًا، قادهم فيها من نصر إلى نصر مستخلفًا سيد شهداء المقاومة الإسلامية عام 1992 حتى تحرير لبنان 2000 وإلى النصر الإلهي المؤزر 2006 وسائر معارك الشرف والفداء، وصولًا إلى معركة الإسناد والبطولة دعمًا لفلسطين وغزة والشعب الفلسطيني المظلوم.

إنّنا نعزي صاحب العصر والزمان (عج) وولي أمر المسلمين الإمام السيد علي الخامنئي دام ظله والمراجع العظام والمجاهدين والمؤمنين وأمة المقاومة وشعبنا اللبناني الصابر والمجاهد والأمة الإسلامية جمعاء وكافة الأحرار والمستضعفين في العالم، وعائلته الشريفة الصابرة، ونبارك لسماحة الأمين العام لحزب الله السيد حسن نصرالله رضوان الله عليه نيله أرفع الأوسمة الإلهية، وسام الإمام الحسين عليه السلام، محقّقًا أغلى أمانيه وأسمى مراتب الإيمان والعقيدة الخالصة، شهيدًا على طريق القدس وفلسطين، ونعزي ونبارك برفاقه الشهداء الذين التحقوا بموكبه الطاهر والمقدس إثر الغارة الصهيونية الغادرة على الضاحية الجنوبية.

إنّ قيادة حزب الله تعاهد الشهيد الأسمى والأقدس والأغلى في مسيرتنا المليئة بالتضحيات والشهداء أن تواصل جهادها في مواجهة العدو وإسنادًا لغزة وفلسطين ودفاعًا عن لبنان وشعبه الصامد والشريف.

وإلى المجاهدين الشرفاء وأبطال المقاومة الإسلامية المظفرين والمنصورين وأنتم أمانة السيد الشهيد المفدى، وأنتم إخوانه الذين كنتم درعه الحصينة ودرة تاج البطولة والفداء، إنّ قائدنا سماحة السيد ما زال بيننا بفكره وروحه وخطه ونهجه المقدس، وأنتم على عهد الوفاء والالتزام بالمقاومة والتضحية حتى الانتصار.

السبت 28-9-2024
24 ربيع الأول  1446 هـ

ردات نهاية المجلس


زينب ردت بيا حال //حرمه بدون اهاليها

دارك وحشه خويه حسين //مااكدر اطب ليها

ردت زينب من الشام //يم عباس واسيها

وين حزام ظهرج ذاك//يا زينب تحاجيني

الخوه والوعد يم عون// ليش وياج فلاها

رحتي محوطه بخوان//بس نسوان رديتي

سورج من تهدم طاح//حيلج والخدر وياه

يابنت الهواشم ليش// مسبيه يسمونج


خادمة الموعود الغزي

قصيدة للزهراء (بيت الاحزان)

يابيت الاحزان . احجيلي عنهة
من جانت تنوح . شيسوي ونهة
ماطحت يابيت الحزن
من جانت الزهرة تون
احجيلي عنهة….. شيسوي ونهة

جانت تجيني ام الحسن تتمشة كوة
كايدهة حيدر بالمشي وذراعة تجوة
توصلني شبعانة بجي ودمعتهة سلوة
شما بجت عطشانة حزن لا ماتروة
ذبلت. وردات. الصبا
تبجي علة ابوهة وتندبة
اه ياحزنهة … .. احجيلي عنهة

جانت تجيني من الضحة ولحد الغروب
تبجي وتوجر كل حجر وتحزن الدروب
ولو خلت ايد علة الضلع سعفاتي تذوب
ولو لابت المتوجعة حتى الهوة يلوب
وتنزل حمامات السمة
تواسي الحزينة فاطمة
ويساعدنهة… . . احجيلي عنهة

منعوهة ليش من الحزن ونتهة تشجي
مثل الحمامة تعاتبة اسمعهة تحجي
كوم السقيفة الغادرة من عدهة تشكي
ممنوع تحزن عالنبي ممنوع تبجي
خايف الظالم من دمع
ومن حزن مكسورة ظلع
ويلة الظلمهة…… احجيلي عنهة

اسمعهة من بين البجي تشكي وتكلة
حزنك يبو الزهرة وعلي لا ما املة
يابوية ما تدري النذل ربالي علة
كاسرلي ظلعي بدفعتة وهد حيلي كلة
يابوية مااريد. العمر
مو لجل ضلعي المنكسر
لعيني السطرهة … احجيلي عنهة

وحدهة تبجي الطاهرة واسمع بجيهة
ا ياحزنها شبي الم وشسوة بيهة
يغمة عليهة من البجي وانظر يجيهة
من بعيد لاحكهة الحسن خايف عليهة
يغسل وجهة بدمعتة
يناديهة يمة بلهفتة
يبجي وحظنهة .. .احجيلي عنهة

فاطمة المكصوصي
https://t.center/fatima73gk

يعينك الله ياعلي
بيوم توديع النبي
الغالي الضحيت الة
شلون كلي تغسلة
بين بحيلك جرح
ودمعة ماظن تنجلي ....يعينك الله


ميت كبالك تشوفة بلاية روح
حاير بحزنك يحيدر من تنوح
دمعة موادع على خدك تلوح
ياجرح فكدة اختلف عن الجروح
حزن صاحب لو اخو مفارك حبيب
لو يتيم الضل بلا والد غريب
ماكلتلة ياعلي
يبن عمي شضل الي ....يعينك الله


مكابلة تهل الدموع بلية راي
مغمض العين التهلي وانتة جاي
تذكرت ياموقف بهالحظة هاي
وذكرياتك ياعلي بالصحرة ماي
تعاين لوجهة وتلوب
وأُثر بعمرك غروب
وانتة تدري ياعلي
هذا حزنك سرمدي .....يعينك الله


تذكرت اول حظن وانتة علة صدرة
لو فرحتة زغير اوحدك تنصرة
تذكرت من كلك انطيتك الزهرة
تذكرت بالكعبة من شالك بظهرة
تذكرت بالخندق وخوفة عليك
تذكرت خيبر وشد راية بديك
من يكلك ياعلي
يااخي انت الوصي.....يعينك الله


الغالي ياحيدر والي بعمرك شريتة
شكثر ضحيت بحياتك وافتديتة
ظهرة يشهد ياعلي مافاركيتة
شو خذاه الموت منك شو نطيتة
اليحبك ياعلي ويحب بنينك
من تغسلة صعبة وتكلبة بيمينك
ومن تدفنة ياعلي
وبيدك توسد النبي.....يعينك الله


الي تناجيه من بعيد وتفهمة
والي بالشدة ورخاء تنادمة
بالجفن ياحيدر من تلثمة
اسمع يكلك يحيدر فاطمة
ياعلي الزهرة وديعة وتلتحك
احسبلهة بيوم بابك يحترك
والوديعة ياعلي
بعدي بالهم تنولي .....يعينك الله


العلويه فاطمة المكصوصي

بعد مرور شهرين من خدمة زهراء عتذر من مولاتي فاطمة بهل خدمة القصيرة وسئل لله القبول



اعتذر يازهرة انة هوااااايه
خاف قصرت بخدمتي هاية

عذريني ياام الحسن
عليج صدر المنطحن

خاف قصرت بخدمتي هايه
🙏🙏🙏🙏🙏🙏
اعتذر يازهرة اني هل اجيت
خاف مولاتي بخدمتج قصريت
واعديتج خافن اني ما وفيت

كلبي لوليدج يون
عليج صدر المنطحن

بجاه عباس وهذيج الرايه
خاف قصرت بخدمتي هايه

🙏🙏🙏🙏🙏🙏🙏
اخر انفاسي وضل خادم الج
اقبليني وسجليني بدفترج
ينكسر كلبي بخيالي اتصورج

من البجي عيونج عمن
عليج صدر المنطحن

يالذي ماقصريتي ويايه
خاف قصرت بخدمتي هايه
🙏🙏🙏🙏🙏🙏🙏
راح احلفج بالحسين وبالكفيل
اريدج تحضرين بالوحشه دلليل
من ينزلوني بحفرتي ومن يهيل
عليه التراب ويودعني الخليل

بجاه طه المؤتمن
عليج صدر المنطحن


اعرفج يم الحسن وفايه
خاف قصرت بخدمتي هايه
🙏🙏🙏🙏🙏🙏🙏
بجاه عملت كربله وهذا المصاب
اريدج تحضرين في يوم الحساب
تساعديني هناك ويهون الجواب
بجاه امامي حسين محروم الشراب

وكفتج يوم المحن
بجاه صدر المنطحن

اضل خادمتج واضل ملايه
خاف قصرت بخدمتي هايه

🙏🙏🙏🙏🙏🙏🙏

خادمةالزهراء. بغداد
خادمة الموعود الغزي

اذا تحب ترفع قصائدك على استوري الفيس والانستا توصل ويانة خاص
@ahmed_alziwar0
واتساب
07732320742

ابيض راسها ردلتلك ام عون
زركه من السياط امورمه المتون
🚩🚩🚩🚩🚩
جن ميه عمرها موش خمسين
محنيه اخيتك شوف يحسين
معميه النواظر تدمع العين

الك تشتاك يالبالكاع مدفون
ابيض راسها ردلتلك ام عون
🚩🚩🚩🚩🚩🚩
تريد تشوفكم وتشم التراب
صارلها اربعين بهذا الغياب
عذبها السبي وكاتلها المصاب

تعبها الدرب بليل يمشون
ابيض راسها ردلتلك ام عون
🚩🚩🚩🚩🚩🚩
تعبها الدرب وتلم باليتام
سهرانه تكضي الليل متنام
ويا ون البنات يزيد الآلام

وحبال السبي بالجف يربطون
ابيض راسها ردلتلك ام عون

🚩🚩🚩🚩🚩🚩🚩
اجت يمكم تزور وتشكي الاحوال
ردت بالضعينه تباري العيال
ياثكل الحمل يحسين لو مال

منك تعتذر وتهل العيون
ابيض راسها ردلتلك ام عون
🚩🚩🚩🚩🚩🚩🚩
منك تعتذر يحسين اجت ليك
على بنيتك رقيه اليوم ترثيك
دفنتها وعلى مصابك تواسيك

تغير لونها والكلب محزون
ابيض راسها ردلتلك ام عون
🚩🚩🚩🚩🚩🚩🚩
خادمة الموعود الغزي

https://t.center/teafso

قصيده لوفاة الرسول الاعظم (صلى الله عليه وآله) على لحن قصيدة الشاعر عبد الخالق المحنه (نتيجة غيبتك ابيض رمش عيني)


رسول الله بوفاته يودع الزهره
ابضعته يوصي والقران والعتره

خبر. موته. صدى صوته يوصيهم
📜🖊📜🖊📜🖊
ثقلين
بالدين
واجب نلتزم نتبع اثرها
قران
وايمان
مراتب يرتقي كلمن عبرها
المختار
يختار
سفينه التنجي الدنيا بأسرها
تنزيل
جبريل
رساله واضحه بأبها صورها

رساله التضوي للدنيه ومناره
التركها يضيع وچبيره الخساره

خسر جنه. البعد عنـــه. يبچيهم
خبر موته صدى صوته. يوصيهم

📜🖊📜🖊📜🖊
يدرون
اشلون
يوصيهم يريد باهل بيته
اعراب
اجناب
عليه تكبرو چانو رعيته
عافوه
وهجروه
السقيفه خططو ليها بمنيته
احقاد
اوقاد
نبيهم مارضوا يكتب وصيته

يرفضون الأمر لا مايطيعونه
يوصيهم على الكرار يدرونه

عصوا امره ابو الزهره غدر بيهم
خبر موته. صدى صوته يوصيهم
📜🖊📜🖊📜🖊
بهالحال
واشكال
رسول الله ونظر اهل السقيفه
يردون
يحكمون
انقالاب وصار مشهود بمضيفه
ماجوه
وهابوه
وحده ويجذب انفاسه الشريفه
الحسنين
بالعين
دمعهم سيف ويحد عالكيفه

يمه بس علي وكلهم يعوفونه
ملاعين وهدفهم وضح مضمونه

هدف مرتد عالدين احمد ينحيهم
صدى صوت. وخبر موته. يوصيهم
📜🖊📜🖊📜🖊
الكرار
بالدار
يباوع للرسول بهاي المصيبه
مهموم
واليوم
يودع بالصبر روحه وحبيبه
ينعاه
بكل اه
مسموم واسف ايس طبيبه
ياصوت
والموت
حاظر من وصل اسمع نحيبه

حاظر والدمع غرگ چفن عيني
اخذ نور الحياة وبسمت اسنيني

تضل حسره والگلب جمره. يحن ليهم
صدى صوت وخبر موته. يوصيهم
📜🖊📜🖊📜🖊


خادمة الموعود الغزي ٢٥/صفر/١٤٤٥

https://t.center/teafso

قصيده اللسبي

تجن يالليل بالدمعه. تذوب الروح جن شمعه
على ظهر الهزل ياحيف. زينب بت علي تنعه

نصبت مأتمك يحسين تنعه عالهزل زينب
تصد للراس تحجي وياه تشوفه بالدمه مخضب
تذكر عطشته المظلوم ويلي وماي ماتشرب
تحدي بالضعون اعداك لرض الشام هالغرب

يابت الحياديه. لرض الشام مسبيه
العين عليج معميه. لخوج الهشمو ضلعه
زينب بت علي تنعه

▪️▪️▪️▪️▪️▪️▪️▪️
تنعه وبالجفوف ادموع تمسح بيها الشفه
ذيلها العطش ويلاه الجانت من كبل ترفه
بالعبره تصد الراس نوب بشوك وبلهفه
جرحك مايطيبه ضماد جرح الروح مايشفه

تصدك عالرمح مذبوح ياعزها وشريك الروح
ضلت عالمصيبه توح. تروي شفاك بدمعه.
زينب بت علي تنعه
▪️▪️▪️▪️▪️▪️▪️▪️▪️

عليها من يجن الليل تهيج الامها اونها
مشدوها بحرم واطفال وبناتك يسئلنها
ياعمه نريد حسين بالحسره يكلمها
طالت سفرته عمه مايرجع بعد منها

يعمه غاب والينه. مايرجع بعد لينه
رقيه تنوح وسكينه شمل الراح شيرجعه
زينب بت علي تنعه
▪️▪️▪️▪️▪️▪️▪️▪️

زينب ضل گلبها شلون من تسئلها البنيه
عمه وين ابوي حسين واني ليش مسبيه
شيرجع البطل عباس ويرد الضعن ليه
كون ادري يرد الصوت اكله اكعد يحاميه

مايرجع بعد ويلي. طاح وهدمه الحيلي
عليه مساهره لليلي. اضل للدوم منفجعه
زينب بت علي تنعه

▪️▪️▪️▪️▪️▪️▪️
ياعمه تكلهن هون عمه اراح مايرجع
ياللي معاشره الونات سلي الروح بالمدمع
ضل بكربله مطروح بالميدان والمصرع
بس الراس فوك ارماح يربي وللضعن يتبع

يعمه شال ابوج حسين اهلنه بكربله ميتين
تذوب الروح من تبجين هذا حالنه اوضاعه
زينب بت علي تنعه

▪️▪️▪️▪️▪️▪️▪️


تمت بعون الله تعالى /محرم/١٤٤٤

بقلم خادمة الموعود الغزي
https://t.center/teafso

قصيده لوفاة الرسول (صلى الله عليه واله)لسان حال الزهراء (عليها السلام)
على طور ( ردن غريبات) مرتضى حرب



يازهرة محمد حان الوداع
جن صوت الاجاني وزلزل الكاع

خلف بكلبي اثر جن رسول الله حتضر

يازهرة محمد. يازهرة محمد

▣========▣◈▣========▣
جنه صوت الموت اجاني يكلي هل حان الاجل
يلله يابضعة محمد الوالدج گومي بعجل
وي رسول الله وحبيبه توادعي وكلبي بوجل
والحسن وحسين يمه واظلم علينه المحل
اخر وداع اليوم وياه
يمرد الروح ويكتل اجفاه
يكتلني يابويه الهجر
فركتك نار وجمر

يازهرة محمد. يازهره محمد
▣========▣◈▣========▣
يكتل اوداع الغوالي يعصر بكلبي عصر
شلون افكده جنت اشوفه مسه وي صبح وظهر
والدي ويسري ويدمي اسمه بعيوني النظر
خلصيت ايام الي چانت مزهره بعشرة عمر
هدملي حيلي وزاد الهموم
لمن سمعت موادعه اليوم

ماتحمل الروح الالم
جاوبني واقع لوحلم

يازهرة محمد. يازهرة محمد
▣========▣◈▣========▣
لمن احضرته ولكيته شلون حاله بيا وضع
بحضن ابوالحسنين شفته ويذرف عليه الدمع
يوصي بحسين واخيه دوب صوته ينسمع
ذاب كلبي من نظرته وروحي جن ذوبة شمع

وي الدموع اطيح العيون
ضل الحسن وحسين يبجون
ناديته شلي بالعمر
من بعدك واشبع قهر

يازهرة محمد. يازهرة محمد
▣========▣◈▣========▣
بويه گلي شلون بينه يارسول الله بجفاك
انته رايح ياولينه وعينه تربي الوراك
اظلم الكون بوجوده تنتحب ارض وسماك
ضل ابو الحسنين حاير وأحده شايل لواك
ضليت انوح وكلبي محزون
شلون اعيش بدونك شلون
شلون بعدك ياولي
حسن وحسين وعلي


يازهرة محمد يازهرة محمد
▣========▣◈▣========▣
انته روحي يامحمد شلون اعيش بلايه روح
تكثر الامي وجروحي ومن يداويلي الجروح
ياامل روحي وحياتي ظلمه تصبح من تروح
من وكت تخلص ايامي لليل ونهاري انوح
كتبلك قصيده بدمع الايام
صابني يبويه افكدرك اسهام
صوت الموادع جرح
مايجي بعده فرح

يازهرة محمد. يازهرة محمد
▣========▣◈▣========▣

تمت بعون الله تعالى. /٢٣/صفر/١٤٤٤
بقلم خادمة الموعود الغزي

https://t.center/teafso

قصيدة للسيده زينب ((عليها السلام))



اه يامتنج يزينب خلف بكلبي كسر
ما تشافيه البواجي وللابد ما ينجبر
💔💔💔💔💔
اثر سوطج اء يزينب طابع بكلبي طبع
لا تضنين بمكانه عليج صدكي منشلع
بيه ونه وبيه لوعه مايطيب منالوجع

من يمر اسمج يحره يصفن ويكتب شعر

💔💔💔💔💔

من يمر اسمج يحره ينرسم معنه الحزن
يغير رسوم الملامح والنفس يطلع يون
چنه لليل تصير ضلمه اثر ذكرج من يجن

والصدر يسعر دليله مثل جانون الجمر
💔💔💔💔💔
يعينج الله يالعقيله مثل قصتج ماجرت
ولا مره الشافت مأسي هالكثر وتمرمرت
روحج الشبعت مصايب من الزغروتصبرت

والأشد طيحت كفيلج من هوى فوك النهر
💔💔💔💔💔
بيا الم حسيتي زينب يوم عباس نذبح
من غدت دنياج ضلمه وبعد مايطلع صبح
چن بدت قصة مأسي روس وسنان ورمح

شكد قست دنياج ويلي مارحم بيج الدهر
💔💔💔💔💔
الله الله يعين كلبج عالسده يابت علي
شاهديتي حسين اخوج مسلبينه بالخلي
خلصوا اولادج وخوتج مابقه عندج ولي

واخر اجروح المصايب مشيتج وي الشمر
💔💔💔💔💔
جديد

خادمة الموعود الغزي



https://t.center/teafso

حاجتي يمكم


نخيت الجان وي اخته وعد لاه
يعدل المايصح بيدي وعد لاه
عجيب شلون اتنفس وعدلاه
وانه الوي النفس حسرات بيه

نخيت الراسه فوگ الرمح ينشال
يشيل الما الاضن لولاه ينشال
صفه حيلي يبو السجاد ينشال
وبس ذكرك يعيد الحيل اليه


خادمة الموعود الغزي
٢٨/محرم/١٤٤٥


https://t.center/teafso

ابوذيه للسبي

شحچي من البده وياي يتلاي
صفه حبل السبي بالروح يتلاي
على الفوك الرمح قران يتلاي
تذوب الروح وتردها الوصيه

مشيت ودمعتي بعيني تلالاي
على الفگدت ولد وهيه تلالاي
نخيته من الكهف ايه تلالاي
يصبرني بمصاب الصار بيه


٢٨/محرم/١٤٤٥

خادمة الموعود الغزي

https://t.center/teafso