KEA ಕಡ್ಡಾಯ ಕನ್ನಡ ಹಳೆಯ ಪ್ರಶ್ನೆ ಪತ್ರಿಕೆ ನೋಡಿದಾಗ ಬಹುತೇಕ ವ್ಯಾಕರಣ ಪ್ರಶ್ನೆಗಳೆ ಇವೆ. ಈ ಪರೀಕ್ಷೆಯನ್ನು ದೊಡ್ಡ ಸವಾಲು ಎಂದು ಭಾವಿಸಬೇಡಿ. ಕನ್ನಡ ಮಾಧ್ಯಮದ ವಿದ್ಯಾರ್ಥಿಗಳು ಅತ್ಯಂತ ಸರಳವಾಗಿ ಅರ್ಹರಾಗಬಹುದು. ಇಂಗ್ಲಿಷ್ ಹಾಗೂ ಬೇರೆ ಮಾಧ್ಯಮದಲ್ಲಿ ಕಲಿತ ವಿದ್ಯಾರ್ಥಿಗಳು ಸ್ವಲ್ಪ ಶ್ರಮ ಹಾಕಬೇಕಷ್ಟೆ. ದಿನನಿತ್ಯ ನೂರಾರು ವಿದ್ಯಾರ್ಥಿಗಳ ಜೊತೆಗೆ ಬೆರೆತವನಾಗಿರುವುದರಿಂದ, ವಿದ್ಯಾರ್ಥಿಗಳ ಭಾವನೆ ಅರ್ಥ ಮಾಡಿಕೊಂಡು ಈ ಮಾತು ಹೇಳುತ್ತಿದ್ದೇನೆ. ಬಹಳಷ್ಟು ಜನ ದೊಡ್ಡ ಸವಾಲಿನ ಪರೀಕ್ಷೆ ಎಂದು ತಿಳಿದುಕೊಂಡಿದ್ದಾರೆ. ಕೆಲವರು Misguide ಕೂಡ ಆಗಿದ್ದಾರೆ. ಒಂದು ಪ್ರಶ್ನೆ ಮತ್ತು ಅದಕ್ಕೆ ಉತ್ತರ ಅಷ್ಟೇ ಓದುವುದರಿಂದ ಅಥವಾ ಕೇಳುವುದರಿಂದ ವ್ಯಾಕರಣದ ಪ್ರಶ್ನೆಗಳಿಗೆ ಉತ್ತರಿಸಲು ಸಾಧ್ಯವಿಲ್ಲ. ವ್ಯಾಕರಣ ಎಂದರೆ ಅರ್ಥೈಸಿಕೊಳ್ಳುವುದು ಹೊರತು ಕಂಠಪಾಠ ಮಾಡುವುದು ಅಲ್ಲ. ಆರಾಮವಾಗಿ ಪರೀಕ್ಷೆಗೆ ಹೋಗಿ, ಪರೀಕ್ಷೆ ಎದುರಿಸಿ.
ಪರೀಕ್ಷೆಗೆ ಇನ್ನೂ ಕೆಲವೇ ಗಂಟೆಗಳು ಉಳಿದಿವೆ, ಇದು ಓದುವ ಸಮಯವಲ್ಲ. ಆರಾಮವಾಗಿ ಊಟ ಮಾಡಿ, ಚೆನ್ನಾಗಿ ನಿದ್ದೆ ಮಾಡಿ.
"ಭಯ ಬಂದು ಬಾಗಿಲು ತಟ್ಟಿತಂತೆ ಆಗ ಓಳಗಿರುವ ಆತ್ಮವಿಶ್ವಾಸ ಹೇಳಿತಂತೆ ಸ್ಥಳಾವಕಾಶ ಇಲ್ಲವೆಂದು"