شعر دره‌شهر

#دوبیتی لری

وِ شَرطِی سالِئ ها یا سالِ نوُاَه(جدید.نو)
کِه دِه جِنسِه پِئرار وْ پار نوُاَه(نباشد)

دِ دوآرَه هم نِیارِئم آخ سی پار...
چِنی سالِئ اگر با سالِئ خوُاَه

#شعروخوانش:
#عبدالرضابازگیر(فریاد)


@shaeraneDareshahr

#دوبیتی_لری_بالاگریوه‌ای



دِل اِشکار و تفنگچی زِل تیا تو
دِه کَلما کِردِنِش وا گِل تیا تو

زِنِم وِه گالَه مَردِم دونِسوئِن
کِه خین ِ دِل مِه ها دِه مِل تیا تو

کَمودارن، صحاو تیرِن تیا تو
کِه هِه وا دِل مِه درگیرن تیا تو

گِرئ حَردِن وِ دِل ، پا رَهتِه نارم
گِمونِم قِلف و زنجیرِن تیا تو

دو مامورن ,ِ تفنگ دارن تیا تو
قطاری پر د شنگ دارن تیا تو

چی وِت کِردَه مگر اشکارِ دل مِه
کِه اِیرِشتِ پلنگ دارن تیا تو


مِنی جن و پری دارن تیا تو
هوا لیوَه‌ گَری دارن تیا تو

اگر چه قاتل ِ جونِن ، ولیکن
هزارون مشتری دارن تیا تو


#رحمان_مــــریدی



@shaeraneDareshahr