.
سه‌رده واس له نو سه‌رده واس له نوو
خشه‌ێ وه‌ڵنگه هه‌م گژه‌ی واس له نوو
ئاشق له‌ێ فه‌سڵه خه‌م تيەێده‌و سه‌رێ
ماڵی ڕمنی وه‌ێ خه‌ێ له وه‌رێ
كه‌فێده‌و هيۊر به‌خت سزياگێ
وه‌ختێ نووڕيده به‌رگ رزياگێ
ئاێه‌م له پايز كه‌فێده پووسی
ته‌مه‌ناێ يارێ وه‌سوه‌سه‌ێ دووسێ
منيش له‌ی فه‌سڵه وه‌ێ كه‌فته وه‌رم
ئشق له لايا هات قوڕ گرته سه‌رم
ونه م له كوو ئی لاوه له كوو
ئی لافاو ڕه‌نج و عه‌زاوه له كوو
م سه‌رم له ناو ده‌رسو كتاويۊ
له ناو مه‌دره‌سه و مه‌خشو حساويۊ
تا يه‌ێ شه‌و ت چيۊ مانگو ستاره
هاتی ڕا ماڵ خاڵوو بەهاره
چيۊ خوه‌ر هاتيدو چيۊ ساێه چيده‌و
هاتی ئاگر بوه‌ی ئاگر كرديده‌و
ئاگر كرديده‌و له كيوره‌ی گيانم
گڕگ دای له ناو مەقز سقانم
داڵگم ديه‌د داڵگم فامی
مه ئشق چوه دێرێ بجز بەنامی؟
داڵگم فامی ژنه‌يل يه‌ك ناسن
حه‌تا ئه‌گر دڵ بكه‌ی وه ئاسن
له وه‌ولا كارم بيۊه شێر وه‌تن
تا رووژ نيشتنو تا رووژ نه‌خ...
🔸دکتر
#بهروز_یاسمی ▪️#شعر_کلهری_کوردی🌎🔺`•(]
@salam_bar_zarneh[)
