بانتهاء الدوام طلعنا من المدرسه وساجدة اصرت انو تمشيني مع اخوها وندهتلو وهو مشالله ما ردها كان سمير واقف حد بسام وعم يطلعو فينا وهيك بيساطه سلم عليي وضحكلي وبس خلص هاللقاء القصير سحبت حالي انا وفدوى ومشينا صفرلو بسام واشرلو بأيدو ودغري قطع الشارع وراح لعندن كفيت ع البيت ونحن عم نسرد حكي عن الامتحان الي ناطرنا .... .. صغيرة العشق ٥ التقيت ب ساجدة من اول لنهار وبعد ما صبحت عليي فاجئتني بكلامها ساجدة:ما بعرف من وين بدي بلش سالي:لك شوفي ساجدة:عنجد هزار بيعتذر منك كتير سالي:على شو ساجدة:ما كان يعرف انك بتخصي سمير عنجد هو اسف وكتير كمان ومبارح تفاجئ سالي:😣ليش مين خبرو ....قصدي شو هالحكي ساجدة:مبارح بسام وسمير دغري خبرو بس شافوه معنا يعني من اول الطريق وكتير هو ندمان والله سالي:😞لك على شو وبعدين انا ما بخص حدا لعمى من وين عم يألفو بسام وسمير هالحكي ساجدة:لاا مو تأليف ولو مانو الكلام صحيح ما كانو حكو ونصحو يبعد عنك سالي:امشي لكن ما بعرف افرح ولا ابكي بعد هالخبريه يعني شهر زمان وبنفضح بكل البلد ينعن عمري هدول واشين يا بدهن يخلوني مجنونه والاحلى من هيك كان واقف حد المدرسه دغري هو وجهاد وبسام كتير قريبين علينا ودغري نزلت عيوني لاني ما بحب جهاد يلتفت لشي بخصني وضليتني داخله للمدرسه مع عايدة وساجدة بس ما يخلو الامر من نظراتي الي كنت عم اسرقها غصب عني لاني بحب شوفو وبحب اتأملو لو للحظات بس كان مو مهتم كتير توقعت يكون كرمال جهاد ما يلاحظ... بالمقعد ساجدة كل شوي تسألني سمير وانتي من ايمتى يعني ما حدا بيعرف وبحياتي ما عرفت انو معجب بشي وحدة وهيك استغربت انو انتي من وين لوين وانا اسكت وعايدة تضحك بس على شو ما عرفت ما قبلت جاوب ابدن وغيرت الموضوع وحاولت قد مافيني اتهرب ما بدي صير علكه بتم البشر وبكرى الكلام من شخص لشخص بيوصل لاهلي ....بانتهاء الدوام كالعادة اطلعت مع اخر الطالبات انا وفدوى اول شي اطلعت ب محل سمير 😍كان ناطرني لحتى اطلعت وحدو الشباب كلهن بس قاعدة قدام المحل دغري وشكلهن شلة جديدة هي اول مرة بشوفهن ومن بين الحضور والي موجودين بالشارع نزل رجال من سيارة وندهلي سالي سالي:بااابا كتير انبسطت وقت شفتو صرلو غايب عننا سنتين بمشاكل اقامتو واليوم رجع وجاي ليشوفني وانا طالعه من المدرسه ضحكو عيوني بشوفتو واجى صوبي ودغري ركضت لعندو غمرتو وبوستو وهو حملني 😑كأني بنت صغيرة بابا:متغيرة يا روح البابا سالي:😂قصدك كبرانه بابا:وحليانه سالي:شو هالمفاجئه الحلوة الي ما توقعتها بابا:وصلت الساعه عشرة وما صبرت اكتر اجيت لشوفك وشوف احمد سالي:احمد نقولو مدرستو صارت بالبلد بابا:لكن منروح نجيبو بطريقنا ودعت الصبايا وانا عم لوحلهن بأيدي ومبتسمه واطلعت مع بابا .....طبعن بابا باين عليه اصغر من عمرو دوبو هلا على راسو كم شيبة وملامح وشو كلها هيبه ووقار يعني من النوع الجذاب وطبعن هو حاله خاصه بحياتنا كنت افتقدلو كتير لانو قضيت طفولتي بس مع ماما كان يسافر كل السنه ويرجع شهر او شهرين ونضل خجلانين منو ليسافر من فرحتي فيه نسيت كلشي اخدنا احمد من مدرستو وكمان انبسط وتفاجئ بالبيت الاجواء غير شكل وبس رجعت غيداء فرحت كتير تغدينا وضلينا بالساعات نحكي بأمور الدراسه البيت وسفرتو واول مرة من سنه بنسى سمير لساعات يعني ما فكرت فيه لانو كان كل وقتي معبيه بابا حكياتو ما بينشبع منهن وكان كل شوي يمزح معنا ويضحكنا وهو عم يحكيلنا كبرانين شو بتشربو 😂 والسهرة كانت ولا احلى من هيك ..... بالمدرسه كان حديث رفقاتي عن بابا اكلو راسي وهنن يحكولي مستحيل هاد اصغر عم من عمامك او اخوكي لكبير فرطوني ضحك وبالاخير فدوى اكدتلهن انو بابا طبعن المدرسه عبارة عن لفحات باللون الاحمر او جواكيت مو تاريه عيد الفلنتاين😂😂راح عن بالي فدوى كمان محتفله فيه ولابسه لفحه حمرا وطبعن الصبح المديرة القت علينا بهدلة كان مختصرها هي قله ادب ومافي اعياد وكل واحد محتفل فيه بكون اجدب وعلى نياتو ساجدة:شو بدها تغير مجرى التاريخ عايدة:بدنا نحتفل سالي:ماني شايفه شي عايدة:😂لابسه بلوزة حمرا ساجدة:😉يعدمني اياكي اي عايدة:يقبر قلبي بسام محضرلي هديه بتجنن ساجدة"وينها عايدة:مو هلأ لنهاية الدوام سالي:شو هي عايدة:مبارح لمحلي عليها ساجدة:كبيرة ولا صغيرة 😂 عايدة:ما بعرف ساجدة"😂ليكون حاطت حالو بعلبه بسام بيعملها عايدة:😂بسيطه يا زرافه ساجدة:وانتي سالي عايدة؛سالي ....ليش شبها ساجدة:شو محضرلها حبيب القلب سالي😨مين ساجدة:اب سمرا اكيد مزبطلك تشكيلة اغاني😂😂 سالي😒يعني اضحك انا عايدة:😂ابكي سالي:من وين لوين خليتوه يحبني بطلع من جيل بناتو يعني لو متزوج كان عندو بنت بتصغرتي بكم سنه ...شه