Смотреть в Telegram
🖤🥀🖤🥀🖤
🥀🖤🥀🖤
🖤🥀🖤
🥀🖤
🖤4⃣9⃣4⃣
ابنة الرئيس ....
@Real1_story
فهد غمض عينه: لا تبكين هديل ما أحب أسمع رجفة صوتك وحزنك .
هديل: متى رحلتكم ؟
فهد: على المغرب .
هديل: توعدني اول ما توصل تبلغني عسب استقبلك .
فهد: تأكدي من هالشيء لانك الوجه الأول الي ودي اشوفه انتي وسلمان ، كيف حاله ؟
هديل: حركته كثرت ربي يصلحه وكثير فاقدك دايم بلسانه بابا بابا .
فهد بلين قلب: ربي لا يحرمني منكم ، انتبهي له هديل .
هديل: بعيوني هو وأبوه .
فهد: ترى اذوب !
هديل: ههههه وين عمتي عنك ؟
فهد: نايمة تقوم على الظهر تقريبا .
هديل: وكيف نفسيتها ؟
فهد: نص ونص لكن الحمدلله بتتخطئ وتتحسن حالتها أكثر ، فكرة اني اخذها للعمرة وهي بهالحالة كان تسرع مني .
هديل: كان نفسها بالعمرة يا فهد ما يخالف انتو بكره راجعين بالسلامة
فهد بابتسامة : وحشني فيسك .
هديل بابتسامة متناسية كل احزانها: وحشني كلك .
فهد بتنهيدة: ردي سناب تكفين خليني اشوفك .
هديل: وي لا عيوني منفوخة .
فهد: شفتك بكل حالاتك يلا سناب فيديو .
بالجهة الثانية ..
كانت تناظر فيها من بعيد وهي تتكلم فيديو وتبتسم بخجل ، ابتسمت شموخ بشكل تلقائي .
سالم انتبه لها: بيوم من الأيام انا وانتي ان شاء الله.
شموخ بنفس ابتسامتها: يارب الخيره .
سالم: ربي يجعل فيك الخيره حتى لو ماكنتي ويهديك ويكتب لنا نصيب .
شموخ ضحكت بدلع عفوي ذاب قلبه
سالم: عشان نتفق لا تضحكين بهالطريقة إلا لي .
شموخ: ليه ؟
سالم بنظرات حالمة: جمالك نصفه بضحكتك والنصف الثاني بعصبيتك
شموخ: ههههههه بالله ؟
سالم : معك شك ؟
شموخ تغير الموضوع: خلص بيانات ألي قدامك والباقي عطني إياه .
سالم: حاضر يا نظامي .
-
ولاء: هذا بعد سهى .
سهى بصدمة: كثير الاوراق الي بنجزهم اليوم ولاء ! وش دعوة مافي الا انا بالمكتب ؟
ولاء: ذي اوامر الاستاذ أحمد يا سهى قال انك من يقدر على ترتيبها وتنسيقها بالتنسيق الصحيح .
سهى بقهر قامت: يعني كذا ! طيب طيب .
مسكت الاوراق واتجهت لمكتب الاستاذ أحمد
دخلت بعد ما دقت الباب وبدون ما تنتظر منه كلمة: ملف اليوم هايل ما اقدر انجزه اليوم .
أحمد: ليه ؟ صعب ! انتظره بكره الصبح اجل .
سهى: حتى بكره ما اقدر انا وراي ارتباطات وأشغال الملف الاول اقدر انجزه لكن هالملف كثير دسم ويبي له تدقيق وترتيب والملف هذا اسبوع طرحه مو هذا الاسبوع ! اسبوع ألي بعده .. ليه العجلة !
أحمد بقهر: ألتزامات ! ايش الالتزامات ذي يا استاذة .. التمشيات والسهرة ولقاء الحبايب .
سهى بإنفعال: مافي نصيب الرجال من درب وانا من درب .
أحمد وسعت عدسة عينه بفرحة : صدق ؟
سهى كملت: الالتزامات هي اهلي وناسي ما اقدر طول يومي ماسكه اللابتوب واراجع واجهز الملف !
أحمد ماقدر يمسك نفسه ابتسم ابتسانة عريضة: طبعا من حقك ، وابسط حقوقك بعد .
سهى استغربت تغير مزاجه ولينه وتفهمه وابتسامة !
أحمد انتبه لنظراتها ، وتغيرت بسمته لجديه: الاوراق ذي بتكون عندي انجزي اوراقك على اقل من مهلك ولاحقين على الملف هذا .
سهى ابتسمت بتلقائية ونزلت رأسها لتحت ..
أحمد خجل وارتبك وهو يلعب بالقلم بيده وهالشيء واضح عليه .
طلعت من مكتبه ..
ولاء وسعت عدسة عينها: بسم الله ! رحتي معصبة ورجعتي تبتسمين !
سهى تلاشت بسمتها: تذكرت موقف صار مع الأهل وكان مضحك .
ولاء: ضحكيني معك ؟
سهى: ودي ! بس الوقت ضيق واريد أخلص الأوراق ، يلا ع مكتبك .
ولاء: يمه منك ، طيب .
-
طلبت هوت شوكليت ..
وجلست بمقهى رايق وهادي كان يطل على الماره .. هاجر جالسة جنبها وتحتسي قهوتها : أنا معك إيلينا واتفهم كل ألي تمرين به ، لكن تذكري أنها فترة وبتزول لا تركزي فيها .. الاكتئاب بيروح منك .
هديل تنهدت: مو بس اكتئاب يا هاجر ، هي صدمة .. خذلان .. كسرة .
🖤 @Real1_story
🥀🖤
🖤🥀🖤
🥀🖤🥀🖤
🖤🥀🖤🥀🖤
Love Center - Dating, Friends & Matches, NY, LA, Dubai, Global
Бот для знакомств