Смотреть в Telegram
🖤🥀🖤🥀🖤
🥀🖤🥀🖤
🖤🥀🖤
🥀🖤
🖤4⃣9⃣3⃣
ابنة الرئيس ....
@Real1_story
ظافر بشفقة: دمرت نفسك بحقدك على أخوك عبدالرحمن وممتلكاته ، ماشفت الحزن بعيونك الا الفرحة لوفاتهم وقمت تلعب لعب .. لكن ربي جازاك على كل ريال أنت اخذته من غير وجه حق + ووراك ربي بولدك ومرتك الي قتلتها بيدك وصرت مجرم !
ابو جاسم حس بضعف ركبته وعيونه وهو يحس ان الدنيا صارت سوداء
ظافر دق له التحية وطلع من المكان وسط انهيار ابو جاسم وصراخه .
بهالوقت هديل اتصلت بظافر لكن ما رد عليها بالأخير هي راحت للمنتجع مع شهد
وانغمست بالشغل في لحظة دق الباب: تفضل .
فريدة دخلت: طال عمرك الاستاذ ظافر هنا .
هديل باندفاع: خليه يتفضل .
دخل ظافر قامت هديل ومدت يدها عشان يجلس
ظافر جلس: شكرا لك استاذة هديل .
هديل: كويس انك جيتك ، لو ما جيتني كنت جيتك انا وشهد .
ظافر: عارف ، عشان الأراضي .
هديل: وعشان توضح لي بعض المسائل الغير مفهومة .
ظافر: اسألي .
هديل: شفت أوراق موجودة بالخزنة وكأن عمي يتحرئ عني فيها كل بياناتي ومعلوماتي ، الاقي عندك اجابة ؟
ظافر: عمك عبدالله يمشي على نظام ما اوسخ يدي لكن ارسل احد للقتل ، الدكتور فهد اتهم بقضية القتل وعمك من عينه لقتلك ! ظنا منه ان فهد بيقتلك لكن ما فعل ، الغريب بالموضوع ان عمك يريدك على قيد الحياة عشان توقعين على تنازل تام لأملاكك لولده لكن اختربت خطته لما شاف حالة ولده في التدني فكان يريدك تكونين عنده وتوقعين على التنازل أو تهبين له كل املاكك لتكون لعمك عبدالله .. الصدمة لما عرف أنك حامل وبكذا خربتي عليه كل شيء .. لما كان وده يقتل ألي ببطنك قلت له اتركه بيكون بـ اسم ولدك والفلوس بترجع لك رغم كل شيء ، لانه بيشوف سلمان مثل ولده تماما .. لكن برضو ألي صار كان مختلف تماما ، أن ولدك كانت نسخة مصغرة عن ابوه وزاد كره وحقد .
هديل تستمع له بصمت محكم وبدون ردة فعل ..
ظافر كمل: يدري ان ولده عدائي وممكن يقتل ولدك بسبب دوافعه الشريرة والمخدرات ألي كان يستخدمها خلته شخصية عدائية وترغب بالقتل مثل الانسان يحتاج لشرب الماء ليعيش ! لكن تلف أعصاب جاسم كانت اكبر واكبر لذلك ولدك ما صابه ضرر ولله الحمد .
هديل لمعت عينها: كنت اسمع عن اليهود لكن ما كنت أظن انهم قراب ومن لحمي ودمي .
ظافر بآسى: ما رضيت للي صار لك استاذة هديل ، حتى بالمستشفى كنت ابعده عنك لكن كلما هو يزيد ويزيد .
هديل بغصة: نفسي اقابله واسأله ليه هذا كله ؟ ليه يكرهني ليه ضربني وهو يعرف ان ولده وصل للمرحلة ذي من الممنوعات والتقارير واضحة وكل شيء ، واني انا متزوجة ما لعبت بذيلي .
ظافر: ما كان يعرف بزواجك من الدكتور ابد هو كان يظن ان الدكتور انتقم منه من خلالك انتي + بحكم معرفتي فيه ما بيجاوبك ابد بيلف على دائرة انك انتي السبب .. البعثة كانت لك وهي بالأصل لا ! استاذة هديل في ناس معمية على قلبها قبل عينها ..ما نقدر نحسن نظرة الناس عنا ولا نجبرهم على محبتنا ابد ، عمك وزوجته ربي اعطاهم على قد نواياهم تماما " وقام " تقدرين توكلين محامي بخصوص املاكك واملاك الاستاذة شهد .
هديل وهي تشوفه يمشي عند الباب: ظافر ، وفاء كانت تدري انه ينوي قتلي بـ اسبانيا ؟
ظافر بدون ما يلتفت بلع ريقه: عمك ما يقدر يدخل الخيط بالأبرة إلا وهي معها علم فيه ، هذا إذا ما كانت هي صاحبة الفكرة من اصل .
وطلع من المكتب ، هديل بفك يرجف نزلت دموعها وضمت وجها حست برجفة بجسمها وهي تشوف قدام عينها تسلسل الأحداث للي دبرها عمها وزوجته لاذيتها وقتلها بوحشية وان كيف ربي انجاها رغم كل ذه وما اصابها خدش واحد
ضمت نفسها وهي تتذكر الحديث وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ
بعد عناء قدرت توقف على رجلها وتطلع من مكتبها بسبب ضيقة التنفس
طلعت برا قريب من المقهى ويدها على فمها تكبح ذاتها إلا برنه جوالها ردت بدون ما تقرأ : الو
فهد بشوق: يالبى ألوك ، وحشتيني قد الدنيا هدولتي كيف حالك عساك بخير ؟
هديل تحاول تخفي دموعها وبصوت مخنوق: بخير وعلومك؟ اعتمرتوا ؟
فهد عقد حاجبه بقلق: هديل حبيبي انتي يخير ؟ صوتك مو عاجبني .
هديل ضمت شفتها لجوا : انا بخير بس مشتاقه لك .. بجد مشتاقه وخاطري اضمك .
فهد بحنين: هديل .. بتقولين لي وش فيك ؟
هديل حست بدفئ قلبها من إحساسه ومعرفته انها تبكي من شيء ثاني
فهد كمل: لو ما تتكلمين الان بشوف اي حجز مستعجل اخذه واجيك على أول رحلة.
هديل اخذت نفس عميق : فقدت ماكسيمو لا أكثر .. ما يصير؟ كنت ماسكه الجوال وأشوف صورنا بـ اسبانيا .
Love Center - Dating, Friends & Matches, NY, LA, Dubai, Global
Бот для знакомств