🖤🥀🖤🥀🖤 🥀🖤🥀🖤 🖤🥀🖤 🥀🖤 🖤4⃣9⃣0⃣ ابنة الرئيس .... @Real1_story سهى دخلت وسكرت الباب: استدعيتني استاذ أحمد . أحمد : سمعت بخبر خطبتك . سهى بإحراج تناظره أحمد بصرامة: هنا شغل استاذة سهى ! مو جمعة نسوان وترغي بسوالف مالها داعي . سهى استغربت حدته وصرامته أحمد كمل: اتمنى هالشيء ما يتكرر بعد كتب كتابك . سهى نزلت رأسها بخجل: اعتذر منك استاذ أحمد احمد بقهر: لو هالشيء يصدر من اي موظف بيكون متوقع لكن منك انتي ! صدق غلطة الشاطر بعشر ، اتمنى هالشيء ما يتكرر . سهى: اسفة استاذ . أحمد جلس وعدل شماغه: خلصتي الاوراق ألي قلت لك عنها . سهى بذهول: اعطتني إياها الاستاذة ولاء من ساعة بس ! احمد: بالضبط هذا المقصد بسبب الخبر الحصري هذا منعك من أداء وظايف المكتب ، انقلب الدوام لمجلس هرج ومرج . سهى ناظرته بصمت وهي تشوف ملامح وجهه المنفعلة " ايش سالفته ؟ ليه معصب ؟ كان يعطيني اوراق وانهيها له اليوم الثاني ويشكر سرعتي والآن يطالبني بالأوراق وهي ماخذت الا ساعة ! " أحمد ضم يده وبحده: تقدرين تنصرفين ، واتوقع الاوراق تكون جاهزة ومطبوعه بنهاية الدوام . سهى نزلت رأسها وطلعت - كانت ترتب ملابسها وتحطها بالدولاب سهى: اي وش تفسيرك للي يصير يا هديل ؟ هديل تضبط الملابس: غيرة . سهى ضربت بيدها: توقعت هالشيء . هديل: وجايتني دايركت عشان تسأليني هالسؤال !؟ سهى: ادري مشغولة ترتبين البيت لكن انا جيت عشان اسلم ابنك لأني أخذته من شهد . هديل بضحكة: لا ما قصدت كذا ، قصدي دامك واثقة ليه حايه تسأليني كنتي جيتي وقلتي فقدتك وحشتيني يلا نجلس سوا . سهى بإحراج: سامحيني .. بس المشرف نشف ريقي هاليومين ماصدقت بجيتك الا وأنا عندك . هديل قطت ألي بيدها: بخلص شغلي بعدين ، تعالي نجلس بالصالة دام فهد عند أهله . انتقلت معها لصالة وقدمت لها شاي: بقضي اليوم او بكره وادلعك بكل شيء ، لان الثلاجة فضيتها بسبب السفر . سهى: عموما انا اخضع لدايت ما بشرب الا الشاي فقط . هديل: برافو سهى واضح انك نحفتي ووزنك كذا ممتاز ، لان زيادتك ماكانت فضيعة . سهى: فديتك وفديت دعمك . هديل عدلت جلستها: كلميني أخبار الخطيب ؟ سهى: جلست معه وسألني اساله ما ارتحت لها أبد هديل . هديل بإهتمام: ايش هي ؟ سهى: هل معي علاقة حب بشاب ! شوي طلب مني حساباتي بالسوشيال ميديا ورقمهم السري ! هديل: يوه سهى وانتي وش رديتي ؟ سهى: وضحت له ان هذا الشيء خاص واني ما اقدر اشاركك خصوصياتي ، أخذ موقف وزعل ! متصـورة وهذا تو لنا 4 ايام من التعارف . هديل: وايش رأيك ؟ سهى: بدون تفكير بترك له رسالة بعدم الموافقة ، لأن بعد الزواج بنتخانق على وظيفتي الي فيها اختلاط وهو مايعجبه هالشيء واضح انه شكاك بعد. وغيور غيرة مالها داعي . هديل: لو استمريتي معه بيسألك عن راتبك والبطاقة بتكون بيده مو بيدك حتشوفين ، كويس قرارك صحيح شيء تحسي فيه بعدم توافق او انسجام او عدم راحة ذي رسالة انك تبتعدي . سهى عضت شفتها بتفكير: تعتقدي امي بتزعل لو رفضته ؟ هديل: دام في اسباب مابتزعل اكيد وحتشوفين ، اميمتك ناضجة وفاهمة واكيد مابترضى لك بزوج زي كذا ، اخذي ألي يشبهك من البداية سهى ْ بالاخير مش مهم متى نتزوج الاهم من نتزوج . سهى تنهدت براحة واحتضنتها: اعشـــقك . هديل تناظرها بنص عين: حتى الحمدلله على السلامة مافيه . سهى: قليلة ذوق معليش ، الحمدلله على سلامتك يا صديقتي الصدوقه . هديل: الله يسلمك " سكتت شوي " وأخبار عمتي فاطمة ؟ سهى: والله يا هديل متضايقة وكثير تشتكي ، تدرين لما قلتي انك مابتروحين معها لمكة فرحت ! اسفة مو قصدي . هديل قاطعتها: كنت حاسه يا سهى اصلا ما يحتاج تبررين واضح اني خلاص صرت من العدوين . سهى: مرت عمي ما تميز احد عن احد من كناتها لكن لو لمست لو شيء بسيط يضر عيالها تنقلب وحش ، ماكانت كذا إلا لما ماتت ندى ربي يرحمها . هديل: الإنسان يتغير كثير يا سهى بمرور الوقت والكبر له دور برضو ، انا متفهمتها كثير . سهى: هذا ازين ما فيك أنك تعذرين دايركت . الا برنة جوالها ردت: هلا يمه .. أي انا عندها برجع الآن تمام ربي معك " قفلت الخط وقامت " يلا أجل بقوم على البيت وببلغك وش بيصير بعد الرفض . هديل وصلتها لعند الباب ثم قامت مع الخادمة تنظف البيت وتحط ملابسها وملابس فهد بالغسالة . . . بعدها أخذت دوش منعش كامل جسمها #يتـــــــــــــــــــــــــــبع 🖤 @Real1_story 🥀🖤 🖤🥀🖤 🥀🖤🥀🖤 🖤🥀🖤🥀🖤