❤️ وشآءت الأقدار ❤️ بارت 106 ثاني يوم بعد العصر ... في بيت ابو أحمد 🏠 سلاف : بعد ماروحت هي وأحمد من خارج شلها من بيتهم يخرجوا يصتبحوا إتصلت للشيخ بعد ماخرج من عندها وسمعت رأيه ..جلست مطننه محتاره 🤔 بتفكر في الموضوع من كل النواحي مسكت تلفونها 📱 وإتصلت لمريم ... مريم : مرجومه فوق السرير 🛌🏻 هالكه بعد التنظيف حق الحفله .. حيا بسلافي سلاف : جلست في الأرض وارتزحت عرض السرير 🛏️ هيا كيف عروستنا اليوم .. مريم : هالكه شاموت بعد التنظيف 😅 وبدون نوم أمس حمزه اتصلي ولارضي يقفل جلسنا نتكلم للصبح .. سلاف : أممممم 🫢 مريم إشتي أحاكيش الصدق قدنا محتاره قوي بس مادريت كيف أتصرف .. مريم : صحصحت خيير مالش 😳.. سلاف : ضحكت هههه 😂 مالش افتجعتي هكذا .. صلِ ع النبي اشتي أحاكيش بخصوصي انا وأحمد هذه الفتره قد مشاعري تجاهه مختلفه قوي وبتحكي لها ... مريم : ياسلاااااام 😍 حركات ايووه وليش محتاره حاكيه .. سلاف : ناهي إسمعي ياحاكيه .. اتصلت لشيخ أساله واحكي له وإذا هكذا حرام عليا والا لا والميت عيزعل مني وأعتبر خاينه له او لا ... مريم : أيووه وماقلش ؟؟؟ سلاف : صيح فوقي قوي 😅 قلي أنتي غاضبه ع حكم الله الموت هو حق الله هو اللي اداه وهو اللي شله لو تصلي وتصومي لما تقلي بس وأنتي معترضه ع قراره وغاضبه هكذا ماعينفعش بتعذبي الميت حقش وهو بيحس فيش ومش مخليه له يرتاح في قبره بسبب حزنش عليه وزوجش هذا ايش ذنبه يتحملش هذا ابن ناس لو واحد غيره انه ماقبل من أصله أنتي مآثمه وعتدخلي النار وجلس يدي لي أحاديث وكلام خيرات وقلي معي حل من الاثنين أفلته وأرجع بيتنا أو أقبل أكون زوجته .. مريم : أيوه وأنتي ماقررتي 🤔... سلاف : يامريم محتاره الصدق مشتيش أرجع بيتنا ماعد أتخيلش يومي يمر بدون ما اشوفه فيه 😅 وفي نفس الوقت مدري كيف أعترف له إن انا بين احبه الصدق ماقد فيش عندي شجاعه كافيه ... مريم : ضحكت هههه 😂 فدديت اللي عادها بتخزا طيب لاتقليش له ادي له فرصه بس ولاتكون تصروعيه وحسسيه انش مهتمه فيه ... سلاف : خزيت 🥰 أصلا هذه الفتره ماعد بين اقدرش أصروعه تلقائيا قدنا أضحك والا أسكت ... مريم : فددديته فدديته اللي بيخزا ويضحك 🥰 قلت لش ياسلاف أحمد بيحبش لاتسخيش عليه ولاتضيعيه من يدش وإكسري الحواجز بينكم وهو عيفهم انش بتحبيه .. سلاف : عادي لو طلبت منه يشلني بكره أزور خالد ... مريم : بهنجمه 😠 ماقلنا عادحنا بنقل تتقربي منه مش تبعديه .. سلاف : أشتي أريح قلبي ❤️ وأتكلم مع خالد وبعدها أوعدش إن انا شتغير مع أحمد .. مريم : خلاص تمام إذا هذا الشي عيريحش .... ....... ......... ........ في الشارع .. فوق سيارته 🚗 .. غسان : جالس يلوي هو وصاحبه وحسه عند سلا كل شويه ويفتح تلفونه 📱 يشوف إذا ردت عليه ... صاحبه : هيا ماله اليوم في عالم ثاني كأنه حسك مش عندك ... غسان : الصدق يا أخوك قلبي ❤️ عند واحده وتقدمت لها وهي رافضه والمشكله حسيت أبوها مرتاح لي قوي وهي مش راضيه ياريت قالت لي انها رافضه لي شخصيا هي رافضه مبدأ الزواج تشتي تكمل دراستها يعني مش سبب مقنع خاصه ان انا ماقد اشتيش عرس الإ لما تكمل دراستها ... صاحبه : ااآها .. طيب يمكن البنت محرجه منك ومن أهلها وفي قلبها شخص ثاني بتحبه ❤️ ومدام عادها تشتي تكمل دراستها يمكن مراعيه يخلص هو كمان وبتتعذر بهذا العذر مدام وأنت قلت موافق تكمل دراستها ... غسان : طنن 🤔بتحب واحد ثاني .. ما أعتقدش هي صاحبه أختي أكيد عتحكي لها .. صاحبه : مش شرط إنها تحكي لها يمكن محتفظه بالموضوع بينها وبين نفسها .. لو تشتي نصيحه أخوك حاول تكلمها دايركت وتفهم منها اذا البنت طلعت مرتبطه وبتحب أحد ❤️ خلاص لاتتعب نفسك واذا سبب رفضها مختلف حاول تتفاهم معاها ولو هي نصيبك الله عيسهل لك مافيه الخير ... 🌹meme_abdalgaleel @qesasanani