Sherif Salama _ تغذية صحية
👇👇الشوفان ككارب معقد ممتاز
👌. بس قولي كدة اخبار جسمك معاه ايه.
◀️في حد الشوفان روعة ليه وبيشبعه وبيمده بالطاقة
◀️. واحد تاني الشوفان بيجوعه جداا.
◀️واحد تالت الشوفان مش مريح لمعدته .
◀️ واحد رابع الشوفان بيزودله نشاطه المناعي
سيبك من كلام الناس والسوشيال ميديا عليه. المهم هو مفيد لجسمك وبيريحك ولا.. لا.
..مش لازم تاكل شوفان
..ومش لازم تاكل رايس كيك
..ومش لازم تاكل زبدة فول سوداني
..ومش المفروض تاكل بار بروتين ولا بافس
..مش لازم تفطر.
..المفروض متاكلش بليل.
..المفروض اوزن اكلي وامشي بميزان
..المفروض احسب سعراتي وامشي بأله حاسبة
..مش المفروض اكل زبادي بالليمون زي الاعلامية ما بتقول
..المفروض الاكل ده بيتخن انت ليه بتاكله
.. المفروض الدايت الصح بيبدأ السبت.
..المفروض الكيتو مفهوش فاكهة الا نوعين ثلاثة
وعندما اعمل حاجة مخالفة لكل المفروضات ده كلها او القيود ده كلها احس بالذنب . واضايق
واقول لنفسي انت ازاي عملت كدة. انا وحش انا مش هنجح.
والناس هتقول عليا ايه.
الخ الخ الخ الخ الخ
✅هو اصلا مين اللي حط المفروضات ده كله
✅هو اصلا مين اللي عمل كل القيود الدخيله في حياتنا
✅هو مين اللي حط اللوازم ده كلها.
✅ وهو مين اللي عمل القوانين ده كلها
وبمجرد ما بنخالفها. بنحس بتأنيب الضمير والذنب وعاوزين نكفر عن الذنب ده
هو مين اللي عمل فينا كدة اصلاا
ستك او جدك عايشين زمان وزي الفل.
👌كل ده. دمر علاقتنا بالاكل. وخلي الاكل مصدد stress
كبير ودخلنا في اكل عاطفي
😭 👏صحيت الصبح. لقيت نفسك شبعان. متفطرش
👏صحيت الصبح لقيت نفسك جعان يعني بطنك بتصوصو وجعان مش عاوز تفطر علشان ده ميعاد الفطار
افطر.
👏انا البيض بالخضار ومعاه موزة. بيشبعني جداا وبيديني طاقة وانا بحبه. افطرة عادي مادام انا محتاج ده مثلاا يعني
البيض المسلوق بيجوعني. بلاها بيض مسلوق مثلا
👌انت اكتر حد علي دراية بجسمك وفاهمه. اتواصل مع جسمك شوية اديله ربع ساعة في اليوم. دقيقة قبل الاكل بس وافهم جسمك واتواصل معاها.
👌احنا مش هنفضل مدي حياتنا عاملين دايت
👌محتاجين نتحدي كل الاصوات والافكار والقوانين اللي في دماغنا. اللي بتقولنا. لازم والمفروض(اللي سببها السوشيال ميديا والمشاهير والبلوجر والانستجرام. وافكار اللي تعلمناها إثناء الدايت .. )
✅دعونا نتحرر من القوانين والمفروض واللازم
محتاجين نكسر الاصنام
✅#التغذية_الحدسية✅تحدي شرطة الطعام
👮 #Health_coaching ✅#رشاقة
